ج ك پ ورتالىق كوميتەتى، مەملەكەتتىك كەڭەس «پارتيا مەن مەملەكەت قۇرىلىمدارىنىڭ رەفورما جوباسىن» باسىپ تاراتتى
2023.03.17 15:55 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 16 – كۇنى، بەيجيڭ. جۋىقتا ج ك پ ورتالىق كوميتەتى، مەملەكەتتىك كەڭەس «پارتيا مەن مەملەكەت قۇرىلىمدارىنىڭ رەفورما جوباسىن» باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان ءىس جۇزىندىكپەن ۇشتاستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«پارتيا مەن مەملەكەت قۇرىلىمدارىنىڭ رەفورما جوباسىنىڭ» تولىق ءماتىنى مىناداي.
پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى پارتيا مەن مەملەكەتتىڭ قۇرىلىم رەفورماسىن تەرەڭدەتۋدى مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدەگى ماڭىزدى مىندەت ەتىپ، پارتيانىڭ جاپپاي باسشىلىعىندا تاباندى بولۋ، حالىقتى وزەك ەتۋدە تاباندى بولۋ، ساپالىلاندىرۋدا، سايكەستىرۋدە، جوعارى ونىمدىلىكتە تاباندى بولۋ، مەملەكەتتى جاپپاي زاڭمەن جونگە سالۋدا تاباندى بولۋ پرينسيبى بويىنشا، پارتيا مەن مەملەكەتتىڭ قۇرىلىم رەفورماسىن تەرەڭدەتىپ، پارتيا مەن مەملەكەت قۇرىلىمدارىنىڭ فۋنكتسياسىن جۇيەلى، تۇتاس تۇلعالى قايتا قۇرىپ، پارتيا مەن مەملەكەت ىستەرىندە تاريحي تابىسقا قول جەتكىزۋگە، تاريحي وزگەرىس تۋدىرۋعا پارمەندى كەپىلدىك ازىرلەدى، سونداي - اق پارتيا مەن مەملەكەتتىڭ قۇرىلىم رەفورماسىن ۇزدىكسىز تەرەڭدەتۋگە قۇندى تاجىريبەلەر توپتادى.
جاڭا ءداۋىر، جاڭا جورىقتا العا قويىلعان جاڭا مىندەت الدىندا، پارتيا مەن مەملەكەت قۇرىلىمدارىنىڭ ورنالاسۋى مەن فۋنكتسيالىق سەپتەلۋى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تالابىنا ءالى تولىق ۇيلەسە الماي وتىر، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جۇزەگە اسىرۋدىڭ تالابىنا ءالى دە تولىق ۇيلەسپەي وتىر، جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن ورناتۋدىڭ تالابىنا ءالى دە تولىق ۇيلەسە الماي وتىر، پارتيا مەن مەملەكەت قۇرىلىمدارى رەفورماسىنىڭ جەتىستىكتەرىن بەكەمدەۋ نەگىزىندە رەفورمانى ۇزدىكسىز تەرەڭدەتىپ، ءتۇزىلىستى، مەحانيزمدى جانە قۇرىلىمداردىڭ مىندەتىن رەتتەۋ جانە كەمەلدەندىرۋ قاجەت.
پارتيا مەن مەملەكەت قۇرىلىمدارىنىڭ رەفورماسىن تەرەڭدەتۋدەگى نىسانا − پارتيا مەن مەملەكەت قۇرىلىمدارىنىڭ جۇيەسى كەمەلدى، عىلمي ارناعا تۇسكەن، اينالىمى جوعارى ءونىمدى فۋنكتسيالىق جۇيەسىن ورناتۋ. پارتيانىڭ 20 - قۇرىلتايى قۇرىلىم رەفورماسىن تەرەڭدەتۋ جونىندە ماڭىزدى ورنالاستىرۋ جاسادى، بۇل جاپپاي سوتسياليستىك وسىزاماندانعان مەملەكەت قۇرۋدا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدە كەلەلى دە تەرەڭ مانگە يە. ءسوز جوق، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتۋدى ءبىر تۇتاس باسشىلىققا الىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى باعدار ەتىپ، ورنىقتىلىق بارىسىندا ىلگەرىلەۋ سىندى قىزمەتتىڭ جالپى ارناسىندا تاباندى بولىپ، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتۋدىڭ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدىڭ تالابىنا ۇيلەسىپ، جاڭا دامۋ ارناسىن قالىپتاستىرۋدىڭ، ساپالى دامۋدى ىلگەرىلەتۋدىڭ قاجەتىنە ۇيلەسىپ، ماسەلەنى باعدار ەتۋدەن جازباي، پارتيا ورتالىق كوميتەتىنىڭ قۇرىلىمىن، مەملەكەتتىك حالىق قۇرىلتايىنىڭ قۇرىلىمىن، مەملەكەتتىك كەڭەستىڭ قۇرىلىمىن، مەملەكەتتىك ساياسي كەڭەستىڭ قۇرىلىمىن ءبىر تۇتاس جوسپارلاپ، ورتالىق پەن جەرگىلىكتى ورىنداردى ءبىر تۇتاس جوسپارلاپ، ءتۇيىندى سالالارداعى قۇرىلىم رەفورماسىن تەرەڭدەتىپ، پارتيانىڭ سوتسياليستىك وسىزامانداندىرۋ قۇرىلىسىنا باسشىلىعىنىڭ قۇرىلىمدى ورنالاستىرۋ جاعىندا اناعۇرلىم عىلمي بولۋىن، فۋنكتسيانى ورنالاستىرۋ جاعىندا اناعۇرلىم ساپالىلانۋىن، ءتۇزىلىس، مەحانيزم جاعىندا اناعۇرلىم كەمەلدەنۋىن، اينالىم - باسقارۋ جاعىندا اناعۇرلىم ءونىمدى بولۋىن ىلگەرىلەتۋ كەرەك.
ءبىرىنشى، پارتيا ورتالىق كوميتەتىنىڭ قۇرىلىم رەفورماسىن تەرەڭدەتۋ
(1) ورتالىق فينانس كوميتەتى قۇرىلادى. پارتيا ورتالىق كوميتەتىنىڭ فينانس قىزمەتىنە ورتالىقتانعان ءبىر تۇتاس باسشىلىعىن كۇشەيتىپ، فينانستىڭ ورنىقتىلىعى مەن دامۋىن جوعارى دەڭگەيدە جوبالاۋعا، ءبىر تۇتاس سايكەستىرۋگە، جالپى تۇلعالىق ىلگەرىلەتۋگە، قۋزاپ تياناقتاندىرۋعا جاۋاپتى بولىپ، فينانس سالاسىنداعى كەلەلى ساياسات، كەلەلى ماسەلەلەر سياقتىلاردى زەرتتەپ، قارايدى، پارتيا ورتالىق كوميتەتىنىڭ شەشىم جاساۋ، كەڭەسۋ، سايكەستىرۋ قۇرىلىمى بولادى.
ورتالىق فينانس كوميتەتى كەڭسەسى قۇرىلىپ، ورتالىق فينانس كوميتەتىنىڭ ءىس باسقارۋ قۇرىلىمى بولادى، پارتيا ورتالىق كوميتەتىنىڭ قۇرىلىمدارى قاتارىنا ەنگىزىلەدى.
مەملەكەتتىك كەڭەستىڭ فينانستى ورنىقتىرۋ، دامىتۋ كوميتەتى جانە ونىڭ ءىس باسقارۋ قۇرىلىمى ساقتاپ قالىنبايدى. مەملەكەتتىك كەڭەستىڭ فينانستى ورنىقتىرۋ، دامىتۋ كوميتەتى كەڭسەسىنىڭ مىندەتى ورتالىق فينانس كوميتەتى كەڭسەسىنە وتكىزىلەدى.
(2) ورتالىق فينانس قىزمەتى كوميتەتى قۇرىلادى. فينانس جۇيەسىندەگى پارتيا قىزمەتىنە ءبىر تۇتاس باسشىلىق ەتىپ، فينانس جۇيەسىندەگى پارتيانىڭ ساياسي قۇرىلىسى، يدەيالىق قۇرىلىسى، ۇيىمدىق قۇرىلىسى، ستيل قۇرىلىسى، ءتارتىپ قۇرىلىسى سياقتىلارعا جەتەكشىلىك ەتەدى، پارتيا ورتالىق كوميتەتىنىڭ ۋاكىلدىك ورگانى بولادى، ورتالىق فينانس كوميتەتى كەڭسەسىمەن بىرلەسىپ جۇمىس جۇرگىزەدى.
ورتالىق پەن مەملەكەت ورگاندارى قىزمەت كوميتەتىنىڭ فينانس جۇيەسىنىڭ پارتيا قۇرىلىسى مىندەتى ورتالىق فينانس قىزمەتى كوميتەتىنە وتكىزىلەدى.
(3) ورتالىق عىلىم - تەحنيكا كوميتەتى قۇرىلادى. پارتيا ورتالىق كوميتەتىنىڭ عىلىم - تەحنيكا قىزمەتىنە ورتالىقتانعان ءبىر تۇتاس باسشىلىعىن كۇشەيتىپ، مەملەكەتتىڭ جاڭالىق اشۋ جۇيەسى قۇرىلىسى مەن عىلىم - تەحنيكا ءتۇزىلىسى رەفورماسىن ءبىر تۇتاس ىلگەرىلەتىپ، مەملەكەتتىڭ عىلىم - تەحنيكانى دامىتۋداعى كەلەلى ستراتەگيالارىن، كەلەلى جوبالارىن، كەلەلى ساياساتتارىن اقىلداسادى جانە قارايدى، عىلىم - تەحنيكا سالاسىنداعى ستراتەگيالىق، بەتالىستىق، جالپى جاعدايلىق كەلەلى ماسەلەلەردى ءبىر تۇتاس جوسپارلاپ شەشىپ، مەملەكەتتىڭ ستراتەگيالىق عىلىم - تەحنيكالىق مىندەتتەرى مەن كەلەلى عىلمي زەرتتەۋ نىساندارىن اقىلداسىپ تۇراقتاندىرادى، مەملەكەتتىك تاجىريبەحانا سياقتى ستراتەگيالىق عىلىم - تەحنيكا كۇشتەرىن ءبىر تۇتاس جوسپارلاپ ورنالاستىرىپ، ارميا مەن حالىق عىلىم - تەحنيكاسىنىڭ توعىسپالى دامۋىن ءبىر تۇتاس سايكەستىرەدى، پارتيا ورتالىق كوميتەتىنىڭ شەشىم جاساۋ، كەڭەسۋ، سايكەستىرۋ قۇرىلىمى بولادى.
ورتالىق عىلىم - تەحنيكا كوميتەتىنىڭ ءىس باسقارۋ قۇرىلىمىنىڭ مىندەتىن قايتا ۇيىمداستىرىلعاننان كەيىنگى عىلىم - تەحنيكا مينيسترلىگى جالپى تۇلعالىق جاقتان ۇستىنە الادى.
مەملەكەتتىك عىلىم - تەحنيكالىق كەڭەس بەرۋ كوميتەتى ساقتاپ قالىنادى، پارتيا ورتالىق كوميتەتىنىڭ كەلەلى عىلىم - تەحنيكالىق شەشىمدەرىنە قىزمەت وتەيدى، ورتالىق عىلىم - تەحنيكا كوميتەتى الدىندا جاۋاپتى بولادى جانە وعان قىزمەتىنەن مالىمەت بەرەدى.
مەملەكەتتىك عىلىم - تەحنيكا ەتيكا كوميتەتى ورتالىق عىلىم - تەحنيكا كوميتەتىنىڭ باسشىلىعىنداعى عىلمي، كاسىپتىك ماماندار كوميتەتى بولادى، ەندىگارى مەملەكەتتىك كەڭەستىڭ كەڭەسۋ، سايكەستىرۋ قۇرىلىمى بولمايدى.
ورتالىق مەملەكەتتىك تاجىريبەحانا قۇرىلىسىنا باسشىلىق ەتۋ گرۋپپاسى، مەملەكەتتىك عىلىم - تەحنيكاعا باسشىلىق ەتۋ گرۋپپاسى، مەملەكەتتىك عىلىم - تەحنيكا ءتۇزىلىسى رەفورماسى مەن جاڭالىق اشۋ جۇيەسى قۇرىلىسىنا باسشىلىق ەتۋ گرۋپپاسى جانە ولاردىڭ كەڭسەلەرى ساقتاپ قالىنبايدى.
ولكە دارەجەلى پارتكومداردىڭ عىلىم - تەحنيكا سالاسىنداعى كەڭەسۋ، سايكەستىرۋ قۇرىلىمدارى ءىس جۇزىندىكپەن ۇشتاستىرۋ نەگىزىندە قۇرىلادى.
(4) ورتالىق قوعامدىق قىزمەت ءبولىمى قۇرىلادى. حالىقتىڭ ارىز - ارمان قىزمەتىنە ءبىر تۇتاس جەتەكشىلىك ەتۋگە، حالىقتىڭ ۇسىنىستارىن جيناۋ قىزمەتىنە جەتەكشىلىك ەتۋگە، پارتيا قۇرىلىسى ارقىلى نەگىزگى ساتىنى جونگە سالۋعا جانە نەگىزگى ساتىنىڭ بيلىك قۇرىلىسىنا جەتەكشىلىك ەتۋدى ءبىر تۇتاس ىلگەرىلەتۋگە جاۋاپتى بولادى، مەملەكەتتىك كاسىپتىك قوعامداردىڭ، ساۋداگەرلەر قوعامىنىڭ پارتيا قىزمەتىنە ءبىر تۇتاس باسشىلىق ەتەدى، كاسىپتىك قوعامدار مەن ساۋداگەرلەر قوعامىنىڭ رەفورمانى تەرەڭدەتۋىن جانە تيپتە بۇرىلىس جاساپ دامۋىن سايكەستى ىلگەرىلەتەدى، ارالاس مەنشىكتەگى كاسىپورىنداردىڭ، جالپىلىق مەنشىككە جاتپايتىن كاسىپورىنداردىڭ جانە جاڭا ەكونوميكالىق ۇيىمداردىڭ، جاڭا قوعامدىق ۇيىمداردىڭ، جاڭادان جۇمىستانعان قاۋىمنىڭ پارتيا قۇرىلىسى قىزمەتىنە جەتەكشىلىك ەتەدى، قوعامدىق قىزمەت دارىندىلارى قوسىن قۇرىلىسىنا جەتەكشىلىك ەتەدى، پارتيا ورتالىق كوميتەتىنىڭ فۋنكتسيالىق تاراۋى بولادى.
ورتالىق قوعامدىق قىزمەت ءبولىمى مەملەكەتتىك ارىز - ارمان مەكەمەسىنە ءبىر تۇتاس باسشىلىق ەتەدى. مەملەكەتتىك ارىز - ارمان مەكەمەسى مەملەكەتتىك كەڭەس كەڭسەسىنىڭ باسقارۋىنداعى مەملەكەتتىك مەكەمەدەن مەملەكەتتىك كەڭەسكە توتە قاراستى قۇرىلىمعا وزگەرتىلەدى.
ورتالىق قوعامدىق قىزمەت بولىمىنە حالىق ىستەرى مينيسترلىگىنىڭ قالا، اۋىل، الەۋمەتتىك اۋماقتى جونگە سالۋ جۇيەسى مەن جونگە سالۋ قابىلەتى قۇرىلىسىنا جەتەكشىلىك ەتۋ، قوعامدىق قىزمەت ساياساتىن بەلگىلەۋ سياقتى مىندەتتەرى بەرىلىپ، پارتيا قۇرىلىسى ارقىلى نەگىزگى ساتىنى جونگە سالۋعا جەتەكشىلىك ەتۋ مەن نەگىزگى ساتى بيلىك قۇرىلىسىن ءبىر تۇتاس جوسپارلاپ ىلگەرىلەتەدى. ورتالىق پەن مەملەكەت ورگاندارى قىزمەت كوميتەتىنىڭ، مەملەكەتتىك كەڭەستىڭ مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى پارتكومى ۇستىنە العان مەملەكەتتىك كاسىپتىك قوعامداردىڭ، ساۋدا قوعامىنىڭ پارتيا قۇرىلىسى مىندەتى بەرىلەدى، ورتالىق رۋحاني وركەنيەت قۇرىلىسىنا جەتەكشىلىك ەتۋ كوميتەتى كەڭسەسىنىڭ مەملەكەتتىك ەرىكتى قىزمەت وتەۋ قىزمەتىندەگى ءبىر تۇتاس جوبالاۋ، سايكەستى جەتەكشىلىك ەتۋ، باقىلاۋ - تەكسەرۋ سياقتى مىندەتتەرى بەرىلەدى.
ولكە، قالا، اۋدان دارەجەلى پارتكومدار قوعامدىق قىزمەت تاراۋلارىن قۇرىپ، سايكەستى تۇردە دارەجەلەس پارتكومنىڭ ۇيىمداستىرۋ تاراۋىنىڭ ”ەكى جاڭا“ قىزمەت كوميتەتىنىڭ مىندەتى بەرىلەدى.
(5) ورتالىق شياڭگاڭ، اۋمىن قىزمەتى كەڭسەسى قۇرىلادى. ”ءبىر ەل، ەكى ءتۇزىم“ باعىتىن دايەكتىلەندىرۋ، ورتالىقتىڭ جاپپاي باسقارۋ ۇقىعىن تياناقتاندىرۋ، شياڭگاڭدى، اۋمىندى زاڭ بويىنشا جونگە سالۋ، مەملەكەتتىڭ حاۋىپسىزدىگىن قورعاۋ، حالىق تۇرمىسىنىڭ باقىتىن قامتاماسىز ەتۋ، شياڭگاڭنىڭ، اۋمىننىڭ مەملەكەتتىڭ دامۋ جالپى جاعدايىمەن توعىسۋىن قولداۋ سياقتى جاقتارداعى تەكسەرۋ - زەرتتەۋ، ءبىر تۇتاس جوسپارلاپ سايكەستىرۋ، تياناقتاندىرۋدى قۋزاۋ قىزمەت جاۋاپكەرلىگىن ارقالايدى، مەملەكەتتىك كەڭەستىڭ شياڭگاڭ، اۋمىن ىستەرى كەڭسەسى نەگىزىندە قۇرىلادى، پارتيا ورتالىق كوميتەتىنىڭ ءىس ءبىتىرۋ قۇرىلىمى رەتىندە، مەملەكەتتىك كەڭەستىڭ شياڭگاڭ، اۋمىن ىستەرى كەڭسەسىنىڭ ماڭدايشالىعى ساقتاپ قالىنادى.
مەملەكەتتىك كەڭەستىڭ ايىرىم قۇرىلعان شياڭگاڭ، اۋمىن ىستەرى كەڭسەسى ساقتاپ قالىنبايدى.
ەكىنشى، مەملەكەتتىك حالىق قۇرىلتايىنىڭ قۇرىلىم رەفورماسىن تەرەڭدەتۋ
(6) مەملەكەتتىك حالىق قۇرىلتايى تۇراقتى كوميتەتىنىڭ ۋاكىلدەر قىزمەت كوميتەتى قۇرىلادى. مەملەكەتتىك حالىق قۇرىلتايى ۋاكىلدەرىنىڭ سانىن ۇلەستىرۋگە، تولىمدىلىعىن تەكسەرۋگە، بايلانىس جاساۋعا، قىزمەت وتەۋگە قاتىستى قىزمەتتەرگە جاۋاپتى بولادى، ۋاكىلدەردىڭ شوعىرلى كوزدەن كەشىرۋىنە، ارناۋلى تاقىرىپتا تەكسەرۋ - زەرتتەۋ جۇرگىزۋىنە، بۇقارامەن بايلانىس جاساۋىنا قاتىستى قىزمەتتەرگە جەتەكشىلىك ەتەدى جانە ونى سايكەستىرەدى، مەملەكەتتىك حالىق قۇرىلتايى ۋاكىلدەرىنىڭ كەڭەس جوبا، ۇسىنىس قىزمەتىن ءبىر تۇتاس جوسپارلاپ باسقارادى، مەملەكەتتىك حالىق قۇرىلتايىنىڭ ۋاكىلدەرىنىڭ مىندەتىن اتقارۋىن باقىلاپ - باسقارۋعا جاۋاپتى بولادى، مەملەكەتتىك حالىق قۇرىلتايى ۋاكىلدەرىن ۇيرەنۋگە قاتىناستىرۋ، باۋلۋ قىزمەتىن ءبىر تۇتاس جوسپارلاپ، ولكە دارەجەلى حالىق قۇرىلتايى تۇراقتى كوميتەتتەرىنىڭ ۋاكىلدەر قىزمەتى سياقتىلارعا جەتەكشىلىك ەتەدى، مەملەكەتتىك حالىق قۇرىلتايى تۇراقتى كوميتەتىنىڭ ۋاكىلدەردىڭ تولىمدىلىعىن تەكسەرۋ كوميسسياسىنىڭ ناقتى قىزمەتىن ۇستىنە الادى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت كوميتەتى بولادى.
ءۇشىنشى، مەملەكەتتىك كەڭەستىڭ قۇرىلىم رەفورماسىن تەرەڭدەتۋ
(7) عىلىم - تەحنيكا مينيسترلىگى قايتا قۇرىلادى. عىلىم - تەحنيكا مينيسترلىگىنىڭ جاڭاشا بۇكىل ەل بولىپ جۇمىلۋ ءتۇزىلىسىن كەمەلدەندىرۋدى ىلگەرىلەتۋ، عىلىم - تەحنيكادا جاڭالىق اشۋدىڭ تۇتاس جەلىلى باسقارۋىن ساپالىلاندىرۋ، عىلىم - تەحنيكا جەتىستىكتەرىن وندىرگىش كۇشكە اينالدىرۋدى جەبەۋ، عىلىم - تەحنيكا مەن ەكونوميكالىق، قوعامدىق دامۋدى ءوزارا ۇشتاستىرۋ سياقتى فۋنكتسيالارى كۇشەيتىلەدى، ستراتەگيالىق جوبا، ءتۇزىلىس رەفورماسى، بايلىقتى ءبىر تۇتاس جوسپارلاۋ، جان - جاقتى سايكەستىرۋ، ساياسات، زاڭ - ەرەجە، قۋزاۋ - تەكسەرۋ سياقتى ماكرولىق باسقارۋ مىندەتى كۇشەيتىلەدى، مەملەكەتتىڭ نەگىزدىك زەرتتەۋ جانە قولدانىلمالى نەگىزدىك زەرتتەۋ، مەملەكەتتىك تاجىريبەحانا قۇرىلىسى، مەملەكەتتىڭ عىلىم - تەحنيكالىق كەلەلى ارناۋلى نىساندارى، مەملەكەتتىڭ تەحنيكا وتكەرمەلەۋ جۇيەسى قۇرىلىسى، عىلىم - تەحنيكا جەتىستىكتەرىن وندىرگىش كۇشكە اينالدىرۋ جانە ءوندىرۋ، وقىتۋ، زەرتتەۋ جۇمىستارىن ۇشتاستىرۋ، وڭىرلىك عىلىم - تەحنيكادا جاڭالىق اشۋ جۇيەسى قۇرىلىسى، عىلىم - تەحنيكانى باقىلاۋ - باعالاۋ جۇيەسى قۇرىلىسى، عىلىمي زەرتتەۋدەگى سەنىمدىلىك قۇرىلىسى، حالىقارالىق عىلىم - تەحنيكا سەلبەستىگى، عىلىم - تەحنيكا دارىندىلارى قوسىنى قۇرىلىسى، مەملەكەتتىڭ عىلىم - تەحنيكالىق باعالاۋ - سيلاۋى سياقتى قاتىستى مىندەتتەرى ساقتالادى، مەملەكەتتىك كەڭەستىڭ قۇرامىنداعى تاراۋ بولا بەرەدى.
عىلىم - تەحنيكا مينيسترلىگىنىڭ ۇيىمدارى عىلىم – تەحنيكامەن اۋىل شارۋاشىلىعىن، اۋىل - قىستاقتى دامىتۋ پلانى مەن ساياساتىن بەلگىلەۋدى، اۋىل - قىستاقتىڭ عىلىم - تەحنيكا العاباسارلىعىنا جەتەكشىلىك ەتۋدى جەبەۋ مىندەتتەرىمەن اۋىل شارۋاشىلىعى، اۋىل - قىستاق مينيسترلىگىنە وتكىزىىلەدى. عىلىم - تەحنيكا مينيسترلىگىنىڭ ۇيىمدارى عىلىم – تەحنيكامەن قوعامدىق دامۋ پلانىن جەبەۋ جانە ساياساتتىق مىندەتتەرى جەكە - جەكە مەملەكەتتىك دامۋ جانە رەفورما كوميتەتى، ەكولوگيالىق ورتا مينيسترلىگى، مەملەكەتتىك دەنساۋلىق ساقتاۋ، سالاماتتىق كوميتەتى سياقتى تاراۋلارعا وتكىزىلەدى. عىلىم - تەحنيكا مينيسترلىگىنىڭ ۇيىمدارى جوعارى، جاڭا تەحنيكانى دامىتۋ جانە كاسىپ سالالاندىرۋ پلانى مەن ساياساتىن بەلگىلەۋ، مەملەكەتتىڭ دەربەس جاڭالىق جاراتۋدان ۇلگى كورسەتۋ رايونى، مەملەكەتتىك جوعارى، جاڭا تەحنيكالى كاسىپتەردى اشۋ رايونى سياقتى عىلىم - تەحنيكا باقشا رايوندارىنىڭ قۇرىلىسىنا جەتەكشىلىك ەتۋ، عىلىم - تەحنيكالىق قىزمەت وتەۋ كاسىبى، تەحنيكا بازارى، عىلىم - تەحنيكالىق دانەكەر ۇيىمداردى دامىتۋ سياقتى مىندەتتەرىمەن ونەركاسىپ جانە ينفورماتسيالاندىرۋ مينيسترلىگىنە وتكىزىلەدى. عىلىم - تەحنيكا مينيسترلىگىنىڭ شەتەلدەن اقىل – پاراسات ەنگىزۋ قىزمەتىنە جاۋاپتى بولۋ مىندەتى ادام كۇشى بايلىعى جانە قوعامدىق قامتاماسىزداندىرۋ مينيسترلىگىنە وتكىزىلىپ، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنە مەملەكەتتىك شەتەلدىك ماماندار مەكەمەسى دەگەن ماڭدايشالىق قوسىپ ىلىنەدى.
قازىنادان عىلىم - تەحنيكا قاراجاتىن ءبولۋ، پايدالانۋ مەحانيزمى رەفورماسى تەرەڭدەتىلىپ، ورتالىق قازىنانىڭ عىلىم - تەحنيكا جوسپارىن اتقارۋ جانە كاسىپتىك قۇرىلىمداردى باسقارۋ ءتۇزىلىسى كەمەلدەندىرىلىپ، عىلىم - تەحنيكا مينيسترلىگىنىڭ ورتالىق قازىنانىڭ عىلىم - تەحنيكا جوسپارىن (ارناۋلى نىسان، قور قاتارلى) سايكەستىرۋ، باسقارۋ، عىلمي زەرتتەۋ نىسان قارجىسىن سايكەستىرۋ، باعالاۋ سياقتى مىندەتتەرى رەتكە سالىنىپ، عىلىم - تەحنيكا مينيسترلىگىنە قاراستى جۇڭگو اۋىل - قىستاق تەحنيكاسىن اشۋ ورتالىعى اۋىل شارۋاشىلىعى، اۋىل - قىستاق مينيسترلىگىنە وتكىزىلەدى، جۇڭگو بيولوگيالىق تەحنيكانى دامىتۋ ورتالىعى مەملەكەتتىك دەنساۋلىق ساقتاۋ، سالاماتتىق كوميتەتىنە وتكىزىلەدى، جۇڭگو 21 - عاسىرداعى كۇن ءتارتىبىن باسقارۋ ورتالىعى، عىلىم - تەحنيكا مينيسترلىگىنىڭ جوعارى تەحنيكانى زەرتتەۋ، دامىتۋ ورتالىعى مەملەكەتتىك جاراتىلىستىق عىلىم قورى كوميتەتىنە وتكىزىلەدى.
مەملەكەتتىك جاراتىلىستىق عىلىم قورى كوميتەتىن ءالى دە عىلىم - تەحنيكا مينيسترلىگى باسقارادى.
عىلىم - تەحنيكا مينيسترلىگىندە مەملەكەتتىك شەتەلدىك ماماندار مەكەمەسىنىڭ ماڭدايشالىعى ساقتاپ قالىنبايدى.
جەرگىلىكتى ۇكىمەتتەردىڭ عىلىم - تەحنيكا تاراۋلارىنىڭ قىزمەت جاۋاپكەرلىگى ءىس جۇزىندىكپەن ۇشتاستىرىپ رەتتەلەدى.
(8) مەملەكەتتىك فينانس باقىلاۋ - باسقارۋ باس مەكەمەسى قۇرىلادى. باعالى قاعاز كاسىبىنەن باسقا فينانس كاسىبىن باقىلاۋ - باسقارۋعا ءبىر تۇتاس جاۋاپتى بولادى، قۇرىلىمداردى باقىلاۋ - باسقارۋ، ارەكەتتى باقىلاۋ - باسقارۋ، فۋنكتسيانى باقىلاۋ - باسقارۋ، كەدەرگىسىز باقىلاۋ - باسقارۋ، باياندى باقىلاۋ - باسقارۋ كۇشەيتىلىپ، فينانس تۇتىنۋشىلارىنىڭ ۇقىق - مۇددەسىن قورعاۋعا ءبىر تۇتاس جاۋاپتى بولادى، حاۋىپ - قاتەردى باسقارۋ مەن ساقتانۋ - ءبىر جاقتى ەتۋدى كۇشەيتەدى، زاڭعا، بەلگىلەمەگە قايشى ارەكەتتەردى زاڭ بويىنشا تەكسەرىپ ءبىر جاقتى ەتەدى، مەملەكەتتىك كەڭەسكە توتە قاراستى قۇرىلىم بولادى.
مەملەكەتتىك فينانس باقىلاۋ - باسقارۋ باس مەكەمەسى جۇڭگو بانكە - قامسىزداندىرۋ ىستەرىن باقىلاۋ - باسقارۋ كوميتەتى نەگىزىندە قۇرىلادى، جۇڭگو حالىق بانكەسىنىڭ جارنامەن تىزگىندەلەتىن فينانس سەرىكتەستىكتەرى سياقتى فينانس توپتارىن كۇندەلىكتى باقىلاۋ - باسقارۋ مىندەتى، قاتىستى فينانس تۇتىنۋشىلارىن قورعاۋ مىندەتى، جۇڭگو باعالى قاعازدى باقىلاپ - باسقارۋ كوميتەتىنىڭ قارجى قوسۋشىلاردى قورعاۋ مىندەتى مەملەكەتتىك فينانس باقىلاۋ - باسقارۋ باس مەكەمەسىنە وتكىزىلەدى.
جۇڭگو بانكەسى قامسىزداندىرۋدى باقىلاۋ - باسقارۋ كوميتەتى ساقتاپ قالىنبايدى.
(9) جەرگىلىكتى فينانستى باقىلاۋ - باسقارۋ ءتۇزىلىسى رەفورماسى تەرەڭدەتىلەدى. ورتالىقتىڭ فينانس باسقارۋ تاراۋلارىنىڭ جەرگىلىكتى ۋاكىلدىك قۇرىلىمدارىن نەگىز ەتكەن جەرگىلىكتى فينانستى باقىلاۋ - باسقارۋ ءتۇزىلىسى ورناتىلىپ، ورتالىقتىڭ فينانس باسقارۋ تاراۋلارىنىڭ جەرگىلىكتى ۋاكىلدىك قۇرىلىمدارىن قۇرۋ جانە كۇش دايىنداۋ ىستەرى ءبىر تۇتاس جوسپارلانىپ، ساپالىلاندىرىلادى. جەرگىلىكتى ۇكىمەتتەر قۇرعان فينانس باقىلاۋ - باسقارۋ قۇرىلىمدارى باقىلاۋ - باسقارۋ مىندەتىن ارناۋلى مەڭگەرەدى، فينانس قىزمەت مەكەمەسى، فينانس كەڭسەسى سياقتى ماڭدايشالىقتار ەندىگارى قوسا اسىلمايدى.
(10) جۇڭگو باعالى قاعاز باقىلاۋ - باسقارۋ كوميتەتى مەملەكەتتىك كەڭەسكە توتە قاراستى قۇرىلىمعا وزگەرتىلەدى. جۇڭگو باعالى قاعاز باقىلاۋ - باسقارۋ كوميتەتى مەملەكەتتىك كەڭەسكە توتە قاراستى ءىسورىننان مەملەكەتتىك كەڭەسكە توتە قاراستى قۇرىلىمعا وزگەرتىلىپ، كاپيتال بازارىن باقىلاۋ - باسقارۋ مىندەتى كۇشەيتىلەدى، مەملەكەتتىك دامۋ جانە رەفورما كوميتەتىنە بەرىلگەن كاسىپورىن زايومىن تاراتۋدى تەكسەرۋ مىندەتى كۇشەيتىلەدى، جۇڭگو باعالى قاعاز باقىلاۋ - باسقارۋ كوميتەتى سەرىكتەستىك (كاسىپورىن) زايومىن تاراتۋدى تەكسەرۋ قىزمەتىنە ءبىرتۇتاس جاۋاپتى بولادى.
(11) جۇڭگو حالىق بانكەسىنىڭ بولىمشە قۇرىلىمدارى رەفورماسى ءبىر تۇتاس جوسپارلاپ ىلگەرىلەتىلەدى. جۇڭگو حالىق بانكەسىنىڭ ۇلكەن رايون تارماق بانكەلەرى جانە تارماق بانكەلەرىنىڭ تيجارات باسقارۋ ءبولىمى، باس بانكەگە توتە قاراستى تيجارات باسقارۋ بولىمدەرى جانە ولكە ورتالىعى بولعان قالالارداعى ورتالىق تارماق بانكەلەرى كۇشىنەن قالدىرىلىپ، 31 ولكەدە (اۆتونوميالى رايون، توتە قاراستى قالا) ولكە دارەجەلى تارماق بانكەلەر قۇرىلادى، شىنجىن، داليان، نيڭبو، چيڭداۋ، شيامىندا جوسپارى ايىرىم جاسالاتىن قالا تارماق بانكەلەرى قۇرىلادى. جۇڭگو حالىق بانكەسىنىڭ بەيجيڭ تارماق بانكەسى جۇڭگو حالىق بانكەسى تيجارات باسقارۋ ءبولىمىنىڭ ماڭدايشالىعىن ساقتاپ قالادى، جۇڭگو حالىق بانكەسىنىڭ شاڭحاي تارماق بانكەسى جۇڭگو حالىق بانكەسىنىڭ شاڭحاي باس شتابىمەن بىرلەسىپ قىزمەت ىستەيدى.
جۇڭگو حالىق بانكەسىنىڭ اۋداندىق (قالالىق) بولىمشە بانكەلەرى ساقتاپ قالىنبايدى، قاتىستى فۋنكتسيالارى جۇڭگو حالىق بانكەسىنىڭ ايماقتىق (قالالىق) ورتالىق بولىمشە بانكەسىنە وتكىزىپ بەرىلەدى. شەكاراداعى نەمەسە سىرتقى ساۋداداعى شەتەل اقشاسى ەسەبىن جابۋ، ساتۋ كاسىبى مولشەرى كوپ رايوندارعا قاراتا، قىزمەتتىڭ قاجەتىنە ساي، جۇڭگو حالىق بانكەسىنىڭ ايماقتىق (قالالىق) ورتالىق بولىمشە بانكەسى ۋاكىلدىك قۇرىلىم قۇرۋ ءتاسىلى ارقىلى قاتىستى باسقارۋ، قىزمەت وتەۋ فۋنكتسياسىن اتقارۋىنا بولادى.
(12) مەملەكەت مەنشىگىندەگى فينانس كاپيتالىن باسقارۋ ءتۇزىلىسى كەمەلدەندىرىلەدى. مەملەكەت مەنشىگىندەگى فينانس كاپيتالىن قارجىلاندىرۋشىلارعا قاتىستى باسقارۋ بەلگىلەمەلەرىنە ساي، ورتالىقتىڭ فينانس باسقارۋ تاراۋلارى باسقاراتىن بازار تيجاراتى تۇرىندەگى قۇرىلىمدار ىرىكتەلىپ، مەملەكەت مەنشىگىندەگى قاتىستى فينانستىق مال - مۇلىك مەملەكەت مەنشىگىندەگى فينانس كاپيتالىن مىندەتتەمەلى باسقارۋ قۇرىلىمىنا بەرىلەدى، ول مەملەكەتتىك كەڭەس بەرگەن ۇقىق بويىنشا قارجىلاندىرۋشىنىڭ مىندەتىن ءبىر تۇتاس وتەيدى.
(13) فينانس باسقارۋ تاراۋلارىنداعى قىزمەتكەرلەردى ءبىر تۇتاس ارناعا ءتۇسىرىپ باسقارۋ كۇشەيتىلەدى. جۇڭگو حالىق بانكەسى، مەملەكەتتىك فينانس باقىلاۋ - باسقارۋ باس مەكەمەسى، جۇڭگو باعالى قاعاز باقىلاۋ - باسقارۋ كوميتەتى، مەملەكەتتىك شەتەل اقشاسىن باسقارۋ مەكەمەسى جانە ونىڭ بولىمشە قۇرىلىمدارى، ۋاكىلدىك قۇرىلىمدارى تۇگەلدەي اكىمشىلىك شتاتتى پايدالانادى، قىزمەتكەرلەر مەملەكەت قىزمەتكەرلەرىنىڭ ءبىر تۇتاس ارناعا ءتۇسىرىپ باسقارۋىنا ەنگىزىلەدى، مەملەكەت قىزمەتكەرلەرىنىڭ ەڭبەكاقى مامىلەسى ولشەمى اتقارىلادى.
(14) مەملەكەتتىك ساندى مالىمەت مەكەمەسى قۇرىلادى. ساندى مالىمەت نەگىزدىك ءتۇزىمى قۇرىلىسىن سايكەستى ىلگەرىلەتۋگە جاۋاپتى بولىپ، ساندى مالىمەت بايلىعىن بىرىكتىرىپ ورتاق يگىلىكتەنۋدى جانە اشىپ پايدالانۋدى ءبىر تۇتاس جوسپارلاپ، سيفرلى جۇڭگو، سيفرلى ەكونوميكا، سيفرلى قوعامدىق جوبا جانە قۇرىلىس سياقتىلاردى ءبىر تۇتاس جوسپارلاپ ىلگەرىلەتەدى، مەملەكەتتىك دامۋ جانە رەفورما كوميتەتى باسقارادى.
ورتالىق توراپ حاۋىپسىزدىگى جانە ينفورماتسيالاندىرۋ كوميتەتى كەڭسەسى ۇستىنە العان سيفرلى جۇڭگو قۇرىلىسى جوباسىن زەرتتەۋ - جاساۋ، الەۋمەتتىك قىزمەت وتەۋ مەن قوعامدىق جونگە سالۋدى ينفورماتسيالاندىرۋدى سايكەستى ىلگەرىلەتۋ، زەردەلى قالا قۇرىلىسىن سايكەستى جەبەۋ، مەملەكەتتىڭ ماڭىزدى ينفورماتسيا بايلىعىن اشۋ، پايدالانۋ جانە ودان ورتاق يگىلىكتەنۋدى سايكەستىرۋ، ينفورماتسيا بايلىعىن كاسىپ، تاراۋ اتتاپ ۇلاستىرۋ - تۇتاستىرۋدى ىلگەرىلەتۋ سياقتى قىزمەت جاۋاپكەرلىكتەرى، مەملەكەتتىك دامۋ جانە رەفورما كوميتەتى ۇستىنە العان سيفرلى ەكونوميكانىڭ دامۋىن ءبىر تۇتاس ىلگەرىلەتۋ، مەملەكەتتىڭ ءىرى ساندى مالىمەت ستراتەگياسىن اتقارۋعا ۇيىمداستىرۋ، ساندى مالىمەت فاكتورىنىڭ نەگىزدىك ءتۇزىم قۇرىلىسىن ىلگەرىلەتۋ، سيفرلى نەگىزدىك قۇرىلعىلاردىڭ ورنالاسۋ قۇرىلىسىن ىلگەرىلەتۋ سياقتى مىندەتتەر مەملەكەتتىك ساندى مالىمەت مەكەمەسىنە وتكىزىلەدى.
ولكە دارەجەلى ۇكىمەتتەردىڭ ساندى مالىمەت باسقارۋ قۇرىلىمدارى ءىس جۇزىندىك جاعدايمەن ۇشتاستىرىپ قۇرىلادى.
(15) اۋىل شارۋاشىلىعى، اۋىل - قىستاق مينيسترلىگىنىڭ مىندەتى ساپالىلاندىرىلادى. اۋىل - قىستاقتى گۇلدەندىرۋدى وزەك ەتكەن اۋىل شارۋاشىلىعى، اۋىل - قىستاق، شارۋالار قىزمەتتەرىن ءبىر تۇتاس جوسپارلاپ ويداعىداي يگەرىپ، اۋىل شارۋاشىلىعىندا قۋاتتى ەل قۇرۋدى جەدەلدەتۋ ءۇشىن، مەملەكەتتىك اۋىل - قىستاقتى گۇلدەندىرۋ مەكەمەسى باستاماشى بولىپ قايتا كەدەيلەنۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ قىزمەتىن ورىستەتىپ، اۋىل - قىستاقتى گۇلدەندىرۋدە ءتۇيىندى كومەكتەسەتىن اۋداندار مەن ءتۇيىندى وڭىرلەردىڭ كومەكتەسۋ - سۇيەمەلدەۋ ساياساتىن دايىنداۋعا ۇيىمداستىرىپ، شىعىس پەن باتىس بولىكتىڭ سەلبەسۋىن، باعىتتامالى كومەكتەسۋىن، قوعامدىق كومەكتەسۋ - سۇيەمەلدەۋىن ورىستەتىپ، ورتالىق قازىنانىڭ اۋىل - قىستاقتى گۇلدەندىرۋگە قاتىستى قارجىلاردى ءبولۋىن ىلگەرىلەتۋدى ۇشتاستىرۋ ۇسىنىس جوباسىن اقىلداسىپ العا قويادى ءارى قارجىنىڭ جۇمسالۋىنا جەتەكشىلىك ەتىپ، باقىلاۋ جۇرگىزەدى، اۋىل - قىستاقتىڭ كەدەيلەردى سۇيەمەلدەۋ كاسىبىنىڭ دامۋىن ىلگەرىلەتۋ، اۋىل - قىستاقتىڭ قوعامدىق ىستەرى مەن الەۋمەتتىك قىزمەت وتەۋىنىڭ دامۋىن ىلگەرىلەتۋ سياقتى مىندەتتەر اۋىل شارۋاشىلىعى، اۋىل - قىستاق مينيسترلىگىنە وتكىزىلەدى، اۋىل شارۋاشىلىعى، اۋىل - قىستاق مينيسترلىگىنە مەملەكەتتىك اۋىل - قىستاقتى گۇلدەندىرۋ مەكەمەسىنىڭ ماڭدايشالىعى قوسا ىلىنەدى.
بۇكىل ەل بويىنشا كەدەيلىكتەن ارىلتۋدان قامال الۋ نىساناسى مەن مىندەتى ورىندالعاننان كەيىنگى وتپەلى مەزگىلدە قاتىستى سۇيەمەلدەۋ ساياساتى، قازىنالىق قولداۋ، نىسانداردى ورنالاستىرۋ جالپى جاقتان ورنىقتىلىعىن ساقتايدى، قارجى نىساندارى سالىستىرمالى تۇردە دەربەس اينالىم بويىنشا باسقارىلادى.
بولەك قۇرىلعان مەملەكەتتىك اۋىل - قىستاقتى گۇلدەندىرۋ مەكەمەسى ساقتاپ قالىنبايدى.
ولكە، قالا، اۋدان دارەجەلى اۋىل - قىستاقتى گۇلدەندىرۋ قۇرىلىمدارىنىڭ مىندەتى دارەجەلەس اۋىل شارۋاشىلىعى، اۋىل - قىستاق تاراۋلارىنا وتكىزىلەدى.
(16) قارتتار قىزمەتى ءتۇزىلىسى كەمەلدەندىرىلەدى. قارتتاردىڭ كوبەيۋىنە بەلسەنە توتەپ بەرەتىن مەملەكەت ستراتەگياسى اتقارىلىپ، بارلىق قارتتاردىڭ نەگىزگى زەينەتكەرلىككە قىزمەت وتەۋدەن يگىلىكتەنۋىن جۇزەگە اسىرۋ ىلگەرىلەتىلەدى، مەملەكەتتىك دەنساۋلىق ساقتاۋ، سالاماتتىق كوميتەتىنىڭ ۇيىمدارى حالىق سانىنىڭ قارتتانۋىنا توتەپ بەرۋدىڭ ساياساتتىق شارالارىن بەلگىلەۋ جانە سايكەستىرۋ، مەملەكەتتىك قارتتار قىزمەتى كوميتەتىنىڭ ناقتى قىزمەتىن ۇستىنە الۋ سياقتى مىندەتتەرىمەن حالىق ىستەرى مينيسترلىگىنە وتكزىلەدى. مەملەكەتتىك قارتتار قىزمەتى كوميتەتىنىڭ كەڭسەسى حالىق ىستەرى مينيسترلىگىندە قۇرىلىپ، ونىڭ قارتتار ىستەرىنىڭ دامۋىن جان - جاقتى سايكەستىرۋ، قۋزاۋ - جەتەكشىلىك ەتۋ، ۇيىمداستىرۋ جانە ىلگەرىلەتۋ مىندەتى كۇشەيتىلەدى.
جۇڭگو قارتتار قوعامىن حالىق ىستەرى مينيسترلىگى ۋاكىلدىك باسقارادى.
(17) ءبىلىم مەنشىك ۇقىعىن باسقارۋ ءتۇزىلىسى كەمەلدەندىرىلەدى. ءبىلىم مەنشىك ۇقىعى جاعىندا قۋاتتى ەل بولۋ قۇرىلىسى جەدەل ىلگەرىلەتىلىپ، ءبىلىم مەنشىك ۇقىعىن جاراتۋ، پايدالانۋ، قورعاۋ، باسقارۋ جانە قىزمەت وتەۋ ورەسى جاپپاي جوعارىلاتىلىپ، مەملەكەتتىك ءبىلىم مەنشىك ۇقىعى مەكەمەسى مەملەكەتتىك بازار باقىلاۋ - باسقارۋ باس مەكەمەسى باسقاراتىن مەملەكەتتىك مەكەمەدەن مەملەكەتتىك كەڭەسكە توتە قاراستى قۇرىلىمعا وزگەرتىلەدى. ساۋدا ماركاسى، پاتەنت سياقتى سالالارداعى زاڭ اتقارۋ مىندەتىن تاعى دا بازار باقىلاۋ - باسقارۋ جالپىلىق زاڭ اتقارۋ قوسىنى ۇستىنە الادى، قاتىستى زاڭ اتقارۋ قىزمەتىندە مەملەكەتتىك ءبىلىم مەنشىك ۇقىعى مەكەمەسىنىڭ كاسىپتىك جەتەكشىلىگىن قابىلدايدى.
ءتورتىنشى، مەملەكەتتىك ساياسي كەڭەستىڭ قۇرىلىم رەفورماسىن تەرەڭدەتۋ
(18) مەملەكەتتىك ساياسي كەڭەستىڭ سالالىق ورنالاسۋى ساپالىلاندىرىلادى. مەملەكەتتىك ساياسي كەڭەستىڭ سالالارىنا «ورتا بايلىعى سالاسى» قوسىلادى. «جۇڭگو كوممۋنيستىك جاستار وداعى» مەن «جۇڭحۋا مەملەكەتتىك جاستار بىرلەستىگى» سالالارى بىرىكتىرىلىپ، «جۇڭگو كوممۋنيستىك جاستار وداعى جانە جۇڭحۋا مەملەكەتتىك جاستار بىرلەستىگى» سالاسى قۇرىلادى. ”ۇسىنىس ەتىلگەن قايراتكەرلەر“ سالاسىنداعى مۇشەلەردىڭ قۇرىلىمى ساپالىلاندىرىلادى.
بەسىنشى، قۇرىلىم - شتات بايلىعىن ورنالاستىرۋدى ساپالىلاندىرۋ
(19) ورتالىق پەن مەملەكەت ورگاندارىنداعى قىزمەتكەرلەردىڭ شتاتى ىقشامدالادى. ورتالىق پەن مەملەكەت ورگاندارىنىڭ ءارقايسى تاراۋىنداعى قىزمەتكەرلەردىڭ شتاتى ءبىر تۇتاس %5 تىك سالىستىرما بويىنشا ىقشامدالىپ، قايتارىپ الىنعان شتات نەگىزىنەن ءتۇيىندى سالالار مەن ماڭىزدى قىزمەتتەردى كۇشەيتۋگە جۇمسالادى. ورتالىق توتە باسقاراتىن ۋاكىلدىك قۇرىلىم، شەتەلدە تۇراتىن قۇرىلىمدار ءبىر تۇتاس ىقشامداۋ كولەمىنە ەنگىزىلمەيدى، كاسىپ سالاسى مەن جۇيەنىڭ ءىس جۇزىندىك جاعدايىنا نەگىزدەلىپ، ىركىندى شتات بايلىعى يكەمدى پايدالانىلادى.
جەرگىلىكتى پارتيا، ۇكىمەت ورگاندارىنداعى قىزمەتكەرلەردىڭ شتاتىن ىقشامداۋ قىزمەتىن ءارقايسى ولكەلىك (اۆتونوميالى رايوندىق، توتە قاراستى قالالىق) پارتكوم ءىس جۇزىندىكپەن ۇشتاستىرىپ، اقىلداسىپ بەلگىلەيدى. اۋدان، اۋىل ەكى دارەجەگە ىقشامداۋ تالابى قويىلمايدى.
جەر - جەر، تاراۋلار پارتيا مەن مەملەكەت ىستەرى دامۋىنىڭ جالپى جاعدايى بيىگىندە تۇرىپ، پارتيا مەن مەملەكەت قۇرىلىمدارى رەفورماسىنىڭ ماڭىزدىلىعى مەن كوكەي تەستىلىگىن جەتە تانىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن سانالى تۇردە بىرلىككە كەلتىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ بەدەلى مەن قاتاڭدىعىن باتىل قورعاپ، رەفورما سەنىمى مەن بەكىمىن بەكەمدەپ، ۇيىمدىق باسشىلىقتى كۇشەيتىپ، قىزمەت جاۋاپكەرلىگىن تياناقتاندىرىپ، قۇرىلىم رەفورماسى مىندەتىن قاز - قالپىندا ناقتاپ تياناقتاندىرۋى كەرەك.
ورتالىق كوميتەت ساياسي بيۋروسى تۇراقتى كوميتەتىنىڭ باسشىلىعىندا، ورتالىق رەفورمانى جاپپاي تەرەڭدەتۋ كوميتەتى پارتيا مەن مەملەكەتتىڭ قۇرىلىم رەفورماسىن اتقارۋعا ۇيىمداستىرۋ قىزمەتىن ءبىر تۇتاس جوسپارلادى. جەرگىلىكتى ورىنداردىڭ قۇرىلىم رەفورماسىنا ولكە دارەجەلى پارتكومدار ءبىر تۇتاس باسشىلىق ەتەدى، رەفورما جوباسى پارتيا ورتالىق كوميتەتىنە مالىمدەلىپ، ەستەلىككە الدىرىلادى. ورتالىق دەڭگەيىندەگى رەفورما مىندەتتەرىن 2023 - جىلدىڭ سوڭىنان بۇرىن ورىنداۋعا كۇش سالىنادى، جەرگىلىكتى ورىندار دەڭگەيىندەگى رەفورما مىندەتتەرىن 2024 - جىلدىڭ سوڭىنان بۇرىن ورىنداۋعا كۇش سالىنادى. قۇرىلىم رەفورماسىن ىلگەرىلەتۋ جاعدايى جانە جولىققان ەلەۋلى ماسەلەلەر جونىندە دەر كەزىندە پارتيا ورتالىق كوميتەتىنەن نۇسقاۋ سۇراپ، مالىمەت بەرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
