شي جينپيڭ 4 - كەزەكتى بىرلەسكەن مەملەكەتتەر ۇيىمى دۇنيە جۇزىلىك ساندى مالىمەت تالقى مىنبەرىنە قۇتتىقتاۋ حاتىن جولدادى
2023.04.25 16:50 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 24 - كۇنى، بەيجيڭ. 4 - ايدىڭ 24 - كۇنى مەملەكەت ءتوراعاسى شي جينپيڭ 4 - كەزەكتى بىرلەسكەن مەملەكەتتەر ۇيىمى دۇنيە جۇزىلىك ساندى مالىمەت تالقى مىنبەرىنە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: باياندى دامۋ − ادامزات قوعامىنىڭ گۇلدەنۋىنىڭ، العا باسۋىنىڭ تابيعي تالعامى، قۋاتتى، جاسىل، اقاۋسىز دۇنيە جۇزىلىك دامۋدى جۇزەگە اسىرۋ − دۇنيە جۇزىندەگى ءار ەل حالقىنىڭ ورتاق تىلەگى. جۇڭگو − بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كۇن ءتارتىبىنىڭ قولداۋشىسى جانە امالياتتا ايگىلەۋشىسى، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى جاڭا دامۋ ۇستانىمىندا تاباندى بولىپ، سيفرلى نەگىزدىك قۇرىلعىلاردى ۇزدىكسىز كەمەلدەندىرىپ، ساندى مالىمەت نەگىزدىك ءتۇزىم جۇيەسىن ورناتىپ جانە كەمەلدەندىرىپ، ساندى مالىمەت پەن ساناق قابىلەتى قۇرىلىسىن كۇشەيتىپ، جۇڭگونىڭ باياندى دامۋ نىساناسىن باقىلاۋ امالياتى مەن تاجىريبەسىن بەلسەندىلىكپەن بولىسەدى. جۇڭگو دۇنيە جۇزىندەگى ءار ەلمەن بىرگە دۇنيە جۇزىلىك دامۋ باستاماسى جۇلگەسىندە حالىقارالىق ساندى مالىمەت سەلبەستىگىن تەرەڭدەتىپ، ”ساندى مالىمەتپەن جونگە سالۋ“ ارقىلى بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋعا دەم بەرىپ، ساندى مالىمەت سالاسىنداعى اشىق، تەڭ يگىلىككە كەنەلەتىن حالىقارالىق سەلبەستىك ارناسىن قول ۇستاسا ورناتىپ، ءار ەلدىڭ بىرگە دامۋىن، العا باسۋىن جەبەۋدى قالايدى.
4 - كەزەكتى بىرلەسكەن مەملەكەتتەر ۇيىمى دۇنيە جۇزىلىك ساندى مالىمەت تالقى مىنبەرى سول كۇنى جىجياڭ ولكەسىنىڭ حاڭجوۋ قالاسىندا اشىلدى. تالقى مىنبەرىنە بىرلەسكەن مەملەكەتتەر ۇيىمى باستاماشى بولدى ءارى ۇيىمداستىردى، مەملەكەتتىك ساناق مەكەمەسى مەن جىجياڭ ولكەلىك حالىق ۇكىمەتى بىرلەسىپ ۇستىنە الدى. وسى رەتكى تالقى مىنبەرىنىڭ نەگىزگى ۇرانى ”ساندى مالىمەتپەن قاۋىشىپ، بولاشاقتان تەڭ يگىلىكتەنۋ“ بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
