شينجياڭدا ورتا، باستاۋىش مەكتەپتەر مەن بالالار باقشاسىنا وقىتۋشى بولۋ تولىمدىلىعىن كۋالاندىرۋدىڭ الدىڭعى جارىم جىلداعى قىزمەتى 4 – ايدىڭ 6 – كۇنى تۇستەن بۇرىن باستالادى
2023.04.04 15:31 كەلۋ قاينارى : حالىق تورابى
انار بۇلت \ شينجياڭ گازەتىنىڭ ءتىلشىسى شىن زۋشياۋ حابارلايدى. ءتىلشىنىڭ شينجياڭ ۇيعۇر اۆتونوميالى رايوندىق وقۋ – اعارتۋ مەڭگەرمەسىنەن ۇعىسۋىنشا، شينجياڭدا 2023 – جىلعى الدىڭعى جارىم جىلداعى ورتا، باستاۋىش مەكتەپ پەن بالالار باقشاسىنا وقىتۋشى بولۋ تولىمدىلىعىن كۋالاندىرۋ قىزمەتى 4 – ايدىڭ 6 – كۇنى باستالادى، شارتقا ۇيلەسەتىن ءوتىنىش بەرۋشىلەر بەلگىلەنگەن ۋاقىت ىشىندە جۇڭگو وقىتۋشى بولۋ تولىمدىلىعى تورابى (https://www.jszg.edu.cn) ارقىلى تىزىمدەلسە بولادى.
ينتەرنەت ارقىلى تىزىمدەلۋ ۋاقىتى ەكى توپقا بولىنەدى، ءوتىنىش بەرۋشىلەر ءوز جاعدايىنا قاراي وتىرىپ، سايكەستى تىزىمدەلۋ ۋاقىتى ىشىندە تىزىمدەلۋى قاجەت. مۇندا، ءبىرىنشى توپتاعى تىزىمدەلۋ ۋاقىتى 4 – ايدىڭ 6 – كۇنى ساعات ساعات 10 نان 4 – ايدىڭ 21 – كۇنى ساعات 17 گە دەيىن، نەگىزىنەن شينجياڭداعى جاي جوعارى مەكتەپتەردەن وقۋ تاۋىساتىن جىلدىقتاعى ستۋدەنتتەرگە، وقىپ جاتقان اسپيرانتتارعا جانە ارناۋلى كۋرستان تولىق كۋرسقا جوعارىلايتىن بولىپ وقىپ جاتقان ستۋدەنتتەرگە، سونداي – اق، كۋالاندىرۋ شارتىنا ساي كەلەتىن قوعامداعىلارعا باعىتتالادى؛ ەكىنشى توپتاعى تىزىمدەۋ ۋاقىتى 6 – ايدىڭ 16 – كۇنى ساعات 10 نان 6 – ايدىڭ 21 – كۇنى ساعات 17 گە دەيىن، باستىسى 2023 – جىلعى الدىڭعى جارىم جىلداعى مەملەكەتتىك ورتا، باستاۋىش مەكتەپتەرگە وقىتۋشى بولۋ تولىمدىلىق ەمتيحانىندا (جازباشا ەمتيحان، بەتپە – بەت ەمتيحان) تولىمدى بولعان، سونىمەن بىرگە، كۇشكە يە مەرزىمدەگى «ورتا، باستاۋىش مەكتەپكە وقىتۋشى بولۋ تولىمدىلىق ەمتيحانىندا تولىمدى بولۋ ىسپاتىنا» يە بولعان ءوتىنىش بەرۋشىلەرگە باعىتتالادى.
ۇعىسۋعا قاراعاندا، كۋالاندىرۋ كولەمىنە مەملەكەت زاڭىندا بەلگىلەنگەن زەينەتكە شىعۋ جاسىنا جەتپەگەن، تومەندەگى شارتتاردىڭ بىرىنە سايكەس كەلەتىن ادامدار قامتىلادى، ولاردىڭ سايكەستى وقىتۋشى بولۋ تولىمدىلىعىنا ءوتىنىش بەرۋىنە بولادى: شينجياڭ نوپوسىنداعىلار؛ كۇشكە يە مەرزىم ىشىندەگى شينجياڭدا قونىستانۋ كۋالىگىنە يە باسقا ولكە، قالالاردىڭ نوپوسىنداعىلار (ۋاقىتتىق قونىستانۋ كۋالىگى مەن ۋاقىتتىق تۇرۋ كۋالىگى قامتىلمايدى)؛ شينجياڭداعى جاي جوعارى مەكتەپتەردەن وقۋ تاۋىساتىن جىلدىقتاعى ستۋدەنتتەر، وقىپ جاتقان اسپيرانتتار جانە ارناۋلى كۋرستەن تولىق كۋرسكە جوعارىلايتىن بولىپ وقىپ جاتقان ستۋدەنتتەر؛ شينجياڭدا مىندەت وتەپ جاتقان اسكەريلەر مەن قارۋلى ساقشىلار؛ شينجياڭدا وقىپ جاتقان، تۇرمىس كەشىرىپ جاتقان، قونىستانعان شياڭگاڭدىق، اۋمىندىق، تايۋاندىق تۇرعىندار، مۇندا، كۇشكە يە مەرزىم ىشىندەگى شياڭگاڭ، اۋمىن، تايۋان تۇرعىندارىنىڭ قونىستانۋ كۋالىگىنە يە ءارى شينجياڭعا قونىستانعان شياڭگاڭدىق، اۋمىندىق، تايۋاندىق تۇرعىندار قامتىلادى؛ شينجياڭدا ورتا، باستاۋىش مەكتەپكە وقىتۋشى بولۋ تولىمدىلىق ەمتيحانىنا قاتىناسقان، شياڭگاڭ، اۋمىن تۇرعىندارىنىڭ ىشكى ولكەلەرگە كەلىپ – كەتۋ كۋالىگى بار شياڭگاڭ، اۋمىن تۇرعىندارى، تايۋان تۇرعىندارىنا باعىتتالعان كۇشكە يە مەرزىمى بەس جىلدىق ۇلى قۇرلىققا كەلۋ جول حاتى بار تايۋان تۇرعىندارى.
بەلگىلەمەگە نەگىزدەلگەندە، بالالار باقشاسىنا، باستاۋىش مەكتەپكە، ورتالاۋ مەكتەپكە وقىتۋشى بولۋ تولىمدىلىعىن اۋدانداعى (قالا، رايون) وقۋ – اعارتۋدى اكىمشىلىك جاقتان باسقارۋ تاراۋلارى كۋالاندىرادى، ورتا مەكتەپكە، ورتا دارەجەلى كاسىپتىك مەكتەپكە وقىتۋشى بولۋ جانە ورتا دارەجەلى كاسىپتىك مەكتەپكە پراكتيكانت جەتەكشى وقىتۋشى بولۋ تولىمدىلىعىن ايماق (وبلىس، قالا) دارەجەلى وقۋ – اعارتۋدى اكىمشىلىك جاقتان باسقارۋ تاراۋلارى كۋالاندىرادى. ناق مايداندا تۇراقتاندىرۋ، تولىمدىلىعىن تەكسەرۋ، دەنساۋلىعىن تەكسەرۋ، كۋالىك تاراتۋ قاتارلى قىزمەتتەر جونىندەگى ورنالاستىرۋدى جەر – جەردەگى وقىتۋشى بولۋ تولىمدىلىعىن كۋالاندىرۋ قۇرىلىمدارى جاريالاعان مالىمەتتەردەن كورۋگە بولادى.
ءوتىنىش بەرۋشى ينتەرنەت ارقىلى ءوتىنىش بەرۋدى ورىنداعان سوڭ، سايكەستى كۋالاندىرۋ قۇرىلىمدارى جاريالاعان كۋالاندىرۋ جونىندەگى ۇقتىرۋلاردى مۇقيات وقۋى، ەكى توپتاعى بەلگىلەنگەن ۋاقىت ىشىندە وقىتۋشى بولۋ تولىمدىلىعىن كۋالاندىراتىن قۇرىلىمدار بەلگىلەگەن جەرلەرگە بارىپ، ءوتىنىش بەرۋدەگى قاتىستى ماتەريالدارىن تاپسىرۋى، ناق مايداندا تۇراقتاندىرۋدى تارتىپپەن ورىنداۋى قاجەت، ءوتىنىش بەرۋشىلەردىڭ رايون، اۋدان اتتاپ ناق مايداندا كۋالاندىرۋ قۇرىلىمدارىن تاڭداۋىنا بولمايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
