شي جينپيڭ جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى جىكتەگىلەر كەڭەسىنە قاتىناستى ءارى ارقاۋ ءسوز سويلەدى

ساي چي كەڭەسكە قاتىناستى

2023.03.16 19:19 كەلۋ قاينارى : حالىق تورابى

3 - ايدىڭ 15 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدە جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى جىكتەگىلەر كەڭەسىنە قاتىناستى ءارى «وسىزامانداندىرۋ جولىمەن قول ۇستاسىپ بىرگە جۇرەيىك» دەگەن تاقىرىپتا ارقاۋ ءسوز سويلەدى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

　　■ وسىزامانداندىرۋ جونىندەگى ءبىرقىدىرۋ سۇراۋعا ءدوپ كەلگەندە، ساياسي پارتيالار وسىزامانداندىرۋ اياق الىسىنا جەتەكشىلىك ەتەتىن جانە ونى ىلگەرىلەتەتىن ماڭىزدى كۇش رەتىندە جاۋاپ بەرۋگە مىندەتتى. جۇڭگو كوممۋنيستىك پارتياسى ءوز تاعدىرىن باستان - اياق ءار ەل حالقىنىڭ تاعدىرىمەن تىعىز بايلانىستىرىپ، جۇڭگو ۇلگىسىندەگى وسىزامانداندىرۋدىڭ جاڭا تابىستارى ارقىلى دۇنيە ءجۇزىنىڭ دامۋىنا جاڭا وراي ازىرلەپ، ادامزاتتىڭ وسىزامانداندىرۋ جولى جونىندەگى ىزدەنىسىنە تىڭنان دەم بەرىپ، ادامزات قوعامىنىڭ وسىزامانداندىرۋ نازارياسى مەن امالياتىندا جاڭالىق اشۋعا تىڭ ۇلەس قوسادى

　　■ مىناداي بەس ءتۇرلى قۋاتتامانى العا قويدى: حالىقتى بارىنەن جوعارى قويۋ تانىمىندا تاباندى بولىپ، وسىزامانداندىرۋ باعىتىنىڭ حالىقتىق سيپاتىن كورنەكتىلەندىرۋ؛ دەربەس، ءوز - وزىنە قوجا بولۋ پرينسيبىن ۇستانىپ، وسىزامانداندىرۋ جولىنىڭ الۋان تۇرلىلىگىن قاراستىرۋ؛ تۋراشىلدىقتان تايماي، جاڭالىق جاراتۋ تانىمىن ورناتىپ، وسىزامانداندىرۋ اياق الىسىنىڭ باياندىلىعىن ساقتاۋ؛ وزگەنى كوڭىل تۇكپىرىنە قويۋ رۋحۋىن اسقاقتاتىپ، وسىزامانداندىرۋ تابىسىنىڭ جالپىعا تيىمدىلىگىن كۇشەيتۋ؛ قايراتتانا العا ۇمتىلۋ بەينەسىن ساقتاپ، وسىزامانداندىرۋعا باسشىلىق ەتۋدىڭ تۇراقتىلىعىنا شىنايى كەپىلدىك ەتۋ كەرەك

　　■ وسىزامانداندىرۋدى جۇزەگە اسىرۋ − تاياۋ زاماننان بەرگى جۇڭگو حالقىنىڭ كۇرەس جۇرگىزۋگە بەل بايلاپ كەلگەن ارمانى. جۇڭگو كوممۋنيستىك پارتياسىنىڭ 100 جىلدان استام ۋاقىتتان بەرى جۇڭگو حالقىن ىنتىماقتاستىرىپ جانە باستاپ، ۇلتتىڭ گۇلدەنۋىنە تالپىنعان تاريحى دا − وسىزامانداندىرۋ جولىن ۇزدىكسىز قاراستىرعان تاريح. نەشە ۇرپاق ادامداردىڭ قاجىماي - تالماي قۇلشىنۋى ارقىلى ءبىز جۇڭگو ۇلگىسىندەگى وسىزامانداندىرۋ جولىمەن جۇردىك. جۇڭگو ۇلگىسىندەگى وسىزامانداندىرۋ ءارى ءوز مەملەكەت جاعدايىمىزدى نەگىز ەتەدى، ءارى ءار ەلدىڭ تاجىريبەسىنەن ۇلگى الادى، ءارى تاريحي مادەنيەتكە مۇراگەرلىك ەتەدى، ءارى وسى زامانعى وركەنيەتتى توعىستىرادى، ءارى جۇڭگو حالقىنا باقىت جاراتادى، ءارى دۇنيە ءجۇزىنىڭ ورتاق دامۋىن جەبەيدى، بۇل − ءبىزدىڭ قۇدىرەتتى ەل قۇرۋىمىزدىڭ، ۇلتتى گۇلدەندىرۋىمىزدىڭ داڭعىل جولى ءارى جۇڭگونىڭ ادامزاتتىڭ العا باسۋىنا، دۇنيە ءجۇزىنىڭ ۇلى بىرلىگىنە تالپىنۋىندا، ءسوز جوق، باسىپ وتەتىن جولى

　　■ جۇڭگو كوممۋنيستىك پارتياسى ساپالى دامۋدى ىلگەرىلەتۋگە كۇش سالىپ، دۇنيە ءجۇزىنىڭ دامۋىن، گۇلدەنۋىن جەبەيدى. جۇڭگو كوممۋنيستىك پارتياسى حالىقارالىق ادىلدىكتى، تۋراشىلدىقتى قورعاۋعا، دۇنيە ءجۇزىنىڭ بەيبىتشىلىگىن، ورنىقتىلىعىن جەبەۋگە كۇش سالادى. جۇڭگو كوممۋنيستىك پارتياسى وركەنيەتتەردىڭ اۋىس - كۇيىسىن، ءوزارا ۇلگى الۋىن ىلگەرىلەتۋگە كۇش سالىپ، ادامزات وركەنيەتىنىڭ العا باسۋىن جەبەيدى

　　■ ءار ەلدىڭ بولاشاعى مەن تاعدىرى تىعىز بايلانىسقان بۇگىنگى تاڭدا، تۇرلىشە وركەنيەتتەردىڭ سيىسىمدى بولۋى، اۋىس - كۇيىس جاساپ، ءوزارا ۇلگى الۋى ادامزات قوعامىنىڭ وسىزاماندانۋ اياق الىسىن ىلگەرىلەتۋدە، دۇنيە ءجۇزى وركەنيەت باقشاسىن گۇلدەندىرۋدە ورنىن وگەيسىتۋگە بولمايتىن رول اتقارادى. وسىعان بايلانىستى دۇنيە جۇزىلىك وركەنيەت باستاماسىن العا قويدى: ءبىز دۇنيە ءجۇزى وركەنيەتىنىڭ الۋان تۇرلىلىگىنە قۇرمەت ەتۋدى بىرگە دارىپتەپ، وركەنيەتتىڭ تەپە - تەڭدىگىندە، ءوزارا ۇلگى الۋىندا، تىلدەسۋىندە، سيىسىمدىلىعىندا تاباندى بولىپ، وركەنيەتتەر اۋىس - كۇيىسى ارقىلى وركەنيەتتەر كىربەڭدىگىنەن، وركەنيەتتەردىڭ ءوزارا ۇلگى الۋى ارقىلى وركەنيەتتەر قاقتىعىسىنان، وركەنيەتتەردىڭ سيىسىمدى بولۋى ارقىلى وركەنيەت ۇستەمدىگىنەن اۋلاق بولۋىمىز كەرەك. ءبىز بۇكىل ادامزاتتىڭ ورتاق قۇنىن ساۋلەلەندىرۋدى بىرگە دارىپتەۋىمىز كەرەك، بەيبىتشىلىك، دامۋ، ادىلدىك، ادىلەتتىلىك، دەموكراتيا، ەركىندىك − ءار ەل حالقىنىڭ ورتاق تالپىنىسى، تۇرلىشە وركەنيەتتىڭ قۇن مازمۇنى جونىندەگى تانىمىن كەڭ پەيىلمەن ءتۇسىنۋىمىز، ءوزىمىزدىڭ قۇن كوزقاراسىمىز بەن ۇلگىمىزدى باسقالارعا زورلاپ تاڭباۋىمىز، يدەولوگيادا قارسىلاسپاۋىمىز كەرەك. ءبىز وركەنيەتكە مۇراگەرلىك ەتۋگە جانە جاڭالىق اشۋعا ءمان بەرۋدى بىرگە دارىپتەپ، ءار ەلدىڭ تاريحي مادەنيەتىنىڭ داۋىرلىك قۇنىن تولىق اشىپ، ءار ەلدىڭ تاڭداۋلى ءداستۇرلى مادەنيەتىنىڭ وسىزاماندانۋ بارىسىندا جاسامپازدىقپەن تۇرلەنۋىن، جاسامپازدىقپەن دامۋىن ىلگەرىلەتۋىمىز كەرەك. ءبىز حالىقارالىق گۋمانيتارلىق اۋىس - كۇيىستى، سەلبەستىكتى كۇشەيتۋدى بىرگە دارىپتەپ، دۇنيە جۇزىلىك وركەنيەتتەردىڭ تىلدەسۋ، سەلبەسۋ تورابىن ورناتۋ جونىندە ىزدەنىس جاساپ، اۋىس - كۇيىس مازمۇنىن بايىتىپ، سەلبەستىك ارناسىن كەڭەيتىپ، ءار ەل حالقىنىڭ ءوزارا ءتۇسىنىسۋىن، ەتەنە بولۋىن جەبەپ، ادامزات وركەنيەتىنىڭ دامۋىن، العا باسۋىن بىرگە ىلگەرىلەتۋىمىز كەرەك

　　■ جۇڭگو كوممۋنيستىك پارتياسى ساياسي پارتيالاردىڭ اۋىس - كۇيىسىن، سەلبەستىگىن كۇشەيتۋگە كۇش سالىپ، دۇنيە ءجۇزىنىڭ داڭعىل جولىن قول ۇستاسا بىرگە اشادى. ءار ەلدىڭ ساياسي پارتيالارىمەن جانە ساياسي ۇيىمدارىمەن بارىس - كەلىستى تەرەڭدەتىپ، ۇستانىمداردىڭ توعىسۋ ءتۇيىنىن، مۇددەلەردىڭ توعىسۋ ءتۇيىنىن ۇزدىكسىز كەڭەيتىپ، جاڭاشا ساياسي پارتيالار قارىم - قاتىناسىن ورناتۋ ارقىلى جاڭاشا حالىقارالىق قارىم - قاتىناستى ورناتۋعا دەم بەرىپ، دۇنيە جۇزىلىك ساياسي پارتيالاردىڭ سەرىكتەستىك قارىم - قاتىناسىن بەكەمدەۋ جانە كەمەلدەندىرۋ ارقىلى دۇنيە جۇزىلىك سەرىكتەستىك قارىم - قاتىناسىن تەرەڭدەتۋگە دەم بەرۋدى قالايدى. جۇڭگو كوممۋنيستىك پارتياسى ءار ەلدىڭ ساياسي پارتيالارىمەن جانە ساياسي ۇيىمدارىمەن بىرگە پارتيانى، مەملەكەتتى جونگە سالۋ تاجىريبەلەرىن اۋىستىرىپ، وسىزامانداندىرۋ جولىمەن قول ۇستاسىپ بىرگە ءجۇرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ داڭعىل جولىندا ارشىندى قاداممەن العا باسۋدى قالايدى

　　■ ادامزات قوعامىن وسىزامانداندىرۋ ساپارىنىڭ بۇراڭدىقتاردان اۋلاق بولۋى قيىن، ءبىراق بولاشاعى تۇبىندە نۇرلى بولادى. جۇڭگو كوممۋنيستىك پارتياسى ءار جاقپەن بىرگە قۇلشىنىپ، وزىندىك ەرەكشەلىككە يە وسىزامانداندىرۋ ىستەرىن دۇنيە ءجۇزىنىڭ گۇلدەنىپ - كوركەيۋىن، العا باسۋىن ىلگەرىلەتەتىن ءداۋىر تولقىنىنا اينالدىرىپ، تاريحتىڭ شالقار كوشىندە دۇبىرلەتە العا باسىپ، باياندى دامۋدى قالايدى

　　«حالىق گازەتى»، 3 - ايدىڭ 15 - كۇنى، بەيجيڭ (ءتىلشى ۋاڭ دي). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 3 - ايدىڭ 15 - كۇنى بەيجيڭدە جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى جىكتەگىلەر كەڭەسىنە قاتىناستى ءارى «وسىزامانداندىرۋ جولىمەن قول ۇستاسىپ بىرگە جۇرەيىك» دەگەن تاقىرىپتا ارقاۋ ءسوز سويلەدى (ءسوزدىڭ تولىق ءماتىنىن «حالىق گازەتىنىڭ» 2 – بەتىنەن وقي الاسىزدار). ول مىنالاردى دارىپتەدى: وسىزامانداندىرۋ جونىندەگى ءبىرقىدىرۋ سۇراۋعا ءدوپ كەلگەندە، ساياسي پارتيالار وسىزامانداندىرۋ اياق الىسىنا جەتەكشىلىك ەتەتىن جانە ونى ىلگەرىلەتەتىن ماڭىزدى كۇش رەتىندە جاۋاپ بەرۋگە مىندەتتى. جۇڭگو كوممۋنيستىك پارتياسى ءوز تاعدىرىن باستان - اياق ءار ەل حالقىنىڭ تاعدىرىمەن تىعىز بايلانىستىرىپ، جۇڭگو ۇلگىسىندەگى وسىزامانداندىرۋدىڭ جاڭا تابىستارى ارقىلى دۇنيە ءجۇزىنىڭ دامۋىنا جاڭا وراي ازىرلەپ، ادامزاتتىڭ وسىزامانداندىرۋ جولى جونىندەگى ىزدەنىسىنە تىڭنان دەم بەرىپ، ادامزات قوعامىنىڭ وسىزامانداندىرۋ نازارياسى مەن امالياتىندا جاڭالىق اشۋعا تىڭ ۇلەس قوسادى.

　　شي جينپيڭ بىلاي دەپ دارىپتەدى: ادامزات قوعامى دامۋ اياق الىسىندا بۇرالاڭ جولداردى باسىپ، تولقىندى جىلداردى باستان كەشىرىپ كەلەدى، ءار ەلدىڭ وسىزامانداندىرۋ جولىن قاراستىرۋ بارىسى ماشاقاتقا تولى. بۇگىنگى دۇنيە جۇزىندە كوپتەگەن سىن - سايىس پەن داعدارىستار ارالاسىپ، قاباتتاسىپ، دۇنيە ءجۇزى ەكونوميكاسىنىڭ قالپىنا كەلۋى قيىنعا سوعىپ، دامۋ جىلعاسى ۇزدىكسىز كەڭەيىپ، ەكولوگيالىق ورتا ۇزدىكسىز ناشارلاپ، قىرعي قاباقتىق وي تۇمانى تورلاپ، ادامزات قوعامىنىڭ وسىزاماندانۋ اياق الىسى تاريحتىڭ جول ايرىعىنا تاعى ءبىر رەت كەلدى. وسىعان بايلانىستى ول مىناداي بەس ءتۇرلى قۋاتتامانى العا قويدى: حالىقتى بارىنەن جوعارى قويۋ تانىمىندا تاباندى بولىپ، وسىزامانداندىرۋ باعىتىنىڭ حالىقتىق سيپاتىن كورنەكتىلەندىرۋ؛ دەربەس، ءوز - وزىنە قوجا بولۋ پرينسيبىن ۇستانىپ، وسىزامانداندىرۋ جولىنىڭ الۋان تۇرلىلىگىن قاراستىرۋ؛ تۋراشىلدىقتان تايماي، جاڭالىق جاراتۋ تانىمىن ورناتىپ، وسىزامانداندىرۋ اياق الىسىنىڭ باياندىلىعىن ساقتاۋ؛ وزگەنى كوڭىل تۇكپىرىنە قويۋ رۋحۋىن اسقاقتاتىپ، وسىزامانداندىرۋ تابىسىنىڭ جالپىعا تيىمدىلىگىن كۇشەيتۋ؛ قايراتتانا العا ۇمتىلۋ بەينەسىن ساقتاپ، وسىزامانداندىرۋعا باسشىلىق ەتۋدىڭ تۇراقتىلىعىنا شىنايى كەپىلدىك ەتۋ كەرەك.

　　شي جينپيڭ مىنالاردى اتاپ كورسەتتى: وسىزامانداندىرۋدى جۇزەگە اسىرۋ − تاياۋ زاماننان بەرگى جۇڭگو حالقىنىڭ كۇرەس جۇرگىزۋگە بەل بايلاپ كەلگەن ارمانى. جۇڭگو كوممۋنيستىك پارتياسىنىڭ 100 جىلدان استام ۋاقىتتان بەرى جۇڭگو حالقىن ىنتىماقتاستىرىپ جانە باستاپ، ۇلتتىڭ گۇلدەنۋىنە تالپىنعان تاريحى دا − وسىزامانداندىرۋ جولىن ۇزدىكسىز قاراستىرعان تاريح. نەشە ۇرپاق ادامداردىڭ قاجىماي - تالماي قۇلشىنۋى ارقىلى ءبىز جۇڭگو ۇلگىسىندەگى وسىزامانداندىرۋ جولىمەن جۇردىك. جۇڭگو ۇلگىسىندەگى وسىزامانداندىرۋ ءارى ءوز مەملەكەت جاعدايىمىزدى نەگىز ەتەدى، ءارى ءار ەلدىڭ تاجىريبەسىنەن ۇلگى الادى، ءارى تاريحي مادەنيەتكە مۇراگەرلىك ەتەدى، ءارى وسى زامانعى وركەنيەتتى توعىستىرادى، ءارى جۇڭگو حالقىنا باقىت جاراتادى، ءارى دۇنيە ءجۇزىنىڭ ورتاق دامۋىن جەبەيدى، بۇل − ءبىزدىڭ قۇدىرەتتى ەل قۇرۋىمىزدىڭ، ۇلتتى گۇلدەندىرۋىمىزدىڭ داڭعىل جولى ءارى جۇڭگونىڭ ادامزاتتىڭ العا باسۋىنا، دۇنيە ءجۇزىنىڭ ۇلى بىرلىگىنە تالپىنۋىندا، ءسوز جوق، باسىپ وتەتىن جولى.

　　شي جينپيڭ بىلاي دەپ دارىپتەدى: جۇڭگو كوممۋنيستىك پارتياسى ساپالى دامۋدى ىلگەرىلەتۋگە كۇش سالىپ، دۇنيە ءجۇزىنىڭ دامۋىن، گۇلدەنۋىن جەبەيدى. ءبىز جاڭا دامۋ جۇلگەسىن جەدەل ورناتىپ، جوعارى دەڭگەيدە سىرتقا ەسىك اشۋدى ۇزدىكسىز كەڭەيتىپ، بازارعا كىرۋ رۇقساتىن ۇزدىكسىز كەڭەيتىپ، اشىق ەسىكتى بارعان سايىن ايقارا اشامىز. جۇڭگونىڭ وسىزاماندانعان كاسىپ جۇيەسى قۇرىلىسىنىڭ ىلگەرىلەۋىنە بايلانىستى، ءبىز دۇنيە ءجۇزىن اناعۇرلىم كوپ، اناعۇرلىم جاقسى جۇڭگو جاساۋ كاسىبىمەن جانە جۇڭگو جاسامپازدىعىمەن قامداپ، دۇنيە ءجۇزىن اناعۇرلىم كەڭ كولەمدى جۇڭگو بازارىمەن جانە جۇڭگو قاجەتىمەن قامدايمىز. ءبىز قالىڭ وركەندەپ كەلە جاتقان ەلدەردىڭ جەدەل دامۋىن، ونەركاسىپتەنۋدى، وسىزامانداندىرۋدى جۇزەگە اسىرۋىن باتىل قولداپ جانە وعان كومەكتەسىپ، وڭتۇستىك پەن سولتۇستىكتىڭ پارقىن ازايتۋعا، بىرگە دامۋدى جۇزەگە اسىرۋعا جۇڭگو جوباسىن جانە جۇڭگو كۇشىن ازىرلەيمىز. ءبىز ءار ەلدىڭ ساياسي پارتيالارىمەن بىرگە ”ءبىر بەلدەۋ، ءبىر جولدى“ بىرگە قۇرۋدىڭ ساپالى دامۋىن ىلگەرىلەتۋدى، دۇنيە جۇزىلىك دامۋ باستاماسىنىڭ تياناقتانۋىن جەدەلدەتۋدى، دۇنيە جۇزىلىك دامۋدىڭ جاڭا قوزعاۋشى قۋاتىن جەتىلدىرۋدى، دۇنيە جۇزىلىك دامۋدىڭ ورتاق تۇلعاسىن قۇرۋدى قالايمىز.

　　شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسى حالىقارالىق ادىلدىكتى، تۋراشىلدىقتى قورعاۋعا، دۇنيە ءجۇزىنىڭ بەيبىتشىلىگىن، ورنىقتىلىعىن جەبەۋگە كۇش سالادى. جۇڭگو ۇلگىسىندەگى وسىزامانداندىرۋ وتارشىلدىق، تالان - تاراجىلاۋ سىندى كونە سۇردەكپەن جۇرمەيدى، مەملەكەت قۇدىرەتتەنسە، ءسوز جوق، زورەكەر بولادى دەيتىن تەرىس جولمەن جۇرمەيدى، بەيبىت دامۋدىڭ دۇرىس جولىمەن جۇرەدى. ءبىز الاۋىزدىقتاردى پىكىرلەسۋ ارقىلى توعىستىرۋدى، داۋ - شاردى سەلبەستىك ارقىلى شەشۋدى دارىپتەپ، ءارقانداي فورماداعى زورەكەرلىك پەن وكتەمدىك ساياسيعا باتىل قارسى تۇرىپ، ىنتىماق رۋحى مەن تەڭ يگىلىككە كەنەلۋ ويى ارقىلى كۇردەلى دە شىرما - شاتۋ حاۋىپسىزدىك سىن - سايىسىنا توتەپ بەرۋدى دارىپتەپ، ءادىل، ادىلەتتى، بىرگە قۇرىپ، تەڭ يگىلىكتەنەتىن حاۋىپسىزدىك جۇلگەسىن قالىپتاستىردىق. دۇنيە ءجۇزى ”جاڭا قىرعي قاباقتىقتى“ قاجەت ەتپەيدى، دەموكراتيانى جەلەۋ ەتىپ بولشەكتەۋ، قارسىلاسۋدىڭ ءوزى دەموكراتيا رۋحىن اياق استى ەتكەندىك، ەل كوڭىلىنە جاقپايدى، زاردابى شەكسىز بولادى. جۇڭگونىڭ وسىزامانداندىرۋدى جۇزەگە اسىرۋى − دۇنيە ءجۇزى بەيبىتشىلىك كۇشىنىڭ ارتۋى، حالىقارالىق ادىلەتتى كۇشتىڭ ۇلعايۋى، مەيلى دامىپ قاي دارەجەگە جەتسىن، جۇڭگو ماڭگى زورەكەر بولمايدى، ماڭگى ىرگە كەڭەيتپەيدى.

　　شي جينپيڭ بىلاي دەپ دارىپتەدى: جۇڭگو كوممۋنيستىك پارتياسى وركەنيەتتەردىڭ اۋىس - كۇيىسىن، ءوزارا ۇلگى الۋىن ىلگەرىلەتۋگە كۇش سالىپ، ادامزات وركەنيەتىنىڭ العا باسۋىن جەبەيدى. بۇگىنگى تاڭداعى دۇنيە جۇزىندەگى تۇرلىشە ەلدەردىڭ، تۇرلىشە وڭىرلەردىڭ وزىندىك ەرەكشەلىككە يە وسىزامانداندىرۋ جولى باي مازمۇندى، الۋان ءتۇرلى، تاريحى ۇزاق وركەنيەتتىڭ جالعاسۋىنا تامىر تارتقان. ادامزات قوعامى جاراتقان ءتۇرلى وركەنيەتتەر شۇعىلا شاشىپ، ءار ەلدىڭ وسىزاماندانۋىنا تەرەڭ نەگىز قالاپ، ايقىن ەرەكشەلىك قوستى ءارى ۋاقىت پەن كەڭىستىكتەن، مەملەكەت شەكاراسىنان اتتاپ ءوتىپ، ادامزات قوعامىنىڭ وسىزاماندانۋ اياق الىسىنا بىرگە ماڭىزدى ۇلەس قوستى. جۇڭگو ۇلگىسىندەگى وسىزامانداندىرۋ ادامزات وركەنيەتىنىڭ جاڭا فورماتسياسى رەتىندە، دۇنيە جۇزىندەگى باسقا وركەنيەتتەرمەن ءوزارا ۇلگى العاندا، دۇنيە ءجۇزى وركەنيەتىنىڭ الۋان ءتۇرلى باقشاسى بارىنشا قۇلپىراتىن بولادى.

　　شي جينپيڭ بىلاي دەپ اتاپ كورسەتتى: ءار ەلدىڭ بولاشاعى مەن تاعدىرى تىعىز بايلانىسقان بۇگىنگى تاڭدا، تۇرلىشە وركەنيەتتەردىڭ سيىسىمدى بولۋى، اۋىس - كۇيىس جاساپ، ءوزارا ۇلگى الۋى ادامزات قوعامىنىڭ وسىزاماندانۋ اياق الىسىن ىلگەرىلەتۋدە، دۇنيە ءجۇزى وركەنيەت باقشاسىن گۇلدەندىرۋدە ورنىن وگەيسىتۋگە بولمايتىن رول اتقارادى. وسىعان بايلانىستى شي جينپيڭ دۇنيە جۇزىلىك وركەنيەت باستاماسىن العا قويدى.

　　− ءبىز دۇنيە ءجۇزى وركەنيەتىنىڭ الۋان تۇرلىلىگىنە قۇرمەت ەتۋدى بىرگە دارىپتەپ، وركەنيەتتىڭ تەپە - تەڭدىگىندە، ءوزارا ۇلگى الۋىندا، تىلدەسۋىندە، سيىسىمدىلىعىندا تاباندى بولىپ، وركەنيەتتەر اۋىس - كۇيىسى ارقىلى وركەنيەتتەر كىربەڭدىگىنەن، وركەنيەتتەردىڭ ءوزارا ۇلگى الۋى ارقىلى وركەنيەتتەر قاقتىعىسىنان، وركەنيەتتەردىڭ سيىسىمدى بولۋى ارقىلى وركەنيەت ۇستەمدىگىنەن اۋلاق بولۋىمىز كەرەك.

　　− ءبىز بۇكىل ادامزاتتىڭ ورتاق قۇنىن ساۋلەلەندىرۋدى بىرگە دارىپتەۋىمىز كەرەك، بەيبىتشىلىك، دامۋ، ادىلدىك، ادىلەتتىلىك، دەموكراتيا، ەركىندىك − ءار ەل حالقىنىڭ ورتاق تالپىنىسى، تۇرلىشە وركەنيەتتىڭ قۇن مازمۇنى جونىندەگى تانىمىن كەڭ پەيىلمەن ءتۇسىنۋىمىز، ءوزىمىزدىڭ قۇن كوزقاراسىمىز بەن ۇلگىمىزدى باسقالارعا زورلاپ تاڭباۋىمىز، يدەولوگيادا قارسىلاسپاۋىمىز كەرەك.

　　− ءبىز وركەنيەتكە مۇراگەرلىك ەتۋگە جانە جاڭالىق اشۋعا ءمان بەرۋدى بىرگە دارىپتەپ، ءار ەلدىڭ تاريحي مادەنيەتىنىڭ داۋىرلىك قۇنىن تولىق اشىپ، ءار ەلدىڭ تاڭداۋلى ءداستۇرلى مادەنيەتىنىڭ وسىزاماندانۋ بارىسىندا جاسامپازدىقپەن تۇرلەنۋىن، جاسامپازدىقپەن دامۋىن ىلگەرىلەتۋىمىز كەرەك.

　　− ءبىز حالىقارالىق گۋمانيتارلىق اۋىس - كۇيىستى، سەلبەستىكتى كۇشەيتۋدى بىرگە دارىپتەپ، دۇنيە جۇزىلىك وركەنيەتتەردىڭ تىلدەسۋ، سەلبەسۋ تورابىن ورناتۋ جونىندە ىزدەنىس جاساپ، اۋىس - كۇيىس مازمۇنىن بايىتىپ، سەلبەستىك ارناسىن كەڭەيتىپ، ءار ەل حالقىنىڭ ءوزارا ءتۇسىنىسۋىن، ەتەنە بولۋىن جەبەپ، ادامزات وركەنيەتىنىڭ دامۋىن، العا باسۋىن بىرگە ىلگەرىلەتۋىمىز كەرەك.

　　شي جينپيڭ بىلاي دەپ دارىپتەدى: جۇڭگو كوممۋنيستىك پارتياسى ساياسي پارتيالاردىڭ اۋىس - كۇيىسىن، سەلبەستىگىن كۇشەيتۋگە كۇش سالىپ، دۇنيە ءجۇزىنىڭ داڭعىل جولىن قول ۇستاسا بىرگە اشادى. ءار ەلدىڭ ساياسي پارتيالارىمەن جانە ساياسي ۇيىمدارىمەن بارىس - كەلىستى تەرەڭدەتىپ، ۇستانىمداردىڭ توعىسۋ ءتۇيىنىن، مۇددەلەردىڭ توعىسۋ ءتۇيىنىن ۇزدىكسىز كەڭەيتىپ، جاڭاشا ساياسي پارتيالار قارىم - قاتىناسىن ورناتۋ ارقىلى جاڭاشا حالىقارالىق قارىم - قاتىناستى ورناتۋعا دەم بەرىپ، دۇنيە جۇزىلىك ساياسي پارتيالاردىڭ سەرىكتەستىك قارىم - قاتىناسىن بەكەمدەۋ جانە كەمەلدەندىرۋ ارقىلى دۇنيە جۇزىلىك سەرىكتەستىك قارىم - قاتىناسىن تەرەڭدەتۋگە دەم بەرۋدى قالايدى. جۇڭگو كوممۋنيستىك پارتياسى ءار ەلدىڭ ساياسي پارتيالارىمەن جانە ساياسي ۇيىمدارىمەن بىرگە پارتيانى، مەملەكەتتى جونگە سالۋ تاجىريبەلەرىن اۋىستىرىپ، وسىزامانداندىرۋ جولىمەن قول ۇستاسىپ بىرگە ءجۇرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ داڭعىل جولىندا ارشىندى قاداممەن العا باسۋدى قالايدى.

　　شي جينپيڭ سوڭىندا بىلاي دەپ اتاپ كورسەتتى: ادامزات قوعامىن وسىزامانداندىرۋ ساپارىنىڭ بۇراڭدىقتاردان اۋلاق بولۋى قيىن، ءبىراق بولاشاعى تۇبىندە نۇرلى بولادى. جۇڭگو كوممۋنيستىك پارتياسى ءار جاقپەن بىرگە قۇلشىنىپ، وزىندىك ەرەكشەلىككە يە وسىزامانداندىرۋ ىستەرىن دۇنيە ءجۇزىنىڭ گۇلدەنىپ - كوركەيۋىن، العا باسۋىن ىلگەرىلەتەتىن ءداۋىر تولقىنىنا اينالدىرىپ، تاريحتىڭ شالقار كوشىندە دۇبىرلەتە العا باسىپ، باياندى دامۋدى قالايدى!

　　وڭتۇستىك افريكا افريكالىقتار حالىقتىق كەڭەسىنىڭ ءتوراعاسى، زۇڭتۇڭ رامافوسا، وڭتۇستىك سۋدان سۋدان حالىق ازاتتىق قوزعالىسىنىڭ ءتوراعاسى، زۇڭتۇڭ كير، نيكاراگۋا ساندينو ۇلت ازاتتىق شەبىنىڭ باس شۋجيى، زۇڭتۇڭ ورتەگا، ۆەنەسۋەلا ءبىر تۇتاس سوتسياليستىك پارتياسىنىڭ ءتوراعاسى، زۇڭتۇڭ مادۋرو، سەربيا العا پارتياسىنىڭ ءتوراعاسى، زۇڭتۇڭ ۆۋچيچ، موڭعۇليا حالىق پارتياسىنىڭ ءتوراعاسى، ۇكىمەت زۇڭليى ويۋن - ەردەنە، شىعىس تيمور حالىق ازاتتىق پارتياسىنىڭ ءتوراعاسى، ۇكىمەتتىڭ زۇڭليى رۋاك، پاپۋا - جاڭا گۆينەياسى پانگۋ پارتياسىنىڭ كوسەمى، ۇكىمەتتىڭ زۇڭليى ماراپە، گرەنادا ۇلتتىق دەموكراتيالىق كونگرەس پارتياسىنىڭ كوسەمى، ۇكىمەتتىڭ زۇڭليى ميچەل، رەسەي ءبىر تۇتاس رەسەي پارتياسى ەڭ جوعارى كوميتەتىنىڭ ءتوراعاسى گريزلوۆ، قازاقستان ”امانات“ پارتياسىنىڭ ءتوراعاسى قوشانوۆ، توگو رەسپۋبليكانى قورعاۋ وداعىنىڭ باس قولباسشىسى، حالىقتىق پارلامەنتتىڭ باستىعى سەگون قاتارلىلار كەڭەستە ءسوز سويلەپ، جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ جەڭىسپەن اشىلعانىن قىزۋ قۇتتىقتادى، شي جينپيڭنىڭ ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى بولىپ تاعى دا سايلانعانىن قىزۋ قۇتتىقتادى، جاڭا داۋىردەگى 10 جىلدىق تاريحي جەتىستىكتى، تاريحي وزگەرىستى قىزۋ مەرەيمەن القادى، باس شۋجي شي جينپيڭنىڭ ارقاۋ سوزىندە العا قويعان ساياسي قۋاتتامالارىنا بەلسەنە ءۇن قوستى، جۇڭگو كوممۋنيستىك پارتياسىمەن بىرگە وسىزامانداندىرۋ بارىسىندا جەتەكشىلىك جانە ىلگەرىلەتۋ رولىن ويداعىداي ساۋلەلەندىرۋدى قالايتىندارىن ءبىلدىردى.

　　ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي كەڭەسكە قاتىناستى ءارى قورىتىندى ءسوز سويلەدى. ول بىلاي دەپ اتاپ كورسەتتى: باس شۋجي شي جينپيڭ جاريالاعان ارقاۋ سوزىندە جۇڭگو كوممۋنيستىك پارتياسىنىڭ وسىزامانداندىرۋ جولىن قاراستىرۋ جونىندەگى تانىمىن جۇيەلى پايىمداپ، دۇنيە جۇزىلىك وركەنيەت باستاماسىن العا قويىپ، جۇڭگو كوممۋنيستىك پارتياسىنىڭ ءار ەلدىڭ ساياسي پارتيالارىمەن بىرگە ءوز ەلىنىڭ ەرەكشەلىگىنە يە وسىزامانداندىرۋ ىستەرىن ىلگەرىلەتۋدى، دۇنيە جۇزىلىك وركەنيەتتىڭ اۋىس - كۇيىسىن، ءوزارا ۇلگى الۋىن جەبەۋدى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايتىن شىنايى تىلەگىن بەينەلەدى، جۇڭگو كوممۋنيستىك پارتياسىنىڭ ادامزاتتىڭ ورتاق سىن - سايىسىنا بەتپە - بەت كەلەتىن ساياسي باتىلدىعى مەن جاۋاپكەرلىگىن ايگىلەپ، دۇنيە ءجۇزىنىڭ وسىزاماندانۋ اياق الىسىن ىلگەرىلەتۋگە، ادامزات وركەنيەتىنىڭ العا باسۋىن جەبەۋگە جۇڭگو جوباسىن ازىرلەدى. جۇڭگو كوممۋنيستىك پارتياسى ءار ەلدىڭ ساياسي پارتيالارىمەن جانە ساياسي ۇيىمدارىمەن وسىزامانداندىرۋ جولىن قاراستىراتىن، وركەنيەتتىڭ العا باسۋىن ىلگەرىلەتەتىن ساياسي پارتيا جاۋاپكەرلىگىن بىرگە ارقالاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ساپارىندا قول ۇستاسىپ بىرگە ىلگەرىلەۋدى قالايدى.

　　ۋاڭ ي، يىن لي، لي شۋلەي، چين گاڭ قاتارلىلار كەڭەسكە قاتىناستى.

　　جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى جىكتەگىلەر كەڭەسى ”وسىزامانداندىرۋ جولى: ساياسي پارتيانىڭ جاۋاپكەرلىگى“ دەگەندى نەگىزگى تاقىرىپ ەتتى، 150 نەشە مەملەكەتتەن كەلگەن ساياسي پارتيالار مەن ساياسي ۇيىمداردىڭ 500 دەن استام باسشىسى كەڭەسكە قاتىناستى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved