شينجياڭدا ءۇشىنشى رەت عىلىمي تەكسەرۋ جۇرگىزۋ قىزمەتى:
شينجياڭداعى سۋ ايدىنىنىڭ كولەمى ەڭ ۇلكەن كول — اياققۇم كولى
2023.04.04 15:12 كەلۋ قاينارى : حالىق تورابى
جۇڭگونىڭ شينجياڭدا ءۇشىنشى رەت عىلىمي تەكسەرۋ جۇرگىزۋ اترەتىنىڭ التىنتاۋدا دالالىق عىلىمي تەكسەرۋ جۇرگىزۋ اترەتى شينجياڭ بايىنعولىن موڭعۇل اۆتونوميالى وبلىسى التىنتاۋ مەملەكەت دارەجەلى تابيعي قورىعىنىڭ شىعىس سولتۇستىگىندەگى اياققۇم كولىندە قاتىستى تەكسەرۋ – زەرتتەۋ قىزمەتىن ورىستەتتى.
جۋىردا، جۇڭگو عىلىم اكادەمياسى شينجياڭ ەكولوگيالىق جانە جاعراپيالىق زەرتتەۋ مەكەمەسى مىندەتىنە العان ”كۇنلۇن تاۋىنىڭ سولتۇستىك بوكتەرىندەگى سۋ قاينارىنىڭ كومەسكى قۋاتىن اشۋ جانە پايدالانۋ جولدارى جونىندەگى عىلىمي زەرتتەۋ“ نىسانى قىزمەتكەرلەرىنىڭ الىس ارالىقتان باقىلاۋ ارقىلى بايقاۋىنشا، وتكەن 30 جىل ىشىندە، اياققۇم كولىنىڭ سۋ ايدىنىنىڭ كولەمى جەدەل ارتىپ، قازىر 1127.72 شارشى كيلومەترگە جەتكەن، بۇل اتالعان كولدىڭ كوپتەگەن جىلدان بەرى سۋ ايدىنىنىڭ كولەمى ورتا ەسەپپەن 1064 شارشى كيلومەتر بولعان باعراش كولىنەن اسىپ، شينجياڭداعى سۋ ايدىنىنىڭ كولەمى ەڭ ۇلكەن كولگە اينالعانىن كورسەتەدى.
اياققۇم كولى — ۇستىرتتەگى تۇزدى كول. جۇڭگو اقپارات اگەنتتىگى ءتىلشىسىنىڭ التىنتاۋدا دالالىق زەرتتەۋ جۇرگىزۋ اترەتىمەن ىلەسە ءجۇرىپ، كول بويىنان بايقاۋىنشا، الىس جاعالاۋداعى قاتپارلى تاۋلاردىڭ تۇلعاسى ەرەكشە كوزگە تۇسەدى، جاقىن جاعالاۋداعى الىپ ”ۇشپا تاس“ ادامنىڭ جانارىن وزىنە باۋرايدى. (ءتىلشى: سۇن زىفا)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
