تۇڭعىش كەزەكتى مەملەكەتتىك شاڭعىمەن تاۋعا شىعۋ اعا جۇلدەگەرلىك جارىسى كوكتوعايدا باستالدى
شينجياڭدىق سپورتشى ەرلەر گرۋپپاسىندا قىسقا ارالىقتاعى جارىستا اعا جۇلدەگەر بولدى
2023.04.10 14:59 كەلۋ قاينارى : حالىق تورابى
شينجياڭ گازەتىنىڭ كوكتوعايدان بەرگەن حابارى. انار بۇلت \ شينجياڭ گازەتىنىڭ ءتىلشىسى دۇڭ لياڭ حابارلايدى: مەملەكەتتىك 2023 – جىلعى شاڭعىمەن تاۋعا شىعۋ اعا جۇلدەگەرلىك جارىسى كوكتوعايداعى حالىقارالىق شاڭعى تەبۋ دەمالىس رايونىندا باستالدى، شينجياڭدىق سپورتشى يسمار توقتارالى ەرلەر گرۋپپاسى بويىنشا قىسقا ارالىقتى جارىستىڭ اعا جۇلدەگەر بولدى.
وسى رەتكى اعا جۇلدەگەرلىك جارىس — ەلىمىز وتكىزگەن تۇڭعىش كەزەكتى شاڭعىمەن تاۋعا شىعۋ اعا جۇلدەگەرلىك جارىسى، سونىمەن بىرگە، بۇكىل ەلىمىز بويىنشا ەڭ جوعارى دارەجەدەگى دارا جارىس. وسى رەتكى جارىستا شاڭعىمەن تاۋعا شىعۋ سپورتىمەن شۇعىلداناتىن سپورتشىلاردىڭ تەحنيكالىق دارەجەسى تۇڭعىش رەت باعالانادى.
جارىس بەيجيڭ، شاندۇڭ، شيزاڭ جانە شينجياڭنان كەلگەن جيىنى 10 ۋاكىلدەر ۇيىرمەسىندەگى شاڭعىمەن تاۋعا شىعۋ سپورتىمەن شۇعىلداناتىن جۇزگە جۋىق سپورتشىنى قاتىناسۋعا باۋرادى. جارىس مەرزىمى 6 كۇن بولىپ، قىسقا ارالىقتى جارىس (ەرلەر، ايەلدەر)، ۆەرتيكالدى جىلدامدىق جارىسى (ەرلەر، ايەلدەر)، جەكە تۇردەگى دالالىق جارىس (ەرلەر، ايەلدەر)، توپتىق جارىس (ەرلەردىڭ قوس ادامدىق جارىسى)، سونداي – اق، ارالاس ۇتىلامالى جارىسى ورنالاستىرىلعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
