”يدەيانى ۇيرەنۋ، پارتيالىلىقتى كۇشەيتۋ، امالياتقا باسا ءمان بەرۋ، جاڭا ۇلەس قوسۋ“ باس تالابىن مىقتى يگەرەيىك
− باس شۋجي شي جينپيڭنىڭ نەگىزگى تاقىرىپتىق تاربيە قىزمەت ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2023.04.06 19:14 كەلۋ قاينارى : حالىق تورابى
”وسى رەتكى نەگىزگى تاقىرىپتىق تاربيەدە ’يدەيانى ۇيرەنۋ، پارتيالىلىقتى كۇشەيتۋ، امالياتقا باسا ءمان بەرۋ، جاڭا ۇلەس قوسۋ‘ باس تالابىن مىقتاپ يگەرۋ كەرەك“. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى قىزمەت ماجىلىسىندە باس شۋجي شي جينپيڭ تاقىرىپتىق تاربيەنى ورىستەتۋدىڭ باس تالابى جونىندە تەرەڭ تۇسىنىك جاسادى. يدەيانى ۇيرەنۋ، پارتيالىلىقتى كۇشەيتۋ، امالياتقا باسا ءمان بەرۋ، جاڭا ۇلەس قوسۋ پارتيامىزدىڭ تانىم مەن امالياتتى ۇشتاستىرۋداعى، نازاريا مەن امالياتتى بايلانىستىرۋداعى، سۋبيەكتيۆ دۇنيەنى وزگەرتۋ مەن وبيەكتيۆ دۇنيەنى وزگەرتۋدى تۇتاس تۇلعا ەتۋدەگى دايەكتى تالابىن بەينەلەدى، بۇل − تىعىز بايلانىستى، ءوزارا تۇتاسقان، ىشكى جاقتان بىرلىككە كەلگەن تۇتاس تۇلعا، وسى باس تالاپتى وسى رەتكى نەگىزگى تاقىرىپتىق تاربيەنىڭ تۇتاس بارىسىنا ءسىڭىرۋ كەرەك.
پارتيانىڭ نازاريادا جاڭالىق جاراتۋى ءبىر ادىم ىلگەرىلەگەن سايىن، نازاريامەن قارۋلانۋ دا ىلەسە ءتۇسۋى كەرەك. شي جينپيڭ جاڭا ءداۋىر جۇڭگوشا سوتسياليزم يدەياسى ماركسيزمنىڭ جۇڭگوشالانۋىنىڭ، زامانالانۋىنىڭ جاڭا شارىقتاۋىن جۇزەگە اسىرىپ، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن اشتى، مازمۇنى رەفورما، دامۋ، ورنىقتىلىق، ىشكى ىستەر، ديپلوماتيا، مەملەكەت قورعانىسى، پارتيانى، مەملەكەتتى، ارميانى باسقارۋ سياقتى جاقتاردى قامتىپ، كەمەلدى عىلمي جۇيەنى قالىپتاستىردى. پارتيا 20 - قۇرىلتايىنىڭ بايانداماسىندا: ”وندى ايقىنداۋ“، ”ون تورتتە تاباندى بولۋ“، ”ون ءۇش جاقتاعى تابىستا“ وسى يدەيانىڭ باستى مازمۇنى جيناقتالدى دەپ ايقىن اتاپ كورسەتىلدى. پارتيا 20 - قۇرىلتايىنىڭ بايانداماسىندا نازاريادا جاڭالىق جاراتۋدى ۇزدىكسىز ىلگەرىلەتۋدىڭ عىلمي ءادىسى، ياعني حالىقتى بارىنەن جوعارى قويۋدا تاباندى بولۋ، سەنىمدى، دەربەس بولۋدا تاباندى بولۋ، ءتۇبىرلى پرينسيپتەن اينىماي، جاڭالىق اشۋدا تاباندى بولۋ، ماسەلەنى باعدار ەتۋدە تاباندى بولۋ، جۇيە كوزقاراسىندا تاباندى بولۋ، دۇنيەگە كەڭ پەيىل بولۋدا تاباندى بولۋ كەرەكتىگى ورتاعا قويىلدى. وسى ”التىدا، ءسوز جوق، تاباندى بولۋ“ − شي جينپيڭ جاڭا ءداۋىر جۇڭگوشا سوتسياليزم يدەياسىنىڭ تۇرعىسىنىڭ، كوزقاراسىنىڭ، ءادىسىنىڭ ماڭىزدى بەينەلەنۋى. يدەيانى ۇيرەنۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي ۇيرەنىپ، ءتۇسىنىپ، وسى يدەيانىڭ نەگىزگى كوزقاراسىن، عىلمي جۇيەسىن جاپپاي، جۇيەلى يگەرىپ، وسى يدەيانىڭ دۇنيەگە كوزقاراسىن، ادىستەمەسىن ويداعىداي يگەرىپ، وعان سىڭىرىلگەن تۇرعىدا، كوزقاراستا، ادىستە ويداعىداي تاباندى بولىپ، ودان ويداعىداي پايدالانىپ، پارتيانىڭ جاسامپاز نازارياسىن ساياسي جاقتان شىنايى مويىنداۋدى، يدەيالىق جاقتان شىنايى مويىنداۋدى، نازاريالىق جاقتان شىنايى مويىنداۋدى، سۇيىسپەنشىلىك جاقتان شىنايى مويىنداۋدى ۇزدىكسىز كۇشەيتىپ، ماركسيزمدىك ەرەن قابىلەتتى شىن مانىندە جەتە يگەرىپ، جاڭا ءداۋىر جۇڭگوشا سوتسياليزم يدەياسىمەن سانالى تۇردە ءتۇرلى قىزمەتتەرگە جەتەكشىلىك ەتۋ كەرەك.
بيلىك جۇرگىزۋدىڭ جولى ءوزىن تاربيەلەۋدى نەگىز ەتەدى. پارتيالىلىق − پارتيا مۇشەلەرىنىڭ، كادرلاردىڭ ەڭسە كوتەرۋىنىڭ، يگىلىك جاراتۋىنىڭ، ءسوز سويلەۋىنىڭ، ءمورال ورناتۋىنىڭ ىرگە تاسى. ساياسي جاقتاعى تاباندىلىق تا، پارتيالىلىق جاقتاعى تاباندىلىق تا نازاريالىق جاقتاعى تاباندىلىقتان ايرىلا المايدى. پارتيا مۇشەلەرى، كادرلار ءوسىپ - جەتىلۋ ءۇشىن، ءسوز جوق، ماركسيزم نازارياسىمەن قارۋلانۋدى كۇشەيتۋى كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىنا پارتيانىڭ ەل باسقارۋ ماڭىزدى يدەياسى قامتىلىپ قانا قالماستان، جۇڭگو كوممۋنيستەرىنىڭ ساياسي قاسيەتى، قۇن تالپىنىسى، رۋحاني ۇجدانى، ستيلدىك قۇلقى جاقتارىنداعى تالاپتار دا سىڭىرىلگەن. پارتيالىلىقتى كۇشەيتۋدە شي جينپيڭ جاڭا ءداۋىر جۇڭگوشا سوتسياليزم يدەياسىمەن سانالى تۇردە سۋبيەكتيۆ دۇنيەنى وزگەرتىپ، وسى يدەيانىڭ مۇرات - سەنىمدى بەكەمدەۋ، يدەيالىق دەڭگەيدى جوعارىلاتۋ، پارتيالىلىق شىڭدالۋدى كۇشەيتۋ سياقتىلار جونىندەگى ءبىرقىدىرۋ تالابىن تەرەڭ ءتۇسىنىپ، كوممۋنيستەردىڭ ساياسي قاسيەتىن باستان - اياق ساقتاۋ كەرەك.
ماركسيزمدىك نازاريا امالياتتان كەلەدى ءارى امالياتقا جەتەكشىلىك ەتەدى. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدىڭ ماقساتى بۇكىلدەي قولدانۋدا، وسى يدەيانى سۋبيەكتيۆ دۇنيە مەن وبيەكتيۆ دۇنيەنى وزگەرتۋدىڭ قۇدىرەتتى يدەيالىق قارۋىنا اينالدىرۋدا. پارتيا مۇشەلەرى، كادرلار، اسىرەسە، ءار دارەجەلى باسشى كادرلار وسى يدەيانىڭ دۇنيەگە كوزقاراسىن، مەتودولوگياسىن جانە ونداعى مايدان، كوزقاراس، ادىستەردى وزدەرىنىڭ يدەيالىق قارۋىنا اينالدىرىپ، كوكەيگە ۇيالاتىپ، ارەكەتتە ايگىلەگەندە عانا، ىستەرىمىزدىڭ دامۋىندا ۇزدىكسىز جاڭا جاعداي جاراتۋعا بولادى. امالياتقا باسا ءمان بەرۋدە شي جينپيڭ جاڭا ءداۋىر جۇڭگوشا سوتسياليزم يدەياسىن سانالى تۇردە امالياتتا ايگىلەپ، ونى وبيەكتيۆ دۇنيەنى وزگەرتۋگە، ىستەردى دامىتۋدى ىلگەرىلەتۋگە پايدالانىپ، ءداۋىردى باعامداۋعا، ءداۋىردى يگەرۋگە، داۋىرگە جەتەكشىلىك ەتۋگە پايدالانىپ، بەلسەندى تۇردە وزگەرىستى تانىپ، وزگەرىسكە توتەپ بەرىپ، وزگەرىسكە ۇمتىلىپ، ەكونوميكالىق، قوعامدىق دامۋدا جانە پارتيا قۇرىلىسىندا ورىن تەۋىپ وتىرعان ءتۇرلى قايشىلىقتاردى، ماسەلەلەردى شەشىپ، ەلەۋلى حاۋىپ - قاتەردەن ساقتانىپ جانە ونى جويىپ، جۇڭگو ۇلگىسىندەگى وسىزامانداندىرۋدىڭ تىڭ ىلگەرىلەۋشىلىككە، تىڭ ناتيجەگە قول جەتكىزۋىن ىلگەرىلەتۋ كەرەك.
قازىرگى زامانعى جۇڭگو ادامزات تاريحىنداعى ەڭ ۇلى ءارى وزگەشە امالياتتىق جاسامپازدىقتى باستان كەشىرىپ وتىر، رەفورما، دامۋ، ورنىقتىلىق مىندەتىنىڭ اۋىرلىعى، قايشىلىق، حاۋىپ - قاتەر، سىن – سايىستىڭ كوپتىگى، ەل باسقارۋ سىناقتارىنىڭ قيىندىعى بۇرىن بولىپ كورمەگەن دارەجەدە بولىپ وتىر. ءبىز ابزالدىققا، ىرىقتىلىققا، بولاشاققا قول جەتكىزۋدە، ءسوز جوق، ماركسيزمدى قولدانا وتىرىپ ءىس جۇزىندىك ماسەلەلەرگە تالداۋ جاساۋ جانە ونى شەشۋ قابىلەتىمىزدى ۇزدىكسىز جوعارىلاتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن قولدانا وتىرىپ كەلەلى سىن - سايىسقا توتەپ بەرۋگە، اۋىر حاۋىپ - قاتەرگە توتەپ بەرۋگە، اۋىر كەدەرگىلەردى جەڭۋگە، كەلەلى قايشىلىقتاردى شەشۋگە، كەلەلى ماسەلەلەردى شەشۋگە جەتەكشىلىك ەتۋ قابىلەتىمىزدى ۇزدىكسىز جوعارىلاتۋىمىز كەرەك. جاڭا ۇلەس قوسۋدا شي جينپيڭ جاڭا ءداۋىر جۇڭگوشا سوتسياليزم يدەياسىنان جىگەرلەنە العا ىلگەرىلەيتىن اقىل - پاراسات جانە كۇش - قۋات قابىلداپ، وندا قامتىلعان باسشىلىق ءادىستى، يدەيالىق ءادىستى، قىزمەت ءادىسىن قانىق يگەرىپ، مىندەت وتەپ، جاۋاپكەرلىكتى ادا ەتۋ قابىلەتى مەن ورەسىن ۇزدىكسىز جوعارىلاتىپ، زەيىن - زەردە مەن كۇش - قۋاتتى ۇيىستىرا وتىرىپ دامۋدى جەبەپ، دامىل الماي تياناقتاندىرۋدى يگەرىپ، قىزمەت ورنىن تياناق ەتىپ ۇلەس قوسىپ، تاريح پەن حالىقتىڭ سىناعىنان سۇرىنبەي وتەتىن ناقتى ناتيجە جاراتۋعا قۇلشىنۋ كەرەك
ماركسيزمدى جۇڭگوشالاندىرۋدىڭ، زامانالاندىرۋدىڭ ەڭ جاڭا جەتىستىكتەرىمەن بۇكىل پارتيانى قارۋلاندىرۋدا، امالياتقا جەتەكشىلىك ەتۋدە، قىزمەتتى ىلگەرىلەتۋدە تاباندى بولۋ − پارتيامىزدىڭ تاريحتى جاراتۋداعى، شۇعىلالى تابىستارعا جەتۋدەگى ماڭىزدى تاجىريبەسى. شي جينپيڭ جاڭا ءداۋىر جۇڭگوشا سوتسياليزم يدەياسى نەگىزگى تاقىرىپتىق تاربيەسىن ىشكەرىلەي ورىستەتىپ، ”يدەيانى ۇيرەنۋ، پارتيالىلىقتى كۇشەيتۋ، امالياتقا باسا ءمان بەرۋ، جاڭا ۇلەس قوسۋ“ باس تالابىن مىقتاپ يگەرىپ، پارتيانىڭ جاسامپاز نازارياسىن پارتيا 20 - قۇرىلتايىندا العا قويىلعان كەلەلى ستراتەگيالىق ورنالاستىرۋلاردى دايەكتىلەندىرۋدە، تياناقتاندىرۋدا قولدانىپ، نەگىزگى تاقىرىپتىق تاربيەنىڭ ناقتى ونىمدىلىككە قول جەتكىزۋىن ىلگەرىلەتىپ، ەكپىندەي ىلگەرىلەۋدىڭ جاڭا جورىعىنا زەيىن - زەردەنى، كۇش - قۋاتتى ۇيىستىرىپ، قايراتتانا العا ۇمتىلىپ، ەرلىكپەن العا باسساق، ءبىز، ءسوز جوق، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى ءۇشىن ۇزدىكسىز كۇش قوسىپ، داڭق اپەرە الامىز!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
