باعانى اشىق جازۋ، قوناعاسىلارداعى اس - سۋ ىسىراپشىلدىعىن ازايتۋ... مەملەكەتتىك دامۋ جانە رەفورمالاۋ كوميتەتى اس - سۋ ىسىراپشىلدىعىنان ساقتانۋ جانە ونى ازايتۋ جونىندە پىكىر الدى
2023.04.11 15:28 كەلۋ قاينارى : حالىق تورابى
شينحۋا اگەنتتىگىنىڭ 4 – ايدىڭ 10 – كۇنى بەيجيڭنەن بەرگەن حابارى: جۇڭحۋا ۇلتىنىڭ ءداستۇرلى تاماشا ءمورالىن ساۋلەلەندىرىپ، ۇنەمشىلدىكتى دارىپتەپ، ىسىراپشىلدىققا قارسى تۇرىپ، مەملەكەتتىڭ استىق حاۋىپسىزدىگىن قامتاماسىز ەتىپ، وركەنيەتتى جاڭا سالت ورناۋ ءۇشىن مەملەكەتتىك دامۋ جانە رەفورما كوميتەتى 4 – ايدىڭ 10 – كۇنى «اس – سۋ ىسىراپشىلدىعىنان ساقتانۋ جانە ونى ازايتۋ جونىندەگى حابارلاندىرۋدى (پىكىر الۋ نۇسقاسى)» جاريالادى.
حابارلاندىرۋدا ءبىرقىدىرۋ شارالار العا قويىلىپ، اس ـ سۋ ىسىراپشىلدىعىنا قارسى تۇرۋ قىزمەتىن ناقتى، ەگجەي ـ تەگجەيلى تياناقتاندىرۋ ايتىلدى، بۇل باعانى قاتاڭ تۇردە اشىق جازۋ، اشىق ولشەمدى جالپىلاستىرۋ، قوناعاسىنىڭ اس ـ سۋ ىسىراپشىلدىعىن ازايتۋ، تاماقتانۋ، باعالاۋ جۇيەسىن كەمەلدەندىرۋ، كاسىپ سالاسىنىڭ ءوزىن تەجەۋىن كۇشەيتۋ، ۇنەمشىلدىك سالتىن دارىپتەۋ، ۇزدىكسىز ۇگىتتەۋ، جەتەكتەۋ، قۋزاۋ، جەتەكشىلىك ەتۋدى كۇشەيتۋ سياقتىلاردى قامتيدى.
حابارلاندىرۋدا مىنالار ورتاعا قويىلدى: اس ـ سۋ كاسىپورىندارى اشىق باعا قويۋ بەلگىلەمەسىن قاتاڭ تياناقتاندىرىپ، تۇتىنۋشىلارعا ءوزى قامداعان اس ـ سۋ جانە قىزمەت وتەۋ باعاسىن اشىق كورسەتۋى كەرەك. قوناقاسى بەرگەندە، جەلىلەس تاعامداردىڭ ىشىندەگى كوكتاتتاردىڭ باعاسىن انىق جازىپ قويۋ، ارزانداتىلعاندارىن ارزانداتىپ قويۋ كەرەك. اس - سۋ كاسىپورىندارىنىڭ ەڭ تومەنگى تۇتىنۋ ورنالاستىرۋىنا تيىم سالىنادى. اس - سۋ كاسىپورىندارىنىڭ كوكونىس ونىمدەرىنىڭ نەگىزگى ازىق - تۇلىك ماتەريالدارىن نەمەسە سانىن كورسەتۋدى، جەلىلەس تاماق كورسەتكىشىندە تاماقتانۋعا ۇسىنىس ەتىلگەن ادام سانىن كورسەتۋدى، شەكتى سومادان جوعارى اس - سۋ كاسىپورىندارى الدىمەن اتقارۋدى ىلگەرىلەتۋى كەرەك.
اۋىل شارۋاشىلىعى، اۋىل - قىستاق مينيسترلىگىنىڭ ازىق - تۇلىك جانە قورەكتىك دامۋدى زەرتتەۋ ورنىنىڭ تەتە اعا زەرتتەۋشىسى لۋ شىجۇن بىلاي دەدى: باعانى اشىق جازۋ مەن ايقىن ولشەمدى تياناقتاندىرۋ تۇتىنۋشىلاردىڭ ايقىن تۇتىنۋىن قامتاماسىزداندىرۋمەن بىرگە، تۇتىنۋشىلاردىڭ لايىقتى تاماق بۇيىرتىپ، ىسىراپشىلدىقتى ازايتۋعا دا پايدالى.
حابارلاندىرۋدا مىنالار ايقىن بەلگىلەندى: قوناعاسىداعى ىسىراپشىلىقتى ازايتۋ كەرەك. قوناعاسىنى ۇستىنە العان اس - سۋ كاسىپورىندارى ازىق - تۇلىك ىسىراپشىلدىعىنا قارسى تۇرۋ تالابىنا قاتاڭ بويسۇنىپ، قوناعاسى تىزىمدىگىن لايىقتى سايكەستىرۋ ءارى ولشەمدى ايقىنداۋ كەرەك. قوناعاسى وتكىزەتىن اس - سۋ كاسىپورىندارى تۇتىنۋشىلارمەن قوناعاسى بەرۋ، قىزمەت وتەۋ توقتامىن جاساسقاندا، استا - توك ىسىراپشىلدىققا قارسى تۇرۋ تارماقتارىن ايىرىم جازۋى كەرەك.
حابارلاندىرۋعا ساي، قاتىستى تاراۋلار قوناعاسىعا ارنالعان جەلىلەس تاعامدارعا، وتە – موتە، قوناقجايلاردىڭ قوناقاسى جەلىلەس تاعامدارىنا، ءبىر ۇستەلدىڭ باعاسى 1500 يۋاننان جوعارى بولاتىن (اراق پەن سۋسىندى قامتىمايدى) قوناعاسىلارىنا ءتۇيىندى باقىلاۋ - باسقارۋ جۇرگىزىپ، قوناقاسىلاردىڭ جەلىلەس تاعامدارى مەن جەلىلەس تاعامدارىنىڭ باعاسىن اشىق كورسەتكەن - كورسەتپەگەندىگىن، ولشەم مولشەرىنىڭ، ساپا مەن باعانىڭ ءوزارا ۇيلەسەتىن - ۇيلەسپەيتىندىگىن دەر كەزىندە ۇلگى الىپ تەكسەرگەن - تەكسەرمەگەندىگىن، كورنەكتى ىسىراپشىلدىق جاعدايى بار ما، جوق پا، اس - سۋ كاسىپورىندارىنىڭ بەلگىلەمەگە قايشىلىق جاساپ، ەڭ تومەنگى تۇتىنۋدى قۇرعان - قۇرماعاندىعىنا ۇلگى الىپ تەكسەرۋ جۇرگىزەدى.
جۇڭگو اۋرۋدان ساقتانۋ جانە ونى تىزگىندەۋ ورتالىعى قورەكتىك زەرتتەۋ ورنىنىڭ زەرتتەۋشىسى ياڭ يۋەشين بىلاي دەدى: حابارلاندىرۋدا اس ـ سۋ ىسىراپشىلدىعىن باقىلاۋ ـ باسقارۋدىڭ ءتۇيىنى ەتىپ، اس ـ سۋ كاسىپورىندارىنىڭ سايكەستى بورىشىن وتەپ، تۇتىنۋشىلاردىڭ جاقسى جانە ازىق ـ تۇلىك مولشەرىنە قاراي ءتۇرلى قۋىرماشتاردان قوناقاسى ونىمدەرىن دەربەس تاڭداۋىنا جول بەرىلەدى، قوناعاسى جەلىلەس تاعامدارىن ازايتۋ ءارى سايكەستى اقىلاردى ازايتۋ، كەشىرىم ەتۋ سياقتى ءبىرقىدىرۋ شارالاردىڭ باعىتتامالىلىعى كۇشتى، تەبىنى زور بولىپ، قوناعاسى ىسىراپشىلدىعى ماسەلەسىن تۋ باستان شەشۋگە ءتيىمدى.
تاياۋ جىلداردان بەرى ەلىمىز اس - سۋ ىسىراپشىلدىعىنا قارسى تۇرۋ قىزمەتىن ۇزدىكسىز ىلگەرىلەتىپ، ولشەمدى ارناعا ءتۇسىرىپ، ”تاماقتى تاۋىسا جەۋ ارەكەتىن“ ورىستەتىپ، باقىلاۋ، زاڭ اتقارۋدى كۇشەيتىپ، بەلگىلى ونىمدىلىككە قول جەتكىزدى، الايدا اس - سۋ ىسىراپشىلدىعى قۇبىلىسى ءالى دە ورىن تەۋىپ وتىر. كاسىپتىك قايراتكەرلەر بىلاي دەپ اتاپ كورسەتتى: «اس - سۋ ىسىراپشىلدىعىنان ساقتانۋ جانە ونى ازايتۋ جونىندەگى حابارلاندىرۋدا (پىكىر الۋ نۇسقاسى)» ازىق - تۇلىك ىسىراپشىلدىعىنان ساقتانۋ جانە ونى ازايتۋ قايتالاي دارىپتەلدى. اسىرەسە، قوناعاسى، اس - سۋ ىسىراپشىلدىعى جونىندە ”تالماۋ جەرىن ۇستاۋ“ ، ”سوزبەن ەمەس، ارەكەتپەن تياناقتاندىرۋ“، تاعى دا ەسكەرتۋ بەرىپ، استا - توك ىسىراپشىلدىق نىسايىنىڭ اس ۇستەلىمىزگە قايتا ورالۋىنا استە جول بەرمەۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
