مەملەكەتتىك كەڭەس «حىتاۋ شىنجىن - شياڭگاڭ عىلىم - تەحنيكادا جاڭالىق اشۋ سەلبەستىك رايونى شىنجىن باقشا رايونىن دامىتۋ جوباسىن» باسىپ تاراتتى
2023.08.30 16:54 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 29 - كۇنى، بەيجيڭ. مەملەكەتتىك كەڭەس جۋىقتا «حىتاۋ شىنجىن - شياڭگاڭ عىلىم - تەحنيكادا جاڭالىق اشۋ سەلبەستىك رايونى شىنجىن باقشا رايونىن دامىتۋ جوباسىن» (تومەندە قىسقاشا «جوبا» دەلىنەدى) باسىپ تاراتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، حىتاۋ شىنجىن - شياڭگاڭ عىلىم - تەحنيكادا جاڭالىق اشۋ سەلبەستىك رايونى شىنجىن باقشا رايونى قۇرىلىسىن جوعارى ساپا، جوعارى ولشەم، جوعارى دەڭگەيدە ىلگەرىلەتىپ، شياڭگاڭ باقشا رايونىمەن بەلسەندى، ىرىقتى تۇردە سايكەستى دامىپ، گۋاڭدۇڭ - شياڭگاڭ - اۋمىن ۇلكەن شىعاناق رايونى حالىقارالىق عىلىم - تەحنيكادا جاڭالىق اشۋ ورتالىعىنىڭ ماڭىزدى ءتۇيىنىن قۇرىپ، گۋاڭدۇڭ - شياڭگاڭ - اۋمىن شىعاناق رايونىنىڭ ساپالى دامۋىنىڭ ماڭىزدى قوزعالتقىشىنا اينالۋدى تالاپ ەتتى.
«جوبادا» مىنالار ايقىندالدى: 2025 - جىلعا دەيىن شىنجىن - شياڭگاڭ عىلىم - تەحنيكادا جاڭالىق اشۋدىڭ، سەلبەسۋدىڭ جوعارى ءونىمدى مەحانيزمىن نەگىزىنەن ورناتىپ، شىنجىن - شياڭگاڭ عىلىم - تەحنيكادا جاڭالىق اشۋ، اشىق ۇستاۋ سەلبەستىگىندە بەلسەندى ونىمدىلىككە قول جەتكىزۋ؛ حۋاڭگاڭ وتكەلىن جالپى تۇلعالىق جاقتان قايتا قۇرىپ، شەكارا اتتاعان نەگىزدىك قۇرىلعىلاردى ۇلاستىرۋ - تۇتاستىرۋدى جۇزەگە اسىرىپ، جوعارى ءونىمدى اينالىم ۇلگىسىندە جاڭالىق اشۋدى جۇزەگە اسىرۋ؛ شىنجىن باقشا رايونىن باقىلاۋ - باسقارۋ ۇلگىسىن جەتىلدىرىپ، شياڭگاڭ باقشا رايونىمەن ماڭىزدى فاكتورلار اينالىمىنىڭ ىركىلىسسىزدىگىن، جاڭالىق اشۋ تىزبەگىنىڭ ىركىلىسسىزدىگىن، قىزمەتكەرلەردىڭ اۋىس - كۇيىسىنىڭ ىركىلىسسىزدىگىن نەگىزىنەن جۇزەگە اسىرۋ؛ شياڭگاڭمەن جانە حالىقارامەن جالپى بەتتىك ۇشتاسقان عىلمي زەرتتەۋ - باسقارۋ ءتۇزىمىن ورناتىپ، شياڭگاڭداعى جانە حالىقاراداعى ابزالدىققا يە پاندەر ءتۇيىندى تاجىريبەحانالار شوعىرىنان جانە ۇزدىك زەرتتەۋ ورتالىعىنان، ۇزدىك كاسىپورىنداردىڭ زەرتتەۋ - اشۋ ورتالىعىنان ءبىر توبىن شوعىرلاندىرىپ، شياڭگاڭنىڭ عىلىم - تەحنيكا سەلبەستىگىندە ءبىر توپ كەلەلى جەتىستىككە قول جەتكىزۋ كەرەك. 2035 - جىلعا بارعاندا شياڭگاڭنىڭ باقشا رايونىمەن سەلبەسىپ جاڭالىق جاراتۋ جاعدايىن جاپپاي قالىپتاستىرىپ، عىلىم - تەحنيكادا جاڭالىق جاراتۋدىڭ حالىقارالانۋ دارەجەسىن دۇنيە ءجۇزى بويىنشا الدىڭعى ورىنعا جەتكىزىپ، جاڭالىق جاراتۋ فاكتورلارىن شەكارا اتتاتىپ ەركىن، ءتارتىپتى اينالىمعا ءتۇسىرىپ، دۇنيە ءجۇزى بويىنشا ماڭداي الدى ءبىر توپ جاڭالىق جاراتۋ دانەكەرى مەن ماڭداي الدى عىلىم - تەحنيكا كاسىپورىندارىنىڭ زەرتتەۋ - اشۋ ورتالىعىن جەتىلدىرىپ، دۇنيە ءجۇزى دارەجەلى عىلمي زەرتتەۋ تورابىنا اينالدىرىپ، گۋاڭدۇڭ - شياڭگاڭ – اۋمىن ۇلكەن شىعاناق رايونى حالىقارالىق عىلىم - تەحنيكادا جاڭالىق اشۋ ورتالىعىنىڭ گۋاڭدۇڭ - شىنجىن - شياڭگاڭ عىلىم - تەحنيكادا جاڭالىق اشۋ ءدالىزى قۇرىلىسىنا پارمەندى تىرەك ازىرلەۋ كەرەك.«جوبادا» باستى مىناداي 4 مىندەت ورنالاستىرىلدى: ءبىرىنشى، شياڭگاڭمەن سەلبەسىپ حالىقارالىق عىلىم – تەحنيكادا جاڭالىق جاراتۋدى ىلگەرىلەتۋ، شىنجىن – شياڭگاڭ ەكى جاق باقشا رايونىنىڭ سايكەستى دامۋىن ىلگەرىلەتۋ، شياڭگاڭ، اۋمىن جوعارى مەكتەپتەرىنىڭ ابزال پاندەردى دامىتۋ قۋاتىنىڭ دارەجەسىن جوعارىلاتۋدى قولداۋ، حالىقارالىق وزىق عىلىم – تەحنيكادا جاڭالىق جاراتۋ تۇعىرىن بىرلەسىپ قۇرۋ. ەكىنشى، حالىقارالىق باسەكەلىك قۋاتقا يە كاسىپ سالاسىندا سىناق رەتىندە كادەگە جاراتۋ بازاسىن قۇرىپ، جاڭا بۋىن ينفورماتسيا تەحنيكاسى كاسىبىنىڭ قامال الىپ دامۋىن ىلگەرىلەتىپ، وزىق بيولوگيالىق ءدارى - دارمەك تەحنيكاسىندا جاڭالىق جاراتۋعا، قولدانۋعا قولداۋ كورسەتىپ، جاساندى زەردە مەن سيفرلى ەكونوميكا دامۋىنىڭ الدىڭعى لەكتىك سالاسىن جەدەل ورنالاستىرۋ. ءۇشىنشى، حالىقارالانعان عىلىم - تەحنيكادا جاڭالىق جاراتۋ ءتۇزىلىس، مەحانيزمىن ورناتىپ، زاتتاردى سالالار بويىنشا باسقارۋعا قولايلىلىق جاراتىپ، عىلمي زەرتتەۋگە قاتىستى قارجىنىڭ شەكارا اتتاعان اينالىمىن باقىلاۋ - باسقارۋدا جاڭالىق جاراتىپ، حالىقارالىق ينتەرنەت ساندى مالىمەتىنىڭ شەكارا اتتاپ حاۋىپسىز، ءتارتىپتى اۋىسۋى جونىندە ىزدەنىس جاساپ، اناعۇرلىم جوعارى دەڭگەيدەگى ءبىلىم مەنشىك ۇقىعىن قورعاۋ ءتۇزىمىن جەدەل ورناتىپ، بازارعا كىرۋگە رۇقسات ەتۋدىڭ وسكەلەڭ، قولايلى ءتۇزىمىن ورناتۋ. ءتورتىنشى، دۇنيە ءجۇزىنىڭ اقىل - پاراساتىن شوعىرلاندىراتىن عىلىم - تەحنيكا سەلبەستىك تۇعىرىن قۇرىپ، حالىقارالىق اۋىس - كۇيىس پەن سەلبەستىكتى تەرەڭدەتىپ، جاڭالىق اشۋشى دارىندىلار پورتىن قۇرىپ، جان - جاقتى عىلمي زەرتتەۋ قىزمەت وتەۋىن كەمەلدەندىرىپ، حالىقارالانعان، ساپالى عىلمي زەرتتەۋ تۇرمىس الەۋمەتتىك اۋماعىن قالىپتاستىرۋ.
«جوبادا» مىنالار تالاپ ەتىلدى: شىنجىن باقشا رايونىنداعى كەلەلى ىستەر، كەلەلى ساياسات جانە كەلەلى نىسان سياقتىلاردى ءبىر تۇتاس جوسپارلاپ ىلگەرىلەتۋ كەرەك. قاتىستى تاراۋلار ءوز فۋنكتسياسىمەن ۇشتاستىرىپ جەتەكشىلىك ەتۋ جانە قولداۋ تەبىنىن ارتتىرىپ، ىستەستىك جاساۋ رايونىنىڭ ءتۇزىلىس، مەحانيزمىندە جاڭالىق جاراتۋ، ساياسات، شارالاردى ناقتىلاندىرۋ جانە ماڭىزدى نىسان قۇرىلىستارى سياقتى جاقتارداعى قيىنشىلىقتارى مەن ماسەلەلەرىن دەر كەزىندە اقىلداسىپ شەشۋى كەرەك. مەملەكەتتىك دامۋ جانە رەفورما كوميتەتى قاتىستى تاراۋلارمەن بىرگە ءبىر تۇتاس جوسپارلاپ سايكەستىرۋدى كۇشەيتىپ، جوبا مىندەتىنىڭ دايەكتى تياناقتانۋىن ىزىنە ءتۇسىپ قۋزاپ، باعالاۋ قىزمەتىن دەر كەزىندە ۇيىمداستىرۋ كەرەك. گۋاڭدۇڭ ولكەسى شىنجىن باقشا رايونىن بۇكىل ولكەنىڭ رەفورمانى تەرەڭدەتىپ، ەسىكتى ايقارا اشۋداعى الدىڭعى شەپ بازاسى جانە سىناق تۇعىرى ەتىپ، ءتۇرلى جەتەكشىلىك ەتۋ، قولداۋ قىزمەتىن ويداعىداي ىستەۋى كەرەك. شىنجىن قالاسى تۇلعالىق جاۋاپكەرلىكتى تياناقتاندىرىپ، شىنجىن باقشا رايونى قۇرىلىسىنىڭ ءتۇرلى قىزمەتتەرىن كۇش سالا ويداعىداي يگەرۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
