جاراتىلىستىق بايلىق مينيسترلىگى: قىزىل سىزىقتى، تومەنگى شەكتى باتىل قورعاپ، مايسانى جۇلىپ، اعاشتى كەسىپ، ”بارلىعىن ءبىر تاياقپەن ايداۋعا“ تيىم سالۋ كەرەك
2023.06.15 15:47 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ۋاڭ ليبين 6 - ايدىڭ 14 - كۇنى بەيجيڭنەن حابارلايدى. جاراتىلىستىق بايلىق مينيسترلىگى 6 - ايدىڭ 14 - كۇنى مىناداي ايقىن تالاپ قويدى: ەگىستىك جەردى زاڭسىز يەلەپ الۋ، ەكولوگيالىق ورتانى جانە قونىستانۋ ورتاسىن ءبۇلدىرۋ، بۇقارانىڭ زاڭدى ۇقىق - مۇددەسىنە زيان جەتكىزۋ قاتارلى قىزىل سىزىقتان، تومەنگى شەكتەن اتتايتىن ارەكەتتەردى باتىل تەجەۋ كەرەك، سونىمەن بىرگە، ەگىستىككە اينالعان ورماندى قالپىنا كەلتىرۋ ناتيجەسىن بەكەمدەپ، اۋىل شارۋاشىلىعى ءوندىرىسىنىڭ ءىس جۇزىندىك جاعدايىمەن ساناسپاي، مايسانى جۇلىپ، اعاشتى كەسىپ، شۇڭقىردى تولتىرىپ، كولشىكتى تەگىستەۋ قاتارلى ”بارلىعىن ءبىر تاياقپەن ايدايتىن“ ارەكەتتەرگە تيىم سالۋ كەرەك.
جاراتىلىستىق بايلىق مينيسترلىگىنىڭ ەگىستىك جەردى قورعاۋدى باقىلاۋ مەڭگەرمەسىنىڭ ورىنباسار باستىعى ياڭ جۋحۇيدىڭ جاراتىلىستىق بايلىق مينيسترلىگىنىڭ كەزەكتى اقپار جاريالاۋ ماجىلىسىندە ايتۋىنشا، ”بايلىق قاينارى حاۋىپسىزدىگىنىڭ تومەنگى شەگىن قاتاڭ قورعاۋ“ سىندى باستى قىزمەتتىك جاۋاپكەرشىلىكتى تياناقتاندىرۋ ءۇشىن، جاراتىلىستىق بايلىق مينيسترلىگى «ەكونوميكانى دامىتۋدا جەردەن پايدالانۋداعى ماڭىزدى فاكتورعا كەپىلدىك ەتۋ قىزمەتى بارىسىندا تومەنگى شەكتى قاتاڭ قورعاۋ جونىندەگى ۇقتىرۋدى» باسىپ تاراتىپ، جەرگىلىكتى ورىنداردى جەردەن پايدالانۋداعى ماڭىزدى فاكتورعا كەپىلدىك ەتۋمەن بىرگە، جوسپارلاۋ مەن باقىلاۋ - مەڭگەرۋدى كۇشەيتىپ، ماڭگىلىك نەگىزدىك ەگىس اتىزدارىن زاڭسىز يەلەپ الۋ مەن قالاعانىنشا رەتتەۋگە قاتاڭ تيىم سالۋعا؛ ەكولوگيالىق ورتانى قورعاۋدىڭ قىزىل سىزىعىن قاتاڭ قورعاپ، ەكولوگيالىق ورتانى ءبۇلدىرۋ، ەكولوگيالىق ورتانى قورعاۋ قىزىل سىزىعىن باسقارۋ - مەڭگەرۋ تالابىنا قايشى كەلۋ ارەكەتتەرىن باتىل تيۋعا؛ قالا - قالاشىقتارداعى جاڭادان ارتقان قۇرىلىسقا پايدالاناتىن جەرلەردى قاتاڭ مەڭگەرىپ، ”كەلەر جىلدىڭ نورماسىن بيىل پايدالانۋدان“ ساقتانۋعا؛ جەردەن ۇنەمدى، شوعىرلى پايدالانۋدى ىلگەرىلەتۋگە كۇش سالىپ، جەردەن پايدالانۋ ولشەمىن قاتاڭ اتقارىپ، ولشەمگە ۇيلەسپەيتىندەرىن باتىل تەكسەرىپ ازايتۋعا قۋزادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
