شي جينپيڭ تاسقىننان ساقتانۋ، اپاتتان قۇتقارۋ قىزمەتى جونىندە ماڭىزدى نۇسقاۋ بەردى
2023.07.05 16:27 كەلۋ قاينارى : حالىق تورابى
ءبىر تۇتاس جوسپارلاۋدى، سايكەستىرۋدى كۇشەيتىپ، كەڭەسۋدى، تۇجىرىمداۋدى كۇشەيتىپ، باقىلاۋ - ساراپتاۋ، ساقتاندىرۋدى ويداعىداي ىستەپ، حالىقتىڭ ءومىرىنىڭ، مال - مۇلكىنىڭ حاۋىپسىزدىگىن قامتاماسىز ەتۋدى شىن مانىندە ءبىرىنشى ورىنعا قويىپ، ءتۇرلى زياندى ەڭ تومەنگى شەككە تۇسىرۋگە قۇلشىنۋدى تالاپ ەتتى
شينحۋا اگەنتتىگى، 7 - ايدىڭ 4 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاسقىننان ساقتانۋ، اپاتتان قۇتقارۋ قىزمەتى جونىندە ماڭىزدى نۇسقاۋ بەردى.
شي جينپيڭ بىلاي دەپ اتاپ كورسەتتى: جۋىقتا چۇڭچيڭ سياقتى جەرلەردە قالىڭ جاڭبىر جاۋىپ، كەيبىر وزەندەردە ساقتىق سىزىعىنان اسىپ تاسقىن ءجۇرىپ، سەل جانە لاي كوشكىنى سياقتى گەولوگيالىق اپاتتار تۋىلىپ، اۋىر ءولىم - ءجىتىم جانە مال - مۇلىك شىعىنى تۋىلدى.
شي جينپيڭ بىلاي دەپ دارىپتەدى: قازىر بۇكىل ەل تاسقىننان ساقتانۋدىڭ شەشۋشى مەزگىلىنە ءوتۋ الدىندا تۇر، 7 ۇلكەن وزەن - داريا الابى نەگىزگى تاسقىن مەزگىلىنە جالپى بەتتىك وتەدى، چاڭجياڭ، حۋايحى وزەندەرى، تايحۋ كولى جانە سۇڭلياۋ سياقتى الاپتاردا تاسقىن اپاتىنىڭ حاۋىپ - قاتەرى بار. مەملەكەتتىك تاسقىننان ساقتانۋ باس قولباسشىلىق شتابى، شۇعىل جاعدايعا توتەپ بەرۋدى باسقارۋ مينيسترلىگى، سۋ يگىلىگى مينيسترلىگى سياقتى قاتىستى تاراۋلار ءبىر تۇتاس جوسپارلاپ سايكەستىرۋدى كۇشەيتىپ، كەڭەسۋدى، تۇجىرىم جاساۋدى كۇشەيتىپ، باقىلاۋ - ولشەۋ، ساقتاندىرۋ قىزمەتىن ويداعىداي ىستەپ، ءتۇيىندى وڭىرلەردىڭ ورتا، شاعىن وزەندەردە تاسقىن ءجۇرۋ، ورتا، شاعىن سۋ قويمالارىن حاۋىپتەن ارىلتۋ جانە قالا ىشىندەگى تاسقىن اپاتى سياقتى اپاتتان ساقتانۋ قىزمەتىن ويداعىداي ىستەۋىنە دالمە - ءدال جەتەكشىلىك ەتىپ، قاتەردەن اراشالاۋ، اپاتتان قۇتقارۋ قىزمەتىن بار كۇشپەن ويداعىداي ىستەۋى كەرەك.
شي جينپيڭ مىنالاردى تالاپ ەتتى: ءار دارەجەلى پارتكومدار مەن ۇكىمەتتەر تاسقىننان ساقتانۋ، اپاتتان قۇتقارۋ تۇلعالىق جاۋاپكەرلىگىن جاپپاي تياناقتاندىرۋ، ءار دارەجەلى باسشى كادرلار شۇعىل جاعدايعا توتەپ بەرۋ كەزەكشىلىگىن كۇشەيتىپ، الدىڭعى شەپتە تۇرىپ قولباسشىلىق ەتىپ، حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، ءوز جاۋاپكەرلىگىن ءبىلىپ، ءوز جاۋاپكەرلىگىن ارقالاپ، ءوز جاۋاپكەرلىگىن ادا ەتىپ، حالىقتىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتۋدى شىن مانىندە ءبىرىنشى ورىنعا قويىپ، ءتۇرلى زياندى ەڭ تومەنگى شەككە تۇسىرۋگە قۇلشىنۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
