شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى قىزمەت ءماجىلىسى بەيجيڭدە اشىلدى، شي جينپيڭ ماڭىزدى ءسوز سويلەپ بىلاي دەپ دارىپتەدى
نەگىزگى تاقىرىپتىق تاربيەنى تىڭعىلىقتى مىقتى يگەرىپ، جاڭا جورىقتا ەكپىندەي ىلگەرىلەۋگە زەيىن - زەردەنى شوعىرلاندىرۋ كەرەك
لي چياڭ، جاۋ لىجي، ۋاڭ حۋنيڭ، ديڭ شۋەشياڭ، لي شي، حان جىڭ قاتىناستى، ساي چي ءسوز سويلەدى
2023.04.04 16:41 كەلۋ قاينارى : حالىق تورابى
 |
4 - ايدىڭ 3 - كۇنى شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى قىزمەت ءماجىلىسى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
|
■ مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ايبىندى نىساناسى ادامدى شابىتتاندىرادى، العا باسۋعا جەبەيدى، ءبىزدىڭ وسى ۇرپاق كوممۋنيستەرىمىزدىڭ بورىشى داڭقتى، جاۋاپكەرلىگى اۋىر. ءبىز وسى رەتكى نەگىزگى تاقىرىپتىق تاربيەنى وراي ەتىپ، پارتيانىڭ جاڭالىق اشۋ نازارياسىمەن قارۋلانۋىن كۇشەيتىپ، بۇكىل پارتيانىڭ ماركسيمزدىك ورەسىن ۇزدىكسىز جوعارىلاتىپ، پارتيانىڭ بيلىك جۇرگىزۋ قابىلەتى مەن باسشىلىق ورەسىن ۇزدىكسىز جوعارىلاتىپ، جاڭا جورىقتا قايراتتانا العا ۇمتىلۋعا زەيىن - زەردەنى، كۇش - قۋاتتى شوعىرلاندىرىپ، اسقاق جىگەرمەن قايراتتانا ۇمتىلىپ، ەرلىكپەن العا تارتىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋىمىز كەرەك
■ اۋدان، باسقارما دارەجەلىدەن جوعارى باسشى كادرلاردى ماڭىزدى ءتۇيىن ەتىپ، بۇكىل پارتيادا جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتۋ − پارتيا 20 - قۇرىلتايىنىڭ رۋحىن دايەكتىلەندىرىپ، تياناقتاندىرۋداعى كەلەلى شارا، بۇكىل پارتيانىڭ يدەياسىن بىرلىككە كەلتىرۋدە، پارتيا ىشىندە ورىن تەپكەن كورنەكتى ماسەلەلەردى شەشۋدە، پارتيانىڭ حالىق بۇقاراسىمەن ەتەنە بايلانىسىن باستان - اياق ساقتاۋدا، پارتيا مەن مەملەكەت ىستەرىنىڭ دامۋىن ىلگەرىلەتۋدە ماڭىزدى مانگە يە. وسى رەتكى نەگىزگى تاقىرىپتىق تاربيەدە جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋدى تەرەڭدەتۋدى، ناقتىلاندىرۋدى ىلگەرىلەتۋگە كۇش سالىپ، پارتيا مۇشەلەرىن، كادرلاردى يدەيالىق جاقتان توركىنىن تۇزەپ، قاينارىن تازالاپ، ارقاۋدى بەكەمدەپ، نەگىزدى جەتىلدىرىپ، ساياسي تۇجىرىمداۋ قابىلەتىن، ساياسي جەتەكتەۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، ءبىر باعىتتا ويلاپ، ءبىر باعىتتا كۇش سالۋعا تاربيەلەپ، باستاپ، پارتيانى الماس قامالى بولمايتىن، شايقاستا جەڭىسكە جەتپەي تىنبايتىن قۇرىش ەتىپ شىڭداۋ كەرەك. قالىڭ پارتيا مۇشەلەرىن، كادرلاردى يدەيانى ۇيرەنىپ، ارەكەتكە كەلىپ، دۇرىس ۇقىق كوزقاراسىن، ساياسي ناتيجە كوزقاراسىن، ءىس كوزقاراسىن ورناتىپ، جاۋاپكەرلىك سەزىم مەن بورىشتىلىق سەزىمدى كۇشەيتىپ، ساپالى دامۋدى ىلگەرىلەتۋ قابىلەتىن، بۇقاراعا قىزمەت وتەۋ قابىلەتىن، حاۋىپ - قاتەردەن ساقتانۋ جانە ونى جويۋ قابىلەتىن ۇزدىكسىز جوعارىلاتىپ، كۇرەس رۋحى مەن كۇرەس قابىلەتىن جەتىلدىرۋدى كۇشەيتىپ، قايراتتانا العا ۇمتىلۋ، جاۋاپكەرلىك ارقالاي ءبىلۋ رۋحىن سەرپىلتۋگە تاربيەلەۋ، باستاۋ كەرەك. ءار دارەجەلى پارتيا ۇيىمدارى مەن قالىڭ پارتيا مۇشەلەرىن، كادرلاردى ماسەلەنى باعدار ەتۋدى كورنەكتىلەندىرىپ، جەتەرسىزدىكتەردى تەكسەرىپ، پارىقتاردى تاۋىپ، بەتالىستى ايقىنداپ، ساياسي جاقتان ”دەنساۋلىق تەكسەرۋدى“ قابىلداپ، ساياسي ”شاڭ - توزاڭدى“ قاعىپ، ارەكەتتەگى اۋىتقۋشىلىقتاردى تۇزەتىپ، يدەيادا، ۇيىمدا كىرشىكسىز بولماۋ جاعىندا ورىن تەپكەن كورنەكتى ماسەلەلەردى شەشۋگە تاربيەلەپ، باستاپ، پارتيانىڭ ءوزىن تازارتۋ، ءوزىن كەمەلدەندىرۋ، ءوزىن تۇلەتۋ، ورەسىن جوعارىلاتۋ قابىلەتىن ۇزدىكسىز كۇشەيتىپ، پارتيامىزدىڭ باستان - اياق جالىندى تىرشىلىك تىنىسى مەن جالىندى ومىرشەڭدىك كۇشكە يە بولىپ، باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيىتقىسىنا اينالۋىنا مۇمكىندىك جاساۋ كەرەك
■ وسى رەتكى نەگىزگى تاقىرىپتىق تاربيەدە”يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ۇلەس قوسۋ“ جالپى تالابىن مىقتاپ يگەرۋ كەرەك. جاڭا ءداۋىر جۇڭگوشا سوتسياليزم يدەياسىن جاپپاي ۇيرەنىپ، ءتۇسىنىپ، وسى يدەيانىڭ نەگىزگى كوزقاراسىن، عىلمي جۇيەسىن جاپپاي جۇيەلى يگەرىپ، وسى يدەيانىڭ دۇنيەگە كوزقاراسىن، مەتودولوگياسىن ويداعىداي يگەرىپ، وعان سىڭىرىلگەن مايدان، كوزقاراس، ادىستە ويداعىداي تاباندى بولىپ، ودان ويداعىداي پايدالانىپ، پارتيانىڭ جاسامپاز نازارياسىنا دەگەن ساياسي تانىمدى، يدەيالىق تانىمدى، نازاريالىق تانىمدى، سەزىمدىك تانىمدى ۇزدىكسىز كۇشەيتىپ، ماركسيزم اسىل ونەرىن شىنايى ۇيرەنىپ، جاڭا ءداۋىر جۇڭگوشا سوتسياليزم يدەياسىمەن سانالى تۇردە ءتۇرلى قىزمەتكە جەتەكشىلىك ەتۋ كەرەك. سانالى تۇردە جاڭا ءداۋىر جۇڭگوشا سوتسياليزم يدەياسىمەن سۋبيەكتيۆ دۇنيەنى وزگەرتىپ، وسى يدەيانىڭ مۇرات - سەنىمددى بەكەمدەۋ، يدەيالىق ورەنى جوعارىلاتۋ، پارتيالىلىق شىنىعۋدى كۇشەيتۋ سياقتى ءبىرقىدىرۋ تالابىن تەرەڭ ءتۇسىنىپ، كوممۋنيستەردىڭ ساياسي قاسيەتىن باستان - اياق ساقتاۋ كەرەك. جاڭا داۋىردەگى جۇڭگوشا سوتسياليزم يدەياسىن سانالى تۇردە امالياتتا ايگىلەپ، وبيەكتيۆ دۇنيەنى وزگەرتۋگە، ىستەرىمىزدىڭ دامۋىن ىلگەرىلەتۋگە پايدالانىپ، ءداۋىردى باقىلاۋعا، ءداۋىردى يگەرۋگە، داۋىرگە جەتەكشىلىك ەتۋگە پايدالانىپ، وزگەرىسكە بەلسەنە نازار اۋدارىپ، وزگەرىسكە تالپىنىپ، ەكونوميكالىق، قوعامدىق دامۋ مەن پارتيا قۇرىلىسىندا ورىن تەپكەن ءتۇرلى قايشىلىقتار مەن ماسەلەلەردى شەشىپ، اۋىر حاۋىپ - قاتەردەن ساقتانىپ جانە ونى جويىپ، جۇڭگو ۇلگىسىندەگى وسىزامانداندىرۋدا تىڭ ىلگەرىلەۋشىلىككە، تىڭ تابىستارعا قول جەتكىزۋدى ىلگەرىلەتۋ كەرەك. جاڭا ءداۋىر جۇڭگوشا سوتسياليزم يدەياسىنان قايراتتانا العا ۇمتىلاتىن اقىل - پاراسات پەن كۇش - قۋات قابىلداپ، وندا قامتىلعان باسشىلىق ءادىسىن، يدەيالىق ءادىستى، قىزمەت ءادىسىن جەتىك يگەرىپ، مىندەت اتقارىپ، جاۋاپكەرلىكتى ادا ەتۋ قابىلەتى مەن دەڭگەيىن ۇزدىكسىز جوعارىلاتىپ، زەيىن - زەردەنى، كۇش - قۋاتتى ۇيىستىرىپ دامۋدى جەبەپ، تياناقتاندىرۋدى تىنباي يگەرىپ، قىزمەت ورنىن تياناق ەتىپ ۇلەس قوسىپ، تاريح پەن حالىقتىڭ سىنىنان وتە الاتىن ناقتى ناتيجە جاراتۋعا قۇلشىنۋ كەرەك
■ وسى رەتكى نەگىزگى تاقىرىپتىق تاربيەنى ورىستەتۋدەگى ءتۇبىرلى مىندەت − ۇيرەنۋدى، وي جۇگىرتۋدى، قولدانۋدى ساباقتاستىرۋدا، تانىمدى، سەنىمدى، ارەكەتتى بىرلىككە كەلتىرۋدە تاباندى بولىپ، جاڭا ءداۋىر جۇڭگوشا سوتسياليزم يدەياسىن مۇراتتى بەكەمدەۋدىڭ، پارتيالىلىقتى شىڭداۋدىڭ جانە امالياتقا جەتەكشىلىك ەتۋدىڭ، قىزمەتتى ىلگەرىلەتۋدىڭ قۋاتتى كۇشىنە اينالدىرىپ، بۇكىل پارتيانىڭ باستان - اياق ءبىر تۇتاس يدەيانى، بەرىك ەرىك - جىگەردى، سايكەستى ارەكەتتى، قۇدىرەتتى جاۋىنگەرلىك قۋاتتى ساقتاۋىنا مۇمكىندىك جاساۋ، ۇيرەنۋ ارقىلى رۋحتى سومداۋ، ۇيرەنۋ ارقىلى اقىل - پاراساتتى ارتتىرۋ، ۇيرەنۋ ارقىلى ستيلدى دۇرىستاۋ، ۇيرەنۋ ارقىلى ىستەۋدى جەبەۋ جاعىندا ناقتى ونىمدىلىككە قول جەتكىزۋگە قۇلشىنۋ كەرەك
■ بۇل رەتكى نەگىزگى تاقىرىپتىق تاربيە كەزەڭگە جىكتەلمەيدى، بۋىنعا بولىنبەيدى، نازاريا ۇيرەنۋ، تەكسەرۋ - زەرتتەۋ، دامۋدى ىلگەرىلەتۋ، قاداعالاپ تۇزەتۋ ساباقتاستىرىلىپ، ورگانيكالى توعىستىرىلىپ، ءبىر تۇلعالى ىلگەرىلەتىلەدى
■ بۇل رەتكى نەگىزگى تاقىرىپتىق تاربيە − جالپى جاعدايعا ساياتىن ءىرى ءىس، ۋاقىت تىعىز، مىندەت اۋىر، تالاپ جوعارى. ءار دارەجەلى پارتكومدار (پارتيا باسشىلىق گرۋپپاسى) تۇلعالىق جاۋاپكەرلىكتى ارقالاپ، نەگىزگى تاقىرىپتىق تاربيەنى ويداعىداي جوسپارلاۋى، ويداعىداي ۇيىمداستىرۋى، ويداعىداي تياناقتاندىرۋى كەرەك
«حالىق گازەتى»، 4 – ايدىڭ 3 - كۇنى، بەيجيڭ. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى قىزمەت ءماجىلىسى 4 - ايدىڭ 3 - كۇنى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. ول مىنالاردى دارىپتەدى: مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ايبىندى نىساناسى ادامدى شابىتتاندىرادى، العا باسۋعا جەبەيدى، ءبىزدىڭ وسى ۇرپاق كوممۋنيستەرىمىزدىڭ بورىشى داڭقتى، جاۋاپكەرلىگى اۋىر. ءبىز وسى رەتكى نەگىزگى تاقىرىپتىق تاربيەنى وراي ەتىپ، پارتيانىڭ جاڭالىق اشۋ نازارياسىمەن قارۋلانۋىن كۇشەيتىپ، بۇكىل پارتيانىڭ ماركسيمزدىك ورەسىن ۇزدىكسىز جوعارىلاتىپ، پارتيانىڭ بيلىك جۇرگىزۋ قابىلەتى مەن باسشىلىق ورەسىن ۇزدىكسىز جوعارىلاتىپ، جاڭا جورىقتا قايراتتانا العا ۇمتىلۋعا زەيىن - زەردەنى، كۇش - قۋاتتى شوعىرلاندىرىپ، اسقاق جىگەرمەن قايراتتانا ۇمتىلىپ، ەرلىكپەن العا تارتىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋىمىز كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ديڭ شۋەشياڭ، لي شي، مەملەكەت ءتوراعاسىنىڭ ورىنباسارى حان جىڭ ماجىلىسكە قاتىناستى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋگە باسشىلىق ەتۋ گرۋپپاسىنىڭ باستىعى ساي چي قورىتىندى ءسوز سويلەدى.
شي جينپيڭ بىلاي دەپ اتاپ كورسەتتى: اۋدان، باسقارما دارەجەلىدەن جوعارى باسشى كادرلاردى ماڭىزدى ءتۇيىن ەتىپ، بۇكىل پارتيادا جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتۋ − پارتيا 20 - قۇرىلتايىنىڭ رۋحىن دايەكتىلەندىرىپ، تياناقتاندىرۋداعى كەلەلى شارا، بۇكىل پارتيانىڭ يدەياسىن بىرلىككە كەلتىرۋدە، پارتيا ىشىندە ورىن تەپكەن كورنەكتى ماسەلەلەردى شەشۋدە، پارتيانىڭ حالىق بۇقاراسىمەن ەتەنە بايلانىسىن باستان - اياق ساقتاۋدا، پارتيا مەن مەملەكەت ىستەرىنىڭ دامۋىن ىلگەرىلەتۋدە ماڭىزدى مانگە يە. وسى رەتكى نەگىزگى تاقىرىپتىق تاربيەدە جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋدى تەرەڭدەتۋدى، ناقتىلاندىرۋدى ىلگەرىلەتۋگە كۇش سالىپ، پارتيا مۇشەلەرىن، كادرلاردى يدەيالىق جاقتان توركىنىن تۇزەپ، قاينارىن تازالاپ، ارقاۋدى بەكەمدەپ، نەگىزدى جەتىلدىرىپ، ساياسي تۇجىرىمداۋ قابىلەتىن، ساياسي جەتەكتەۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، ءبىر باعىتتا ويلاپ، ءبىر باعىتتا كۇش سالۋعا تاربيەلەپ، باستاپ، پارتيانى الماس قامالى بولمايتىن، شايقاستا جەڭىسكە جەتپەي تىنبايتىن قۇرىش ەتىپ شىڭداۋ كەرەك. قالىڭ پارتيا مۇشەلەرىن، كادرلاردى يدەيانى ۇيرەنىپ، ارەكەتكە كەلىپ، دۇرىس ۇقىق كوزقاراسىن، ساياسي ناتيجە كوزقاراسىن، ءىس كوزقاراسىن ورناتىپ، جاۋاپكەرلىك سەزىم مەن بورىشتىلىق سەزىمدى كۇشەيتىپ، ساپالى دامۋدى ىلگەرىلەتۋ قابىلەتىن، بۇقاراعا قىزمەت وتەۋ قابىلەتىن، حاۋىپ - قاتەردەن ساقتانۋ جانە ونى جويۋ قابىلەتىن ۇزدىكسىز جوعارىلاتىپ، كۇرەس رۋحى مەن كۇرەس قابىلەتىن جەتىلدىرۋدى كۇشەيتىپ، قايراتتانا العا ۇمتىلۋ، جاۋاپكەرلىك ارقالاي ءبىلۋ رۋحىن سەرپىلتۋگە تاربيەلەۋ، باستاۋ كەرەك. ءار دارەجەلى پارتيا ۇيىمدارى مەن قالىڭ پارتيا مۇشەلەرىن، كادرلاردى ماسەلەنى باعدار ەتۋدى كورنەكتىلەندىرىپ، جەتەرسىزدىكتەردى تەكسەرىپ، پارىقتاردى تاۋىپ، بەتالىستى ايقىنداپ، ساياسي جاقتان ”دەنساۋلىق تەكسەرۋدى“ قابىلداپ، ساياسي ”شاڭ - توزاڭدى“ قاعىپ، ارەكەتتەگى اۋىتقۋشىلىقتاردى تۇزەتىپ، يدەيادا، ۇيىمدا كىرشىكسىز بولماۋ جاعىندا ورىن تەپكەن كورنەكتى ماسەلەلەردى شەشۋگە تاربيەلەپ، باستاپ، پارتيانىڭ ءوزىن تازارتۋ، ءوزىن كەمەلدەندىرۋ، ءوزىن تۇلەتۋ، ورەسىن جوعارىلاتۋ قابىلەتىن ۇزدىكسىز كۇشەيتىپ، پارتيامىزدىڭ باستان - اياق جالىندى تىرشىلىك تىنىسى مەن جالىندى ومىرشەڭدىك كۇشكە يە بولىپ، باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيىتقىسىنا اينالۋىنا مۇمكىندىك جاساۋ كەرەك.
شي جينپيڭ بىلاي دەپ دارىپتەدى: وسى رەتكى نەگىزگى تاقىرىپتىق تاربيەدە”يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ۇلەس قوسۋ“ جالپى تالابىن مىقتاپ يگەرۋ كەرەك. جاڭا ءداۋىر جۇڭگوشا سوتسياليزم يدەياسىن جاپپاي ۇيرەنىپ، ءتۇسىنىپ، وسى يدەيانىڭ نەگىزگى كوزقاراسىن، عىلمي جۇيەسىن جاپپاي جۇيەلى يگەرىپ، وسى يدەيانىڭ دۇنيەگە كوزقاراسىن، مەتودولوگياسىن ويداعىداي يگەرىپ، وعان سىڭىرىلگەن مايدان، كوزقاراس، ادىستە ويداعىداي تاباندى بولىپ، ودان ويداعىداي پايدالانىپ، پارتيانىڭ جاسامپاز نازارياسىنا دەگەن ساياسي تانىمدى، يدەيالىق تانىمدى، نازاريالىق تانىمدى، سەزىمدىك تانىمدى ۇزدىكسىز كۇشەيتىپ، ماركسيزم اسىل ونەرىن شىنايى ۇيرەنىپ، جاڭا ءداۋىر جۇڭگوشا سوتسياليزم يدەياسىمەن سانالى تۇردە ءتۇرلى قىزمەتكە جەتەكشىلىك ەتۋ كەرەك. سانالى تۇردە جاڭا ءداۋىر جۇڭگوشا سوتسياليزم يدەياسىمەن سۋبيەكتيۆ دۇنيەنى وزگەرتىپ، وسى يدەيانىڭ مۇرات - سەنىمددى بەكەمدەۋ، يدەيالىق ورەنى جوعارىلاتۋ، پارتيالىلىق شىنىعۋدى كۇشەيتۋ سياقتى ءبىرقىدىرۋ تالابىن تەرەڭ ءتۇسىنىپ، كوممۋنيستەردىڭ ساياسي قاسيەتىن باستان - اياق ساقتاۋ كەرەك. جاڭا داۋىردەگى جۇڭگوشا سوتسياليزم يدەياسىن سانالى تۇردە امالياتتا ايگىلەپ، وبيەكتيۆ دۇنيەنى وزگەرتۋگە، ىستەرىمىزدىڭ دامۋىن ىلگەرىلەتۋگە پايدالانىپ، ءداۋىردى باقىلاۋعا، ءداۋىردى يگەرۋگە، داۋىرگە جەتەكشىلىك ەتۋگە پايدالانىپ، وزگەرىسكە بەلسەنە نازار اۋدارىپ، وزگەرىسكە تالپىنىپ، ەكونوميكالىق، قوعامدىق دامۋ مەن پارتيا قۇرىلىسىندا ورىن تەپكەن ءتۇرلى قايشىلىقتار مەن ماسەلەلەردى شەشىپ، اۋىر حاۋىپ - قاتەردەن ساقتانىپ جانە ونى جويىپ، جۇڭگو ۇلگىسىندەگى وسىزامانداندىرۋدا تىڭ ىلگەرىلەۋشىلىككە، تىڭ تابىستارعا قول جەتكىزۋدى ىلگەرىلەتۋ كەرەك. جاڭا ءداۋىر جۇڭگوشا سوتسياليزم يدەياسىنان قايراتتانا العا ۇمتىلاتىن اقىل - پاراسات پەن كۇش - قۋات قابىلداپ، وندا قامتىلعان باسشىلىق ءادىسىن، يدەيالىق ءادىستى، قىزمەت ءادىسىن جەتىك يگەرىپ، مىندەت اتقارىپ، جاۋاپكەرلىكتى ادا ەتۋ قابىلەتى مەن دەڭگەيىن ۇزدىكسىز جوعارىلاتىپ، زەيىن - زەردەنى، كۇش - قۋاتتى ۇيىستىرىپ دامۋدى جەبەپ، تياناقتاندىرۋدى تىنباي يگەرىپ، قىزمەت ورنىن تياناق ەتىپ ۇلەس قوسىپ، تاريح پەن حالىقتىڭ سىنىنان وتە الاتىن ناقتى ناتيجە جاراتۋعا قۇلشىنۋ كەرەك.
شي جينپيڭ بىلاي دەپ اتاپ كورسەتتى: وسى رەتكى نەگىزگى تاقىرىپتىق تاربيەنى ورىستەتۋدەگى ءتۇبىرلى مىندەت − ۇيرەنۋدى، وي جۇگىرتۋدى، قولدانۋدى ساباقتاستىرۋدا، تانىمدى، سەنىمدى، ارەكەتتى بىرلىككە كەلتىرۋدە تاباندى بولىپ، جاڭا ءداۋىر جۇڭگوشا سوتسياليزم يدەياسىن مۇراتتى بەكەمدەۋدىڭ، پارتيالىلىقتى شىڭداۋدىڭ جانە امالياتقا جەتەكشىلىك ەتۋدىڭ، قىزمەتتى ىلگەرىلەتۋدىڭ قۋاتتى كۇشىنە اينالدىرىپ، بۇكىل پارتيانىڭ باستان - اياق ءبىر تۇتاس يدەيانى، بەرىك ەرىك - جىگەردى، سايكەستى ارەكەتتى، قۇدىرەتتى جاۋىنگەرلىك قۋاتتى ساقتاۋىنا مۇمكىندىك جاساۋ، ۇيرەنۋ ارقىلى رۋحتى سومداۋ، ۇيرەنۋ ارقىلى اقىل - پاراساتتى ارتتىرۋ، ۇيرەنۋ ارقىلى ستيلدى دۇرىستاۋ، ۇيرەنۋ ارقىلى ىستەۋدى جەبەۋ جاعىندا ناقتى ونىمدىلىككە قول جەتكىزۋگە قۇلشىنۋ كەرەك. زەيىن - زەردەنى، رۋحتى سومداپ، نەگىزدى بەكەمدەپ، قالىڭ پارتيا مۇشەلەرىن، كادرلاردى يدەيالىق جاقتان شىڭدالىپ، رۋحاني جاقتان سىننان ءوتىپ، ماركسيزم سەنىمىن، جۇڭگوشا سوتسياليزم سەنىمىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ سەنىمىن بەكەمدەپ، پارتيا قۇرۋ ۇلى رۋحىن ساۋلەلەندىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، كىشپەيىل، بايسالدى بولىپ، قاجىرلىلىقپەن كۇرەس جۇرگىزىپ، ءسوز جوق، باتىلدىقپەن كۇرەس جۇرگىزىپ، شەبەرلىكپەن كۇرەس جۇرگىزىپ، سەنىم نەگىزىن بەكەمدەپ، رۋحاني كالتسيدى تولىقتاپ، يدەيا تىزگىنىن مىقتى يگەرۋگە تاربيەلەۋ جانە جەتەكتەۋ كەرەك. مىنەز - قۇلىقتى شىڭداپ، ادالدىقتى كۇشەيتىپ، قالىڭ پارتيا مۇشەلەرىن، كادرلاردى ساياسي قاسيەتتى شىڭداپ، پارتيانىڭ تۋىن تۋ ەتىپ، پارتيانىڭ ەرىك - جىگەرىن ەرىك - جىگەر ەتىپ، پارتيانىڭ بورىشىن بورىش ەتىپ، باستان - اياق پارتياعا ادال بولىپ، حالىققا ادال بولىپ، ماركسيزمگە ادال بولىپ، پارتيانى شىن نيەتىمەن سۇيۋگە، قاي - قاشان دا پارتيانىڭ قامىن ويلاۋعا، پارتيانى باتىل جاقتاۋعا، پارتيانى بار كۇشپەن گۇلدەندىرۋگە تاربيەلەۋ، جەتەكتەۋ كەرەك. ناقتى ىستەر تىندىرىپ، جاۋاپكەرلىك ارقالاپ، دامۋدى جەبەپ، قالىڭ پارتيا مۇشەلەرىن، كادرلاردى ”مەملەكەتتىڭ زور ءىسىن“ كوكەيدە ساقتاپ، جاڭا ءداۋىردىڭ جاڭا جورىعىنداعى پارتيانىڭ وزەكتى مىندەتىن مىقتاپ ارقاۋ ەتىپ، شىنايى يگەرىپ، ناقتى ىستەپ، ناقتى ونىمدىلىككە ۇمتىلىپ، نازاردى ماسەلەگە شوعىرلاندىرىپ، قيىنشىلىققا قارسى ىلگەرىلەپ، ءاردايىم قام جەپ تۇراتىن جاۋاپكەرلىك سەزىممەن، بەلسەندىلىكپەن جاۋاپكەرلىك ارقالاپ، ىسكەرلىك كورسەتەتىن جىگەر - قايراتپەن پارتيا مەن حالىقتىڭ مىندەتىن ويداعىداي وتەپ، جاۋاپكەرلىگىن ويداعىداي ادا ەتىپ، جاڭا بەينەمەن، جاڭا ىسكەرلىكپەن ساپالى دامۋدى ىلگەرىلەتۋدە تىڭ ناتيجەلەرگە قول جەتكىزىپ، قايسارلىقپەن كۇرەس جۇرگىزۋ ارقىلى ىستەرىمىزدىڭ دامۋىنا جاڭا ءورىس اشۋعا تاربيەلەۋ، باستاۋ كەرەك. باستى ماقساتتى امالياتتا ايگىلەپ، حالىقتى باقىتقا كەنەلتىپ، قالىڭ پارتيا مۇشەلەرىن، كادرلاردى حالىقتى وزەك ەتكەن دامۋ يدەياسىن بەرىك ورناتىپ، بارلىعىن حالىق ءۇشىن ىستەۋدە، بارلىعىندا حالىققا سۇيەنۋدە تاباندى بولىپ، سانالى تۇردە حالىقتان كەڭەس الىپ، حالىقتىڭ قاجەتىن ءبىلىپ، حالىقپەن قاشان دا تىنىستاس، تاعدىرلاس، تىلەكتەس بولىپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن كۇش سالا شەشىپ، حالىق تۇرمىسىنا تيىمدىلىك جاساۋ، حالىق جۇرەگىن جىلىتۋ، حالىق تىلەگىنە ۇيلەسۋ قىزمەتىن بۇقارانىڭ جۇرەگىنە ۇيالاتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋگە تاربيەلەۋ جانە جەتەكتەۋ كەرەك. پاك، كوپشىل بولىپ، جاڭا سالت ورناتىپ، قالىڭ پارتيا مۇشەلەرىن، كادرلاردى ءتارتىپ تانىمىن، قاعيدا تانىمىن كۇشەيتىپ، ”ءتورت ءتۇرلى بۇرىس ستيلدى“ ۇزدىكسىز تۇزەتىپ، فورماشىلدىقتى، تورەشىلدىكتى تۇزەتۋدى اناعۇرلىم كورنەكتى ورىنعا قويىپ، ۇقىقتى ءادىل، زاڭ بويىنشا ىستەتىپ، حالىق ءۇشىن ىستەتىپ، پاك ىستەتىپ، كىرشىكسىز جولداستىق قارىم - قاتىناستى، ءتارتىپتى جوعارى - تومەن قارىم - قاتىناسىن، ەتەنە، پاك جاڭاشا ۇكىمەت - ساۋدا قارىم - قاتىناسىن قالىپتاستىرۋدى ىلگەرىلەتىپ، تاماشا ساياسي ەكولوگيا مەن قوعامدىق سالتتىڭ سەركەسى، قالىپتاستىرۋشىسى، قورعاۋشىسى بولۋعا تاربيەلەۋ، جەتەكتەۋ كەرەك.
شي جينپيڭ بىلاي دەپ دارىپتەدى: بۇل رەتكى نەگىزگى تاقىرىپتىق تاربيە كەزەڭگە جىكتەلمەيدى، بۋىنعا بولىنبەيدى، نازاريا ۇيرەنۋ، تەكسەرۋ - زەرتتەۋ، دامۋدى ىلگەرىلەتۋ، قاداعالاپ تۇزەتۋ ساباقتاستىرىلىپ، ورگانيكالى توعىستىرىلىپ، ءبىر تۇلعالى ىلگەرىلەتىلەدى. ءتۇپ نۇسقانى وقۋدا، ءتۇپ نۇسقانى ۇيرەنۋدە، قاعيدانى تۇسىنۋدە تاباندى بولىپ، كوپ ويلانۋدا، ىشكەرىلەي ۇيرەنۋدە، جەتە تۇسىنۋدە تاباندى بولىپ، جاڭا ءداۋىر جۇڭگوشا سوتسياليزم يدەياسىنىڭ عىلمي جۇيەسىن، ءنارىن جانە ماڭىزدى ءتۇيىنىن، امالياتتىق تالابىن جاپپاي ۇيرەنىپ، ءتۇسىنىپ، جالپى تۇلعالىق جاقتان يگەرىپ، جەتىك ءبىلۋ كەرەك. پارتيا ورتالىق كوميتەتىنىڭ بۇكىل پارتيادا تەكسەرىپ - زەرتتەۋدى جاپپاي ورىستەتۋ جونىندەگى قىزمەت جوباسى بويىنشا، قالىڭ پارتيا مۇشەلەرىن، كادرلاردى، اسىرەسە، ءار دارەجەلى باسشى كادرلاردى بار ىنتاسىمەن كىرىسىپ، ءبىرىنشى شەپكە بارىپ، اۋىل - قىستاق، الەۋمەتتىك اۋماقتار، كاسىپورىندار، شيپاحانالار، مەكتەپتەر، ”ەكى جاڭا“ ۇيىم سياقتى نەگىزگى ساتى ورىندارىنا ىشكەرىلەي ەنىپ، تامىر ۇستاپ تەكسەرۋ جۇرگىزىپ، بولماشى ماسەلەلەردى بورشالاپ، كۇردەلى ماسەلەلەردى ساراپتاپ، قيىن ماسەلەلەردى ءبىر - بىرلەپ تەكسەرۋگە ۇيىمداستىرىپ، پارتيانىڭ جاڭالىق جاراتۋ نازارياسىنان پايدالانىپ جاڭا جاعدايلاردى زەرتتەۋ، جاڭا ماسەلەلەردى شەشۋ كەرەك. ساپالى دامۋ سىندى جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتىن مىقتاپ ارقاۋ ەتىپ، نازاريا ۇيرەنۋدى كۇشەيتۋ ارقىلى دامۋ امالياتىنا جەتەكشىلىك ەتىپ، تەكسەرۋ - زەرتتەۋدى تەرەڭدەتۋ ارقىلى دامۋداعى قيىن ماسەلەلەردى شەشۋدى ىلگەرىلەتىپ، ۇيرەنۋ مەن تەكسەرۋ - زەرتتەۋدى پارتيا 20 - قۇرىلتايى ورنالاستىرعان ءتۇرلى مىندەتتەردى ورىنداۋ بارىسىندا تياناقتاندىرىپ، ساپالى دامۋدى ىلگەرىلەتۋدىڭ جاڭا ناتيجەلەرى ارقىلى نەگىزگى تاقىرىپتىق تاربيەنىڭ جەتىستىكتەرىن سىننان وتكىزۋ كەرەك. ءبىر جاعىنان ۇيرەنۋدە، ءبىر جاعىنان سالىستىرۋدا، ءبىر جاعىنان تەكسەرۋدە، ءبىر جاعىنان تۇزەتۋدە تاباندى بولىپ، ماسەلەنى رەتتەۋ - تۇزەتۋدى نەگىزگى تاقىرىپتىق تاربيەنىڭ تۇتاس بارىسىنا ءسىڭىرىپ، حالىق بۇقاراسىنا ماسەلەنى شەشۋدىڭ ءىس جۇزىندىك ونىمدىلىگىن شىنايى سەزىندىرۋ كەرەك. ورتالىق پەن مەملەكەت ورگاندارى نەگىزگى تاقىرىپتىق تاربيە بارىسىندا ورگان جانە جۇيە ىشىندەگى كادرلار قوسىنىن تاربيەلەۋدى، رەتتەۋدى ويداعىداي يگەرۋى كەرەك.
شي جينپيڭ بىلاي دەپ اتاپ كورسەتتى: بۇل رەتكى نەگىزگى تاقىرىپتىق تاربيە − جالپى جاعدايعا ساياتىن ءىرى ءىس، ۋاقىت تىعىز، مىندەت اۋىر، تالاپ جوعارى. ءار دارەجەلى پارتكومدار (پارتيا باسشىلىق گرۋپپاسى) تۇلعالىق جاۋاپكەرلىكتى ارقالاپ، نەگىزگى تاقىرىپتىق تاربيەنى ويداعىداي جوسپارلاۋى، ويداعىداي ۇيىمداستىرۋى، ويداعىداي تياناقتاندىرۋى كەرەك. پارتكومداعى (پارتيا باسشىلىق گرۋپپاسى) نەگىزگى جاۋاپتى جولداستار ءبىرىنشى جاۋاپتى ادام بولۋ قىزمەت جاۋاپكەرلىگىن شىنايى اتقارىپ، ءوزى جوبالاپ، الدىڭعى شەپتە تۇرىپ قولباسشىلىق ەتىپ، قۋزاۋ - جەتەكشىلىك ەتۋى كەرەك. ورتالىق جەتەكشىلىك ەتۋ گرۋپپاسىن جىبەرىپ، نەگىزگى تاقىرىپتىق تاربيەنىڭ ورىستەتىلۋ جاعدايىنا قۋزاۋ سالىپ، جەتەكشىلىك ەتەدى. ولكەلىك، اۆتونوميالى رايوندىق، توتە قاراستى قالالىق پارتكومدار مەن كاسىپ جۇيەسىن باسقارۋ تاراۋلارىنىڭ پارتيا باسشىلىق گرۋپپاسى (پارتكوم) ارالاپ جەتەكشىلىك ەتۋ گرۋپپاسىن جىبەرىپ، قاراستى وڭىرلەرگە، تاراۋلارعا جانە ورىندارعا قۋزاۋ - جەتەكشىلىك ەتۋدى كۇشەيتەدى. جەر - جەر، تاراۋلار، ورىندار وزەكتى ارقاۋ ەتۋدە، كەلەلى جاعدايعا قىزمەت وتەۋدە تاباندى بولىپ، نەگىزگى تاقىرىپتىق تاربيەنى ورىستەتۋدى پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋمەن، تياناقتاندىرۋمەن ۇشتاستىرىپ، ءوز ءوڭىرىنىڭ، ءوز تاراۋىنىڭ، ءوز ورنىنىڭ وزەكتى قىزمەتىن ىلگەرىلەتۋمەن ۇشتاستىرىپ، ەكى جاعىن دا يگەرۋدى، ەكى جاعىن دا جەبەۋدى ورىنداپ، پارتيا مۇشەلەرىنىڭ، كادرلاردىڭ تاسقىنداعان ۇيرەنۋ، قىزمەت ىنتاسىن قامال الىپ، قيىنشىلىقتى جەڭۋدىڭ، ءىس تىندىرىپ، ناتيجە شىعارۋدىڭ قۋاتتى قوزعاۋشى كۇشىنە اينالدىرۋدى ىلگەرىلەتۋ كەرەك.
ساي چي قورىتىندى سوزىندە مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزى جاڭا ءداۋىر، جاڭا جورىقتاعى پارتيا مەن مەملەكەت ىستەرىنىڭ دامۋ جالپى جاعدايىنىڭ ستراتەگيالىق تۇرعىسىنان نەگىزگى تاقىرىپتىق تاربيەنى ورىستەتۋدىڭ كەلەلى ءمانى مەن نىسانالىق تالابىن تەرەڭ پايىمداپ، نەگىزگى تاقىرىپتىق تاربيەنىڭ ءتۇرلى قىزمەتتەرىنە جاپپاي ورنالاستىرۋ جاساپ، بۇكىل پارتيانىڭ نەگىزگى تاقىرىپتىق تاربيەنى ورىستەتۋىنە ءتۇبىرلى تياناق ازىرلەدى، بۇل ماركسيزمدىك باعدارنامالىق قۇجات سانالادى. بۇكىل پارتياداعى جولداستار مۇقيات ۇيرەنىپ، ءتۇسىنىپ، دايەكتىلەندىرۋدى، تياناقتاندىرۋدى قاز - قالپىندا ويداعىداي يگەرۋى كەرەك. نازاريامەن قارۋلانۋدى جاپپاي كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن تىلەك توعىستىرىپ، رۋح سومداۋدا بۇلجىماي تاباندى بولىپ، قالىڭ پارتيا مۇشەلەرىن، كادرلاردى ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ ءتۇسىنىپ، ”ءتورت تانىمدى“ كۇشەيتۋگە، ”ءتورت سەنىمدى“ بەكەمدەۋگە، ”ەكىنى قورعاۋدى“ ورىنداۋعا تاربيەلەۋ، جەتەكتەۋ كەرەك. تەكسەرۋ - زەرتتەۋ ستيلىن بارىنشا ساۋلەلەندىرىپ، پارتيانىڭ جاسامپاز نازارياسىنان پايدالانىپ جاڭا جاعدايلاردى زەرتتەۋ، جاڭا ماسەلەلەردى شەشۋ، جاڭا تاجىريبەلەردى قورىتىندىلاۋ كەرەك. ماسەلەنى رەتتەۋ - تۇزەتۋدى نەگىزگى تاقىرىپتىق تاربيەنىڭ تۇتاس بارىسىنا ءسىڭىرىپ، ماسەلەنى بەتكە الىپ، ماسەلەگە باعىتتاي وتىرىپ ۇيرەنۋ، ماسەلەگە باعىتتاي وتىرىپ تۇزەتۋ كەرەك. شىنايى يگەرىپ، ناقتى ىستەپ، ساپالى دامۋدى ىلگەرىلەتۋدە تىڭ ناتيجەگە قول جەتكىزۋ كەرەك. جاڭا داۋىردەگى پارتيانىڭ بۇقارالىق لۋشيانىمەن ويداعىداي ءجۇرىپ، تاربيەنى اشىق جۇرگىزۋدە تاباندى بولىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن شەشىپ، بۇقارانى يگىلىككە كەنەلدىرۋگە كۇش سالۋ كەرەك. باسشىلىق جاۋاپكەرلىكتى ناقتىلاندىرىپ، قاتايتىپ، قۋزاۋ، جەتەكشىلىك ەتۋدى كۇشەيتىپ، نەگىزگى تاقىرىپتىق تاربيەنىڭ ءتۇرلى مىندەتتەرىن تابىسپەن ورىنداۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى باستىعىنىڭ پارتيالى ورىنباسارلارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەس ءتوراعاسىنىڭ پارتيالى ورىنباسارلارى، سونداي - اق ورتالىق اسكەري ىستەر كوميتەتىنىڭ مۇشەلەرى ماجىلىسكە قاتىناستى.
ءماجىلىس تەلەۆيزور - تەلەفون ءماجىلىسى فورماسىندا اشىلدى، ورتالىقتىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنە باسشىلىق ەتۋ گرۋپپاسىنىڭ مۇشەلەرى، ولكە، اۆتونوميالى رايون، توتە قاراستى قالالار مەن تەتە ولكە دارەجەلى قالالاردىڭ، شينجياڭ ءوندىرىس - قۇرىلىس بيڭتۋانىنىڭ باسشىلىق القاسىنىڭ مۇشەلەرى، ورتالىق پەن مەملەكەت ورگاندارىنىڭ تاراۋلارىنداعى، حالىقتىق ۇيىمدارداعى، ورتالىق باسقاراتىن فينانس قۇرىلىمدارىنداعى، ءىشىنارا كاسىپورىن، جوعارى مەكتەپتەردەگى، ارميانىڭ قاتىستى ورىندارىنداعى نەگىزگى جاۋاپتى جولداستار، نەگىزگى تاقىرىپتىق تاربيە ورتالىق جەتەكشىلىك ەتۋ گرۋپپاسىنىڭ ءارقايسى گرۋپپاسىنىڭ باستىقتارى، باستىعىنىڭ ورىنباسارلارى ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
