نەگىزگى تاقىرىپتىق تاربيەنى وسكەلەڭ ساياسي سانالىلىقپەن تىڭعىلىقتى، ويداعىداي ىلگەرىلەتەيىك
گازەتىمىزدىڭ شولۋشىسى
2023.04.10 15:45 كەلۋ قاينارى : شينجياڭ گازەتى
اۆتونوميالى رايوننىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى قىزمەت ءماجىلىسى باس شۋجي شي جينپيڭنىڭ ماڭىزدى ءسوزىنىڭ رۋحى مەن پارتيا ورتالىق كوميتەتىنىڭ ورنالاستىرۋلارىن، تالاپتارىن ىشكەرىلەي ۇيرەنىپ، دايەكتىلەندىرىپ، بۇكىل رايوننىڭ نەگىزگى تاقىرىپتىق تاربيەنى ورىستەتۋى جونىندە جۇمىلدىرۋ، ورنالاستىرۋ جاسادى. ءار دارەجەلى پارتيا ۇيىمدارى تانىمدى تەرەڭدەتىپ، دەڭگەيدى جوعارىلاتىپ، دەن قويا ۇيىمداستىرىپ، جان - جاقتى ورنالاستىرۋ جاساپ، نەگىزگى تاقىرىپتىق تاربيەنى وسكەلەڭ ساياسي سانالىلىقپەن تىڭعىلىقتى، ويداعىداي ىلگەرىلەتۋى كەرەك.
بۇكىل پارتيادا شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتۋ − پارتيا ورتالىق كوميتەتىنىڭ پارتيا 20 - قۇرىلتايىنىڭ رۋحىن جاپپاي دايەكتىلەندىرۋ، بۇكىل پارتياداعى جولداستاردى پارتيانىڭ وزەكتى مىندەتىن ورىنداۋ جولىندا ىنتىماقتاسا كۇرەس جۇرگىزۋگە جۇمىلدىرۋ ءۇشىن جاساعان كەلەلى ورنالاستىرۋى. باس شۋجي شي جينپيڭنىڭ ماڭىزدى ءسوزى نەگىزگى تاقىرىپتىق تاربيەنى ورىستەتۋدىڭ كەلەلى ءمانى مەن نىسانا، تالاپتارىن تەرەڭ پايىمداپ، نەگىزگى تاقىرىپتىق تاربيەنىڭ ءتۇرلى قىزمەتىنە جاپپاي ورنالاستىرۋ جاساپ، بۇكىل پارتيانىڭ نەگىزگى تاقىرىپتىق تاربيەنى ورىستەتۋىنە ءتۇبىرلى بويسۇنۋ ولشەمىن ازىرلەدى. نەگىزگى تاقىرىپتىق تاربيەنى ورىستەتۋدىڭ بۇكىل پارتيانىڭ يدەياسىن، ەرىك - جىگەرىن، ارەكەتىن بىرلىككە كەلتىرۋدىڭ، پارتيانىڭ قۇدىرەتتى ۇيىستىرۋ قۋاتىن، جاۋىنگەرلىك قۋاتىن باستان - اياق ساقتاۋدىڭ تابيعي تالابى، بۇكىل پارتيانىڭ بەلسەنە جاۋاپكەرشىلىك ارقالاپ، ىسكەرلىك كورسەتۋىن ىلگەرىلەتۋدىڭ، ىستەردى دامىتۋدىڭ جاڭا جاعدايىن ۇزدىكسىز اشۋدىڭ تابيعي تالابى، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋدىڭ تابيعي تالابى ەكەندىگىن تەرەڭ ءتۇسىنىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، نەگىزگى تاقىرىپتىق تاربيەنىڭ ۇزدىكسىز تەرەڭدەۋىن، ناقتىلانۋىن ىلگەرىلەتۋىمىز كەرەك.
يدەيا − ارەكەتتىڭ جەتەكشىسى، نازاريا − امالياتتىڭ باعدارناماسى. جاڭا داۋىردەگى 10 جىلدىق ۇلى وزگەرىستەردىڭ ءتۇپ نەگىزى باس شۋجي شي جينپيڭنىڭ رول ۇستاپ، باعدار كورسەتۋىندە، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ بولعاندىعىندا. پارتيا 18 - قۇرىلتايىنان بەرى، باس شۋجي شي جينپيڭ 2 رەت شينجياڭدى كوزدەن كەشىرىپ، 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىستەرىندە ماڭىزدى ءسوز سويلەپ، 12 - كەزەكتى مەملەكەتتىك حالىق قۇرىلتايىنىڭ 5 - ماجىلىسىندەگى شينجياڭ ۋاكىلدەر ۇيىرمەسىنىڭ قاراۋىنا قاتىناسىپ، شينجياڭنىڭ جالپى جاعدايىنا جانە ۇزاق بولاشاقتىق دامۋىنا ساياتىن ماڭىزدى قىزمەتتەر جونىندە تالاي رەت ماڭىزدى نۇسقاۋ بەرىپ، شينجياڭ قىزمەتىندە كەلەلى ناتيجەلەرگە قول جەتكىزۋگە جەتەكشىلىك ەتتى جانە ونى ىلگەرىلەتتى. جاڭا جورىقتا ەكپىندەي ىلگەرىلەپ، جاڭا داۋىردە ەڭبەك ءسىڭىرۋ ءۇشىن، ءبىز وسى جولعى نەگىزگى تاقىرىپتىق تاربيە ورىستەتۋدى وراي ەتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، شىن مانىندە ”ءتورت تانىمدى“ كۇشەيتىپ، ”ءتورت سەنىمدى “ بەكەمدەپ، ”ەكىنى قورعاۋدى“ ورىنداپ، پارتيانىڭ جاسامپاز نازارياسىن اناعۇرلىم ويداعىداي قولدانا وتىرىپ شينجياڭنىڭ باياندى تىنىشتىعىنا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ىلگەرىلەتۋگە جەتەكشىلىك ەتىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن قۇلشىنا جازۋىمىز كەرەك.
نەگىزگى تاقىرىپتىق تاربيەنى وسكەلەڭ ساياسي سانالىلىقپەن تىڭعىلىقتى ورىستەتۋدە ”يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ەڭبەك ءسىڭىرۋ“ باس تالابىن مىقتاپ يگەرىپ، ماركسيزمدىك ەرەن قابىلەتتى شىنايى يگەرىپ، كوممۋنيستەردىڭ ساياسي قاسيەتىن باستان - اياق ساقتاپ، سانالى تۇردە شي جينپيڭ جاڭا ءداۋىر جۇڭگوشا سوتسياليزم يدەياسىمەن وبيەكتيۆ دۇنيەنى وزگەرتىپ، ىستەردىڭ دامۋىن ىلگەرىلەتىپ، مىندەت اتقارىپ، جاۋاپكەرشىلىكتى ادا ەتۋ قابىلەتى مەن دەڭگەيىن ۇزدىكسىز جوعارىلاتىپ، تاريح پەن حالىقتىڭ سىناعىنان سۇرىنبەي وتەتىن ناقتى ناتيجەنى قۇلشىنا جاراتۋ كەرەك. نىسانا - مىندەتتەردى مىقتاپ كوزدەپ، ۇيرەنۋدى، وي جۇگىرتۋدى، قولدانۋدى ساباقتاستىرۋعا، تانىمدى، سەنىمدى، ارەكەتتى بىرلىككە كەلتىرۋگە تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن مۇراتتى بەكەمدەۋدىڭ، پارتيالىلىقتى شىڭداۋدىڭ جانە امالياتقا جەتەكشىلىك ەتۋدىڭ، قىزمەتتى ىلگەرىلەتۋدىڭ قۋاتتى كۇشىنە اينالدىرىپ، بۇكىل رايونداعى ءار دارەجەلى پارتيا ۇيىمدارى مەن قالىڭ پارتيالى كادرلاردىڭ بىرلىككە كەلگەن يدەيانى، بەرىك ەرىك - جىگەردى، سايكەستى ارەكەتتى، قۇدىرەتتى جاۋىنگەرلىك قۋاتتى باستان - اياق ساقتاۋىنا مۇمكىندىك جاساپ، زەيىن - زەردەنى شوعىرلاندىرىپ، رۋحتى سومداپ، نەگىزدى بەكەمدەپ، قاسيەتتى جەتىلدىرىپ، ادالدىقتى كۇشەيتىپ، ناقتى ءىس ىستەپ، جاۋاپكەرشىلىك ارقالاپ، دامۋدى جەبەپ، باس ماقساتتى امالياتتا ايگىلەپ، حالىققا باقىت جاراتىپ، پاك، كوپشىل بولىپ، جاڭا سالت قالىپتاستىرۋ كەرەك. نىسانانى باعدار ەتۋ مەن ماسەلەنى باعدار ەتۋدىڭ بىرلىگىنە تاباندى بولىپ، ماسەلەنى شەشۋدى ۇيرەنۋ تاربيەسىنىڭ تۇتاس بارىسىمەن ساباقتاستىرىپ، نازاريا ۇيرەنۋ، ساياسي ساپا، قابىلەت - ونەر، جاۋاپكەرشىلىك ارقالاپ ىسكەرلىك كورسەتۋ، قىزمەت ستيلى، پاك، تەجەمدى بولۋ سياقتى جاقتارداعى ماسەلەلەردى كۇش سالا شەشۋ كەرەك. نازاريا ۇيرەنۋدى، تەكسەرۋ - زەرتتەۋدى، دامۋدى ىلگەرىلەتۋدى، قاداعالاۋ جانە رەتتەۋ - تۇزەتۋدى، ەرەجە - ءتۇزىم ورناتۋدى ساباقتاستىرىپ، ورگانيكالى توعىستىرىپ، ءبىر تۇلعالى ىلگەرىلەتۋ كەرەك.
بۇل جولعى نەگىزگى تاقىرىپتىق تاربيە − جالپى جاعدايعا ساياتىن ءىرى ءىس، ۋاقىت تىعىز، مىندەت اۋىر، تالاپ جوعارى. بۇكىل رايونداعى ءار دارەجەلى پارتيا ۇيىمدارى، قالىڭ پارتيالى كادرلار وسكەلەڭ ساياسي سانالىلىقپەن، يدەيالىق سانالىلىقپەن جانە ارەكەت سانالىلىعىمەن بۇل جولعى نەگىزگى تاقىرىپتىق تاربيەنى ويداعىداي ۇيىمداستىرىپ، ويداعىداي اتقارىپ، ۇيرەنۋ ارقىلى رۋحتى سومداۋ، ۇيرەنۋ ارقىلى پاراساتتى ارتتىرۋ، ۇيرەنۋ ارقىلى ستيلدى دۇرىستاۋ، ۇيرەنۋ ارقىلى ىستەۋدى جەبەۋ جاعىندا ناقتى تابىسقا قول جەتكىزۋگە قۇلشىنىپ، جاڭا جورىقتا ەكپىندەي ىلگەرىلەۋگە زەيىن - زەردەنى، كۇش - قۋاتتى ۇيىستىرىپ، شينجياڭ قىزمەتىنىڭ باس نىساناسىن جۇزەگە اسىرۋ، كورىكتى شينجياڭ قۇرۋ جولىندا ىنتىماقتاسا كۇرەس جۇرگىزۋى كەرەك.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
