ستراتەگيالىق جاڭادان گۇلدەنگەن كاسىپتەردىڭ ارتقان قۇنىنىڭ ىشكى ءوندىرىستىڭ جالپى قۇنىنداعى سالىستىرماسى %13 تەن استى (جاڭا ساندى مالىمەت، جاڭا ءتۇيىن)
مەملەكەت دارەجەلى وزىق جاساۋ كاسىبى شوعىرىنىڭ ءونىم قۇنى 20 تريلليون يۋاننان استى
2023.07.06 19:16 كەلۋ قاينارى : حالىق تورابى
«حالىق گازەتى»، 7 – ايدىڭ 5 – كۇنى، شىنجىن (ءتىلشى ۋاڭ جىڭ). تاياۋدا وتكىزىلگەن جۇڭگو – شىعىس وڭتۇستىك ازيا ەلدەرى وداعى جاڭادان گۇلدەنگەن كاسىپ سالاسى تالقى مىنبەرىندە ونەركاسىپ جانە ينفورماتسيالاندىرۋ مينيسترلىگىنىڭ قاتىستى جاۋاپتىسى تانىستىرىپ بىلاي دەدى: 2022 – جىلى جاڭا بۋىن ينفورماتسيا تەحنيكاسى، جوعارى دەڭگەيلى جابدىق، جاڭا ەنەرگيالى اۆتوموبيل سياقتى جاڭادان گۇلدەنگەن كاسىپتەردىڭ ارتقان قۇنىنىڭ ىشكى ءوندىرىستىڭ جالپى ءونىم قۇنىنداعى سالىستىرماسى %13 تەن استى. تاياۋ جىلداردان بەرى ەلىمىز وسىزاماندانعان كاسىپ سالاسى جۇيەسىن كۇش سالا قۇرىپ، جاڭادان گۇلدەنگەن كاسىپ سالاسى جەدەل دامىدى.
كاسىپ سالاسى شوعىرى قۇرىلىسىنىڭ اياق الىسى تەزدەپ، بۇكىل ەل بويىنشا ىقپالعا يە وزىق جاساۋ كاسىبى مەن ستراتەگيالىق جاڭادان گۇلدەنگەن كاسىپ سالاسى شوعىرى قالىپتاستى. مۇنىڭ ىشىندە مەملەكەت دارەجەلى وزىق جاساۋ كاسىبى شوعىرى 45 بولىپ، 2022 – جىلى ءونىم قۇنى 20 تريلليون يۋاننان استى. ءبىرىنشى توپتاعى مەملەكەتتىك ستراتەگيالىق جاڭادان گۇلدەنگەن كاسىپ سالاسى شوعىرى 66 عا جەتتى.
جاڭا بۋىن ينفورماتسيا تەحنيكاسى جەدەل دامىدى. ەلىمىز جالپى 2 ميلليون 840 مىڭ 5G بازالىق پۋنكتىن قۇردى، 5G دىڭ قولدانىلۋى حالىق شارۋاشىلىعىنداعى 97 ۇلكەن ءتۇردىڭ 60 ءتۇرىن قامتىدى. جاساندى زەردە وزەكتى كاسىبىنىڭ كولەمى 500 ميلليارد يۋانعا جەتىپ، كاسىپورىن سانى 4 مىڭعا تايادى.
ابزال كاسىپ سالاسى اناعۇرلىم بەكەمدەلىپ، دەڭگەيى جوعارىلادى. 2022 – جىلى ونەركاسىپ قۇلتەمىرىنىڭ جىلدىق ءونىم مولشەرى 443 مىڭعا جەتىپ، جاڭادان قوسىلعان اگراگراتتاردىڭ جالپى مولشەرى دۇنيە ءجۇزى بويىنشا %50 تەن استى. فوتوۆولتتىق بولشەك، جەل گەنەراتورى سياقتى تازا ەنەرگيا جابدىقتارىنىڭ شەشۋشى بولشەكتەرى بۇكىل دۇنيە ءجۇزى بازارىنىڭ %70 ۇلەسىن ۇستادى. جاڭا ەنەرگيالى اۆتوموبيلدىڭ جىلدىق ساتىلۋ مولشەرى 6 ميلليون 800 مىڭنان اسىپ، ءۇرتىس 8 جىل دۇنيە ءجۇزى بويىنشا 1 – ورىندا تۇردى، جاڭا ەنەرگيالى اۆتوموبيل جالپى ساتىلۋ مولشەرىنىڭ 4/1 ىنەن استامىن ۇستادى.
ونەركاسىپ جانە ينفورماتسيالاندىرۋ مينيسترلىگىنىڭ قاتىستى جاۋاپتىسى مىنانى ءبىلدىردى: ەلىمىز جاڭادان گۇلدەنگەن كاسىپ سالاسىن دامىتۋ بارىسىندا باستان – اياق اشىق سەلبەستىك جاساۋ ۇستانىمىنان جازباي، ۇكىمەت، ءوندىرىس، وقىتۋ، زەرتتەۋ جاقتارىنداعى حالىقارالىق اۋىس – كۇيىس پەن سەلبەستىككە شابىت بەرىپ، قولداۋ كورسەتتى. جۇڭگو مەن شىعىس وڭتۇستىك ازيا ەلدەرى وداعىنىڭ جاڭادان گۇلدەنگەن كاسىپ سالاسىندا ءوزارا تولىقتاۋ سيپاتى كۇشتى، كاسىپورىندار اراسىنداعى اۋىس – كۇيىس، سەلبەستىك تىلەگى كۇشتى، تاياۋ جىلداردان بەرى سيفرلى ەكونوميكا، فوتوۆولت، جاڭا ەنەرگيالى اۆتوموبيل سياقتى سالالاردا ءبىر توپ جوعارى دەڭگەيدەگى نىسان ىلگەرىلەتىلىپ، كەڭ دامۋ بولاشاعىن ايگىلەدى. كەلەسى قادامدا ساياساتتاردى ۇشتاستىرۋدى كۇشەيتىپ، جاڭادان گۇلدەنگەن كاسىپتەردىڭ دامۋىنا تاماشا ورتا ازىرلەيمىز؛ جاڭالىق اشۋدىڭ ومىرشەڭدىك كۇشىن قاۋلاتىپ، ءتۇيىندى سالالاردىڭ ساپالى دامۋىن جەبەيمىز؛ اشىق، سيىسىمدى بولۋدان جازباي، سايكەستى دامۋدىڭ جاڭا ۇلگىسىن قاراستىرامىز؛ قابىلەت قۇرىلىسىن ىلگەرىلەتىپ، جاڭادان گۇلدەنگەن كاسىپ سالالارىنىڭ دامۋ نەگىزىن بەكەمدەپ، جاڭادان گۇلدەنگەن كاسىپ سالالارىنىڭ ناقتى سەلبەستىگىندە اناعۇرلىم زور ناتيجەگە قول جەتكىزۋدى ىلگەرىلەتەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
