وقۋ – اعارتۋ مينيسترلىگى مىناداي جاعدايعا قاتاڭ تيىم سالىپ، جاۋاپكەرشىلىكتى قۋزاستىرادى
2023.04.10 13:00 كەلۋ قاينارى : حالىق تورابى
وقۋ – اعارتۋ مينيسترلىگى تورابىنىڭ 4 – ايدىڭ 7 – كۇنى جاريالاعان حابارىنا قاراعاندا، وقۋ – اعارتۋ مينيسترلىگى جۋىردا «2023 – جىلى مەملەكەت بويىنشا بالالاردىڭ، جاستار مەن وسپىرىمدەردىڭ كورۋ قۋاتىنىڭ السىرەۋىنەن جان – جاقتى ساقتانۋداعى ءتۇيىندى قىزمەتتەر جونىندەگى جوسپاردى» جاريالاپ، ەلىمىز بويىنشا بالالاردىڭ، جاستار مەن وسپىرىمدەردىڭ كورۋ قۋاتىنىڭ السىرەۋىنەن ساقتانۋداعى ءتۇيىندى قىزمەتتەر جوسپارى جونىندە جالپى بەتتىك ورنالاستىرۋ جاساعان. اتالعان جوسپاردا مىنالار ايقىندالعان: بالالاردىڭ، جاستار مەن وسپىرىمدەردىڭ كورۋ قۋاتىنىڭ السىرەۋىنەن ساقتانۋ قىزمەتى، كورۋ قۋاتىنىڭ السىرەۋىنىڭ جالپى مولشەرى مەن دەنە قۋاتىنىڭ، دەنساۋلىعىنىڭ جاعدايى ۇكىمەتتىڭ قىزمەت ونىمدىلىگىن باعالاۋ كولەمىنە ەنگىزىلەدى، جەرگىلىكتى ءار دارەجەلى حالىق ۇكىمەتىنىڭ وقۋشىلاردىڭ ەمتيحان ناتيجەسى مەن مەكتەپتەگى وقۋشىلاردىڭ جوعارىلاپ وقۋ مولشەرىنە عانا قاراپ، وقۋ – اعارتۋدى اكىمشىلىك جاقتان باسقارۋ تاراۋلارى مەن مەكتەپتەردىڭ قىزمەتىن سىڭار جاقتى باعالاۋىنا قاتاڭ تيىم سالىنادى.
بالالاردىڭ، جاستار مەن وسپىرىمدەردىڭ دەنە قۋاتىنىڭ، دەنساۋلىعىنىڭ ورەسى ءۇش جىل بويى ۇزدىكسىز تومەندەگەن جەردەگى ۇكىمەت پەن مەكتەپتىڭ جاۋاپكەرشىلىگى زاڭ – تۇزىمگە ساي قۋزاستىرىلادى. كورۋ قۋاتىنىڭ اقاۋسىزدىعىن ساپالى وقۋ – اعارتۋدىڭ كولەمىنە ەنگىزۋ، بالالاردىڭ، جاستار مەن وسپىرىمدەردىڭ فيزولوگيالىق، پسيحولوگيالىق اقاۋسىزدىعى، ساباق اۋىرتپالىعى قاتارلىلاردى مەملەكەتتىڭ مىندەتتى وقۋ – اعارتۋدىڭ ساپاسىن باقىلاۋ جانە ساراپتاۋ جۇيەسىنە ەنگىزۋ قاجەت.
راديو – تەلەۆيزيا، گازەت – جۋرنال، ينتەرنەت، جاڭا مەديا قاتارلىلاردىڭ رولىن ساۋلەلەندىرىپ، الەۋمەتتىك يگىلىك سيپاتىنداعى جارناما قاتارلى فورمالاردان پايدالانىپ، كورۋ قۋاتىنىڭ السىرەۋىنەن ساقتانۋ جونىندەگى بىلىمدەردى كوپ دەڭگەيلى، كوپ تۇرعىلى تۇردە ۇگىتتەپ، جالپىلاستىرىپ، وقۋشىلاردىڭ، اتا – انالار مەن بۇكىل قوعامنىڭ كوزدى ايالاپ، كوزدى قورعاۋ تانىمىن ۇزدىكسىز جوعارىلاتىپ، بالالاردىڭ، جاستار مەن وسپىرىمدەردىڭ كورۋ قۋاتىنىڭ اقاۋسىزدىعىنا ءتيىمدى تاماشا ورتانى جاراتۋ قاجەت.
ۇعىسۋعا قاراعاندا، بۇل وقۋ – اعارتۋ مينيسترلىگى 2021 – جىلى، 2022 – جىلى بۇكىل ەلىمىز بويىنشا بالالاردىڭ، جاستار مەن وسپىرىمدەردىڭ كورۋ قۋاتىنىڭ السىرەۋىنەن جان – جاقتى ساقتانۋ جاعىنداعى ءتۇيىندى قىزمەتتەر جونىندە ورنالاستىرۋ جاساعاننان كەيىن، بۇكىل ەلىمىز بويىنشا بالالاردىڭ، جاستار مەن ورەندەردىڭ كورۋ قۋاتىنىڭ السىرەۋىنەن جان - جاقتى ساقتانۋ جاعىنداعى ءتۇيىندى قىزمەتتەر جونىندە ءۇشىنشى رەت جالپى بەتتىك ورنالاستىرۋ جاساۋى بولىپ سانالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
