”جوعارى قارقىندى ۇشقىر پويەزدى“ زەرتتەپ جاساۋدا جاڭا ىلگەرىلەۋشىلىك بولدى
بولاشاقتا قارقىنى ساعاتىنا 1000 كيلومەترگە جەتەدى
2023.04.24 16:39 كەلۋ قاينارى : حالىق تورابى
عارىش عىلىم – تەحنيكا جانە ونەركاسىپ توبى ۇيىمداستىرعان ”جوعارى قارقىندى ۇشقىر پويەز“ تاقىرىبىنداعى عىلىمدى جالپىلاستىرۋ كورمەسى 4 – ايدىڭ 23 – كۇنى بەيجيڭدە اشىلدى. ءتىلشىنىڭ اتالعان عىلىمدى جالپىلاستىرۋ كورمەسىنەن ۇعىسۋىنشا، ەلىمىز قازىر ”جوعارى قارقىندى ۇشقىر پويەزدى“ زەرتتەۋ جاعىندا جاڭا ىلگەرىلەۋشىلىكتەرگە قول جەتكىزگەن، جۋىردا ەل ىشىندە تۇڭعىش رەت كەمەلدى ولشەمدەگى اسقىن ەلەكتر وتكىزگىشتى تاسىلمەن جۇرگىزۋ سىناعىن ورىنداپ بولعان، بولاشاقتا قارقىنى ساعاتىنا 1000 كيلومەترگە دەيىن جەتەدى.
جوعارى قارقىندى ۇشقىر پويەز ماگنيتتىك قالقىتۋ تەحنيكاسى مەن تومەن ۆاكوم تەحنيكاسىن ءوزارا ۇشتاستىرىپ، ەرەكشە جوعارى قارقىنمەن قاتىنايتىن تاسىمال جۇيەسىن ىسكە اسىرادى. قازىر زەرتتەۋ ۇجىمى سانشيدىڭ داتۋڭ قالاسىندا جوعارى قارقىندى ۇشقىر پويەزدى كەمەلدى ولشەمدەگى سىناقتان وتكىزۋ جەلىسىن سالىپ بولعان ءارى جۋىردا تۇڭعىش رەت اسقىن ەلەكتر وتكىزگىشتى تاسىلمەن جۇرگىزۋ سىناعىن ورىنداعان.
ۇعىسۋعا قاراعاندا، جوعارى قارقىندى ۇشقىر پويەزدى بولاشاقتا ءىرى قالالار اراسىنداعى قاتىناس – تاسىمالعا قولدانۋعا بولادى، ساعاتتىق جىلدامدىعى 1000 كيلومەترگە جەتەدى. مامانداردىڭ تانىستىرۋىنشا، وسىنداي قارقىنعا جەتۋ ءبىر جولدا ورىندالمايدى، زور مولشەردە سىناق جاساپ، بىرتىندەپ ىلگەرىلەتۋدى قاجەت ەتەدى. وسىنىڭ الدىندا، سىناق ەتۋ ۇجىمى ۆاكۋمسىز شارت – جاعدايدا ەرەكشە جوعارى قارقىندى ماگنيتتىك قالقىتۋ تەحنيكاسى مەن ەلەكتر - ماگنيتتىك ىلگەرىلەتۋدى سىناق ەتۋدى ورىنداعان، ساعاتتىق جىلدامدىعى 623 كيلومەترگە جەتكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
