جۇڭگو اۋدارما قوعامى ”اۋدارما مادەنيەتىنىڭ ومىرلىك تابىس سيلىعىن“ تاراتۋ سياقتى ماراپاتتاۋ قيمىلىن وتكىزدى
2023.04.04 13:16 كەلۋ قاينارى : حالىق تورابى
جۇڭگو اقپارات تورابىنىڭ 4 – ايدىڭ 3 – كۇنى بەيجيڭنەن بەرگەن حابارى (يىڭ ني). جۇڭگو شەتەل تىلدەرى مەكەمەسىنىڭ جەتەكشىلىگىمەن، جۇڭگو اۋدارما قوعامى ۇيىمداستىرعان 2023 – جىلعى جۇڭگو اۋدارما قوعامىنىڭ جىلدىق ءماجىلىسى 4 – ايدىڭ 3 – كۇنى بەيجيڭدە اشىلدى. اشىلۋ سالتىندا ”اۋدارما مادەنيەتىنىڭ ومىرلىك تابىس سيلىعى“، ”بەدەلدى اۋدارماشى“، ”جۇڭگودا اۋدارمامەن شۇعىلداناتىن شەتەلدىك اۋدارماشى“ سياقتى ماراپاتتاۋ سالتى وتكىزىلدى، 11 اۋدارماشى ”اۋدارما مادەنيەتىنىڭ ومىرلىك تابىس سيلىعىنا“ يە بولدى. 115 اۋدارماشىعا ”بەدەلدى اۋدارماشى“ داڭقتى اتاعى بەرىلدى، 6 اۋدارماشىعا ”جۇڭگودا اۋدارمامەن شۇعىلداناتىن شەتەلدىك اۋدارماشى“ داڭقتى اتاعى بەرىلدى.
”اۋدارما مادەنيەتىنىڭ ومىرلىك تابىس سيلىعىن“ جۇڭگو اۋدارما قوعامى 2006 - جىلى قۇرعان، اۋدارما جانە سىرتقا باعىتتالعان مادەنيەت تاراتۋ جانە مادەنيەت اۋىس - ءتۇيىسى جاعىندا كورنەكتى ۇلەس قوسقان، تابىسى تاۋداي، ىقپالى كەڭ، ابىرويلى اۋدارماشىعا بەرىلەدى، جۇڭگو اۋدارما قوعامى تاعايىنداعان، اۋدارماشىنىڭ جەكە باسىنا بەرىلەتىن ەڭ جوعارى قۇرمەت سيلىعى. بۇل سيلىقتىڭ ماقساتى — ەلىمىزدەگى قالىڭ اۋدارماشىلاردى اعا بۋىن اۋدارماشىلاردان ۇيرەنۋگە شابىتتاندىرىپ، ولاردىڭ كاسىپتى قادىرلەۋ رۋحىنا مۇراگەرلىك ەتىپ جانە ونى ساۋلەلەندىرىپ، وزىندىك كاسىپتىك ساپاسىن جوعارىلاتىپ، ەلىمىزدىڭ اۋدارما ىستەرىن گۇلدەندىرۋگە ۇلەس قوسۋ. قازىرگە دەيىن 38 اۋدارماشى وسى داڭقتى اتاققا يە بولدى. 2023 - جىلى جياڭ گۇيحۋا، ۋاڭ فىڭشياڭ، حۋاڭ باۋشىڭ، لي شۇنران، لي جۇن - باۋ، ارعىنباي قوڭىر ۇلى، فاڭ مىڭجى، حى داۋكۋان، جۋاڭ يچۋان، جاڭ داۋ - ي، جۋ ۋيليە قاتارلى 11 اۋدارماشىعا ”اۋدارما مادەنيەتىنىڭ ومىرلىك تابىس سيلىعىن“ بەردى.
”بەدەلدى اۋدارماشى“ داڭق سيلىعى 2001 – جىلى تاعايىندالعان، سىرتقى ىستەر، ديپلوماتيا، سىرتقا تاراتۋ، قوعامدىق عىلىم، اسكەري ىستەر، عىلىم - تەحنيكا، ادەبيەت جانە ۇلتتىق تىلدەردەگى اۋدارمامەن شۇعىلداناتىن، كورنەكتى تابىستارعا قول جەتكىزگەن اۋدارماشىلارعا بەرىلدى. بۇل سيلىقتىڭ ماقساتى — اعا بۋىن اۋدارماشىلاردىڭ ەلىمىزدىڭ اۋدارما ىستەرىنىڭ دامۋىن ىلگەرىلەتۋ جانە جۇڭگو مەن شەتەلدىڭ اۋىس ـ ءتۇيىسىن جەبەۋ ءۇشىن قوسقان ماڭىزدى ۇلەسىن ماداقتاپ ـ سيلاپ، قالىڭ ورتا جاس، جاس بۋىن اۋدارما قىزمەتكەرلەرىن تاڭداۋلى داستۇرگە مۇراگەرلىك ەتۋگە جانە ونى ساۋلەلەندىرۋگە شابىتتاندىرىپ، ەلىمىزدىڭ جاڭا داۋىردەگى اۋدارما ىستەرىنىڭ دامۋىن ىلگەرىلەتۋ. قازىرگە دەيىن 3 مىڭنان استام اۋدارماشى وسى داڭقتى اتاققا يە بولدى. 2023 - جىلى ليۋ دىڭلين قاتارلى 115 اۋدارماشىعا ”بەدەلدى اۋدارماشى“ اتاعى بەرىلدى.
”جۇڭگودا اۋدارمامەن شۇعىلداناتىن شەتەلدىك اۋدارماشى“ داڭق سيلىعىن جۇڭگو اۋدارما قوعامى 2022 ـ جىلى تاعايىنداعان، جۇڭگودا اۋدارماعا قاتىستى قىزمەتتەرمەن شۇعىلداناتىن، جۇڭگو حيكاياسىن جاقسى بايانداۋعا، جۇڭگو مەن شەتەلدىڭ اۋىس ـ ءتۇيىسىن جەبەۋگە كورنەكتى ۇلەس قوسقان شەتەلدىك اۋدارماشىعا جانە حالىقارالىق تاراتۋ مامانىنا بەردى. بۇل سيلىقتىڭ ماقساتى — ءتىپتى دە كوپ شەتەلدىك مامانداردى جۇڭگو اۋدارماسى جانە حالىقارالىق تاراتۋ قىزمەتىمەن شۇعىلدانۋعا شابىتتاندىرىپ، سىرتقا جۇڭگو حيكاياسىن جاقسى ايتۋ، جۇڭگو ءۇنىن تاراتۋ جاقتارىندا بەلسەندى ۇلەس قوسۋ. قازىرگە دەيىن 7 شەتەلدىك مامان وسى داڭقتى اتاققا يە بولدى. 2023 - جىلى يە حاييا، لاسلو، يىن مورريسون، لي بوحان، لي جىڭرىن، شى روجيە سىندى 6 اۋدارماشىعا ”جۇڭگودا اۋدارمامەن شۇعىلداناتىن شەتەلدىك اۋدارماشى“ اتاعى بەرىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
