كينونىڭ جازعى دەمالىس كەزىندەگى بەلەت كىرىسى 20 ميلليارد 619 ميلليون يۋانعا جەتتى (جاڭا ساندى مالىمەت، جاڭا ءتۇيىن)
تاريحتاعى ۇقساس مەزگىلدەگى ەڭ جوعارى رەكوردتى جاڭالادى
2023.09.05 16:45 كەلۋ قاينارى : حالىق تورابى
«حالىق گازەتى»، 9 - ايدىڭ 4 - كۇنى، بەيجيڭ (تىلشىلەر ليۋ ياڭ، رىن شانشان). ءتىلشىنىڭ تاياۋدا مەملەكەتتىك كينو مەكەمەسىنەن ۇعىسۋىنا قاراعاندا، بيىل جازدىق دەمالىس كەزىندەگى (6 – ايدىڭ 1 – كۇنىنەن 8 – ايدىڭ 31 – كۇنىنە دەيىن) كينونىڭ جالپى بەلەت كىرىسى 20 ميلليارد 619 ميلليون يۋان بولىپ، كينو كورۋشىلەردىڭ سانى 505 ميلليون ادام - رەتكە جەتكەن، بۇل ەلىمىزدىڭ جازدىق دەمالىس كەزىندەگى بەلەت كىرىسىنىڭ تۇڭعىش رەت 20 ميلليارد يۋاننان اسۋى، وسىلايشا تاريحتاعى ۇقساس مەزگىلدەگى ەڭ جوعارى رەكورد جاڭالاندى. ەلىمىزدە وندىرىلگەن كينولاردىڭ بەلەت كىرىسى 18 ميلليارد 57 ميلليون يۋان بولىپ، بازار سالىستىرماسى %87.58 بولدى. ءبىرقىدىرۋ كورنەكتى ساندى مالىمەتتەر جۇڭگو كينوسىنىڭ ايرىقشا جاندانعان جالىندى بەينەسىن اڭعارتتى.
مازمۇنى باي، ءتۇرى الۋان ساپالى كينو فيلمدەرى جەتكىلىكتى بولدى. جازعى دەمالىس كەزىندە قويىلعان فيلمدەردىڭ كەيبىرەۋى جۇڭحۋانىڭ تاڭداۋلى ءداستۇرلى مادەنيەتىن جاسامپازدىقپەن وزگەرتۋ، جاسامپازدىقپەن دامىتۋ جاعىندا كورنەكتى ناتيجەگە قول جەتكىزدى، كەيبىرەۋى تيپتەندىرۋ، ىزدەنىس جاساۋ جاعىندا تىڭ سىناقتار جاساپ، ەلىمىزدە وندىرىلگەن فيلمدەردىڭ اياسىن ونان ارى كەڭەيتتى. الۋان تاقىرىپتاعى فيلمدەر كورەرمەندەردىڭ تاڭداپ كورۋىنە مۇمكىندىك جاراتىپ، كينو بازارىنىڭ قامداۋىن ءونىمدى بايىتتى.
كينونى ونەركاسىپتەندىرۋ ورەسى كورنەكتى جوعارىلادى. «پەرىشتە ءبىرىنشى ءبولىمى: وردا ءانى» فيلمىە دۇنيە جۇزىندەگى وزىق عىلىم – تەحنيكا ءتاسىلى ارقىلى كەسكىنگە الىندى ءارى فيلم جاساۋدى باسقارۋدىڭ عىلميلانۋى، جۇيەلىلەنۋى جاعىندا پايدالى ىزدەنىستەر جاسالىپ امالياتتىق تاجىريبە توپتالدى. «چاڭ - انداعى 30 مىڭ شاقىرىم» اتتى فيلمدە كارتون فيلم جاساۋدان پايدالانىپ الدىڭعى لەكتەگى تەحنيكا ارقىلى ۇلگى جاسالىپ جانە كەسكىنگە الىنىپ، كورەرمەندەردىڭ كورۋ، تىڭداۋ ساپاسى جاقسارتىلدى.
جازعى دەمالىس كەزىندە قاتىستى تاراۋلار مەملەكەتتىڭ كينو ىستەرىن دامىتۋ ارناۋلى قارجىسىن ۋاقىتشا كەشىرۋ، كينو تۇتىنۋىنا قوسىمشا قاراجات بەرۋ سياقتى شارالاردى اتقارىپ، كينو كورۋ قاجەتىن ارتتىرىپ، جازعى دەمالىس كەزىندەگى كينو بازارىنىڭ قامداۋ مەن قاجەتسىنۋىنىڭ ەكى جاقتان ارتۋىن جۇزەگە اسىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
