ءار دارەجەلى ءار تۇردەگى مەكتەپتەر 518 مىڭ 500 گە جەتتى (جاڭا ساندى مالىمەت، جاڭا ءتۇيىن)
ماعلۇمات اعارتۋى بويىنشا وقىپ جاتقاندار 293 ميلليون ادام بولدى، ارناۋلى وقىتۋشىلار 18 ميلليون 800 مىڭ ادامنان استى
2023.07.06 19:17 كەلۋ قاينارى : حالىق تورابى
حالىق گازەتى، 7 – ايدىڭ 5 – كۇنى، بەيجيڭ (ءتىلشى ديڭ ياسۇڭ). وقۋ – اعارتۋ مينيسترلىگى 7 – ايدىڭ 5 – كۇنى 2022 – جىلعى مەملەكەتتىك وقۋ – اعارتۋ ىستەرى دامۋىنىڭ ساناق مالىمدەمەسىن جاريالادى. ساندى مالىمەتتە كورسەتىلۋىنشە، مەملەكەت بويىنشا ءار دارەجەلى ءار تۇردەگى مەكتەپتەر 518 مىڭ 500 گە جەتكەن، ءار دارەجەلى ءار تۇردەگى ماعلۇمات اعارتۋى بويىنشا وقىپ جاتقاندار 193 ميلليون ادام، ارناۋلى وقىتۋشىلار 18 ميلليون 803 مىڭ 600 ادام بولعان.
مالىمدەمەگە نەگىزدەلگەندە، 2022 – جىلى جالپى بالاباقشا 289 مىڭ 200 بولعان، مۇنىڭ ىشىندە جالپىعا ءتيىمدى بالاباقشا 245 مىڭ 700 بولىپ، الدىنداعى جىلداعىدان ءبىر مىڭ 33 بالاباقشا كوبەيىپ، %0.42 ارتىپ، بۇكىل ەلدەگى بالاباقشالاردىڭ %84.96 ىن ۇستاعان.
مىندەتتى وقۋ – اعارتۋ جاعىندا مىندەتتى وقۋ – اعارتۋ ساتىسىنداعى جالپى 201 مىڭ 600 مەكتەپ بار ەكەن. مىندەتتى وقۋ – اعارتۋ ساتىسىندا 34 ميلليون 327 مىڭ 700 وقۋشى قابىلدانعان، مەكتەپتەگى وقۋشىلار 159 ميلليون ادام بولعان، ارناۋلى وقىتۋشىلار 10 ميلليون 654 مىڭ 600 ادام بولعان، توعىزجىلدىق مىندەتتى وقۋ – اعارتۋدىڭ بەكەمدەلۋ شاماسى %95.5 بولعان.
ورتا مەكتەپ ساتىسىنداعى وقۋ – اعارتۋ جاعىندا جالپى 10 مىڭ 500 مەكتەپ بار بولىپ، الدىنداعى جىلداعىدان 441 مەكتەپ كوبەيىپ، %3.02 ارتقان. ادەتتەگى ورتا مەكتەپتەر 9 ميلليون 475 مىڭ 400 وقۋشى قابىلداپ، الدىنداعى جىلداعىدان 425 مىڭ 900 وقۋشى كوبەيىپ، %4.71 ارتقان.
جوعارى وقۋ – اعارتۋ جاعىندا جالپى 3 مىڭ 13 جوعارى مەكتەپ بار ەكەن. ءار تۇردەگى جوعارى مەكتەپتەردە وقىپ جاتقان جالپى وقۋشى كولەمى 46 ميلليون 550 مىڭ ادام بولىپ، الدىنداعى جىلداعىدان 2 ميلليون 250 مىڭ وقۋشى كوبەيگەن. جوعارى وقۋ – اعارتۋداعى جالپىلاما وقۋعا ءتۇسۋ شاماسى %59.6 بولىپ، الدىنداعى جىلداعىدان 1.8 پايىز جوعارىلاعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
