مادەنيەت جانە ساياحات مينيسترلىگى كەڭسەسى قۇجات شىعارىپ، ”ۇيلەسىمسىز تومەن باعالى ساياحاتتى“ ىشكەرىلەي جونگە سالادى
2023.04.11 15:26 كەلۋ قاينارى : حالىق تورابى
مادەنيەت جانە ساياحات مينيسترلىگى كەڭسەسى 4 – ايدىڭ 10 - كۇنى ۇقتىرۋ شىعارىپ، ساياحات كاسىبىن اناعۇرلىم ارناعا ءتۇسىردى. حابارلاندىرۋدا مىنالار تالاپ ەتىلدى: جەر – جەر ”ۇيلەسىمسىز تومەن باعادا ساياحاتتاۋ“ سياقتى بازارداعى بىلىقپالىقتار بايقالعان زامان سوققى بەرۋدىڭ تەگەۋرىندى كۇيىن ساقتاپ، ساياحات بازارى ءتارتىبىن رەتتەپ - جونگە سالىپ، ”ۇيلەسىمسىز تومەن باعالى ساياحات “، ساياحاتتاتۋشى زات ساتىپ الۋعا، ساتۋعا زورلاۋ نەمەسە ءتۇسىن وزگەرتىپ زورلاۋ، رۇقسات الماي تۇرىپ ساياحات سەرىكتىگىنىڭ كاسىبىمەن شۇعىلدانۋ سياقتى ارەكەتتەرگە ءتۇيىندى تۇردە سوققى بەرۋ كەرەك.
ۇقتىرۋدا مىنالار اتاپ كورسەتىلدى: قازىر ساياحات بازارىنىڭ جالپى اينالىمى ورنىقتى، ءتارتىپتى بولىپ، جاندانىپ دامۋدىڭ تاماشا جاعدايى بىرتىندەپ جارىققا شىقتى. الايدا ”ۇيلەسىمسىز تومەن باعالى ساياحات “، ساياحاتتاتۋشى ساياحاتشىلاردى ياناتتاۋ، زات ساتىپ الۋعا ماجبۇرلەۋ سياقتى قۇبىلىستار باس كوتەرىپ، قالىپتى بازار تارتىبىنە اۋىر كەدەرگىلىك جاساپ، ساياحات كاسىبىنىڭ جالپى تۇلعالىق وبرازىنا اۋىر ىقپال جاسادى. ساياحات بازارىن قالپىنا كەلتىرىپ دامىتۋدىڭ شەشۋشى كەزەڭىندە، جان ـ جاقتى جونگە سالۋدى كۇشەيتىپ، ساياحاتشىلاردىڭ زاڭدى ۇقىق ـ مۇددەسىن قامتاماسىز ەتىپ، بازار مەجەسىن ءونىمدى كۇشەيتۋگە تۋرا كەلەدى.
ۇقتىرۋدا ساياحات سەرىكتىكتەرىنىڭ تيجارات ارەكەتىن ارناعا ءتۇسىرۋ، ساياحاتتاتۋشىلاردىڭ قىزمەت وتەۋ ساپاسىن جوعارىلاتۋ، ”ۇيلەسىمسىز تومەن باعالى ساياحات “ سياقتى بازارداعى بىلىقپالىقتارعا قاتاڭ سوققى بەرۋ، كاسىپ سالاسىن باقىلاۋ – باسقارۋ ءتاسىلىن بايىتۋ تالاپ ەتىلدى. ۇقتىرۋدا مىنالار باسا دارىپتەلدى: جەرگىلىكتى ورىندا قابىلداۋ بارىسىندا الداپ زات ساتىپ الۋعا زورلاۋ سياقتى قۇبىلىستار تۋىلسا، بىرگە تەكسەرىپ ءبىر جاقتى ەتىپ، ۇيىرمە ۇيىمداستىرعان سەرىكتىكتەردىڭ جاۋاپكەرشىلىگىن قۋزاستىرۋ كەرەك. ساياحاتتاتۋشىلاردى كاسىپتىك جاقتان تاربيەلەۋدى كۇشەيتىپ، ساياحاتتاتۋشىلاردىڭ جالپىلىق ساپاسى مەن قىزمەت وتەۋ ساپاسىن جوعارىلاتىپ، ”ادالدىقتى نەگىز ەتۋ، ادالدىقپەن قىزمەت وتەۋ“ ۇستانىمىن بەرىك ورناتىپ، ساياحاتتاتۋ قىزمەت وتەۋىن ارناعا ءتۇسىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
