قايتا جاندانىپ، جاقسارۋعا بەت الدى، ومىرشەڭدىك كۇش قاۋلادى
− شينجياڭنىڭ ءبىرىنشى ماۋسىمداعى تۇتىنۋ جاعدايىنا نازار
انار بۇلت \ شينجياڭ گازەتىنىڭ ءتىلشىسى حي حۇڭۋي
2023.05.10 16:38 كەلۋ قاينارى : شينجياڭ گازەتى
تاماقتانۋدا ورىن كۇتۋ كەرەك بولدى، ءتۇيىندى كورىنىس وڭىرلەرىندە ادامدار ءيىن تىرەستى، جاڭا كاسىپ كۇيى، جاڭا ۇلگى تۇتىنۋدىڭ تىڭ ءورىسىن ۇزدىكسىز كەڭەيتتى... ءبىرىنشى ماۋسىمدا شينجياڭنىڭ تۇتىنۋ بازارىندا ورنىقتى جاقسارۋ جاعدايى جارىققا شىعىپ، تۇتىنۋدىڭ دۋمانعا بولەنگەن تانىس بەينەسى قايتا ورالا باستادى.
ساناق ساندى مالىمەتىندە كورسەتىلۋىنشە، ءبىرىنشى ماۋسىمدا تۇتاس رايونىمىزدىڭ قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 86 ميلليارد 50 ميلليون يۋان بولىپ، سايكەس مەزگىلدەگىدەن ％1. 5 ارتقان، ارتۋ قارقىنى 1 -، 2 - ايداعىدان 4. 1 پايىز جوعارىلاعان. شەكتى سومادان جوعارى قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 44 ميلليارد 194 ميلليون يۋان بولىپ، سايكەس مەزگىلدەن ％3. 5 ارتىپ، ارتۋ قارقىنى 1 -، 2 - ايداعىدان 5. 1 پايىز جەدەلدەگەن.
”تۇتىنۋدى جەبەۋ ساياساتىنىڭ ۇزدىكسىز دەم بەرۋىنە ىلەسە، تۇتىنۋدىڭ قايتا ارتۋى كورنەكتى بولدى“. اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى لي شۋان بىلاي دەدى: ءبىرىنشى ماۋسىمدا تۇتىنۋدىڭ ەكونوميكانىڭ ارتۋىن جەدەلدەتۋى كورنەكتى كۇشەيىپ، بازار سۇرانىسىنىڭ ومىرشەڭدىك كۇشى كورنەكتى جوعارىلادى.
اس - سۋ، ساياحات سياقتى جاناسپالى تۇتىنۋ جەدەل جانداندى
5 - ايدىڭ 3 - كۇنى كەشقۇرىم، ءۇرىمجى قالاسى تيانشان رايونىنىڭ جاستار جولىنداعى رىيۋە تيانشان شيڭگۋاڭ شاعىن قالاشىعىندا ادامدار سەڭدەي سوعىلىستى، جولدىڭ ەكى جاعالاۋىنا قاز - قاتار تىزىلگەن الۋان ءتۇستى، جاڭا ۇلگىدەگى كونتەينەر دۇكەندەردىڭ اراسىندا جاياۋلار بىردە سۋرەتكە ءتۇسىپ ايالداسا، بىردە قاتارعا تۇرىپ زات ساتىپ الىپ ءجۇر. سەرۋەن كوشەسىندە سەيىلدەپ جۇرسەڭىز، ءدامدى تاعامداردىڭ ءيىسى مۇرىن جارادى.
الارماندار مانمي ايرانى دۇكەنىنىڭ الدىندا ۇزىننان - ۇزاق قاتاردا تۇر. ”’1 - مامىر‘ دەمالىسىندا كۇندىك ورتاشا تيجارات سومامىز 15 مىڭ يۋان اينالاسىندا بولدى“. دۇكەننىڭ جاۋاپتىسى حۋاڭ حۋا بىلاي دەدى: ”ءبىز ءار كۇنى كۇندىك ساتۋ جاعدايىن قورىتىندىلاپ، جاڭا ءدامدى ۇزدىكسىز كوبەيتىپ، تۇتىنۋشىلاردىڭ قاجەتىن قاناعاتتاندىرامىز“.
ىندەتتەن ساقتانۋ - تىزگىندەۋدىڭ ءبىرشاما تەز، ورنىقتى بۇرىلىس جاساۋىنا، تۇتىنۋدى جەبەۋ ساياساتىنىڭ ۇزدىكسىز دەم بەرۋىنە ىلەسە، تالاي كۇننەن بەرى كوپتەگەن اسحانالاردا بوس ورىن بولماۋداي دۋماندى جاعداي قايتا جارىققا شىقتى. ساناق ساندى مالىمەتىندە كورسەتىلۋىنشە،ءبىرىنشى ماۋسىمدا شينجياڭدا جاناسپالى تۇتىنۋ، قىزمەت وتەۋ تۇتىنۋى زور كولەمدە قايتا ارتقان. تۇرعىنداردىڭ ساياحات، اس - سۋ، كوڭىل اشۋ تۇتىنۋى كورنەكتى قالپىنا كەلدى. مۇنىڭ ىشىندە اس - سۋ كىرىسى سايكەس مەزگىلدەگىدەن ％3. 5 ارتىپ، ارتۋ جىلدامدىعى الدىڭعى جىلداعىدان 7. 13 پايىز جوعارىلاعان.
”تۇتىنۋ − حالىق تۇرمىسىن جاقسارتۋدىڭ ماڭىزدى مازمۇنى، سونداي - اق ەكونوميكانىڭ ارتۋىنداعى قۋاتتى قوزعاۋشى كۇش“، - دەدى لي شۋان.
بيىل اۆتونوميالى رايوندىق ساۋدا ىستەرى مەڭگەرمەسى مادەنيەت - ساياحات مەڭگەرمەسى سياقتى قاتىستى ورىندارمەن بىرگە شينجياڭنىڭ ”ءجۇز اۋداندا مىڭ ءدامدى تاعام بولۋ“ ءدامدى تاعامداردى باعالاۋ جانە ۇگىتتەۋ، جالپىلاستىرۋ قيمىلىن ۇزدىكسىز ورىستەتىپ، شينجياڭنىڭ ەرەكشە ايگىلى دۇكەندەرىن، ايگىلى قۋىرماشتارىن، ايگىلى جەڭىل تاعامدارىن كادەگە جاراتادى؛ راديو مەديالارىمەن، ينتەرنەت تۇعىرلارىمەن بىرگە تاڭدالعان قۋىرماش ونىمدەرىن ۇگىتتەۋ، جالپىلاستىرۋ قىزمەتىن بەلسەنە ويداعىداي ىستەيدى؛ شينجياڭ اس - سۋ قوعامىنىڭ ”مەتروداعى مەرەكەلىك بۇيىمدار مەرەكەسى · قولايلى، كوڭىلدى ساتىپ الۋ“ قيمىلىن وتكىزۋىنە جەتەكشىلىك ەتىپ، اس - سۋ تۇتىنۋىنىڭ ومىرشەڭدىك كۇشىن قاۋلاتادى.
قار - مۇز ساياحاتى، گۇل تاماشالاۋ ساياحاتى، ۇلتتىق سالت - سانا ساياحاتى، قۇمدى ءشول ساياحاتى... ءبىرىنشى ماۋسىمدا جەر - جەردىڭ مادەنيەت - ساياحات قيمىلدارى باي مازمۇندى، الۋان ءتۇرلى بولىپ، شينجياڭنىڭ قابىلداعان ساياحاتشى سانى سايكەس مەزگىلدەگىدەن ％6. 18 ارتىپ، ساياحات كىرىسى سايكەس مەزگىلدەگىدەن ％1. 36 ارتىپ، ساياحاتتاۋعا قاتىستى اس - سۋ جانە قونالقى كاسىپتەرىنىڭ كىرىسىن جەدەل ارتتىردى. مۇنىڭ ىشىندە قونالقى كاسىبىنىڭ تيجارات سوماسى ％2. 25 ارتىپ، ارتۋ قارقىنى وتكەن جىلداعىدان 2. 38 پايىز جوعارىلادى.
كورنەكتى ساندى مالىمەتتەر مادەنيەت - ساياحات تۇتىنۋىنىڭ قالپىنا كەلۋ ومىرشەڭدىك كۇشىن ايگىلەدى. تۇرعىنداردىڭ ءجۇرىس - تۇرىسى اناعۇرلىم جاندانىپ، ساياحات بازارى دا جاندانعان كوكتەمدى كۇتىپ الدى.
مەيتۋاننىڭ ساندى مالىمەتىندە كورسەتىلۋىنشە، ”1 - مامىر“ دەمالىسى كەزىندە شينجياڭنىڭ ساياحاتىنا (قاتىناستى، قوناق ءۇي - حالىقتىق تۇسەلحانانى، كورىنىس تۇيىندەرىنىڭ ەسىك بەلەتىن قامتيدى) تاپسىرىس 2019 - جىلداعى سايكەس مەزگىلدەگىدەن الدەقايدا اسىپ كەتكەن. قۇمتاع ءشولى، سايرام كولى ايگىلى كورىنىس ءوڭىرى، جانبۇلاق قاتارلى جەرلەردىڭ ساياحاتى ءبىرشاما دۋماندى بولعان.
جاڭا كاسىپ كۇيى جەدەل جەتىلىپ، ومىرشەڭدىك كۇشىن ايگىلەدى
بۇگىنگى تاڭدا، تۇرلىشە تاقىرىپتىق ستيلدەگى اۆتوكولىكتىڭ ارتقى ساندىعىندا ساۋدا ىستەۋ، كونتەينەردە ساۋدا ىستەۋ بازارى بۇكىل شينجياڭنىڭ كوپ جەرىندە جاندانىپ، وزگەشە، كوپ نەگىزدەندىرىلگەن تۇنگى تۇرمىس قولايلىلىق اكەلدى. حالىق تۇرمىسىن قامتاماسىز ەتۋگە، جۇمىستاندىرۋدى جەبەۋگە، تۇرعىنداردىڭ تۇتىنۋىنا دەم بەرۋگە جانە ەكونوميكالىق دامۋىنا تىڭ ومىرشەڭدىك كۇش اكەلۋمەن بىرگە، قالالارعا اناعۇرلىم كوپ جۇرت كوڭىلىن شاتتىققا بولەيتىن وزگەشە قۋانىش سيلادى.
بيىل جىل باسىنان بەرى رايونىمىز تۇتىنۋدىڭ جاڭا كۇيىن بەلسەنە جەتىلدىرىپ، ءۇرىمجى قالاسى، كورلا قالاسى، اقسۋ قالاسى، حوتان قالاسى سىندى اۆتونوميالى رايون دارەجەلى حالىققا قولايلى ون بەس مينۋتتىق تۇرمىس شەڭبەرى سىناق ءتۇيىنى ەتىلگەن 4 قالانى تۇراقتاندىرىپ، مەملەكەت دارەجەلى ءۇش كەشكى مادەنيەت جانە ساياحات تۇتىنۋى شوعىرلى رايونىن قۇرىپ، اۆتونوميالى رايون دارەجەلى 16 كەشكى ەكونوميكادان ۇلگى كورسەتۋ رايونىن، 13 جاياۋلار كوشەسىن جاڭالاپ، دەڭگەيىن كوتەرۋ سىناق ءتۇيىنىن تۇلعالادى.
ساياساتتىڭ دەمەۋى، كىرىس قۇرىلىمىنىڭ ساپالىلانۋى، شارۋاشىلىق - ساۋدا ورتاسىنىڭ جاقسارۋى سياقتى كوپتەگەن فاكتورلاردىڭ رولىمەن شينجياڭنىڭ تۇتىنۋ بازارى جاڭا كەزەكتى كەڭەيۋدى باستادى، تۇرعىنداردىڭ ساپالىلانعان، دارالانعان، كوپ نەگىزدەنگەن سۇرانىسى ءونىمدى ارتىپ، دارەجەسى جوعارىلاعان تاۋارلاردى تۇتىنۋ ۇزدىكسىز كەڭەيىپ، دارەجەسى جوعارىلاعان ءىشىنارا تاۋارلاردىڭ بولشەك ساتىلۋ سوماسى ەداۋىر تەز ارتتى. ساندى مالىمەت تۇتىنۋ دارەجەسى جوعارىلاۋىنىڭ ومىرشەڭدىگىن ايگىلەدى: ءبىرىنشى ماۋسىمدا، شەكتەۋلى نورمادان جوعارى ورىنداردىڭ كىتاپ، گازەت - جۋرنالدارى، ەڭلىك بۇيىمدارى، التىن، كۇمىس، زەرگەرلىك بۇيىمدارى سايكەس مەزگىلدەگىدەن جەكە - جەكە ％8. 15، ％5. 1 جانە ％6. 3 ارتتى.
”جاڭالىققا“ كۇش سالىپ، جەر - جەر تۇتىنۋدىڭ قالپىنا كەلۋىن، جاقسارۋىن جەدەل ىلگەرىلەتىپ، جاپا - تارماعاي ءبىر قىدىرۋ تۇتىنۋ جاڭا دانەكەرىن ۇسىندى. اۋدان اۋماعىنداعى ساۋدا جۇيەسى قۇرىلىسىن كۇشەيتىپ، ”ساياحات +“ توعىسپالى دامۋى تۇتىنۋدى جانداندىرۋدى بەلسەنە ىلگەرىلەتىپ، حالىققا قولايلى تۇرمىس شەڭبەرىندەگى قىزمەت وتەۋ كاسىپ كۇيىن بايىتىپ، كوپتەگەن قالادا تىكە تاراتۋ ەلەكتروندى ساۋداسى، لەزدىك بولشەك ساتۋ، اۋقىمدىق كەشكى بازار سياقتى تۇتىنۋ جاڭا كاسىپ كۇيى قارىشتاي دامىدى...
ينتەرنەت جەلىسىندەگى ءتۇرلى ساۋدانى جەبەۋ قيمىلدارى دابىرالى ورىستەتىلىپ، تىكە تاراتۋ كاسىپ كۇيى ارقىلى تاۋارلاردى بولشەك ساتۋ ارناسىن كەڭەيتتى، تۇتىنۋشىلاردىڭ زات ساتىپ الۋ سەزىنىسىن بايىتتى. ءبىرىنشى ماۋسىمدا بۇكىل رايونىمىزدا ينتەرنەتتەگى ساۋدا سوماسى 78 ميلليارد 755 ميلليون يۋان بولىپ، سايكەس مەزگىلدەگىدەن ％13. 16 ارتىپ، تاماشا ارتۋ ارىنىن ساقتادى.
مەيتۋان لەزدىك ساتۋىنىڭ ساندى مالىمەتىندە كورسەتىلۋىنشە، ”تاپسىرىسپەن جەتكىزۋ بويىنشا ءبارىن ساتىپ الۋعا“ ادەتتەنگەن تۇتىنۋشىلار بارعان سايىن كوبەيگەن. بيىل 3 - ايدا شينجياڭ مەيتۋان لەزدىك ساتۋىنا بەرىلگەن تاپسىرىس سايكەس مەزگىلدەگىدەن ％40كە جۋىق ارتىپ، ەرەن بازار، قولايلى دۇكەن، گۇل، جاسىل وسىمدىكتەر، جەمىس - جيدەك، ازىقتىق شيكىزات تۇرىندەگى تاۋارلار تۇتىنۋشىلاردىڭ بارىنشا قارسى الۋىنا يە بولعان، كيىم - كەشەك، اياق كيىم، باس كيىمدەردىڭ، ەرمەك حايۋانداردىڭ ساتىلۋ مولشەرىنىڭ ارتۋى ەڭ تەز بولىپ، سايكەس مەزگىلدەگىدەن جەكە - جەكە ％508، ％126 ارتقان.
تۇتىنۋدىڭ قالپىنا كەلۋ نەگىزى اناعۇرلىم بەكەمدەلدى
ەندى عانا وتكەن ”1 - مامىر“ دەمالىسىندا شينجياڭنىڭ جەر - جەرى كوكتەم، جاز ماۋسىمدارىنداعى تۇتىنۋدىڭ قاۋىرت مەزگىلىن مىقتى يگەرىپ، اۆتوكولىك، ءۇي ەلەكتر جابدىقتارى، ءۇي جيھازدارى، ءتۇرلى بۇيىمدار، اس - سۋ، ساياحات سياقتى تۇتىنۋ قولامتالى تۇيىندەرىن ارقاۋ ەتىپ، ساۋدانى جەبەۋ قيمىلدارىن جەتەكشى ەتىپ، بازاردىڭ ومىرشەڭدىگىن قاۋلاتتى.
بيىل جىل باسىنان بەرى شينجياڭ تۇتىنۋدى قالپىنا كەلتىرۋ مەن كەڭەيتۋدى ماڭداي الدى ورىنعا قويىپ، ”ايشاڭ شينجياڭ· تۇتىنۋدان ءلاززاتتانۋ“ جالپى حالىقتىق جاڭا جىلدى قارسى الۋ تۇتىنۋ مەركەسى جانە الەمدىك زات ساتىپ الۋ · مەرەكەلىك بۇيىمدار قيمىلىن وتكىزىپ، ”2023 تۇتىنۋدى جەبەۋ جىلى“ قيمىلىن جوسپارلاپ ورىستەتىپ، ”ءۇي ەلەكتر جابدىقتارىن اۋىلعا جەتكىزۋ“، ”كونەنى جاڭاعا ايىرباستاۋ“، ”ءۇي ەلەكتر جابدىقتارى بويىنشا قىزمەت وتەۋدى قىستاقتارعا، الەۋمەتتىك اۋماقتارعا جەتكىزۋ“ سياقتى جەلىلەس قيمىلداردى ورىستەتىپ، جەر - جەردىڭ اۆتوكولىك تۇتىنۋ قوسىمشا قاراجاتى قيمىلى جانە اۆتوكولىكتەردى اۋىلعا جەتكىزۋ ارناۋلى ارەكەتى سياقتىلاردى ورىستەتۋىنە جەتەكشىلىك ەتتى.
ءبىر قىدىرۋ ناقتى شارالار تۇتىنۋ ورتاسىن ۇزدىكسىز جاقسارتىپ، تۇتىنۋ سۇرانىسى ورنىقتى قاداممەن جارىققا شىعىپ، اۆتوكولىك، وڭدەلگەن مۇناي، ءۇي ەلەكتر جابدىقتارى، ءتۇرلى بۇيىمدار سياقتى ءتۇيىندى تۇتىنۋ سالاسىنداعى تۇتىنۋدى جەبەپ، بازاردىڭ جاندانۋ اۋقىمى كورنەكتىلەندى.
شينجياڭ سۋنيڭ يگوۋ ساۋدا شەكتى سەرىكتەستىگىنىڭ باس ديرەكتورى حان لەي بىلاي دەپ تانىستىردى: سەرىكتەستىگىمىزدىڭ ءبىرىنشى ماۋسىمداعى بولشەك ساتۋ سوماسى سايكەس مەزگىلدەگىدەن ％39 ارتتى، باستىسى، مۇزداتقىش، كىر جۋعىش جانە شاعىن ءۇي ەلەكتر جابدىقتارى سياقتىلار ەداۋىر زور مولشەردە ارتتى.
ساندى مالىمەتتە كورسەتىلۋىنشە، ءبىرىنشى ماۋسىمدا تۇرعىنداردىڭ تۇتىنۋ سۇرانىسىنىڭ بىرتىندەپ جارىققا شىعۋىنا ىلەسە، نەگىزگى تۇرمىس تۇرىندەگى تۇتىنۋ ۇزدىكسىز ارتىپ، تاۋار ساۋدا سوماسىنىڭ ورنىقتى تۇردە قايتا ارتۋىنا تىرەك بولعان. شەكتەۋلى نورمادان جوعارى 18 تۇردەگى تاۋاردىڭ بولشەك ساتىلۋىندا 10 ءتۇرلى تاۋاردىڭ بولشەك ساتىلۋ سوماسى ارتىپ، ارتۋ كولەمى ％6. 55كە جەتىپ، بىلتىرعى تۇتاس جىلداعىدان 4. 33 پايىز ارتقان. مۇنىڭ ىشىندە استىق - ماي جانە ازىق - تۇلىك، جۇڭگوشا، باتىسشا ءدارى - دارمەك، كيىم - كەشەك، اياق كيىم، باس كيىم، ءبىز توقىماشىلىق بۇيىمدارى جانە مۇناي، سونداي - اق بۇدان وندىرىلگەن بۇيىمدار تۇرىندەگى تاۋارلاردىڭ بولشەك ساتىلۋى جەكە - جەكە ％2. 7، ％8. 30، ％1. 16 جانە ％8. 9 ارتىپ، شەكتەۋلى نورمادان جوعارى قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 8. 4 پايىز ارتقان.
”ءبىر قىدىرۋ شارالار تۇتىنۋ كومەسكى كۇشىنىڭ جارىققا شىعۋىن جەبەدى“. لي شۋان بىلاي دەدى: ايتسە دە، تۇرعىنداردىڭ تۇتىنۋ تىلەگىن ونان ارى جوعارىلاتۋ، اۆتوكولىك، ءۇي ەلەكتر جابدىقتارى، تۇرعىن ءۇي سياقتى تۇتىنۋدا يەلەيتىن سالىستىرماسى جوعارى، كاسىپ سالاسى تىزبەگى ۇزىن، جەتەكتەۋ قۋاتى كۇشتى كوپشىلىك قولدى تۇتىنۋدىڭ كومەسكى كۇشىن ونان ارى جارىققا شىعارۋ كەرەك ەكەنىن كورە ءبىلۋ كەرەك.
تاياۋدا، اۆتونوميالى رايوندىق ساۋدا ىستەرى مەڭگەرمەسى اۆتونوميالى رايوندىق دامۋ - رەفورما كوميتەتىمەن بىرگە «2023 - جىلعى اۆتونوميالى رايوننىڭ تۇتىنۋدى قالپىنا كەلتىرۋ، كەڭەيتۋ قىزمەتىن اتقارۋ جوباسىن» جاساپ، تۇتىنۋدى جەبەۋ مىندەتتەرىن، شارالارىن اشالاپ، جەر - جەردىڭ، تاراۋلاردىڭ قىزمەت جاۋاپكەرشىلىگىن ايقىنداپ، بۇكىل رايوننىڭ تۇتىنۋدى جەبەۋ قىزمەتىنىڭ بىرىككەن كۇشىن قالىپتاستىرۋدى ىلگەرىلەتتى.
لي شۋان مىنالاردى ءبىلدىردى: ەكونوميكانىڭ ورنىقتى قاداممەن قالپىنا كەلۋىنە ىلەسە، جۇمىستانۋ جاعدايى ۇزدىكسىز جاقسارىپ، تۇرعىنداردىڭ كىرىسى كوبەيىپ، تۇتىنۋ قۇرىلىمى دارەجەسىن جەدەل جوعارىلاتىپ، تۇتىنۋدىڭ ەكونوميكانىڭ ارتۋىن جەبەۋ رولى بىرتىندەپ كۇشەيدى. كەلەسى قادامدا ساپالى قامداۋدى بەلسەنە مولايتىپ، تۇتىنۋدى كەڭەيتۋ مەن قامداۋ جاعىنداعى قۇرىلىمدىق رەفورمانى ءونىمدى ۇشتاستىرىپ، تۇتىنۋ كومەسكى كۇشىن ۇزدىكسىز جارىققا شىعارىپ، ەكونوميكانىڭ دامۋىن جەبەپ، حالىقتىڭ قۇت - ىرىسىن جاقسارتامىز.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
