جاۋ لىجي لاوس پارلامەنتىنىڭ ءتوراعاسى سايسۇڭپىڭمەن كەڭەس وتكىزدى
2023.09.05 16:43 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 4 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 9 - ايدىڭ 4 - كۇنى تۇستەن كەيىن حالىق سارايىندا لاوس پارلامەنتىنىڭ ءتوراعاسى سايسۇڭپىڭمەن كەڭەس وتكىزدى.
جاۋ لىجي مىنالاردى ءبىلدىردى: جۇڭگو مەن لاوس − تاۋ - وزەندەرى جالعاسقان سوتسياليستىك كورشىلەر، مىزعىماس تاعدىرلاس ورتاق تۇلعا. باس شۋجي، مەملەكەت ءتوراعاسى شي جينپيڭنىڭ جانە باس شۋجي، مەملەكەت ءتوراعاسى تۇڭلۇننىڭ ستراتەگيالىق جەتەكشىلىگىندە جۇڭگو - لاوس تاعدىرلاس ورتاق تۇلعاسى قۇرىلىسى ۇزدىكسىز تىڭ ساتىعا كوتەرىلدى. جۇڭگو جاق لاوس جاقپەن تىعىز سايكەسىپ، ەكى پارتيا، ەكى ەل باسشىلارىنىڭ ماڭىزدى ورتاق تانىمىن ناقتى سەلبەستىك تابىسىنا اينالدىرىپ، ەكى ەل حالىقتارىنا ءتىپتى دە زور باقىت جاراتۋدى قالايدى.
جاۋ لىجي بىلاي دەپ دارىپتەدى: جۇڭگو جاق جۇڭگو - لاوس تاعدىرلاس ورتاق تۇلعاسىن قۇرۋ بارىسىندا ”جولداس ۇستىنە باۋىرلاستىق“ سۇيىسپەنشىلىكتى جانە جاۋاپكەرلىكتى تولىق ايگىلەۋدى قالايدى، لاوس جاقتىڭ پارتيانىڭ باسشىلىعى مەن سوتسياليستىك ءتۇزىمدى بەكەمدەۋىن، ورنىقتى دامۋىن جانە حالىق تۇرمىسىن جاقسارتۋىن، حالىقارالىق جانە وڭىرلىك ساحنادا اناعۇرلىم ماڭىزدى رول اتقارۋىن باتىل قولدايدى. ەكى جاق بىرگە قۇلشىنىپ، جوعارى جىكتەگىلەردىڭ جەتەكشىلىگىندە تاباندى بولىپ، ناقتى سەلبەستىكتى تەرەڭدەتىپ، جۇڭگو - لاوس تەمىر جولىنىڭ كومەسكى كۇشىن ىشكەرىلەي اشىپ، ”ءبىر بەلدەۋ، ءبىر جولدى“ جوعارى ساپادا بىرگە قۇرۋ سەلبەستىگىنىڭ ۇلگىسىن سومدادى. جۇڭگو مەن لاوستىڭ ءداستۇرلى دوستىعىنا مۇراگەرلىك ەتىپ جانە ونى ساۋلەلەندىرىپ، حالىق تۇرمىسى جاعىنداعى ”شاعىن ءارى كوركەم“ سەلبەستىك نىساندارىن تياناقتاندىرىپ، جەرگىلىكتى ورىندار، دوس قالالار، جاستار سياقتى جاقتارداعى بارىس - كەلىستى كۇشەيتىپ، مادەنيەت، وقۋ - اعارتۋ، اقپارات قۇرالدارى سياقتى سالالارداعى اۋىس - كۇيىستى كەڭەيتىپ، ەكى ەل دوستىعىنىڭ حالىق رايى نەگىزىن بەكەمدەۋ كەرەك. جۇڭگو جاق لاوستىڭ كەلەر جىلى شىعىس وڭتۇستىك ازيا ەلدەرى وداعىنىڭ كەزەكتى ءتوراعا ەلى بولۋىن باتىل قولدايدى، جۇڭگو مەن شىعىس وڭتۇستىك ازيا ەلدەرى وداعىنىڭ جان - جاقتى ستراتەگيالىق سەرىكتەستىك قارىم - قاتىناسىن بىرگە تەرەڭدەتىپ، ءوڭىردىڭ ورنىقتىلىعىن قول ۇستاسا قورعاپ، دۇنيە جۇزىلىك جونگە سالۋدى كەمەلدەندىرۋگە اناعۇرلىم زور ۇلەس قوسۋدى قالايدى.
جاۋ لىجي مىنانى ءبىلدىردى: جۇڭگو مەملەكەتتىك حالىق قۇرىلتايى لاوس پارلامەنتىمەن بىرگە ءار دارەجەلى دوستىق بارىس - كەلىستى تەرەڭدەتىپ، ەل باسقارۋ، دامۋ جوباسى، زاڭمەن جونگە سالۋ قۇرىلىسى سياقتى كەڭەستىك تاقىرىپتار توڭىرەگىندە ىشكەرىلەي اۋىس - كۇيىس جاساپ، ەكى ەلدىڭ جەرگىلىكتى زاڭ شىعارۋ قۇرىلىمدارىنىڭ بارىس - كەلىسىن كۇشەيتىپ، جۇڭگو مەن لاوستىڭ ءار سالاداعى سەلبەستىگىنە زاڭدىق قامتاماسىزدىق ازىرلەۋدى قالايدى. كوپ جاقتى پارلامەنت ورىندارىندا تىعىز سايكەسىپ، حالىقارالىق قارىم - قاتىناستىڭ نەگىزگى ولشەمىن جانە وركەندەپ كەلە جاتقان ەلدەردىڭ ورتاق مۇددەسىن قورعاۋ كەرەك.
جاۋ لىجي جۇڭگونىڭ جالپى بارىستىق حالىق دەموكراتياسىن دامىتۋعا قاتىستى جاعدايلارىن تانىستىردى. ول بىلاي دەدى: جۇڭگو مەن لاوستىڭ سوتسياليزم ىستەرىنىڭ قارىشتاپ دامۋى سوتسياليستىك ءتۇزىمنىڭ ومىرشەڭدىك كۇشى مەن ابزالدىعىن ايگىلەدى، سوتسياليستىك دەموكراتيالىق ساياسيدىڭ ۇزدىكسىز العا دامۋىن بىرگە ىلگەرىلەتۋدى قالايمىز.
سايسۇڭپىڭ مىنانى ءبىلدىردى: لاوس پەن جۇڭگونىڭ ءداستۇرلى دوستىعى ۋاقىت وتكەن سايىن جاڭارىپ، ەكى ەلدىڭ ساياسي ءوزارا سەنىمى ۇزدىكسىز تەرەڭدەپ، ناقتى سەلبەستىكتە سۇبەلى تابىستارعا قول جەتكىزدى. ”ءبىر بەلدەۋ، ءبىر جول“ باستاماسى لاوس حالقىنا ناقتى پايدا جەتكىزدى. لاوس - جۇڭگو تەمىر جولى لاوس ەكونوميكاسىنىڭ دامۋىن جەبەۋدە ماڭىزدى رول اتقاردى. لاوس پارلامەنتى جۇڭگو مەملەكەتتىك حالىق قۇرىلتايىمەن سەلبەستىكتى كۇشەيتىپ، لاوس پەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن جانە لاوس - جۇڭگو تاعدىرلاس ورتاق تۇلعاسى قۇرىلىسىن تەرەڭدەتۋگە ۇلەس قوسۋدى قالايدى.
كەڭەستەن كەيىن جاۋ لىجي مەن سايسۇڭپىڭ جۇڭگو مەملەكەتتىك حالىق قۇرىلتايى مەن لاوس پارلامەنتىنىڭ سەلبەستىك كەلىسىمىنە قول قويدى.
حاۋ ميڭجين جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
