شي جينپيڭ دۇنيە جۇزىلىك ادامدىق ۇقىقتى جونگە سالۋ جوعارى دەڭگەيلى تالقى مىنبەرىنە قۇتتىقتاۋ حاتىن جولدادى
2023.06.15 16:34 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 14 - كۇنى، بەيجيڭ. 6 - ايدىڭ 14 - كۇنى مەملەكەت ءتوراعاسى شي جينپيڭ دۇنيە جۇزىلىك ادامدىق ۇقىقتى جونگە سالۋ جوعارى دەڭگەيلى تالقى مىنبەرىنە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: قازىر ادامزات تاعى دا تاريحتىڭ جول ايىرىعىندا تۇر، دۇنيە جۇزىلىك ادامدىق ۇقىقتى جونگە سالۋ قاتاڭ سىن - سايىسقا ءدوپ كەلدى. ءبىز حاۋىپسىزدىك ارقىلى ادامدىق ۇقىقتى قورعاپ، ءار ەلدىڭ يەلىك ۇقىعى مەن تەرريتوريا تۇتاستىعىنا قۇرمەت ەتۋدى، بەيبىت دامۋ جولىمەن بىرگە ءجۇرۋدى، دۇنيە جۇزىلىك حاۋىپسىزدىك باستاماسىن امالياتتا ايگىلەۋدى، ادامدىق ۇقىقتى جۇزەگە اسىرۋ ءۇشىن تىنىش ورتا ازىرلەۋدى؛ دامۋ ارقىلى ادامدىق ۇقىقتى جەبەپ، دۇنيە جۇزىلىك دامۋ باستاماسىن امالياتتا ايگىلەۋدى، دامۋدىڭ سيىسىمدىلىعىن، جالپىعا تيىمدىلىگىن جانە ۇلاسپالىلىعىن جوعارىلاتىپ، ءوزدى – ءوز ەرەكشەلىكتەرى بار وسىزامانداندىرۋ جولىمەن ءار ەل حالىقتارىنىڭ ادامدىق ۇقىقتان ءادىل يگىلىكتەنۋىن قامتاماسىزداندىرۋدى؛ سەلبەستىك ارقىلى ادامدىق ۇقىقتى ىلگەرىلەتىپ، ءوزارا قۇرمەت ەتىپ، تەڭ تۇرعىدا مامىلە جاساپ، دۇنيە جۇزىلىك وركەنيەت باستاماسىن امالياتتا ايگىلەپ، وركەنيەتتەردىڭ اۋىس - كۇيىسىن، ءوزارا ۇلگى الۋىن كۇشەيتىپ، تىلدەسۋ ارقىلى ورتاق تانىمدى ۇيىستىرىپ، ادامدىق ۇقىق وركەنيەتىنىڭ دامۋىن، العا باسۋىن بىرگە ىلگەرىلەتۋدى قۋاتتايمىز.
شي جينپيڭ بىلاي دەپ دارىپتەدى: جۇڭگو حالىقتى بارىنەن جوعارى قويۋدا تاباندى بولىپ، ءداۋىر اعىمىنا ۇيلەسەتىن، ءوز ەلىنىڭ مەملەكەت جاعدايىنا ۇيلەسەتىن ادامدىق ۇقىقتى دامىتۋ جولىمەن جۇرۋدە تاباندى بولىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ بارىسىندا ادامدىق ۇقىقتى قامتاماسىز ەتۋ دەڭگەيىن ۇزدىكسىز جوعارىلاتىپ، ادامنىڭ ەركىن، جان - جاقتى دامۋىن جەبەيدى. جۇڭگو حالىقارالىق قوعاممەن بىرگە «ۆەنا جارناماسى جانە ارەكەت باعدارناماسىنىڭ» رۋحىن امالياتتا ايگىلەپ، دۇنيە جۇزىلىك ادامدىق ۇقىقتى جونگە سالۋدىڭ اناعۇرلىم ءادىل، تۋراشىل، ۇيلەسىمدى، سيىسىمدى بەتالىسقا قاراي دامۋىن ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، اناعۇرلىم كوركەم دۇنيە ءجۇزىن بىرگە قۇرۋدى قالايدى.
دۇنيە جۇزىلىك ادامدىق ۇقىقتى جونگە سالۋ جوعارى دەڭگەيلى تالقى مىنبەرىن مەملەكەتتىك كەڭەستىڭ اقپارات كەڭسەسى، سىرتقى ىستەر مينيسترلىگى جانە مەملەكەتتىك حالىقارالىق دامۋ - سەلبەستىك مەكەمەسى بىرگە باسقارىپ وتكىزدى، تالقى مىنبەرىنىڭ نەگىزگى تاقىرىبى: ”تەڭدىك، سەلبەستىك، دامۋ: «ۆەنا جارناماسى جانە ارەكەت باعدارناماسى“ ماقۇلدانعانىنىڭ 30 جىلدىعى جانە دۇنيە جۇزىلىك ادامدىق ۇقىقتى جونگە سالۋ“ بولدى، 1 - ايدىڭ 14 - كۇنى بەيجيڭدە اشىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
