بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

بەدەلدى وقۋلىقتان ويداعىداي ۇيرەنىپ، ويداعىداي پايدالانىپ، جۇرت تىلەگىن ۇيىستىرىپ، رۋحتى سومداپ، كۇش - قۋات توپتادى

− جەر - جەردەگى پارتيا مۇشەلەرىنىڭ، كادرلاردىڭ، بۇقارانىڭ «شي جينپيڭ شىعارمالارىنان تاڭدامالىلاردى» ۇيرەنۋ جاعدايىنا جالپى شولۋ

شينحۋا اگەنتتىگىنىڭ تىلشىلەرى

2023.05.22 16:19     كەلۋ قاينارى : حالىق تورابى

  بۇكىل پارتيادا شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى ىشكەرىلەي ورىستەتىلۋ قارساڭىندا «شي جينپيڭ شىعارمالارىنان تاڭدامالىلاردىڭ» 1 - تومى، 2 - تومى بۇكىل ەلدە باسپادان شىعىپ تاراتىلدى، بۇل − پارتيا مەن مەملەكەتتىڭ ساياسي ومىرىندەگى ءىرى ءىس.

  بۇل كىتاپقا باس شۋجي شي جينپيڭنىڭ 2012 - جىلى 11 - ايدان 2022 - جىلى 10 - ايعا دەيىنگى مەزگىلدەگى ەڭ ماڭىزدى، ەڭ نەگىزگى شىعارمالارى ەنگىزىلدى، بۇل − بۇكىل پارتيانىڭ، بۇكىل ەلدەگى ءار ۇلت حالقىنىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرۋىندەگى بەدەلدى وقۋلىق.

  پارتيا ورتالىق كوميتەتى ارناۋلى ۇقتىرۋ شىعارىپ، «شي جينپيڭ شىعارمالارىنان تاڭدامالىلاردىڭ» 1 - تومىن، 2 - تومىن ۇيرەنۋ جونىندە بىلاي دەپ ايقىن تالاپ قويدى: قالىڭ پارتيالى كادرلار مەن بۇقارا ءتۇپ نۇسقانى مۇقيات وقىپ، ءتۇپ نۇسقانى ۇيرەنىپ، قاعيدانى ءتۇسىنىپ، اقيقاتتىڭ ءدامىن، يدەيالىق كۇشىن اناعۇرلىم تەرەڭ ءتۇسىنىپ، عىلمي نازاريا نۇسقاعان دۇرىس بەتالىستى بويلاپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ۇلى امالياتىنا بەلسەنە ات سالىسۋى كەرەك.

  ءتۇپ نۇسقانى جەتەكشى ەتىپ، قاعيدانى يگەرىپ، اقيقاتتى ءتۇسىندى

  بەيجيڭ كىتاپ سارايىنا كىردىك، ”شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى كىتاپتارى“ ارناۋلى اۋماعىنىڭ الدىندا «شي جينپيڭ شىعارمالارىنان تاڭدامالىلاردىڭ» 1 - تومى، 2 - تومى كورنەكتى ورىنعا قويىلىپ، كوپتەگەن وقىرماندى ايالداپ وقۋعا باۋراعان.

  ەندى ءبىر جىلدىڭ الدىنا قايتا ورالايىق. 2022 - جىلى 5 - ايدا پارتيا ورتالىق كوميتەتى «شي جينپيڭ شىعارمالارىنان تاڭدامالىلاردى» رەداكسيالاپ باسپادان شىعارۋ سىندى كەلەلى ۇيعارىم جاسادى. وقۋلىقتى رەداكسيالاپ باسپادان شىعارۋداعى نەگىزگى ماقسات وقىرمانداردى شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋگە جانە تۇسىنۋگە جەتەكتەپ، وسى يدەيانىڭ جاپپاي سوتسياليستىك وسىزاماندانعان مەملەكەت قۇرۋداعى، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدەگى كەلەلى دە تەرەڭ جەتەكشىلىك ءمانىن تەرەڭ تانىتۋ جانە يگەرتۋ ءۇشىن ەدى.

  رەدكوللەگيانىڭ ءبىر مۇشەسى تانىستىرىپ بىلاي دەدى: ”رەداكسيالاۋ بارىسىندا ءبىز مۇقيات سۇرىپتاۋ، مۇقيات وڭدەۋ پرينسيبىندە تاباندى بولىپ، باس شۋجي شي جينپيڭنىڭ ءار سالادا، ءار جاقتا ماڭىزدى يدەيا، كوزقاراستى العا قويعانىن بەينەلەيتىن ماقالالاردى تاڭداپ قۇراستىرۋعا باسا ءمان بەرىپ، باس شۋجي شي جينپيڭنىڭ ماركسيزمدى دامىتۋعا كەلەلى ءتول جاسامپازدىق سيپاتتى ۇلەس قوسۋىن بەينەلەيتىن ماقالالاردى تاڭداپ قۇراستىرىپ، باس شۋجي شي جينپيڭنىڭ پارتيا مەن مەملەكەت ىستەرىنىڭ ءتۇبىرلى بەتالىسى مەن ۇزاق بولاشاقتىق دامۋى جونىندەگى ماڭىزدى پايىمداۋلارىن بەينەلەيتىن ماقالالاردى تاڭداپ قۇراستىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ءداۋىر تاقىرىبىنا جاۋاپ بەرەتىن، امالياتتىق دامۋعا جەتەكشىلىك ەتەتىن، ۇلى وزگەرىستى ىلگەرىلەتەتىن اقيقات كۇشى مەن امالياتتىق ۇلى كۇشىن تولىق ايگىلەدىك“.

  تاڭدامالىلاردا باس شۋجي شي جينپيڭ جاساعان پارتيا 20 - قۇرىلتايىنىڭ بايانداماسى بەتاشار ەتىلىپ، باسقا شىعارمالار ۋاقىت رەتى بويىنشا قۇراستىرىلىپ، جالپى 147 ماڭىزدى شىعارما ەنگىزىلدى. بۇل شىعارمالار باس شۋجي شي جينپيڭنىڭ قىرۋار ماقالالارىنان دەن قويا تاڭداپ الىنعان، بارلىعى جاسامپازدىق، ۋاكىلدىك، بوگەنايلىق سيپاتقا باي ماڭىزدى قۇجاتتار.

  تاڭدامالىلار ۋاقىت جاعىنان جاڭا داۋىردەگى 10 جىلدى بەينەلەيدى، مازمۇنى رەفورما، دامۋ، ورنىقتىلىق، ىشكى ىستەر، ديپلوماتيا، مەملەكەت قورعانىسى، پارتيانى باسقارۋ، مەملەكەتتى باسقارۋ، ارميانى باسقارۋ سياقتى سالالاردىڭ ءارقايسى جاعىن قامتىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ورناتىلۋىنىڭ، دامۋىنىڭ نەگىزگى جەلىسى مەن ونىڭ كەمەلدى عىلمي جۇيەسىن جان - جاقتى، جۇيەلى بەينەلەپ، وقىرمانداردىڭ پارتيانىڭ جاڭالىق اشۋ نازارياسىن جالپى تۇلعالىق جاقتان اناعۇرلىم جۇيەلى ۇيرەنۋىنە، يگەرۋىنە كومەكتەسەدى.

  ”پارتيانىڭ جاسامپاز نازارياسىن ۇيرەنۋدە ەڭ ءتۇبىرلىسى، ەڭ ماڭىزدىسى ءتۇپ نۇسقانى وقۋ، ءتۇپ نۇسقانى ۇيرەنۋ كەرەك. وقۋلىقتىڭ ايقىن ەرەكشەلىگىنىڭ ءبىرى − ءتۇپ نۇسقانىڭ ايگىلەنۋى، وسىلاي ىستەگەندە قالىڭ پارتيا مۇشەلەرىنىڭ، كادرلاردىڭ، بۇقارانىڭ شي جينپيڭ جاڭا ءداۋىر جۇڭگوشا سوتسياليزم يدەياسىنىڭ قاعيداسىن اناعۇرلىم ءدال، اناعۇرلىم تىكە يگەرۋىنە كومەكتەسۋگە بولادى“. رەدكوللەگيانىڭ ءبىر مۇشەسى مىنانى ءبىلدىردى: رەداكسيالاۋ بارىسىندا تاريحقا قۇرمەت ەتۋدە، ءتۇپ نۇسقاعا ادال بولۋدا تاباندى بولىپ، پارتيانىڭ جاڭالىق اشۋ نازارياسىنىڭ باي مازمۇنى مەن ايقىن ستيلىن تولىق ايگىلەدىك.

  ءبىر جىلعا جۋىق زەر سالا رەداكسيالاۋ ارقىلى «شي جينپيڭ شىعارمالارىنان تاڭدامالىلار» 2023 - جىلى 4 - ايدىڭ 3 - كۇنى رەسمي باسپادان شىعىپ تاراتىلدى. بۇل − تۇڭعىش رەت ج ك پ ورتالىق كوميتەتىنىڭ قۇجات رەداكسيا القاسى اتىنان رەداكسيالاپ باسپادان شىعارىلعان باس شۋجي شي جينپيڭنىڭ ماڭىزدى شىعارماسى.

  ”«شي جينپيڭ شىعارمالارىنان تاڭدامالىلاردى» ۇيرەنۋ − شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى توعىستىرىپ، رۋحتى سومداۋدا تاباندى بولۋداعى كەلەلى ساياسي مىندەت“. پارتيا ورتالىق كوميتەتى تاراتقان ۇقتىرۋدا مىنالار دارىپتەلدى: تاڭدامالىلاردى مۇقيات ۇيرەنۋ بۇكىل پارتيانىڭ، بۇكىل ەلدەگى ءار ۇلت حالقىنىڭ ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، سانالىلىقپەن يدەيادا، ساياسيدا، ارەكەتتە شي جينپيڭ جولداستى ۇيىتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، جاڭا داۋىردەگى جۇڭگوشا سوتسياليزم ىستەرىن قۇلشىنا العا ىلگەرىلەتۋى جونىنەن توتەنشە كەلەلى ماڭىز الادى.

  ىشكەرىلەي ۇيرەنىپ، ەگجەي - تەگجەيلى ءتۇسىنىپ، وي - سانانى قارۋلاندىرىپ، رۋحتى سومداپ، اقىل - پاراساتتى ارتتىردى

  4 - ايدىڭ 26 - كۇنى وزگەشە ”ميكرو لەكسيا“ تيانجين داشۋەسىنە قاراستى ورتا مەكتەپتە ساباق باستادى. شي جينپيڭ جاڭا ءداۋىر جۇڭگوشا سوتسياليزم يدەياسى مەن پارتيا 20 - قۇرىلتايىنىڭ رۋحىن ارقاۋ ەتىپ، تيانجين داشۋەسى ماركسيزم شۋەيۋانى باستىعىنىڭ ورىنباسارى جاڭ يۇي تەرەڭ ماعىنالى سويلەپ، وقۋشىلار زەيىن - زەردەنى شوعىرلاندىرا وتىرىپ تىڭدادى.

  ”ءبىز نازاريا ۇيرەنۋدى نەگىزگى تاقىرىپتىق تاربيەگە ءسىڭىرىپ، «شي جينپيڭ شىعارمالارىنان تاڭدامالىلاردى» كۇندەلىكتى وقىتۋعا ءسىڭىرىپ، پارتيانىڭ جاسامپاز نازارياسىنىڭ وقۋلىققا، ساباقحاناعا كىرۋىن، وي - ساناعا ۇيالاۋىن ۇزدىكسىز ىلگەرىلەتتىك“. جاڭ يۇي بىلاي دەدى: يدەيا - ساياسي نازاريا ساباعى وقىتۋشىسى رەتىندە، وسى بەدەلدى شىعارمانى ءتىپتى دە جاقسى ۇيرەنىپ، ويداعىداي قولدانىپ، الدىمەن ۇيرەنىپ، ىشكەرىلەي ۇيرەنىپ، ءجون - جوسىقتى تەرەڭ، ەگجەي - تەگجەيلى، جاندى تۇسىندىرۋگە قۇلشىنامىز.

  ىشكەرىلەي ۇيرەنىپ، ىشكەرىلەي زەرتتەپ، ءىس جۇزىندىكپەن ۇشتاستىرعاندا عانا، نازاريامەن قارۋلانۋدى تەرەڭدەتۋگە، ناقتىلاندىرۋعا بولادى.

  بەيجيڭ داشۋەسىنىڭ مەكتەپ اۋلاسىندا نەگىزگى تاقىرىپتىق تاربيە ىشكەرىلەي ورىستەتىلىپ، ۇيرەنۋ ورلەۋى كوتەرىلدى. مەكتەپ «شي جينپيڭ شىعارمالارىنان تاڭدامالىلاردى» وقۋ كلاسى، ”حالىقپەن بىرگە ءورىس اشىپ، وتانمەن بىرگە ىلگەرىلەيىك“ نەگىزگى تاقىرىپتىق كورمەسى، ارناۋلى تاقىرىپتىق اڭگىمە ءماجىلىسى سياقتى باي مازمۇندى، الۋان ءتۇرلى ۇيرەنۋ قيمىلدارى ارقىلى نازاريا ۇيرەنۋدىڭ قامتۋ اياسىنىڭ اناعۇرلىم كەڭ، ءونىمىنىڭ اناعۇرلىم ناقتى بولۋىن ىلگەرىلەتتى.

  ”ءبىز ۇيرەنۋ بارىسىندا جوعارى وقۋ - اعارتۋ قىزمەتىمەن جانە بەيجيڭ داشۋەسىنىڭ ءىس جۇزىندىگىمەن تىعىز بايلانىستىرىپ، «احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن باۋلۋ» سياقتى ونەگە كورسەتىپ ادام تاربيەلەۋگە، جوعارى مەكتەپتەردىڭ يدەيا - ساياسي قىزمەتىن كۇشەيتۋگە جانە جاقسارتۋعا، وقىتۋشىلىق ءمورال، ۇستازدىق ستيل قۇرىلىسىن كۇشەيتۋگە قاتىستى ماڭىزدى مازمۇنداردى ءبىر - بىرلەپ زەرتتەپ وقىپ، باس شۋجي شي جينپيڭنىڭ وقۋ - اعارتۋ قىزمەتى جونىندەگى ماڭىزدى پايىمداۋلارىنىڭ رۋحىن ىشكەرىلەي ۇيرەنىپ، ءتۇسىنىپ، جوعارى مەكتەپتەردە قانداي ادام تاربيەلەۋ كەرەك، ادامدى قالاي تاربيەلەۋ كەرەك، كىم ءۇشىن تاربيەلەۋ كەرەك دەگەن ءتۇبىرلى ماسەلە جونىندە اناعۇرلىم ايقىن تانىمعا يە بولدىق“ دەدى بەيجيڭ داشۋەسى پارتكومى ۇگىت ءبولىمىنىڭ باستىعى رىن يۇيجۇڭ.

  ۇيرەنۋدى نەگىز ەتۋدە تاباندى بولىپ، قالىڭ پارتيا مۇشەلەرى، كادرلار، بۇقارا دەن قويا ۇيرەنۋ بارىسىندا جاۋھارى مەن ماڭىزدى ءمانىن يگەردى.

  «شي جينپيڭ شىعارمالارىنان تاڭدامالىلاردى» وقىعاننان كەيىن لياۋنيڭ ولكەسى شىنياڭ قالالىق دامۋ جانە رەفورما كوميتەتى ساياسات، زاڭ - ەرەجە باسقارماسىنىڭ باستىعى لي چۇنحۋا دەرەۋ ۇيرەنۋگە كىرىستى.

  باس شۋجي جۇڭگو ۇلگىسىندەگى وسىزامانداندىرۋدىڭ حالىق سانى كولەمى زور، جالپى حالىق بىرگە اۋقاتتاناتىن، زاتتىق وركەنيەت پەن رۋحاني وركەنيەت ءوزارا سايكەسەتىن، ادام مەن تابيعات جاراسىمدى قاتار ءومىر سۇرەتىن، بەيبىت دامۋ جولىمەن جۇرەتىن وسىزاماندانۋ ەكەنىن العا قويدى. مەنىڭشە، وسى ماڭىزدى پايىمداۋلار جۇڭگو ۇلگىسىندەەى وسىزامانداندىرۋدىڭ جۇڭگوشا ەرەكشەلىگىن پايىمداپ قانا قويماي، حالىقتان جازباۋ، جۇيە كوزقاراسىندا تاباندى بولۋ، دۇنيە جۇزىلىك پەيلىدەن جازباۋ سياقتى مايدان، كوزقاراس، ادىستەردى دە ايگىلەدى. تاڭدامالىلاردى ۇيرەنۋدە ءبىز شي جينپيڭ جاڭا ءداۋىر جۇڭگوشا سوتسياليزم يدەياسىنىڭ باستى مازمۇنىن يگەرۋمەن بىرگە، ونان دا ماڭىزدىسى، وسى يدەيانىڭ دۇنيەگە كوزقاراسى مەن مەتودولوگياسىن يگەرىپ، وعان سىڭىرىلگەن مايدان، كوزقاراس، ادىستە تاباندى بولۋىمىز، ونى ويداعىداي قولدانۋىمىز كەرەك“ دەدى لي چۇنحۋا.

  ساياسيدا تاباندى بولۋ نازاريالىق جاقتان سەرگەك بولۋدان باستاۋ الادى، قالىڭ پارتيالى كادرلار مەن بۇقارا ۇيرەنۋ ارقىلى رۋحتى سومداپ، يدەيالىق نەگىزدى ۇزدىكسىز بەكەمدەدى.

  4 - ايدىڭ 23 – كۇنى، ياعني دۇنيە جۇزىلىك كىتاپ وقۋ كۇنى كەلۋ قارساڭىندا، گۋاڭجوۋ باييۇن اۋەجايىنىڭ 3 - مەرزىمدىك ورنالاستىرۋ رايونىنداعى جۇمىسشى - قىزمەتكەرلەردىڭ كىتاپ وقۋ ۇيىندە كىتاپ وقۋ جينالىسى قىزۋ جۇرگىزىلىپ جاتتى.

  ”نازاريا ۇيرەنۋدى تەرەڭدەتۋدى، ناقتىلاندىرۋدى، كوكەيگە ۇيالاتۋدى ىلگەرىلەتكەندە عانا، سەنىم نەگىزىن بەكەمدەۋگە، رۋحاني كالتسيدى تولىقتاۋعا، يدەيا تىزگىنىن مىقتى ۇستاۋعا بولادى“... كىتاپ وقۋ جينالىسىندا جۇڭگو قۇرىلىس توبى 4 - مەكەمەسى 1 - سەرىكتەستىگى پارتكومى شۋجيىنىڭ ورىنباسارى جۋ يۇي نازاريا ۇيرەنۋ مەن ارناۋلى تاقىرىپتىق پارتيا ساباعىن ۇشتاستىرىپ، 30 نەشە پارتيا مۇشەسىن، وداق مۇشەسىن باستاپ «شي جينپيڭ شىعارمالارىنان تاڭدامالىلاردى» بىرگە ۇيرەندى.

  سول جەردە ”گۋاڭدۇڭ ولكەلىك 1 - مامىر ەڭبەك مەدالىنىڭ“ يەگەرى باي سىمين ۋاكىل رەتىندە ۇيرەنۋ اسەرىمەن ورتاقتاستى: ”مۇرات - سەنىم − پارتيا قۇرۋدىڭ، پارتيانى گۇلدەندىرۋدىڭ نەگىزى. ۇيرەنۋ ارقىلى شي جينپيڭ جاڭا ءداۋىر جۇڭگوشا سوتسياليزم يدەياسىندا مۇرات - سەنىم تۋى باستان - اياق بيىك ۇستالعانىن، ماركسيزم نانىمىندا، جۇڭگوشا سوتسياليزم ۇستانىمىندا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ سەنىمىندە تاباندى بولۋ دارىپتەلگەنىن ىشكەرىلەي ۇعىندىم. ءبىز ۇيرەنۋ بارىسىندا بەرىك مۇرات - سەنىمدى رۋحقا، امالياتقا، قىزمەت ورنىنا ءسىڭىرىپ، باتىلدىقپەن جاۋاپكەرلىك ارقالايتىن ءىس جۇزىندىك ارەكەتىمىز ارقىلى مۇرات - سەنىم جونىندەگى تاباندىلىقتى ءتۇسىندىرۋىمىز كەرەك“.

  تاۋلى القاپتان نانحاي تەڭىزىنىڭ جاعاسىنا دەيىن، ورتا جازىقتىڭ ىشكى جەرىنەن قارلى ۇستىرتكە دەيىن، قالىڭ پارتيا مۇشەلەرى، كادرلار، بۇقارا شي جينپيڭ شىعارمالارىنان تاڭدامالىلاردى ءسوزسىز وقيتىن وقۋلىق ەتىپ، ۇيرەنۋ بارىسىندا باس شۋجي شي جينپيڭنىڭ حالىققا دەگەن ىنتا – ىقىلاسى مەن وسكەلەڭ قاسيەتىن سەزىندى.

  ”ءبىز الەۋمەتتىك اۋماقتاعى كادر - بۇقارانى بىرگە وقۋعا، ۇيرەنۋگە ۇسىنىس ەتىپ، «ىندەتكە قارسى اتتانۋ ۇلى رۋحىن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قۇدىرەتتى كۇشىنە اينالدىرايىق» دەگەن بولەكتى وقىعان كەزىمىزدە ايرىقشا شابىتتانىپ، ايرىقشا جەلپىندىك“دەدى حۋبەي ولكەسى ۋحان قالاسى چيڭشان رايونى چيڭحى الەۋمەتتىك اۋماعى پارتكومىنىڭ شۋجيى گۇي شياۋمەي.

  2020 - جىلى ىندەتكە قارسى اتتانۋدىڭ شەشۋشى مەزگىلىندە گۇي شياۋمەي مەن قىزمەتتەستەرى ءبىرىنشى شەپتە ۇزدىكسىز شايقاس جاساپ، ۋحاندى قورعاۋ شايقاسىندا الەۋمەتتىك اۋماقتىڭ ىندەتتەن ساقتانۋ - تىزگىندەۋىنىڭ ”قۇرىش قورعانىن“ تۇرعىزدى.

  ”«شي جينپيڭ شىعارمالارىنان تاڭدامالىلاردى» ۇيرەنگەندە، مەن باس شۋجي شي جينپيڭنىڭ كۇشتى تاريحي جاۋاپكەرلىگىن جانە تەرەڭ حالىقتىق سۇيىسپەنشىلىگىن شىنايى سەزىندىم، حالىقتى بارىنەن جوعارى قويۋدا تاباندى بولۋ شي جينپيڭ جاڭا ءداۋىر جۇڭگوشا سوتسياليزم يدەياسىمەن ساباقتاسقان قىزىل سىزىق ەكەنىن سەزىندىم، سونداي - اق ’حالىق‘ دەگەن ءسوزدىڭ ءتۇبىرلى ءمانىن دە تەرەڭ ۇعىندىم“. گۇي شياۋمەي بىلاي دەدى: الەۋمەتتىك اۋماق كادرلارى نەگىزگى ساتىداعى پارتيا مۇشەلەرى مەن بۇقارانىڭ كوڭىل توعىستىرۋ كوپىرى، ءبىز بۇقارانىڭ مۇڭ - مۇقتاجىن شەشۋدى باعدار ەتىپ، حالىق تۇرمىسىنا تيىمدىلىك جاسايتىن ىستەردى ناقتى، حالىق جۇرەگىن جىلىتاتىن ىستەردى ەگجەي - تەگجەيلى، حالىق تىلەگىنە ۇيلەسەتىن ىستەردى ويداعىداي ىستەيمىز.

  سەنىم ورناتىپ، تاباندىلىق تانىتىپ، ۇيرەنۋ ارقىلى امالياتتى جەبەدى

  ۋليڭ تاۋىنىڭ ەتەگىندە جاڭبىردان كەيىنگى حۋنان ولكەسىنىڭ شياڭشي اۋدانىنداعى شىبادۇڭ قىستاعى بۇلتپەن كومكەرىلىپ، اۋادا حوش ءيىس اڭقىپ تۇر. كەزىندەگى وسى كەدەي تاۋ قويناۋى قازىر قىستاعى كورىكتى، كاسىپ سالاسى شالقىعان، ساياحاتى وركەندەگەن ”دوڭگەلەك داۋلەتتى قىستاققا“ اينالدى.

  9 جىلدان استام ۋاقىتتىڭ الدىندا ءدال وسى جەردە باس شۋجي شي جينپيڭ ”كەدەيلەردى دالمە - ءدال سۇيەمەلدەۋ“ ماڭىزدى ۇستانىمىن تۇڭعىش رەت ورتاعا قويىپ، وسى ءبىر تاۋ قويناۋىنداعى مياۋزۋ قىستاعىنا زور وزگەرىس اكەلدى.”باس شۋجيدىڭ اۋىل - قىستاقتى گۇلدەندىرۋ ستراتەگياسى جونىندەگى ءبىرقىدىرۋ ماڭىزدى پايىمداۋلارىن تاڭداپ وقۋ ءبىزدىڭ بايۋ جولىمىزداعى ’التىن كىلتكە‘ اينالدى“. شىبادۇڭ قىستاعى قىستاق تۇرعىندار كوميتەتى مەڭگەرۋشىسىنىڭ ورىنباسارى لۇڭ شۋيوۋ بىلاي دەدى: شي جينپيڭ جاڭا ءداۋىر جۇڭگوشا سوتسياليزم يدەياسىن ويداعىداي ۇيرەنۋ، ويداعىداي پايدالانۋدا ءبىز قىستاقتىڭ ءىس جۇزىندىك جاعدايىمەن ۇشتاستىرىپ، جەرگىلىكتى جاعدايعا قاراي ءىس ىستەپ، دالمە - ءدال شارا قولدانىپ، ۇيرەنۋ ونىمدىلىگىن اۋىل - قىستاقتى كوركەيتۋدىڭ جاندى امالياتىنا شىنايى اينالدىرۋىمىز كەرەك.

  كوكەيگە ۇيالاتىپ، ارەكەتتە ايگىلەدى، قالىڭ پارتيا مۇشەلەرى، كادرلار، بۇقارا ۇيرەنۋ بارىسىندا مۇراتتى بەكەمدەپ، قايراتتانا العا ۇمتىلدى.

  ”تاڭدامالىلارعا ەنگىزىلگەن «عىلىم - تەحنيكادا دۇنيە جۇزىلىك قۋاتتى ەل قۇرايىق»، «جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى قۇلشىنا ىسكە اسىرايىق» دەگەن سياقتى كورەگەندىكپەن جازىلعان مازمۇنداردى وقىپ كوپ اسەر الدىق“. 44 جاستاعى ليۋ شىشۋان − چيلۋ ونەركاسىپ داشۋەسىنىڭ (شاندۇڭ ولكەلىك عىلىم اكادەمياسى) تەڭىز - مۇحيت ورتاسىن زەردەلى باقىلاۋ - ولشەۋ تەحنيكاسى مەكەمەسى جاڭالىق اشۋ ورتالىعىنىڭ عىلمي جەتەكشىسى.

  تەڭىز - مۇحيت اسپاپتارى جابدىقتارىن زەرتتەۋمەن ۇزاق ۋاقىت شۇعىلدانعان عىلىم - تەحنيكا قىزمەتكەرى ليۋ شىشۋان بىلاي دەدى: باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى پايىمداۋلارىن جۇرەككە ۇيالاتىپ، ءوز قىزمەتىمدى مەملەكەتتىڭ دامۋ جالپى جاعدايىمەن توعىستىرىپ، تەڭىز - مۇحيت اسپاپ - جابدىقتارىندا دەربەس جاڭالىق اشۋ قابىلەتىن جوعارىلاتۋعا ءتيىستى ۇلەس قوسامىن.

  نازاردى نەگىزگى جاۋاپكەرلىككە شوعىرلاندىرىپ، نەگىزگى كاسىپتى تياناق ەتتى، قالىڭ پارتيا مۇشەلەرى، كادرلار، بۇقارا ۇيرەنۋ بارىسىندا شىنايى يگەرىپ، ناقتى ىستەپ، جاۋاپكەرلىك ارقالاپ، ىسكەرلىك كورسەتتى.

  شىجۇڭ تاۋىنىڭ ەتەگىندەگى پوياڭ كولى چاڭجياڭ دارياسىمەن توعىسىپ، جوعارعى، تومەنگى اعارعا قاراي سوزىلىپ جاتىر، جياڭشي ولكەسىنىڭ جيۋجياڭ قالاسى جەرىندەگى 152 كيلومەتر كەلەتىن چاڭجياڭ وزەنى جاعالاۋى بەينە دوعا ىسپەتتى.

  ء بىرقانشا كۇننەن بەرى جيۋجياڭ قالالىق ەكولوگيالىق ورتا مەكەمەسى لاس سۋ شىعارۋ اۋىزدارىن جونگە سالۋ قىزمەتىنە تەكسەرۋ - زەرتتەۋ جۇرگىزدى. ”«شي جينپيڭ شىعارمالارىنان تاڭدامالىلاردى» ۇيرەنۋ ارقىلى مەن شي جينپيڭ ەكولوگيالىق وركەنيەت يدەياسى جونىندە اناعۇرلىم تەرەڭ تۇسىنىككە يە بولىپ قالماستان، باس شۋجيدىڭ تەكسەرۋ - زەرتتەۋ بارىسىندا ماسەلەنى باعدار ەتۋدە قالاي تاباندى بولعانىن، تيپتىك ماسەلەلەردى قالاي تەكسەرىپ - زەرتتەگەنىن، قايتكەندە ءىس جۇزىندىككە، بۇقاراعا جاناسۋعا بولاتىنىن ۇيرەندىم“ دەدى ەكولوگيالىق ورتا مەكەمەسى باستىعىنىڭ ورىنباسارى تان تايحۋاڭ.

  ”ءبىرشاما وڭاي رەتتەۋ - جونگە سالۋ قىزمەتى تۇگەل ورىندالىپ بولدى، قالعان ماسەلەلەردىڭ بارلىعى كۇرمەۋى قيىن ماشاقاتتى تۇيىندەر“. تان تايحۋاڭ مىنانى ءبىلدىردى: كەلەسى قادامدا لاستاۋشى زاتتاردى شىعارۋ اۋىزدارىن جونگە سالۋ قىزمەتىن جەدەل ورىنداپ، چاڭجياڭ وزەنىنىڭ ەكولوگيالىق قالتقىسىن بەكەمدەپ، وزەننىڭ تۇنىق سۋىن كەيىنگىلەرگە جەتكىزىپ، حالىققا تيىمدىلىك جاسايمىز.

  كۇش - قۋات قابىلداپ، مىنەز - قۇلىقتى شىڭداپ، ۇيرەنۋ جەتىستىكتەرىن ءىس تىندىرىپ، يگىلىك جاراتۋدىڭ ءىس جۇزىندىك قابىلەتىنە شىنايى اينالدىردى.

  ”پارتيا مەكتەبى − باسشى كادرلاردىڭ پارتيالىلىق شىڭدالۋىن كۇشەيتەتىن دومنا پەش، حالىق ءۇشىن قىزمەت ىستەۋ قابىلەتىن جوعارىلاتاتىن ۇلكەن مەكتەپ، ۇيرەنۋ ارقىلى ىستەۋدى جەبەۋ، كادرلاردىڭ قابىلەتىن جوعارىلاتۋ ماڭىزدى مىندەتىن ارقالاپ وتىر“. حىنان ولكەلىك پارتكوم پارتيا مەكتەبى عىلمي سوتسياليزم وقىتۋ - زەرتتەۋ ءبولىمى مەڭگەرۋشىسىنىڭ ورىنباسارى لي تاۋ مىنالاردى ءبىلدىردى: پارتيا مەكتەبىنىڭ قىزمەتكەرى رەتىندە، ۇيرەنۋ جەتىستىكتەرىن سانالى تۇردە وقىتۋ ساپاسىن جانە ادام تاربيەلەۋ دەڭگەيىن جوعارىلاتۋ بارىسىندا قولدانىپ، ماسەلەلەردى زەرتتەۋدە، كەڭەس بەرۋدە، ۇسىنىس بەرۋدە قولدانىپ، تاربيەلەنۋشىلەردى سانالى تۇردە شي جينپيڭ جاڭا ءداۋىر جۇڭگوشا سوتسياليزم يدەياسى ارقىلى جاعدايعا تالداۋ جاساۋعا، ماسەلەلەردى زەرتتەۋگە، قىزمەتتەرگە جەتەكشىلىك ەتۋگە جەتەكتەيمىن.

  نازاريانىڭ قۇنى امالياتقا جەتەكشىلىك ەتۋدە، ۇيرەنۋدىڭ ماقساتى بۇكىلدەي قولدانۋدا.

  ەكونوميكالىق قۇرىلىستىڭ نەگىزگى شايقاس مايدانىندا، حالىق ءۇشىن قىزمەت ىستەۋ قىزمەت ورنىندا، عىلىم - تەحنيكادا جاڭالىق اشۋدىڭ ەڭ الدىڭعى شەبىندە، نەگىزگى ساتى امالياتىنىڭ ءبىرىنشى شەبىندە... قالىڭ پارتيا مۇشەلەرى، كادرلار، بۇقارا «شي جينپيڭ شىعارمالارىنان تاڭدامالىلاردى» مۇقيات ۇيرەنىپ، تانىم مەن ارەكەتتى ۇشتاستىرىپ، ۇيرەنگەندى قولدانىپ، ۇيرەنۋ جەتىستىكتەرىن مۇراتتى بەكەمدەۋدىڭ، پارتيالىلىقتى شىڭداۋدىڭ جانە امالياتقا جەتەكشىلىك ەتۋدىڭ، قىزمەتتى ىلگەرىلەتۋدىڭ قۋاتتى كۇشىنە اينالدىرۋعا قۇلشىنىپ، مەملەكەتتى قۇدىرەتتەندىرۋ قۇرىلىسىنا، ۇلتتىڭ گۇلدەنۋىنە ۇزدىكسىز جاڭا دا اناعۇرلىم زور ۇلەس قوسۋعا قۇلشىنۋدا.

  (شينحۋا اگەنتتىگى، 5 - ايدىڭ 21 – كۇنى، بەيجيڭ)

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى