شي جينپيڭ شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 23 - رەتكى ماجىلىسىنە قاتىناستى ءارى ماڭىزدى ءسوز سويلەدى

اۋەلگى ماقساتتى، بورىشتى ەستە بەرىك ساقتاپ، ىنتىماقتاسا سەلبەسۋدە تاباندى بولىپ، دۇنيە ءجۇزىنىڭ بەيبىتشىلىگى مەن دامۋىن قورعاۋعا اناعۇرلىم كوپ تۇراقتىلىق جانە وڭ ەنەرگيا ۇستەۋدى دارىپتەدى

2023.07.05 16:17 كەلۋ قاينارى : حالىق تورابى

7 - ايدىڭ 4 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدە بەينە ەكران تاسىلىمەن شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 23 - رەتكى ماجىلىسىنە قاتىناستى ءارى «اۋەلگى ماقساتتى، بورىشتى ەستە بەرىك ساقتاپ، ىنتىماقتاسا سەلبەسۋدە تاباندى بولىپ، اناعۇرلىم زور دامۋدى جۇزەگە اسىرايىق» دەگەن تاقىرىپتا ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

　　■ 10 جىلدىڭ الدىندا دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى الدىندا مەن ادامزات ءبىر جەر شارى قىستاعىندا تۇرمىس كەشىرىپ جاتىر، ءبىر - بىرىمەن ەتەنە بايلانىسقان تاعدىرلاس ورتاق تۇلعاعا بارعان سايىن اينالۋدا دەگەندى العا قويعان ەدىم. 10 جىلدان بەرى ادامزاتتىڭ تاعدىرلاس ورتاق تۇلعاسى ۇستانىمى حالىقارالىق قوعامنىڭ جاپپاي مويىنداۋىنا جانە قولداۋىنا يە بولىپ، ۇستانىمنان ارەكەتكە، ارماننان رەالدىققا اينالۋدا. وسى بارىستا شاڭحاي سەلبەستىك ۇيىمى ءداۋىردىڭ الدىڭعى لەگىندە ءجۇرىپ، ادامزاتتىڭ تاعدىرلاس ورتاق تۇلعاسى ۇستانىمىن ۇستانىپ، ”شاڭحاي رۋحىن“ اسقاقتاتىپ، شاڭحاي سەلبەستىك ۇيىمىنىڭ تاعدىرلاس ورتاق تۇلعاسىن قۇردى. ءبىز ءوزارا قارايلاسۋ، ءبىر جاعادان باس، ءبىر جەڭنەن قول شىعارۋ تاڭداۋلى ءداستۇرىن ۇستانىپ، ءبىر - ءبىرىمىزدىڭ وزەكتى مۇددەمىزدى باتىل قولداپ جانە قورعاپ، ءوز - ءوزىمىزدىڭ دامۋ، گۇلدەنۋ جولىمىزداعى سەنىمدى سەرىككە اينالدىق؛ ءبىز ورتاق، كەشەندى، سەلبەسكەن، باياندى حاۋىپسىزدىك كوزقاراسىن امالياتتا ايگىلەپ، ءار جاقتىڭ ۇيلەسىمدى حاۋىپسىزدىك جاعىنداعى ءجىتى قاداعالاپ وتىرعان ىستەرىنە كوڭىل ءبولىپ، ءتۇرلى ءداستۇرلى حاۋىپسىزدىك پەن بەي ءداستۇرلى حاۋىپسىزدىك سىن - سايىسىنا ءبىر تۇتاس توتەپ بەرىپ، ءوڭىردىڭ بەيبىتشىلىگى مەن تىنىشتىعىن بىرگە قورعادىق؛ ءبىز جاڭاشىل، سايكەستى، جاسىل، اشىق، ورتاق يگىلىكتەنىپ دامۋ سىندى دامۋ ۇستانىمىنان جازباي، ءار ەلدىڭ دامۋ ستراتەگياسى مەن وڭىرلىك سەلبەستىك باستاماسىن ۇشتاستىرىپ، ءار ەلدىڭ ەكونوميكاسىنىڭ سايكەسە بىرلەسىپ دامۋىن جەبەدىك؛ ءبىز حالىقارالىق ادىلدىك پەن تۋراشىلدىقتى قورعاپ، زورەكەرلىك پەن وكتەمدىككە قارسى تۇرىپ، پىكىرلەسۋ، قارسىلاسپاۋ، سەرىكتەسۋ، وداقتاسپاۋ سىندى سەرىكتەستىك قاتىناس ورناتىپ، دۇنيە ءجۇزىنىڭ بەيبىتشىلىگى مەن ورنىقتىلىعىن قورعايتىن العاباسار كۇشتەردى ۇلعايتتىق

　　■ قازىرگى تاڭداعى دۇنيە جۇزىندە بىلىقپالىق شىرما - شاتۋ بولىپ، عاسىرلىق وزگەرىس جەدەل قۇبىلىپ، ادامزات قوعامى بۇرىن بولماعان سىن - سايىسقا ءدوپ كەلدى. ىنتىماقتاسۋ كەرەك پە، الدە بولشەكتەنۋشىلىك پە؟بەيبىتشىلىك كەرەك پە، الدە قاقتىعىس پا؟سەلبەسۋ كەرەك پە، الدە قارسىلاسۋ ما؟ مىنە، بۇلار تاعى دا ءداۋىر سۇراعىنا اينالدى. مەنىڭ جاۋابىم: ءار ەل حالقىنىڭ تاماشا تۇرمىسقا تالپىنىسى − ءبىزدىڭ تالپىنىسىمىز، بەيبىتشىلىك، دامۋ، سەلبەستىك، تەڭ يگىلىككە كەنەلۋ سىندى ءداۋىر اعىمى بوگەۋ بەرمەيدى. ءبىز ءداۋىر جۇكتەگەن اۋىر مىندەتتى ارقالاپ، اۋەلگى ماقساتتى، بورىشتى ەستە بەرىك ساقتاپ، ىنتىماقتاسا سەلبەسۋدە تاباندى بولىپ، دۇنيە ءجۇزىنىڭ بەيبىتشىلىگى مەن دامۋىن قورعاۋعا اناعۇرلىم كوپ تۇراقتىلىق جانە وڭ ەنەرگيا ۇستەۋىمىز كەرەك. ءبىرىنشى، دۇرىس بەتالىستى مىقتى يگەرىپ، ىنتىماقتى، ءوزارا سەنىمدىلىكتى نىعايتۋ. ەكىنشى، ءوڭىردىڭ بەيبىتشىلىگىن قورعاپ، ورتاق حاۋىپسىزدىكتى قامتاماسىز ەتۋ. ءۇشىنشى، ناقتى سەلبەستىككە نازار اۋدارىپ، ەكونوميكانىڭ قالپىنا كەلۋىن جەدەلدەتۋ. ءتورتىنشى، اۋىس - كۇيىستى، ءوزارا ۇلگى الۋدى كۇشەيتىپ، حالىق تىلەگىنىڭ توعىسۋىن جەبەۋ. بەسىنشى، كوپ جاقتىلىقتى امالياتتا ايگىلەپ، دۇنيە جۇزىلىك جونگە سالۋدى كەمەلدەندىرۋ.

　　■ قازىر جۇڭگو حالقى جۇڭگو كوممۋنيستىك پارتياسىنىڭ باسشىلىعىندا جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋدە. ءبىز جۇڭگو ۇلگىسىندەگى وسىزامانداندىرۋدىڭ جاڭا جەتىستىكتەرى ارقىلى شاڭحاي سەلبەستىك ۇيىمىنا مۇشە ەلدەردى قامتىعان دۇنيە جۇزىندەگى ءار ەلگە جاڭا دامۋ ورايىن ازىرلەپ، اناعۇرلىم كوركەم دۇنيە ءجۇزىن قۇرۋدى ىلگەرىلەتۋدى قالايمىز

　　■ اقيقات جولى كوپكە ورتاق، كوپپەن جۇرگەن اداسپايدى. شاڭحاي سەلبەستىك ۇيىمى قازىرگى ءداۋىر اعىمىنا ۇيلەسىپ، ادامزاتتىڭ العا باسۋ بەتالىسىنا سايكەسسە، ءسوز جوق، ءبىزدىڭ بىرگە قۇلشىنۋىمىزدىڭ ارقاسىندا ۇزدىكسىز دامىپ، زورايادى

　　«حالىق گازەتى»، 7 - ايدىڭ 4 - كۇنى، بەيجيڭ (ءتىلشى ۋاڭ دي). مەملەكەت ءتوراعاسى شي جينپيڭ 7 - ايدىڭ 4 - كۇنى تۇستەن كەيىن بەيجيڭدە بەينە ەكران تاسىلىمەن شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 23 - رەتكى ماجىلىسىنە قاتىناستى ءارى «اۋەلگى ماقساتتى، بورىشتى ەستە بەرىك ساقتاپ، ىنتىماقتاسا سەلبەسۋدە تاباندى بولىپ، اناعۇرلىم زور دامۋدى جۇزەگە اسىرايىق» دەگەن تاقىرىپتا ماڭىزدى ءسوز سويلەدى (ءسوزدىڭ تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).

　　شي جينپيڭ بىلاي دەپ اتاپ كورسەتتى: 10 جىلدىڭ الدىندا دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى الدىندا مەن ادامزات ءبىر جەر شارى قىستاعىندا تۇرمىس كەشىرىپ جاتىر، ءبىر - بىرىمەن ەتەنە بايلانىسقان تاعدىرلاس ورتاق تۇلعاعا بارعان سايىن اينالۋدا دەگەندى العا قويعان ەدىم. 10 جىلدان بەرى ادامزاتتىڭ تاعدىرلاس ورتاق تۇلعاسى ۇستانىمى حالىقارالىق قوعامنىڭ جاپپاي مويىنداۋىنا جانە قولداۋىنا يە بولىپ، ۇستانىمنان ارەكەتكە، ارماننان رەالدىققا اينالۋدا. وسى بارىستا شاڭحاي سەلبەستىك ۇيىمى ءداۋىردىڭ الدىڭعى لەگىندە ءجۇرىپ، ادامزاتتىڭ تاعدىرلاس ورتاق تۇلعاسى ۇستانىمىن ۇستانىپ، ”شاڭحاي رۋحىن“ اسقاقتاتىپ، شاڭحاي سەلبەستىك ۇيىمىنىڭ تاعدىرلاس ورتاق تۇلعاسىن قۇردى. ءبىز ءوزارا قارايلاسۋ، ءبىر جاعادان باس، ءبىر جەڭنەن قول شىعارۋ تاڭداۋلى ءداستۇرىن ۇستانىپ، ءبىر - ءبىرىمىزدىڭ وزەكتى مۇددەمىزدى باتىل قولداپ جانە قورعاپ، ءوز - ءوزىمىزدىڭ دامۋ، گۇلدەنۋ جولىمىزداعى سەنىمدى سەرىككە اينالدىق؛ ءبىز ورتاق، كەشەندى، سەلبەسكەن، باياندى حاۋىپسىزدىك كوزقاراسىن امالياتتا ايگىلەپ، ءار جاقتىڭ ۇيلەسىمدى حاۋىپسىزدىك جاعىنداعى ءجىتى قاداعالاپ وتىرعان ىستەرىنە كوڭىل ءبولىپ، ءتۇرلى ءداستۇرلى حاۋىپسىزدىك پەن بەي ءداستۇرلى حاۋىپسىزدىك سىن - سايىسىنا ءبىر تۇتاس توتەپ بەرىپ، ءوڭىردىڭ بەيبىتشىلىگى مەن تىنىشتىعىن بىرگە قورعادىق؛ ءبىز جاڭاشىل، سايكەستى، جاسىل، اشىق، ورتاق يگىلىكتەنىپ دامۋ سىندى دامۋ ۇستانىمىنان جازباي، ءار ەلدىڭ دامۋ ستراتەگياسى مەن وڭىرلىك سەلبەستىك باستاماسىن ۇشتاستىرىپ، ءار ەلدىڭ ەكونوميكاسىنىڭ سايكەسە بىرلەسىپ دامۋىن جەبەدىك؛ ءبىز حالىقارالىق ادىلدىك پەن تۋراشىلدىقتى قورعاپ، زورەكەرلىك پەن وكتەمدىككە قارسى تۇرىپ، پىكىرلەسۋ، قارسىلاسپاۋ، سەرىكتەسۋ، وداقتاسپاۋ سىندى سەرىكتەستىك قاتىناس ورناتىپ، دۇنيە ءجۇزىنىڭ بەيبىتشىلىگى مەن ورنىقتىلىعىن قورعايتىن العاباسار كۇشتەردى ۇلعايتتىق.

　　شي جينپيڭ بىلاي دەپ دارىپتەدى: قازىرگى تاڭداعى دۇنيە جۇزىندە بىلىقپالىق شىرما - شاتۋ بولىپ، عاسىرلىق وزگەرىس جەدەل قۇبىلىپ، ادامزات قوعامى بۇرىن بولماعان سىن - سايىسقا ءدوپ كەلدى. ىنتىماقتاسۋ كەرەك پە، الدە بولشەكتەنۋشىلىك پە؟بەيبىتشىلىك كەرەك پە، الدە قاقتىعىس پا؟سەلبەسۋ كەرەك پە، الدە قارسىلاسۋ ما؟ مىنە، بۇلار تاعى دا ءداۋىر سۇراعىنا اينالدى. مەنىڭ جاۋابىم: ءار ەل حالقىنىڭ تاماشا تۇرمىسقا تالپىنىسى − ءبىزدىڭ تالپىنىسىمىز، بەيبىتشىلىك، دامۋ، سەلبەستىك، تەڭ يگىلىككە كەنەلۋ سىندى ءداۋىر اعىمى بوگەۋ بەرمەيدى. ءبىز ءداۋىر جۇكتەگەن اۋىر مىندەتتى ارقالاپ، اۋەلگى ماقساتتى، بورىشتى ەستە بەرىك ساقتاپ، ىنتىماقتاسا سەلبەسۋدە تاباندى بولىپ، دۇنيە ءجۇزىنىڭ بەيبىتشىلىگى مەن دامۋىن قورعاۋعا اناعۇرلىم كوپ تۇراقتىلىق جانە وڭ ەنەرگيا ۇستەۋىمىز كەرەك.

　　ءبىرىنشى، دۇرىس بەتالىستى مىقتى يگەرىپ، ىنتىماقتى، ءوزارا سەنىمدىلىكتى نىعايتۋ. اماليات مىنانى دالەلدەدى: ءبىز تەك جالپى جاعدايدى كوزدە ۇستاپ، جاۋاپكەرلىك پەن بورىشتى ارقالاپ، ءتۇرلى كەدەرگىلەردى الاستاساق بولعانى، مۇشە ەلدەردىڭ حاۋىپسىزدىگى مەن دامۋ مۇددەسىن ويداعىداي قورعاي الامىز، جۇزەگە اسىرا الامىز. ستراتەگيالىق بايلانىس پەن سەلبەستىكتى كۇشەيتىپ، تىلدەسۋ ارقىلى الاۋىزدىقتى جويىپ، سەلبەستىك ارقىلى باسەكەدەن اسىپ ءتۇسۋدى دارىپتەپ، ءبىر - ءبىرىنىڭ وزەكتى مۇددەسى مەن ءجىتى قاداعالاپ وتىرعان كەلەلى ىستەرىنە شىنايى قۇرمەت ەتىپ، ءبىر - ءبىرىنىڭ دامۋىن، گۇلدەنۋىن جۇزەگە اسىرۋىن باتىل قولداۋىمىز كەرەك. وڭىرلىك تۇتاس تۇلعا مەن ۇزاق بولاشاقتىق مۇددەنى شىعار ءتۇيىن ەتىپ، سىرتقى ساياساتتى دەربەس، ءوز - وزىنە قوجا بولا وتىرىپ بەلگىلەپ، ءوز ەلىنىڭ دامۋى مەن العا باسۋىنىڭ بولاشاعى مەن تاعدىرىن ءوز قولىندا بەرىك ۇستاۋ كەرەك.

　　ەكىنشى، ءوڭىردىڭ بەيبىتشىلىگىن قورعاپ، ورتاق حاۋىپسىزدىكتى قامتاماسىز ەتۋ. جۇڭگو جاق ءار جاقپەن بىرگە دۇنيە جۇزىلىك حاۋىپسىزدىك باستاماسىن تياناقتاندىرىپ، مەملەكەتتەر اراسىنداعى الاۋىزدىقتاردى، قايشىلىقتاردى تىلدەسۋ، كەڭەسۋ ارقىلى شەشۋدە تاباندى بولىپ، حالىقارالىق جانە وڭىرلىك قولامتالى ماسەلەلەردى ساياسي جولمەن شەشۋدى ىلگەرىلەتىپ، وڭىرلىك حاۋىپسىزدىك قالتقىسىن بەكەمدەۋدى قالايدى. وسى ۇيىمنىڭ حاۋىپسىزدىك سەلبەستىك دەڭگەيىن جوعارىلاتىپ، ”شىعىس تۇركستان“ سياقتى ”ءۇش ءتۇرلى كۇشكە“، ەسىرتكى اتكەزشىلىگىنە، ينتەرنەت جانە مەملەكەت اتتاعان ۇيىمدى قىلمىستارعا قاتاڭ سوققى بەرىپ، ساندى مالىمەت حاۋىپسىزدىگى، بيولوگيالىق حاۋىپسىزدىك، سىرتقى كەڭىستىك حاۋىپسىزدىگى سياقتى بەي ءداستۇرلى حاۋىپسىزدىك سالاسىنداعى سەلبەستىكتى كەڭەيتۋ كەرەك. اۋعانستانعا كورشى ەلدەردىڭ سايكەسۋ، سەلبەسۋ مەحانيزمى سياقتىلاردىڭ تۇعىرلىق رولىن ۇزدىكسىز ساۋلەلەندىرىپ، اۋعانستاننىڭ بەيبىت قايتا قۇرۋ جولىمەن ءجۇرۋىن ىلگەرىلەتۋ كەرەك.

　　ءۇشىنشى، ناقتى سەلبەستىككە نازار اۋدارىپ، ەكونوميكانىڭ قالپىنا كەلۋىن جەدەلدەتۋ. جۇڭگو جاق ءار جاقپەن بىرگە دۇنيە جۇزىلىك دامۋ باستاماسىن تياناقتاندىرىپ، ەكونوميكانىڭ جاھاندانۋىنىڭ دۇرىس بەتالىسىندا تاباندى بولىپ، قورعانىمپازدىققا، سىڭار جاقتى جازالاۋعا، مەملەكەت حاۋىپسىزدىگى ۇعىمىن جاداعايلاتىپ جىبەرۋگە قارسى تۇرۋدى، ”داۋال سوعىپ توسقاۋىل ورناتۋعا“، ”الشاقتاپ بايلانىستى ۇزۋگە“ قارسى تۇرۋدى، ءوزارا ءتيىمدى سەلبەستىكتىڭ ”بالكۇلشەسىن“ ۇلكەيتۋگە قۇلشىنىپ، دامۋ جەتىستىكتەرىنىڭ ءار ەل حالقىن اناعۇرلىم كوپ، اناعۇرلىم ءادىل يگىلىككە كەنەلتۋىنە مۇمكىندىك جاساۋدى قالايدى. ءار جاقتىڭ ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلى باسشىلار تالقى مىنبەرىنە قاتىناسىپ، دۇنيە جۇزىنە باقىت جاراتاتىن وسى باقىت جولىن بىرگە اناعۇرلىم كەڭەيتىپ، ۇزارتا تۇسۋگە اتسالىسۋىن قارسى الامىز. جۇڭگو جاق وسى ۇيىمنىڭ ءوز مەملەكەت اقشاسىمەن ەسەپ جابۋ ۇلەسىن كەڭەيتىپ، وسى ۇيىمنىڭ وركەندەتۋ بانكەسىن قۇرۋدى ىلگەرىلەتۋدى ۇسىنىس ەتەدى.

　　ءتورتىنشى، اۋىس - كۇيىستى، ءوزارا ۇلگى الۋدى كۇشەيتىپ، حالىق تىلەگىنىڭ توعىسۋىن جەبەۋ. جۇڭگو جاق ءار جاقتىڭ دۇنيە جۇزىلىك وركەنيەت باستاماسىن بىرگە تياناقتاندىرىپ، تۇرلىشە وركەنيەتتەردىڭ سيىسىمدى قاتار ءومىر ءسۇرۋىن ىلگەرىلەتىپ، ءار ەل حالقىنىڭ ءوزارا ءتۇسىنىسۋىن، ەتەنە بولۋىن جەبەۋىن قارسى الادى. وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ، دەنەتاربيە، اقپارات قۇرالدارى سياقتى سالالارداعى سەلبەستىكتى ۇزدىكسىز تەرەڭدەتۋ كەرەك. الداعى 3 جىلدا جۇڭگو وسى ۇيىمداعى ەلدەرگە حالىقارالىق حانزۋ ءتىلى وقىتۋشىلارىنىڭ وقۋ سيلىق اقشاسىنان 1000 سان جانە ”حانزۋ ءتىلى كوپىرى“ جازدىق لاگەرىنەن 3000 سان بەرەدى، 100 جاس عالىمدى جۇڭگوعا كەلىپ عىلمي زەرتتەۋ اۋىس - كۇيىسىنە قاتىناسۋعا ۇسىنىس ەتەدى.

　　بەسىنشى، كوپ جاقتىلىقتى امالياتتا ايگىلەپ، دۇنيە جۇزىلىك جونگە سالۋدى كەمەلدەندىرۋ. بۇكىل ادامزاتتىڭ ورتاق قۇنىن ساۋلەلەندىرىپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيە مەن حالىقارالىق زاڭدى نەگىز ەتكەن حالىقارالىقءتارتىپتى باتىل قورعاپ، زورەكەرلىك پەن وكتەمدىك ساياسيعا قارسى تۇرىپ، بۇكىل دۇنيە جۇزىلىك جونگە سالۋدىڭ اناعۇرلىمءادىل، ۇيلەسىمدى باعىتقا قاراي دامۋىن ىلگەرىلەتىپ، ۇقىق، وراي، ەرەجە ادىلدىگىن ۇزدىكسىز جەبەۋ بارىسىندا ادامزات قوعامىنىڭ وسىزاماندانۋىن ىلگەرىلەتۋ كەرەك. دۇنيە ءجۇزى بەيبىتشىلىگىنىڭ قۇرۋشىسى، دۇنيە ءجۇزى دامۋىنىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولۋ كەرەك.

　　شي جينپيڭ بىلاي دەپ اتاپ كورسەتتى: قازىر جۇڭگو حالقى جۇڭگو كوممۋنيستىك پارتياسىنىڭ باسشىلىعىندا جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋدە. ءبىز جۇڭگو ۇلگىسىندەگى وسىزامانداندىرۋدىڭ جاڭا جەتىستىكتەرى ارقىلى شاڭحاي سەلبەستىك ۇيىمىنا مۇشە ەلدەردى قامتىعان دۇنيە جۇزىندەگى ءار ەلگە جاڭا دامۋ ورايىن ازىرلەپ، اناعۇرلىم كوركەم دۇنيە ءجۇزىن قۇرۋدى ىلگەرىلەتۋدى قالايمىز.

　　شي جينپيڭ سوڭىندا بىلاي دەپ دارىپتەدى: اقيقات جولى كوپكە ورتاق، كوپپەن جۇرگەن اداسپايدى. شاڭحاي سەلبەستىك ۇيىمى قازىرگى ءداۋىر اعىمىنا ۇيلەسىپ، ادامزاتتىڭ العا باسۋ بەتالىسىنا سايكەسسە، ءسوز جوق، ءبىزدىڭ بىرگە قۇلشىنۋىمىزدىڭ ارقاسىندا ۇزدىكسىز دامىپ، زورايادى.

　　ماجىلىسكە قاتىناسقان باسشىلار شاڭحاي سەلبەستىك ۇيىمىنىڭ دامۋدا قول جەتكىزگەن كورنەكتى تابىستارىنا بەلسەندى باعا بەرىپ، يراننىڭ ”شاڭحاي سەلبەستىك ۇيىمىنىڭ ۇلى شاڭىراعىنا“ رەسمي كىرۋىن قارسى الدى، بەلورۋسسيانىڭ شاڭحاي سەلبەستىك ۇيىمىنا كىرۋ ءتارتىبىن تەزىرەك اياقتاتۋدى ءۇمىت ەتتى. ءارقايسى جاق مىنالاردى ءبىلدىردى: شاڭحاي سەلبەستىك ۇيىمى ۇزدىكسىز زورايىپ، حالىقارالىق ىقپالى ۇزدىكسىز جوعارىلاپ، تاتۋ كورشىلىك دوستىقتى تەرەڭدەتۋگە، مۇشە ەلدەردىڭ ورتاق مۇددەسىن قورعاۋعا، ءوڭىردىڭ جانە دۇنيە ءجۇزىنىڭ باياندى بەيبىتشىلىگى مەن ورنىقتىلىعىن جەبەۋگە، باياندى دامۋدى ىلگەرىلەتۋگە ماڭىزدى ۇلەس قوسىپ، ءوزارا سەنۋدىڭ، تەڭ تۇرعىدا تىلدەسۋدىڭ، ءوزارا تيىمدىلىك جەتكىزىپ سەلبەسۋدىڭ ۇلگىسىنە اينالدى. ”شاڭحاي رۋحىن“ ونان ارى اسقاقتاتىپ، ءوزارا ءتۇسىنىسۋ مەن سەلبەستىكتى كۇشەيتىپ، وڭىرلىك ەكونوميكالىق سەلبەستىكتى ىلگەرىلەتىپ، يدەولوگيالىق قارسىلاسۋعا، بولشەكتەۋگە جانە كەمسىتۋگە قارسى تۇرۋ كەرەك. وڭىرلىك ۇلاستىرۋ - تۇتاستىرۋ جانە ۇلكەن ارنا قۇرىلىسىن كۇشەيتىپ، ”ءبىر بەلدەۋ، ءبىر جول“ باستاماسىنىڭ ەۆروپا - ازيا ەكونوميكالىق وداعى قۇرىلىسىمەن ۇشتاسۋىن قولداپ، ەكونوميكا - ساۋدا، فينانس، ەنەرگيا، عىلىم - تەحنيكا، قورشاعان ورتانى قورعاۋ، سيفرلى ەكونوميكا، گۋمانيتارلىق سياقتى سالالارداعى سەلبەستىكتى تەرەڭدەتىپ، استىق، ەنەرگيا داعدارىسى جانە كليمات وزگەرىسى سياقتى دۇنيە جۇزىلىك سىن - سايىسقا قول ۇستاسا توتەپ بەرۋ كەرەك. لاڭكەستىك سياقتى ”ءۇش ءتۇرلى كۇشكە“ بىرگە سوققى بەرىپ، وڭىرلىك حاۋىپسىزدىك قالتقىسىن بەكەمدەۋ كەرەك. ناعىز كوپ جاقتىلىقتى ۇستانىپ، بىرلەسكەن مەملەكەتتەر ۇيىمىنىڭ جەتەكشىلىك رولىن ساۋلەلەندىرۋىن قولداپ، دۇنيە جۇزىلىك جونگە سالۋدى كۇشەيتۋ كەرەك.

　　مۇشە ەلدەردىڭ باسشىلارى «شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ جاڭا دەلي جارناماسىنا» قول قويىپ جانە ونى جاريالاپ، ۇشقارىلىققا سوققى بەرۋ سەلبەستىگى جونىندەگى مالىمدەمەنى، سيفرلانۋعا بۇرىلىس جاساۋ سالاسىنداعى سەلبەستىك جونىندەگى مالىمدەمەنى بىرگە جاريالادى، يراندى شاڭحاي سەلبەستىك ۇيىمىنا مۇشەلىككە قابىلداۋ، بەلورۋسسيانىڭ شاڭحاي سەلبەستىك ۇيىمىنا كىرۋ مىندەت ەسكەرتپەسىنە قول قويۋ، شاڭحاي سەلبەستىك ۇيىمىنىڭ 2030 - جىلعا دەيىنگى ەكونوميكالىق دامۋ ستراتەگياسى سياقتى ءبىرقىدىرۋ قاۋلىنى بەكىتتى.

　　ءماجىلىس قازاقستاننىڭ 2023 - جىلدان 2024 - جىلعا دەيىنگى شاڭحاي سەلبەستىك ۇيىمىنىڭ كەزەكتى ءتوراعا ەلى مىندەتىن وتەۋىن ۇيعاردى.

　　شاڭحاي سەلبەستىك ۇيىمىنىڭ كەزەكتى ءتوراعا ەلى ءۇندىستاننىڭ زۇڭليى مودي ءماجىلىستى باسقاردى، شاڭحاي سەلبەستىك ۇيىمىنا مۇشە ەلدەردەن قازاقستان زۇڭتۇڭى توقايەۆ، قىرعىزستاننىڭ زۇڭتۇڭى جاپاروۆ، پاكيستاننىڭ زۇڭليى شابھاز، رەسەيدىڭ زۇڭتۇڭى پۋتين، تاجىكستاننىڭ زۇڭتۇڭى راحمون، وزبەكستاننىڭ زۇڭتۇڭى ميرزيويەۆ، باقىلاۋشى ەل بەلورۋسسيانىڭ زۇڭتۇڭى لۋكاشەنكو، يراننىڭ زۇڭتۇڭى رايسي، موڭعۇليانىڭ زۇڭتۇڭى حورەلسۋح، ءتوراعا ەل قوناعى تۇركمەنستاننىڭ زۇڭتۇڭى بەردىمۇحامەتوۆ، سونداي - اق بىرلەسكەن مەملەكەتتەر ۇيىمىنىڭ باس حاتشىسى گۋتتەرەس، شاڭحاي سەلبەستىك ۇيىمىنىڭ باس حاتشىسى، شاڭحاي سەلبەستىك ۇيىمىنىڭ وڭىرلىك لاڭكەستىككە قارسى تۇرۋ قۇرىلىمى اتقارۋ كوميتەتىنىڭ مەڭگەرۋشىسى قاتارلى حالىقارالىق جانە وڭىرلىك ۇيىمداردىڭ جاۋاپتىلارى ماجىلىسكە قاتىناستى.

　　ساي چي، ۋاڭ ي قاتارلىلار ماجىلىسكە قاتىناستى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved