بيىل جەدەل جەتكىزۋ كاسىبىنىڭ مولشەرى 50 ميلليارد داناعا جەتتى (جاڭا ساندى مالىمەت، جاڭا ءتۇيىن)
2023.06.02 17:37 كەلۋ قاينارى : حالىق تورابى
«حالىق گازەتى»، 6 - ايدىڭ 1 - كۇنى، بەيجيڭ (ءتىلشى حان شين). ءتىلشىنىڭ مەملەكەتتىك پوچتا مەكەمەسىنەن ۇعىسۋىنشا، 5 - ايدىڭ 31 - كۇنىنە دەيىن ەلىمىزدىڭ بيىلعى جەدەل جەتكىزۋ كاسىبىنىڭ مولشەرى 50 ميلليارد داناعا جەتىپ، 2019 - جىلعى 50 ميلليارد داناعا جەتۋدەن 155 كۇن، 2022 – جىلعىدان 27 كۇن بۇرىن بولعان؛2022 - جىلى ادام باسىنا تۋرا كەلەتىن جەدەل جەتكىزۋ كاسىبىنىڭ پايدالانىلۋ مولشەرى 78.3 داناعا جەتىپ، ادام باسىنا تۋرا كەلەتىن جەدەل جەتكىزۋ كاسىبىنىڭ جالپى مولشەرى الدىنداعى جىلداعىدان 1.6 دانا ارتىق بولعان.
39 كۇندە 10 ميلليارد دانادان اسۋدان 5 ايدا 50 ميلليارد دانادان اۋعا دەيىن، جەدەل جەتكىزۋ كاسىبىنىڭ مولشەرى ايىنا 10 ميللياردتىق مانمەن ارتۋ قارقىنىن جۇزەگە اسىرىپ، ەلىمىزدىڭ پوچتا جەدەل جەتكىزۋ كاسىبىنىڭ پارمەندى ارتۋى مەن دامۋ يكەمدىلىگىن ايگىلەپ، ەلىمىزدىڭ تۇتىنۋ بازارىنىڭ سۇرانىسى جەدەل نىعايعانىن، ەكونوميكالىق دامۋدىڭ ومىرشەڭدىككە تولى كۇيىن بەينەلەدى.
بيىل جىل باسىنان بەرى پوچتا جەدەل جەتكىزۋ كاسىبى ءوندىرۋ - ساتۋ ارناسىن اشۋ، قامداۋ مەن قاجەتسىنۋدىڭ ەكى باسىن تۇتاستىرۋ، جەلى ءىشى – سىرتىن تۇتاستىرۋ، ىشكى - سىرتقى اينالىمدى ىركىلىسسىزدەندىرۋ سياقتى جاقتاردا ءبىرشاما جاقسى ىركىلىسسىزدەندىرۋ رولىن اتقاردى.
قازىر نەگىزگى ايگىلى ماركالاردى جەتكىزۋ كاسىپورىندارى اينالىم دەڭگەيىن زور كۇشپەن جوعارىلاتىپ، وتكەرمەلەۋ جانە جەتكىزۋ بارىسىن ساپالىلاندىرىپ، ادام كۇشى، اۆتوكولىك جانە اۆياتسيا تاسىمال قۋاتى سياقتى بايلىقتاردان بەلسەنە پايدالانىپ، تولىق اۆتوماتتى سۇرىپتاۋ، زەردەلى قامبا، زەردەلى اۆتوموبيل، ۇشقىشسىز ۇشاق سياقتى جابدىقتار مەن تەحنيكالاردان جەدەل پايدالانىپ، تۇتاس وندىرىسكە قىزمەت وتەۋدى قامتاماسىزداندىرۋ قابىلەتىن جوعارىلاتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
