ۋاڭ حۋنيڭ ەكى جاعالاۋ كاسىپورىنشىلارى باس قوسۋىنىڭ تايۋان جاقتاعى باس القاسى ليۋ جاۋشۋانمەن جانە ونىڭ ساپارلاستارىمەن كەزدەستى
2023.04.11 16:58 كەلۋ قاينارى : حالىق تورابى
«حالىق گازەتى»، 4 - ايدىڭ 10 - كۇنى، بەيجيڭ (ءتىلشى جاۋ بيڭ). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ 4 - ايدىڭ 10 - كۇنى بەيجيڭدە ەكى جاعالاۋ كاسىپورىنشىلارى باسشىلار كەڭەسىنىڭ تايۋان جاقتاعى باس القاسى ليۋ جاۋشۋانمەن جانە ونىڭ ساپارلاستارىمەن كەزدەستى.
ۋاڭ حۋنيڭ مىنالاردى ءبىلدىردى: ءبىز ج ك پ 20 - قۇرىلتايىنىڭ رۋحى مەن جاڭا داۋىردەگى پارتيانىڭ تايۋان ماسەلەسىن شەشۋ جالپى جوباسىن جاپپاي دايەكتىلەندىرىپ، باس شۋجي شي جينپيڭنىڭ تايۋان قىزمەتى جونىندەگى ماڭىزدى نۇسقاۋىنىڭ رۋحىن دايەكتىلەندىرىپ، ەكى جاعالاۋ قاتىناسىنىڭ دۇرىس باعىتقا قاراي دامۋىن ىلگەرىلەتەمىز. جۇڭگو ۇلگىسىندەگى وسىزامانداندىرۋدىڭ جاپپاي ىلگەرىلەۋىنە بايلانىستى، ەكى جاعالاۋدىڭ اۋىس - كۇيىسىن، سەلبەستىگىن كۇشەيتۋ باۋىرلاستاردىڭ باقىتىن ارتتىرۋعا، جۇڭحۋا ۇلتىنىڭ ەكونوميكاسىن زورايتۋعا ءتىپتى دە ءتيىمدى. ءبىز تايۋاندىق باۋىرلاستارعا باستان - اياق قۇرمەت ەتىپ، قامقورلىق جاساپ، باقىت جاراتىپ، قالىڭ تايۋاندىق باۋىرلاستاردىڭ، تايۋان كاسىپورىندارىنىڭ كەلۋگە، تۇراقتاپ قالۋعا، توعىسۋعا، دامۋعا پەيىلدى بولىپ، وتان ۇلى قۇرلىعىنىڭ دامۋ جەتىستىكتەرى مەن ۇلتتىڭ گۇلدەنۋ داڭقىنان اناعۇرلىم ويداعىداي يگىلىكتەنۋىنە مۇمكىندىك جاسايمىز.
ۋاڭ حۋنيڭ مىنالاردى ءبىلدىردى: ءبىز تايۋان بۇعازىنىڭ بەيبىتشىلىگىن، ورنىقتىلىعىن قورعاۋعا كۇش سالامىز، ءبىراق ”تايۋان دەربەستىگى“ تايۋان بۇعازىنىڭ بەيبىتشىلىگىمەن، ورنىقتىلىعىمەن وتاسا المايدى. ەكى جاعالاۋداعى باۋىرلاستار قول ۇستاسىپ، تىلەكتەس بولىپ، سىرتقى كۇشتەردىڭ كيلىگۋىنە جانە ”تايۋان دەربەستىگى“ بولشەكتەۋ ارەكەتىنە باتىل قارسى تۇرىپ، وتاننىڭ تۇتاستىعىنىڭ، ۇلتتىڭ گۇلدەنۋىنىڭ ماڭگىلىك ۇلى ءىسىن بىرگە جاراتۋى كەرەك.
ليۋ جاۋشۋان مىنانى ءبىلدىردى: ەكى جاعالاۋ كاسىپورىنشىلارى باس قوسۋىنىڭ رولىن اناعۇرلىم ويداعىداي ساۋلەلەندىرىپ، ەكى جاعالاۋدىڭ كاسىپ سالاسى سەلبەستىگىن تەرەڭدەتىپ، ەكى جاعالاۋدىڭ توعىسپالى دامۋىن جەبەپ، ەكى جاعالاۋداعى باۋىرلاستارعا باقىت جاراتىپ، جۇڭحۋا ۇلتىنىڭ گۇلدەنۋىن كوزدەۋگە پەيىلمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
