بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

قوعام حاۋىپسىزدىگى مينيسترلىگى قاتىناس باسقارۋ، بۇقاراعا قىزمەت وتەۋدەگى 10 ءتۇرلى قولايلى شارانى جاريالادى

2023.04.10 14:59     كەلۋ قاينارى : حالىق تورابى

  شينحۋا اگەنتتىگىنىڭ 4 – ايدىڭ 7 – كۇنى بەيجيڭنەن بەرگەن حابارى. ءتىلشىنىڭ 4 - ايدىڭ 7 - كۇنى وتكىزىلگەن قوعام حاۋىپسىزدىگى مينيسترلىگىنىڭ اقپار جاريالاۋ ماجىلىسىنەن ۇعىسۋىنشا، قوعام حاۋىپسىزدىگىنىڭ قاتىناس باسقارۋ، بۇقاراعا قىزمەت وتەۋ، دامۋعا قولايلى 10 ءتۇرلى شاراسى بيىل 6 - ايدىڭ 1 - كۇنىنەن باستاپ اتقارىلادى.

  10 ءتۇرلى جاڭا شارا جەكە - جەكە كۋالىكتى ازايتىپ، حالىققا قولايلىلىق جاساۋ، بۇقاراعا قىزمەت وتەۋ، ”ينتەرنەت + قاتىناس باسقارۋ“ بويىنشا قىزمەت وتەۋدە جاڭالىق اشۋ سياقتى 3 جاققا بولىنەدى، ول كولىك باسقارۋ، كۋالىك ءبىتىرۋ، قالانىڭ قاتىناس ءتارتىبى، شىرعالاڭ جانە زاڭعا قايشىلىق جاساۋدى ءبىر جاقتى ەتۋ، شوفەرلەردى تاربيەلەۋ، تەكسەرۋ جانە اۋىل ـ قىستاق قاتىناس حاۋىپسىزدىگىن باسقارۋ سياقتىلاردى قامتيدى. قوعام حاۋىپسىزدىگى مينيسترلىگى قاتىناس باسقارۋ مەكەمەسىنىڭ باستىعى لي جياڭپيڭ بىلاي دەدى: 10 ءتۇرلى جاڭا شارا رەفورما ارقىلى يگىلىككە كەنەلۋ اياسىن ونان ارى كەڭەيتىپ، بۇقارانىڭ تابىس سەزىمىن كۇشەيتىپ، جوعارى ساپالى دامۋدى كۇش سالا قامتاماسىز ەتتى. العاشقى ەسەپكە قاراعاندا، اتقارىلعاننان كەيىن ءجۇز ميلليونداعان بۇقارانى يگىلىككە كەنەلتىپ، بۇقارانىڭ جۇمىس ءبىتىرۋ وزىندىك قۇنىن 4 ميلليارد يۋاننان استام ازايتادى.

  ۇكىمەت قۇرىلىمدارىن ىقشامداپ، ۇقىقتى تومەنگە بەرۋدى تەرەڭدەتۋ، كۋالىكتى ازايتىپ، حالىققا قولايلىلىق جاراتۋ سىندى 3 جاڭا شارا ارقىلى بۋىنداردى، ماتەريالداردى، ۋاقىت شەگىن ونان ارى ازايتىپ، بۇقارانىڭ ءوندىرىس، تۇرمىسىنا اناعۇرلىم قولايلىلىق جاراتىپ، كاسىپورىنداردىڭ دامۋىنا اناعۇرلىم ويداعىداي دەم بەرەدى. بۇل جەكە اۆتوكولىكتەردىڭ جاڭا كولىگىنىڭ ءنومىرىن تەكسەرۋدى كەشىرىم ەتۋدى تۇيىندە سىناق ەتۋدى كەڭەيتىپ، ەكىنشى قول شاعىن جولاۋشىلار اۆتوموبيلىن وتكەرمەلەۋدى تىزىمگە الدىرۋدا «ءبىر كۋالىكپەن ءبىرتۇتاس ءبىتىرۋدى“ اتقارىپ، اسكەريلەردىڭ ءىرى تۇرپاتتى جۇك اۆتوموبيلدەرىنىڭ شوفەرلىك كۋالىگىن اۋىستىرۋىنا قولايلىلىق جاراتۋدى قامتيدى.

  3 ءتۇرلى قىزمەت وتەۋ ارقىلى بۇقارانىڭ ءجۇرىس ـ تۇرىسىنا قولايلىلىق جاساۋدىڭ جاڭا شارالارىن قامتاماسىز ەتىپ، قاتىناس ۇيىمدارىنىڭ ەگجەي ـ تەگجەيلىلەنۋىن، كومەسكى قاتەرلەردى جونگە سالۋدىڭ دالمە - ءدال بولۋىن، شىرعالاڭدى ءبىر جاقتى ەتۋدىڭ قولايلىلانۋىن اناعۇرلىم ىلگەرىلەتىپ، بۇقارانىڭ حاۋىپسىز، ىركىلىسسىز ءجۇرىس ـ تۇرىسىنا اناعۇرلىم ويداعىداي قىزمەت وتەيدى جانە ونى قامتاماسىز ەتەدى. بۇل قالا الەۋمەتتىك قاتىناس ارناۋلى جولىن باسقارۋدى ساپالىلاندىرىپ، اۋىل - قىستاقتاعى كومەسكى حاۋىپ - قاتەر جول بولەكتەرىنىڭ ساقتاندىرۋ، قورعانۋ قۇرىلعىلارىن قۇرىپ جانە كەمەلدەندىرىپ، جەڭىل قاتىناس شىرعالاڭىن جەلىدە كەسكىن ارقىلى تەز ءبىر جاقتى ەتۋدى جالپىلاستىرادى.

  ”ينتەرنەت + قاتىناس باسقارۋ“ قىزمەت وتەۋىنىڭ جاڭا شارالارىندا 4 ءتۇرلى جاڭالىق اشىلىپ، قاتىناس جەلىلەرىندەگى قىزمەت وتەۋ كەشىرمەلەرى اناعۇرلىم ساپالىلاندىرىلىپ، ينتەرنەتتە ءبىتىرۋ، الاقاندا ءبىتىرۋ قىزمەت وتەۋى كوپتەپ جولعا قويىلىپ، بۇقارانىڭ پارىقتى، ەگجەي ـ تەگجەيلى قىزمەت وتەۋ جاڭا قاجەتى اناعۇرلىم ويداعىداي قاناعاتتاندىرىلادى. قارتتاردىڭ قاتىناس باسقارۋ كاسىبىن توراپتا بىتىرۋىنە قولايلىلىق تۋدىرىپ، ءنومىرى ٴبىر-اق تارتىلۋدى تەكسەرۋ، وقىتۋ ورنىن توراپقا وزگەرتىپ، شياڭگاڭ، اۋمىن اۆتوموبيلدەرىنىڭ قاتىناس زاڭىنا قايشى ارەكەتتەرىن جانە جەڭىل شىرعالاڭداردى توراپتا ءبىر جاقتى ەتۋىنە قولايلىلىق جاراتىپ، ەلەكتروندىق تەكسەرۋ بەلگىسىن توراپتا جەتكىزۋ ەسكەرتۋىن جولعا قويادى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى