وقۋ – اعارتۋ مينيسترلىگى: قولفون ارقىلى ەمتيحاندا قارالىق ىستەۋدەن ساقتانۋ بيىلعى جوعارى مەكتەپ ەمتيحانىنداعى حاۋىپسىزدىككە ساياتىن ەڭ ماڭىزدى ماسەلە سانالادى
2023.05.11 16:11 كەلۋ قاينارى : حالىق تورابى
جۋىردا، وقۋ – اعارتۋ مينيسترلىگىنىڭ قاتىستى تاراۋلارى 2023 – جىلعى ەلىمىزدەگى جاي جوعارى مەكتەپتەرگە وقۋشى قابىلداۋ ەمتيحانىنىڭ حاۋىپسىزدىگى قىزمەتى جونىندەگى كەسكىندى ءماجىلىستى اشىپ، قولفون ارقىلى ەمتيحاندا قارالىق ىستەۋدەن ساقتانۋدى بيىلعى جوعارى مەكتەپ ەمتيحانىنداعى حاۋىپسىزدىككە ساياتىن ەڭ ماڭىزدى ماسەلە رەتىندە قاراپ، قولفوندى ”الىپ كىرە المايتىنداي“، ”پايدالانا المايتىنداي“، ”سىرتقا حابار جولداي المايتىنداي“ كۇيدە قاداغالاپ، ەمتيحان الاڭى حاۋىپسىزدىگىندەگى نەگىزگى شەپتى ويداغىداي كۇزەتۋدى تالاپ ەتتى.
ماجىلىستە مىنالار تالاپ ەتىلدى: ەمتيحان سۇراۋلارى مەن ەمتيحان قاعازىنىڭ حاۋىپسىزدىگىنە قاتىستى ىستەرگە كەپىلدىك ەتىپ، ەمتيحان ىستەرى ولشەمى بويىنشا قاتاڭ اتقارىپ، ەمتيحان بارىسىندا ىندەتتەن ساقتانۋ قىزمەتىن ءبىر تۇتاس ويداعىداي ىستەپ، جوعارى مەكتەپ ەمتيحانىنا ىشكەرىلەي جان – جاقتى رەفورما جاساپ، ەمتيحان مازمۇنىنا رەفورما جاساۋدى تەرەڭدەتىپ، قاتىستى ارناۋلى رەفورمالاردى ءبىر تۇتاس ىلگەرىلەتىپ، ”جوعارى مەكتەپ ەمتيحانىنا قاتىستى قورعاۋ ارەكەتىن“ ۇزدىكسىز ورىستەتىپ، ەمتيحان بەرۋشىلەردىڭ ”شۇعىل، قيىن، ۋايىمداتقان، زارىقتىرعان“ ماسەلەلەرىن ويداعىداي شەشىم ەتىپ، اقپاراتتى جاريالاۋ مەن ساياساتتى تۇسىندىرۋدى ويداعىداي ىستەپ، ەمتيحانعا، وقۋشى قابىلداۋعا ساياتىن ءتۇرلى كۋرس قۇرىلىمدارىن جونگە سالۋدى كۇشەيتىپ، ”جوعارى مەكتەپ ەمتيحانىن تىنىش وتكىزۋ “ نىسانالىق مىندەتىن ىسكە اسىرۋعا كۇش سالۋ كەرەك. (ءتىلشى ۋاڭ پىڭ، شى يۇيسىن)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
