20 نىسانعا شوعىرلى قول قويىلدى
تۇڭعىش كەزەكتى جۇڭگو سيىر ساۋداسى جينالىسى ىشكى موڭعۇلدا وتكىزىلدى
2023.08.24 16:40 كەلۋ قاينارى : حالىق تورابى
8 - ايدىڭ 23 - كۇنى تۇڭعىش كەزەكتى جۇڭگو سيىر ساۋداسى جينالىسى ىشكى موڭعۇل اۆتونوميالى رايونى شيڭ - ان ايماعىنىڭ كرچينيۋي حوشۇنىندا اشىلدى. جينالىس ماماندار تالقى مىنبەرى، سيىر ساۋداسىنىڭ ۇلكەن بازارى، سيىر ونىمدەرىن كورۋ سىندى 3 ۇلكەن قيمىلدان قۇرالعان بولىپ، بۇكىل ەلدەگى 500 دەن استام قاتىستى كاسىپ سالاسىنداعى كاسىپكەرلەردى، مامانداردى ماجىلىسكە قاتىناسۋعا باۋرادى.
جينالىس ”سيىر شارۋاشىلىعىن زورايتۋدى، كۇشەيتۋدى، سيىر ەكونوميكاسىن جەتىلدىرۋدى، كۇشەيتۋدى، مەملەكەتتىك سيىر ساۋداسىنان ۇلگى كورسەتۋ بازاسىن قۇرۋدى“ نەگىزگى تاقىرىپ ەتىپ، ەل ىشىندەگى قاتىستى رايونداردان كەلگەن تيجارات كاسىپورىندارىن، سويىس سيىردى جىنتىكتەي مانەرلەۋ كاسىپورىندارىن ەگىن، مال شارۋاشىلىق ماركاسىن كورمەگە قويۋ، ساتۋ، تانىستىرۋ قيمىلىن ورىستەتۋگە ۇسىنىس ەتتى. سويىس سيىر جانە جاسىل ەگىن، مال شارۋاشىلىق ونىمدەرى اۋىس ـ كۇيىس، سەلبەستىك ساۋداسىن ءبىر تۇلعالاندىرۋ تەكشەسىن قۇردى. تاعى سيىر شارۋاشىلىعى بويىنشا ساۋداگەر شاقىرۋ سەلبەستىك نىسانىنا قول قويۋ سالتىن وتكىزىپ، 20 نىسانعا شوعىرلى قول قويدى.
ۇعىسۋعا قاراعاندا، ىشكى موڭعۇل ەلىمىزدەگى سيىر ەتىن وندىرەتىن نەگىزگى رايون، كرچينيۋي حوشۇنى ىشكى موڭعۇلداعى 33 مال شارۋاشىلىق حوشۇنىنىڭ ءبىرى رەتىندە، سيىر شارۋاشىلىعىن اۋىل ـ قىستاقتى گۇلدەندىرۋ ستراتەگياسىن ىشكەرىلەي اتقارۋدىڭ جەتەكشى كاسىبى ەتىپ، اسىل تۇقىم جەتىلدىرۋدەن ايگىلى ماركا تيجاراتىنا دەيىنگى تۇتاس تىزبەكتى دامۋ بەتالىسىن قالىپتاستىرعان. قازىر 100 گە جۋىق كاسىپورىن كرچينيۋي حوشۇنىنا ىرگە تەپتى، جەرگىلىكتى ورىنداعى سيىر سانى 2018 ـ جىلعى 260 مىڭ باستان 500 مىڭ باسقا جەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
