شي جينپيڭ 2023 جۇڭگو حالىقارالىق زەردەلى كاسىپ سالاسى كورمەسىنە قۇتتىقتاۋ حاتىن جولدادى
2023.09.05 16:40 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 4 - كۇنى، بەيجيڭ. 9 - ايدىڭ 4 - كۇنى مەملەكەت ءتوراعاسى شي جينپيڭ 2023 جۇڭگو حالىقارالىق زەردەلى كاسىپ كورمەسىنە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: قازىر ينتەرنەت، ءىرى ساندى مالىمەت، بۇلتتىق ەسەپتەۋ، جاساندى زەردە، بلوكچەين سياقتى جاڭا تەحنيكالاردا تەرەڭ وزگەرىستەر تۋىلۋدا، كاسىپ سالاسىن سيفرلاندىرۋ، زەردەلىلەندىرۋ، جاسىلداندىرۋ بويىنشا تيپتە بۇرىلىس جاساۋ ۇزدىكسىز تەزدەدى، زەردەلى كاسىپ سالاسى، سيفرلى ەكونوميكا قارىشتاپ دامىپ، دۇنيە جۇزىلىك فاكتورلار بايلىعىن ورنالاستىرۋ تاسىلىنە، كاسىپ سالاسىن دامىتۋ ۇلگىسىنە جانە حالىق تۇرمىسى تاسىلىنە زور وزگەرىس اكەلدى. جۇڭگو سيفرلى ەكونوميكانىڭ دامۋىنا ايرىقشا ءمان بەرىپ، سيفرلى تەحنيكا مەن ناقتى ەكونوميكانىڭ ىشكەرىلەي توعىسۋىن ۇزدىكسىز جەبەپ، سيفردى كاسىپ سالالاندىرۋ مەن كاسىپ سالاسىن سيفرلاندىرۋدى سايكەستى ىلگەرىلەتىپ، ينتەرنەتتە قۋاتتى ەل قۇرۋدى، سيفرلى جۇڭگو قۇرۋدى جەدەلدەتەدى. جۇڭگو دۇنيە جۇزىندەگى ءار ەلمەن بىرگە سيفرلى ءداۋىردىڭ جاڭا بەتالىسىن يگەرىپ، سيفر سالاسىنداعى حالىقارالىق اۋىس - كۇيىستى، سەلبەستىكتى تەرەڭدەتىپ، زەردەلى كاسىپ سالاسىنىڭ جاڭالىق اشا دامۋىن ىلگەرىلەتىپ، ينتەرنەت كەڭىستىگىنىڭ تاعدىرلاس ورتاق تۇلعاسىن جەدەل قۇرىپ، اناعۇرلىم باقىتتى، كوركەم بولاشاقتى قول ۇستاسا جاراتۋدى قالايدى.
شي جينپيڭ 2023 جۇڭگو حالىقارالىق زەردەلى كاسىپ سالاسى كورمەسىنىڭ نەگىزگى تاقىرىبى: ”شار تاراپتان اقىل - پاراسات شوعىرلاندىرىپ، كوپتىڭ ارتىقشىلىعىن قابىلداۋ“ بولدى، سول كۇنى چۇڭچيڭ قالاسىندا اشىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
