«شي جينپيڭنىڭ عىلىم – تەحنيكادا جاڭالىق جاراتۋ جونىندەگى ماڭىزدى پايىمداۋلارىن ىشكەرىلەي ۇيرەنەيىك» باسپادان شىعىپ تاراتىلدى
2023.09.05 16:42 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 4 - كۇنى، بەيجيڭ. عىلىم - تەحنيكا مينيسترلىگى ۇيىمداستىرىپ قۇراستىرعان «شي جينپيڭنىڭ عىلىم – تەحنيكادا جاڭالىق جاراتۋ جونىندەگى ماڭىزدى پايىمداۋلارىن ىشكەرىلەي ۇيرەنەيىك» اتتى كىتاپ تاياۋدا حالىق باسپاسىنان باسىلىپ شىعىپ، بۇكىل ەلدە تاراتىلدى.
بۇل كىتاپتا شي جينپيڭ جاڭا ءداۋىر جۇڭگوشا سوتسياليزم يدەياسى جەتەكشى ەتىلىپ، باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى پايىمداۋلارىنىڭ داۋىرلىك استارى، يدەيالىق تامىرى، ىشكى ءمانى، كەلەلى ماڭىزى جانە امالياتتىق تالابى ارناۋلى تاقىرىپ بويىنشا جۇيەلى پايىمدالدى. پارتيا 18 - قۇرىلتايىنان بەرى باس شۋجي شي جينپيڭ ەلىمىز بەن دۇنيە ءجۇزى دامۋىنىڭ تاريحي جاڭا ورنىندا تۇرىپ، جاڭالىق اشۋدى دامۋعا جەتەكشىلىك ەتەتىن ءبىرىنشى قوزعاۋشى كۇش ەتۋدە تاباندى بولىپ، عىلىم - تەحنيكادا جاڭالىق اشۋدى مەملەكەت دامۋىنىڭ جالپى جاعدايىنداعى وزەكتى ورىنعا قويىپ، عىلىم - تەحنيكادا جاڭالىق اشا دامۋ جونىندە جوعارى دەڭگەيلى جوبا جانە جۇيەلى جوبا جاساپ، ءبىرقىدىرۋ جاڭا ۇستانىمداردى، جاڭا يدەيالاردى، جاڭا ستراتەگيالاردى العا قويىپ، ءبىرقىدىرۋ كەلەلى عىلىم - تەحنيكالىق دامۋ جانە رەفورما شارالارىن ورنالاستىردى، ىلگەرىلەتتى. باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى پايىمداۋلارى جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋدىڭ نازاريالىق لوگيكاسىن، تاريحي لوگيكاسىن جانە رەال لوگيكاسىن تەرەڭ اشىپ كورسەتىپ، ماركسيزمدىك عىلىم - تەحنيكا كوزقاراسىنىڭ جاڭا ءورىسىن اشتى، ونىڭ ساياسي سيپاتى، يدەيالىق سيپاتى جانە باعدارنامالىق سيپاتى وتە كۇشتى، بۇل − جاڭا داۋىردە جوعارى دەڭگەيدەگى عىلىم - تەحنيكادا ءوز كۇشىنە سۇيەنىپ الۋەتتەنۋدى جەدەل جۇزەگە اسىرۋدىڭ، عىلىم - تەحنيكادا قۋاتتى ەل قۇرۋدىڭ، جۇڭگوشا دەربەس جاڭالىق اشۋ جولىمەن بۇلجىماي ءجۇرۋدىڭ ءتۇبىرلى ولشەمى جانە ارەكەت باعدارلاماسى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved