ماڭىزدى حابار! حالىقتىق شارۋاشىلىقتى دامىتۋ مەكەمەسى بەكىتۋدەن ءوتىپ قۇرىلدى
2023.09.05 13:49 كەلۋ قاينارى : حالىق تورابى
9 – ايدىڭ 4 – كۇنى، مەملەكەتتىك دامۋ جانە رەفورما كوميتەتىنىڭ ورىنباسار مەڭگەرۋشىسى سۇڭ لياڭ مەملەكەتتىك كەڭەستىڭ اقپارات كەڭسەسى وتكىزگەن اقپار جاريالاۋ ماجىلىسىندە بىلاي دەپ تانىستىردى: تاياۋدا ورتالىق شتات كەڭسەسى مەملەكەتتىك دامۋ جانە رەفورما كوميتەتىنىڭ ىشكى بولەگىندە حالىقتىق شارۋاشىلىقتى دامىتۋ مەكەمەسىن قۇرۋدى رەسمي بەكىتىپ، حالىقتىق شارۋاشىلىقتىڭ دامۋىن، زورايۋىن جەبەيتىن ارناۋلى قىزمەت قۇرىلىمى ەتتى. قاتىستى سالالارداعى ساياساتتاردى ءبىرتۇتاس جوسپارلاپ سايكەستىرۋدى كۇشەيتىپ، ءتۇرلى كەلەلى شارالاردىڭ ەرتە تياناقتانۋىن، ناقتى ونىمدىلىككە قول جەتكىزۋىن ىلگەرىلەتەدى.
سۇڭ لياڭ مىنالاردى ءبىلدىردى: 7 ـ ايدىڭ 19 ـ كۇنى «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ حالىقتىق شارۋاشىلىقتىڭ دامىپ زورايۋىن جەبەۋ جونىندەگى پىكىرى» اشىق جاريالاندى. ءبىر ايدان استام ۋاقىتتان بەرى، مەملەكەتتىك دامۋ جانە رەفورما كوميتەتى قاتىستى جاقتارمەن بىرگە پىكىردى دايەكتىلەندىرۋدى، تياناقتاندىرۋدى باتىل مىقتى يگەرىپ، جەلىلەس سايكەستى شارالاردى العا قويىپ، العاشقى ونىمدىلىككە قول جەتكىزدى. حالىقتىق شارۋاشىلىقتىڭ دامۋىن، زورايۋىن جەبەۋ ‐جۇيەلى ينجەنەريا، شارپيتىن كولەمى كەڭ، ساياسات تىزبەگى ۇزاق، قىزمەت بۋىنى كوپ. كەزەكتەگى حالىقتىق شارۋاشىلىقتىڭ دامۋى ءدوپ كەلىپ وتىرعان جاعداي مەن حالىقتىق شارۋاشىلىق قىزمەتىنىڭ قازىرگى جاعدايىنا ۇشتاستىرىپ، پارتيا ورتالىق كوميتەتى مەن مەملەكەتتىك كەڭەس مەملەكەتتىك دامۋ جانە رەفورما كوميتەتىندە حالىقتىق شارۋاشىلىقتى دامىتۋ مەكەمەسىن قۇرۋ جونىندە كەلەلى شەشىم، ورنالاستىرۋ جاسادى. تانىستىرۋعا قاراعاندا، حالىقتىق شارۋاشىلىقتى دامىتۋ مەكەمەسىنىڭ باستى مىندەتى: حالىقتىق شارۋاشىلىقتىڭ دامۋ جاعدايىن ىزىنە ءتۇسىپ ۇعىسۋ جانە وعان تالداۋ جاساۋ، تۇجىرىم جاساۋ، ءبىرتۇتاس جوسپارلاپ سايكەستىرۋ، حالىقتىق شارۋاشىلىقتىڭ دامۋىن جەبەيتىن ساياساتتىق شارالاردى ۇيىمداستىرىپ بەلگىلەۋ، حالىقتىق قارجىلاندىرۋدىڭ دامۋىن جەبەۋ ساياساتىن بەلگىلەۋ. حالىقتىق كاسىپورىندارمەن ۇنەمىلىك اۋىس - كۇيىس جاساۋ مەحانيزمىن ورناتىپ، حالىقتىق شارۋاشىلىقتىڭ دامۋىنداعى كەلەلى ماسەلەلەردى سايكەستىرىپ شەشىپ، حالىقتىق شارۋاشىلىقتىڭ حالىقارالىق باسەكەلىك قۋاتىن جوعارىلاتۋىنا سايكەستى قولداۋ كورسەتۋ.
مەملەكەتتىك دامۋ جانە رەفورما كوميتەتىنىڭ ورىنباسار باس حاتشىسى جاڭ شىشين بىلاي دەدى: حالىقتىق شارۋاشىلىق قىزمەتىنىڭ شارپيتىن كولەمى كەڭ، ساياساتتىق سيپاتى كۇشتى، ءارقايسى تاراۋلاردىڭ تىعىز سەلبەسىپ، سايكەسىپ، قىزمەتتىڭ بىرىككەن كۇشىن قالىپتاستىرۋىن قاجەت ەتەدى. ماكرولىق تىزگىندەۋ جانە ەكونوميكانىڭ ۋنيۆەرسال تاراۋى رەتىندە، مەملەكەتتىك دامۋ جانە رەفورما كوميتەتى حالىقتىق شارۋاشىلىقتى دامىتۋ مەكەمەسىن قۇردى، باستىسى، ءبىرتۇتاس جوسپارلاپ سايكەستىرۋ، كەشەندى شارا قولدانۋ، دامۋدى جەبەۋ فۋنكسياسىن اناعۇرلىم ويداعىداي ساۋلەلەندىرۋدى تياناق ەتتى. كەيبىر قاتىستى تاراۋلاردىڭ ءوز فۋنكسياسى تۇرعىسىنان حالىقتىق شارۋاشىلىقتىڭ دامۋىنا قىزمەت وتەۋ جانە ونى جەبەۋ مىندەتى بار، قازىرگى قىزمەت جۇيەسى نەگىزىندە، مەملەكەتتىك دامۋ جانە رەفورما كوميتەتى حالىقتىق شارۋاشىلىقتى دامىتۋ مەكەمەسىن قۇرىپ، حالىقتىق شارۋاشىلىقتى دامىتۋ قىزمەتىن ءبىرتۇتاس جوسپارلاپ سايكەستىرۋدى ونان ارى كۇشەيتىپ، قازىرگى قىزمەت جەتىستىكتەرىن بەكەمدەپ، كەڭەيتىپ، حالىقتىق شارۋاشىلىقتىڭ دامۋىنا اناعۇرلىم ساپالى ورتا ازىرلەپ، حالىقتىق شارۋاشىلىقتىڭ دامۋىنا اناعۇرلىم پارمەندى قولداۋ كورسەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
