ەلىمىزدىڭ نانحاي تەڭىزىندە ەكى جەردەن ەرتەدەگى شوككەن كەمە تابىلدى
شوككەن كەمەنىڭ سۋ استىنداعى ورنىنا ماڭگىلىك ولشەۋ – سىزۋ اسپابى ورنالاستىرىلدى
2023.05.22 14:29 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى شى يۇيسىن، جوۋ حۇيمين 5 – ايدىڭ 21 – كۇنى سانيادان حابارلايدى. مەملەكەتتىك مادەني مۇرالار مەكەمەسى، حاينان ولكەلىك حالىق ۇكىمەتى قاتارلى ورىندار 5 – ايدىڭ 21 – كۇنى حاينان ولكەسى سانيا قالاسىندا ەلىمىزدىڭ تەرەڭ تەڭىزدەگى ارحەولوگيالىق قىزمەتتەرىنىڭ جۋىردان بەرى قول جەتكىزگەن زور جەتىستىكتەرىن جاريالادى. 2022 – جىلى 10 – ايدا، ەلىمىزدىڭ نانحاي تەڭىزىنىڭ باتىس سولتۇستىگىندەگى قۇرلىق جوتاسىنىڭ ماڭىنداعى 1500 مەترلىك تەرەڭدىكتەگى تەڭىز الابىنان ەكى ورىننان ەرتەدەگى شوككەن كەمەنى بايقاعان. شوككەن كەمەنىڭ سۋ استىنداعى ورنىنا ماڭگىلىك ولشەۋ – سىزۋ اسپابى بيىل 5 – ايدىڭ 20 – كۇنى ورنالاستىرىلعان ءارى العاشقى قادامدا ىزدەۋ – تەكسەرۋ جانە كەسكىنگە، سۋرەتكە الۋ ەستەلىگى جاسالعان، بۇل جۇڭگونىڭ تەرەڭ تەڭىزدە ارحەولوگيالىق زەرتتەۋ جۇرگىزۋىنىڭ جاڭا پاراقشاسىن اشقاندىق بولىپ تابىلادى.
مەملەكەتتىك مادەني مۇرالار مەكەمەسى ارحەولوگيا مەڭگەرمەسىنىڭ باستىعى رۇن يالين بىلاي دەپ تانىستىردى: نانحاي تەڭىزىنىڭ باتىس سولتۇستىگىندەگى قۇرلىق جوتاسىنىڭ ماڭىنا شوككەن 1 – ءنومىرلى كەمە دەگەن ات قويىلعان كەمەدە كەمە بولمەلەرىنە ءبولىنىپ ۇيىلگەن مادەني مۇرالار تەكتەس بۇيىمدار بايقالعان، ەڭ بيىگى 3 مەترگە جۋىقتاعان، مادەني مۇرالار فارفور بۇيىمداردى نەگىز ەتكەن، تارالعان كولەمى ون مىڭ شارشى مەتردەن اسادى، سان مولشەرى ءجۇز مىڭ دانادان اسادى دەپ مەجەلەنگەن، سۋدان الىنعان مادەني مۇرالارعا العاشقى قادامدا ميڭ ءداۋىرىنىڭ جىڭدى جىلدارىنداعى بۇيىم دەگەن تۇجىرىم جاسالعان. نانحاي تەڭىزىنىڭ باتىس سولتۇستىك قۇرلىق جوتاسىنىڭ ماڭىنا شوككەن 2 – ءنومىرلى كەمە دەگەن ات قويىلعان كەمەدەن كوپ مولشەردەگى بورەنە بايقالعان، ۇزىندىعى ءبىر – بىرىمەن قارايلاس، رەتتى قويىلعان، كوبى جاي مانەرلەۋدەن وتكىزىلگەن، العاشقى قادامدا زەرتتەپ تۇجىرىمداۋعا قاراعاندا، شەتەلدەن جۇك تيەپ جۇڭگوعا قاراي بەتتەگەن ەرتەدەگى كەمەنىڭ سۋعا شوككەن ورنى ەكەن، ميڭ داۋىرىندەگى حۇڭجى جىلدارىنا تۋرا كەلەدى دەپ العاشقى قادامدا تۇجىرىم جاسالعان.
”شوككەن كەمە ءبىرشاما تولىق ساقتالعان، مادەني مۇرالاردىڭ سانى وتە مول، ءداۋىرى ءبىرشاما ايقىن، ماڭىزدى تاريحي، عىلىمي جانە كوركەمونەرلىك قۇنعا يە، تەك ەلىمىزدىڭ تەرەڭ تەڭىزدەگى ارحەولوگيالىق زەرتتەۋىندەگى كەلەلى بايقاۋ بولىپ قالماستان، دۇنيە جۇزىلىك دەڭگەيدەگى كەلەلى ارحەولوگيالىق بايقاۋ سانالادى“، — دەيدى يان يالين.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
