حىفيدا مينۋت سايىن ءبىر جاڭا ەنەرگيالى اۆتوموبيل وندىرىلەدى
تۇتاس تىزبەكتى جاڭا ەنەرگيالى اۆتوموبيل كاسىپ سالاسى ەكولوگياسى بىرتىندەپ قالىپتاستى
«حالىق گازەتىنىڭ» تىلشىلەرى ۋ يان، لي جۇنجيە
2023.07.06 19:21 كەلۋ قاينارى : حالىق تورابى
اۆتوماتتى مەحانيكالىق بىلەكتەر ارلى - بەرلى قوزعالىپ، ادامسىز جۇك تاسۋ ماشيناسى سابىلىپ ءجۇر، جۇزدەگەن قۇلتەمىر اۆتوموبيلدىڭ بولشەكتەرىن دالمە - ءدال دانەكەرلەۋدە... داجۇڭ انحۇي قالىپقا تۇسىرىلگەن ەلەكترلى قوزعاۋشى كۇش تۇعىرى زاۆودىندا ءوندىرىستىڭ ءبىرىنشى شەبى قاربالاستىققا تۇسكەن.
تۇتاستاي وندىرىلەتىن جاڭا ەنەرگيالى اۆتوموبيل نىسانىنان كەيىن داجۇڭ اۆتوموبيل توبى (جۇڭگو) جالپى قارجىسى جارنالىق مەڭگەرىلمەلى عىلىم - تەحنيكا سەرىكتەستىگىنىڭ نىسانى 5 - ايدىڭ 30 - كۇنى انحۇي حىفيگە ىرگە تەپتى، شامامەن ءبىر ميلليارد ەۆرو قارجى قوسىلىپ، داجۇڭ اۆتوموبيل سەرىكتەستىگىنىڭ ەلىمىزدەگى ەڭ ۇلكەن عىلىم - تەحنيكا جانە جاڭالىق جاراتۋ ورتالىعىنا اينالادى.
باس شۋجي بىلاي دەپ دارىپتەدى: ”جاڭا ەنەرگيالى اۆتوموبيلدى دامىتۋ — ەلىمىزدىڭ اۆتوموبيلدەگى ءىرى ەلدەن اۆتوموبيلدەگى مىعىم ەلگە قادام تاستاۋىنىڭ قاجەتتى جولى“. 4 - ايدىڭ 28 - كۇنى اشىلعان ج ك پ ورتالىق كوميتەتى ساياسي بيۋروسىنىڭ ءماجىلىسى بىلاي دەپ اتاپ كورسەتتى: ”جاڭا ەنەرگيالى اۆتوموبيلدى دامىتۋ ابزالدىعىن بەكەمدەۋ جانە كەڭەيتۋ كەرەك“.
جاڭا ەنەرگيالى اۆتوموبيل مەن زەيىندەنگەن، توراپپەن تۇتاستىرىلعان اۆتوموبيل كاسىپ سالاسى انحۇيدىڭ 10 ۇلكەن جاڭا گۇلدەنگەن كاسىپ سالاسىنا ەنگىزىلدى. حىفي ورايدى مىقتى يگەرىپ، جەدەل ورنالاستىرۋ جاساپ، جاڭا ەنەرگيالى اۆتوموبيل كاسىبىنىڭ ساپالى دامۋىن كۇش سالا ىلگەرىلەتتى.
جياڭحۋاي، بييادي، ۋەيلاي، داجۇڭ، چاڭ ـ ان، انكاي سىندى اۆتوموبيلدى تۇتاستاي وندىرەتىن 6 كاسىپورىن شوعىرلانىپ، اشىق، سايكەستى، ءوزارا پايدا جەتكىزىپ، قاتار ءومىر سۇرەتىن كاسىپ سالاسىن دامىتۋ ەكولوگيالىق شەڭبەرى قالىپتاستى؛ جوعارعى، تومەنگى اعارداعى كاسىپ سالاسى تىزبەگىنەن 500 دەن استام كاسىپورىن بار، جاڭا ەنەرگيالى اۆتوكولىكتىڭ جەرگىلىكتى ورىندا تۇلعالانۋ شاماسى %35 كە جەتتى؛ شياتاڭ، شينچياۋ، شينگاڭ سىندى اۆتوموبيلدى تۇتاستاي ءوندىرۋ قۋاتى ميلليونعا جەتكەن 3 بازا، ۇساق بولشەكتەر وندىرەتىن 6 ۇلكەن باقشا رايونى قۇرىلدى... اۆتوموبيلدى تۇتاستاي ءوندىرۋ، شەشۋشى ۇساق بولشەك، قولدانۋ جانە سايكەستى جيناپ الۋ سياقتىلاردى قامتىعان تۇتاس تىزبەكتى، جاڭا ەنەرگيالى اۆتوموبيل كاسىبىنىڭ ەكولوگياسى حىفي قالاسىندا بىرتىندەپ قالىپتاستى.
2022 - جىلى حىفيدە جاڭا ەنەرگيالى اۆتوموبيلدىڭ ءونىم مولشەرى 255 مىڭ بولىپ، بۇكىل ەل بويىنشا الدىڭعى قاتارعا ءوتىپ، سايكەس مەزگىلدەگىدەن %133 ارتقان. بيىل 1 - ايدان 5 - ايعا دەيىن حىفيدە جاڭا ەنەرگيالى اۆتوموبيلدىڭ ءونىم مولشەرى 230 مىڭ بولىپ، سايكەس مەزگىلدەگىدەن 4 ەسەدەن استام ارتىپ، بۇكىل ەلدىكىنىڭ شامامەن %7.6 ىن ۇستادى. ”بۇل مينۋت سايىن ءبىر جاڭا ەنەرگيالىق اۆتوموبيل وندىرگەنمەن بىردەي“ دەدى حىفي قالالىق ەكونوميكا جانە ينفورماتسيالاندىرۋ مەكەمەسىنىڭ قاتىستى جاۋاپتىسى.
ۋەيلاي اۆتوموبيل توبى _ حىفي بار كۇشپەن قۇرعان ءتۇيىندى كاسىپورىن، جياڭحۋاي توبىنىڭ ۋەيلاي حىفي وزىق جاساۋ بازاسىندا كوپ ءتۇرلى اۆتوموبيل تۇرپاتى قۇراستىرىلۋدا. ”بۇل بازا بۇكىلدەي اليۋمين اۆتوموبيل تۇلعاسى ءوندىرىس جەلىسىنە يە، قىرۋار زەردەلىلەنگەن جابدىقتارمەن جابدىقتالعان، دانەكەرلەۋ - قۇراستىرۋدىڭ جالپى تۇلعالىق اۆتوماتتانۋ شاماسى %98كە جەتكەن“. ۋەيلاي اۆتوموبيل توبى حىفي رايونى سەرىكتەستىگىنىڭ باس ديرەكتورى يۇي دۇڭميڭ بىلاي دەدى: قازىر ۋەيلاي توبى زەرتتەۋ ـ اشۋعا جالپى 34 ميلليارد يۋاننان استام قارجى قوستى، 7 مىڭعا جۋىق پاتەنت ءوتىنىش ەتىلدى جانە ۇقىق بەرىلدى.
بييادي توبى انحۇيدى ءتۇيىندى دامۋ ءوڭىرى ەتىپ، حىفي قالاسىندا ءۇرتىس 1 -، 2 -، 3 - مەرزىمدىك نىسانداردى باستادى. ”6 جىلدىق دامۋ ارقىلى بييادي توبى انحۇيداعى ءارقايسى نىسانعا جالپى 70 ميلليارد يۋان قارجى قوسىپ، 200 ميلليارد يۋان ءونىم قۇنىن جۇزەگە اسىرىپ، 100 مىڭ ادامدى جۇمىستاندىردى“ دەپ تانىستىردى حىفي بييادي اۆتوموبيل شەكتى سەرىكتەستىگىنىڭ باس ديرەكتورى چۇي لياڭ. اۆتوموبيلدى تۇتاستاي وندىرۋدەن سىرت، بييادي توبى انحۇيداعى ەلەكترلى ماشينا، ەلەكترمەن مەڭگەرۋ، موتور سياقتى شەشۋشى بولشەكتەردى ءوندىرۋ نىساندارىن دا جاپپاي وندىرىسكە قوستى.
تاياۋ جىلداردان بەرى حىفي جاڭا ەنەرگيالى اۆتوكولىك كاسىبىنىڭ دامۋىن جەدەلدەتۋ، جاڭا ەنەرگيالى زەردەلى ينتەرنەت جەلىسىمەن تۇتاسقان اۆتوكولىكتەردى جالپىلاستىرۋدى، قولدانۋدى اناعۇرلىم جەبەۋ سياقتى ارناۋلى ساياساتتاردى شىعارىپ، ”كاسىپ ساياساتى _ ناقتىلاندىرۋ ەرەجەسى _ اتقارۋ پىكىرى“ ارقىلى ۇشتاسىپ كۇش سالدى؛ ”قور + كاسىپ سالاسى“، ”قور + بازا“، ”قور + نىسان“ سىندى قوزعاۋشى كۇش ۇلگىسىن ۇزبەي جاڭالاپ، جالپى كولەمى 100 ميلليارد يۋاننان اساتىن جاڭا ەنەرگيالى اۆتوموبيل كاسىبى قورىن بىرىكتىرىپ، كاسىپورىندارعا جالپى اينالىم، تولىق فاكتور ساياساتى جاعىنان قولداۋ كورسەتتى؛ نازاردى اۆتوموبيل كاسىبىنىڭ شەشۋشى تۇيىندەرىنە شوعىرلاندىرعان حىفي جوعارى مەكتەپتەرمەن كوپتەگەن جاڭاشا زەرتتەۋ ـ اشۋ قۇرىلىمىن قۇرىپ، 20 نەشە شەشۋشى تەحنيكادان قامال الدى.
جاڭا ەنەرگيالى اۆتوكولىكتەردى جالپىلاستىرۋدى، قولدانۋدى جەدەلدەتۋ ءۇشىن، حىفي قالاسى الدىن الا ورنالاستىرىپ، ەلەكتر اۋىستىرۋ نەگىزدىك قۇرىلعىلارىن سالىپ، قالا رايونىنىڭ 2 كيلومەتر ۇزىندىقتاعى ەلەكتر زاريادتاۋ قىزمەت وتەۋ شەڭبەرىن العاشقى ادىمدا قالىپتاستىرىپ، كۇندىك ورتاشا قىزمەت وتەۋ قۋاتىن 250 مىڭعا (اۆتوموبيل) جەتكىزدى. وسىنىڭ ارقاسىندا حىفيدا بىلتىر 70 مىڭ جاڭا ەنەرگيالى اۆتوموبيل تىركەۋگە الىنىپ، ءار رەت جاڭادان قوسىلعان 4 اۆتوموبيلدىڭ بىرەۋى جاڭا ەنەرگيالى اۆتوموبيل بولىپ وتىردى. بيىل 4 - ايدا حىفي ساياسات شىعارىپ، ەرەكشە ارناۋلى كولىكتەردەن سىرت، حىفي قالاسىنىڭ پارتيا، ۇكىمەت ورگاندارى مەن قالاعا قاراستى كاسىپورىن، ءىسورىندار ۇكىمەت كولىگىن ساتىپ الۋدا، الەۋمەتتىك اۆتوبۋزداردى ساتىپ الۋدا، جاڭالاۋدا تۇگەلدەي جاڭا ەنەرگيالى اۆتوموبيل ساتىپ الۋى كەرەك دەگەندى بەلگىلەدى.
بيىل حىفيدا جاڭا ەنەرگيالى اۆتوموبيلدى تۇتاستاي وندىرۋدە جىلدىق ءونىم قۇنىنىڭ ءبىر ميلليونعا تاياۋىنان ءۇمىت بار. حىفي قالالىق پارتكومداعى نەگىزگى جاۋاپتى جولداس مىنانى ءبىلدىردى: ”ءبىز ’اۆتوموبيلدى تۇتاستاي وندىرەتىن‘ باستى كاسىپورىندارعا قىزمەت وتەۋگە، ’ۇساق بولشەكتەردىڭ‘ سايكەسىمدىلىگىن كۇشەيتۋگە، ’سوڭعى بازاردى‘ كەڭەيتۋگە ۇزدىكسىز كۇش سالىپ، شەشۋشى، وزەكتى تەحنيكالاردان قامال الىناتىن، كاسىپ سالاسىنىڭ سايكەسۋى ۇيلەسىمدى، قولدانىس جاعىنان ۇلگى كورسەتۋى كەڭەيتىلگەن، ولشەم جۇيەسى كەمەلدى جاڭا ەنەرگيالى اۆتوموبيل كاسىپ سالاسى ەكولوگياسىن كۇش سالا ورناتىپ، انحۇيدىڭ حالىقارالىق ىقپالعا يە جاڭا ەنەرگيالى اۆتوموبيل كاسىپ سالاسى شوعىرىن قالىپتاستىرۋىنا دەم بەرەمىز“.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
