شي جينپيڭ حالىقارالىق ساۋىقتىرۋ ۇيىمىنىڭ 100 جىلدىق مەرەي تويىنا قۇتتىقتاۋ حاتىن جولدادى
2023.05.22 16:09 كەلۋ قاينارى : حالىق تورابى
مەملەكەتتىك مۇگەدەكتەرگە كومەكتەسۋ كۇنى قارساڭىندا بۇكىل ەلدەگى قالىڭ مۇگەدەكتەر مەن ولاردىڭ تۋىس - تۋعاندارىنا، قالىڭ مۇگەدەكتەر قىزمەتكەرلەرىنە شىنايى سالەم جولدادى
شينحۋا اگەنتتىگى، 5 - ايدىڭ 21 – كۇنى، بەيجيڭ. 5 - ايدىڭ 21 - كۇنى مەملەكەت ءتوراعاسى شي جينپيڭ حالىقارالىق ساۋىقتىرۋ ۇيىمىنىڭ 100 جىلدىق مەرەي تويىنا قۇتتىقتاۋ حاتىن جولدادى ءارى مەملەكەتتىك مۇگەدەكتەرگە كومەكتەسۋ كۇنى قارساڭىندا بۇكىل ەلدەگى قالىڭ مۇگەدەكتەرگە، سونداي - اق ولاردىڭ تۋىس - تۋعاندارىنا، قالىڭ مۇگەدەكتەر قىزمەتكەرلەرىنە ىقىلاستى سالەم جولدادى، جۇڭگونىڭ مۇگەدەكتەر ىسىنە كوڭىل ءبولىپ، قولداۋ كورسەتكەن حالىقارالىق ۇيىمدارعا جانە ءار جاقتاعى قايراتكەرلەرگە شىن جۇرەكتەن العىس ايتتى.
شي جينپيڭ بىلاي دەپ اتاپ كورسەتتى: حالىقارالىق ساۋىقتىرۋ ۇيىمى − مۇگەدەكتەر ىستەرى سالاسىنداعى ماڭىزدى ىقپالعا يە حالىقارالىق ۇيىم، ول مۇگەدەكتەردىڭ ار - نامىسىن قورعاۋ، مۇگەدەكتەردىڭ ۇقىعىن قامتاماسىز ەتۋ، مۇگەدەكتەردىڭ ىرىس - قۇتىن مولايتۋ جولىندا قاجىماي - تالماي قۇلشىنىس جاساپ كەلەدى. جۇڭگو حالىقارالىق ساۋىقتىرۋ ۇيىمىنىڭ قىزمەتىن بەلسەنە قولداپ، ءىس جۇزىندىك ارەكەتى ارقىلى وركەندەپ كەلە جاتقان ەلدەردىڭ مۇگەدەكتەر ىستەرىنىڭ دامۋىن ىلگەرىلەتىپ، حالىقارالىق قوعامنىڭ مۇگەدەكتەرگە كوڭىل ءبولۋىن كۇشەيتىپ، حالىقارالىق مۇگەدەكتەر ىسىنە جۇڭگو كۇشىن ارنايدى.
شي جينپيڭ بىلاي دەپ دارىپتەدى: جۇڭگو مۇگەدەكتەرگە ايرىقشا كوڭىل ءبولىپ، ايرىقشا نازار اۋدارىپ وتىر، جۇڭگو ۇلگىسىندەگى وسىزامانداندىرۋ اياق الىسىندا مۇگەدەكتەردى قوعامدىق قامتاماسىزداندىرۋ ءتۇزىمى مەن قامقورلىق جاساۋ، قىزمەت وتەۋ جۇيەسىن اناعۇرلىم كەمەلدەندىرىپ، مۇگەدەكتەر ىستەرىنىڭ جاپپاي دامۋىن جەبەيدى. جۇڭگو دۇنيە جۇزىندەگى ءار ەلمەن بىرگە حالىقارالىق مۇگەدەكتەر ىستەرى اۋىس - كۇيىسى مەن سەلبەستىگىن بىرگە ىلگەرىلەتىپ، ادامزاتتىڭ سالاماتتىق قۇت - ىرىسىن ۇزدىكسىز ارتتىرۋدى قالايدى.
حالىقارالىق ساۋىقتىرۋ ۇيىمىنىڭ 100 جىلدىق مەرەي تويىن حالىقارالىق ساۋىقتىرۋ ۇيىمى ۇيىمداستىردى، جۇڭگو مۇگەدەكتەر بىرلەستىگى ۇستىنە الىپ وتكىزدى، 5 - ايدىڭ 21 – كۇنى بەيجيڭدە باستالدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
