وقۋ - اعارتۋ مينيسترلىگى وقىتۋشىلاردىڭ كاسىپتىك ارەكەتى جونىندەگى ون ءتۇرلى ولشەمگە قايشى كەلگەن تيپتىك ماسەلەلەردەن 7 ماسەلەنى اشىق جاريالادى
2023.08.18 16:23 كەلۋ قاينارى : حالىق تورابى
ءتىلشىنىڭ 8 - ايدىڭ 16 - كۇنى وقۋ - اعارتۋ مينيسترلىگىنەن ۇعىسۋىنشا، جۋىردا وقۋ - اعارتۋ مينيسترلىگى وقىتۋشىلاردىڭ كاسىپتىك ارەكەتى جونىندەگى ون تارماقتى ولشەمگە قايشى كەلگەن تىپتىك ماسەلەلەردەن 13 - توپتاعى 7 ماسەلەنى اشىق جاريالادى.
بۇل 7 رەتكى تيپتىك ماسەلە جەكە - جەكە مىنالار: نيڭشيا داشۋەسىنىڭ وقىتۋشىسى ما XX تىڭ بەلگىلەمەگە قايشى تۇردە قوسىمشا قاراجاتقا يە بولۋ ماسەلەسى، لياۋنيڭ ولكەسى فۋشين قالاسى شيحى رايونى يۇيساي باستاۋىش مەكتەبىنىڭ وقىتۋشىسى شۇي XX تىڭ زاتتاي، اقشالاي ساۋعا الۋ ماسەلەسى، شاندۇڭ ولكەسى زىبو قالالىق پەداگوگيكالىق جوعارى دارەجەلى ارناۋلى كۋرس مەكتەبىنىڭ وقىتۋشىسى جاڭ X تىڭ ۇياتسىز ارەكەت ىستەۋ ماسەلەسى، گانسۋ ولكەسى جاڭيە قالاسى مينلى اۋداندىق ۇلتتىق باستاۋىش مەكتەپ جينبەيبەي بالالار باقشاسىنىڭ وقىتۋشىسى فان XX تىڭ سابيلەرگە ءتان جازاسىن قولدانۋ ماسەلەسى، سانشي ولكەسى يان - ان قالاسى باۋتا رايونى يان - ان پەيجى ورتا مەكتەبىنىڭ (قاراماعىنا ورنالاستىرىلعان باستاۋىش مەكتەپ) وقىتۋشىسى ليۋ X تىڭ وقۋشىلارعا ءتان جازاسىن قولدانۋ ماسەلەسى، سىچۋان ولكەسى لۋجوۋ قالاسى ناشي رايونى ميانحۋاپو مەكتەبىنىڭ وقىتۋشىسى شۇي X تىڭ وقۋشىلاردى مازالاۋ ماسەلەسى، گۇيجوۋ ولكەسى تۇڭرىن قالاسى بيجياڭ رايونى حىپيڭ سەنترلى باستاۋىش مەكتەبىنىڭ وقىتۋشىسى ۋ XX تىڭ بىرنەشە وقۋشىعا ادەپسىزدىك ىستەۋ ماسەلەسى.
وقۋ - اعارتۋ مينيسترلىگىنىڭ قاتىستى جاۋاپتىسىنىڭ ايتۋىنشا، 7 رەتكى تيپتىك ماسەلەگە قاتىستى وقىتۋشىلاردىڭ بارلىعى قاتاڭ ءبىر جاقتى ەتىلگەن، بۇل جەر - جەردەگى مەكتەپتەردىڭ وقىتۋشىلاردىڭ كاسىپتىك ارەكەتى جونىندەگى ون ءتۇرلى ولشەمدەگى تالاپتاردى ىشكەرىلەي دايەكتى تياناقتاندىرعانىن، وقىتۋشىلاردىڭ يدەيا - ساياسي جانە وقىتۋشىلىق ءمورال، وقىتۋشىلىق ستيل قۇرىلىسى جاعىنداعى قىزمەتتى كۇشەيتكەنىن، وقىتۋشىلىق ءمورال مەن وقىتۋشىلىق ستيلدى باستان - اياق وقىتۋشىلار قوسىنىنىڭ ساپاسىنا باعا بەرۋدىڭ ءبىرىنشى ولشەمى ەتكەنىن، وقىتۋشىلىق ءمورال جاعىنداعى بەلگىلەمەلەرگە قايشى كەلۋگە ”مۇلدە جول بەرمەۋ“، وقىتۋشىلىق ءمورال جاعىنداعى بەلگىلەمەگە قايشى ارەكەت وتكىزگەندەردى قاتاڭ جازالاۋ سىندى باتىل پوزيتسياسىن ايگىلەگەنىن كورسەتەدى.
وقۋ - اعارتۋ مينيسترلىگى مىنانى تالاپ ەتتى: جەر - جەردەگى وقۋ - اعارتۋ تاراۋلارى مەن مەكتەپتەر پارتيا ورتالىق كوميتەتىنىڭ قاتىستى شەشىمدەرى مەن ورنالاستىرۋلارىن مۇقيات، دايەكتى تياناقتاندىرۋى، وقىتۋشىلىق ءمورال، وقىتۋشىلىق ستيل قۇرىلىسى جاعىنداعى ۇزاق مەرزىمدىك ءونىمدى مەحانيزمدى ۇزدىكسىز كەمەلدەندىرۋى، قاتاڭ تۇزىمدىك بەلگىلەمەلەر مەن كۇندەلىكتى ءتالىم - تاربيە بەرۋ، قاداعالاۋ قىزمەتىن ءوزارا ۇشتاستىرۋى، بارلىق قىزمەتكەرلەردىڭ جان - جاقتى، جالپى بارىس بويىنشا وقىتۋشىلىق ءمورالدى قالىپتاستىرۋىن كورنەكتىلەندىرۋى، بارشا وقىتۋشىلاردى ءوزىن تەجەي بىلۋگە، تالپىنۋعا، تاماشا وقىتۋشىلىق ءمورالدى امالياتتا ايگىلەۋگە جەتەلەپ، تاماشا وقىتۋشىلىق ستيلدى، وقۋشىلىق ستيلدى قورعاۋعا ءتيىمدى ورتانى قالىپتاستىرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
