اۋىل – قىستاق مىندەتتى وقۋ – اعارتۋىنداعى تولىق كۋرستان جوعارى وقۋ ماعلۇماتىنا يە ارناۋلى وقىتۋشىلار %76.01 كە جەتتى (جاڭا ساندى مالىمەت، جاڭا ءتۇيىن)
وقىتۋشىلاردىڭ قۇرىلىمى ۇزدىكسىز ساپالىلانىپ، وقۋ - اعارتۋدىڭ ساپاسى ورنىقتى جوعارىلادى
2023.04.10 16:14 كەلۋ قاينارى : حالىق تورابى
«حالىق گازەتى»، 4 - ايدىڭ 9 - كۇنى، بەيجيڭ (تىلشىلەر جاۋ ىنا، ۋ يۋە). ءتىلشىنىڭ تاياۋدا وقۋ - اعارتۋ مينيسترلىگىنەن ۇعىسۋىنشا، 2022 - جىلعا دەيىن ەلىمىزدىڭ اۋىل - قىستاعىنداعى مىندەتتى وقۋ - اعارتۋ ساتىسىنداعى تولىق كۋرستان جوعارى ماعلۇماتقا يە ارناۋلى وقىتۋشىلاردىڭ ۇستاعان سالىستىرماسى %76.01 كە جەتىپ، 2012 - جىلداعىدان 35.29 پايىز ارتقان. اۋىل - قىستاق وقىتۋشىلارىنىڭ جالپى تۇلعالىق وقۋ تاريحى مەن قابىلەت ورەسى ۇزدىكسىز جوعارىلاپ، وقىتۋشىلار قۇرىلىمى ۇزدىكسىز ساپالىلانىپ، وقۋ - اعارتۋ ساپاسى ورنىقتى جوعارىلاعان.
پەداگوگيكا وقۋشىلارىن باعىتتامالى تاربيەلەۋگە باسا ءمان بەرىلدى. ەلىمىز پەداگوگيكا كاسىبىنە وقۋعا تۇسكەندەردى ۇكىمەت قارجىسىمەن وقىتۋ سياقتى تاسىلدەر ارقىلى اۋىل - قىستاق مەكتەپتەرىنە تولىق كۋرستان جوعارى قىرۋار وقىتۋشىنى باعىتتامالى تاربيەلەپ بەردى. 2022 – جىلعا دەيىن وقۋ – اعارتۋ مينيسترلىگىنە توتە قاراستى 6 پەداگوگيكا داشۋەسى ورتا، باتىس بولەكتى ماڭىزدى ءتۇيىن ەتىپ، ۇكىمەت قاراجاتىمەن پەداگوگيكا كاسىبىن وقيتىن جالپى 140 مىڭ وقۋشىنى قابىلدادى. سونىمەن بىرگە، جەر - جەر اقىسىز وقۋ، قىزمەت ورنىنا بارىپ اقىنى قايتارۋ سياقتى تاسىلدەر ارقىلى ءار جىلى اۋىل - قىستاق ورتا، باستاۋىش مەكتەپتەرىنە جەرگىلىكتى ۇكىمەت قاراجاتىمەن پەداگوگيكا وقۋشىلارىنان 40 مىڭنان استامىن تاربيەلەپ بەردى.
اۋىل - قىستاق مىندەتتى وقۋ - اعارتۋ ساتىسىنداعى وقىتۋشىلار بايلىعىن ورنالاستىرۋ اناعۇرلىم تەڭگەرىلدى. اۋىل - قىستاق مىندەتتى وقۋ - اعارتۋ ساتىسىنداعى مەكتەپ وقىتۋشىلارىنىڭ ەرەكشە جۇمىس ورنى جوسپارى اتقارىلعاننان بەرى، جوعارى مەكتەپ بىتىرگەن ءبىر ميلليون 95 مىڭ وقۋشى ورتا، باتىس بولەكتەگى اۋىل - قىستاق مەكتەپتەرىنە بارىپ وقىتۋشى بولدى، مۇنىڭ ىشىندە تولىق كۋرستان جوعارى وقۋ تاريحى سالىستىرماسى %84.8 كە جەتتى. سونىمەن بىرگە، شىعىس بولەكتەگى رايوندارداعى، قالالارداعى مەكتەپتەردەن تاڭداۋلى مەكتەپ باستىقتارى مەن وقىتۋشىلاردى تاڭداپ جىبەرىپ، ورتا، باتىس بولەكتەگى اۋىل - قىستاق مەكتەپتەرىنە كومەكتەسىپ، دامىماعان رايونداردا تاڭداۋلى وقىتۋشىلار تاپشى بولۋ سياقتى ماسەلەلەردى ءونىمدى تۇردە باسەڭدەتتى.
اۋىل – قىستاق وقىتۋشىلارىن تاربيەلەۋ جۇيەسى اناعۇرلىم كەمەلدەندى. ”مەملەكەتتىك تاربيەلەۋ جوسپارى“ بويىنشا ورتا، باتىس بولەكتەگى اۋىل – قىستاق مىندەتتى وقۋ – اعارتۋ ساتىسىنداعى وقىتۋشىلار باعىتتامالى تاربيەلەندى، 2022 – جىلعا دەيىن 18 ميلليوننان استام ادام – رەت تاربيەلەۋگە قاتىناستى، ورتالىق قازىنا جيىنى 20 ميلليارد يۋاننان استام قارجى قوستى.
تانىستىرۋعا قاراعاندا، الداعى 5 جىلدا مەملەكەتتىڭ اۋىل - قىستاقتى گۇلدەندىرۋىندە ءتۇيىندى سۇيەمەلدەنەتىن اۋداندارعا باعىتتالعان اۋىل - قىستاق وقىتۋشىلارى وقۋ ماعلۇماتىن جوعارىلاتۋ تاربيەسى ورىستەتىلەدى ەكەن. سونىمەن بىرگە، ولكە، اۆتونوميالى رايون، توتە قاراستى قالالاردىڭ اۋىل - قىستاق وقىتۋشىلارىنىڭ وقۋ ماعلۇماتىن جوعارىلاتۋىنا جەتەكشىلىك ەتىلىپ، قالا - اۋىل وقۋ - اعارتۋىنىڭ ساپالى، بىركەلكى دامۋى ىشكەرىلەي جەبەلەدى ەكەن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
