شي جينپيڭ قىزىل كرەست حالىقارالىق كوميتەتىنىڭ ءتوراعاسى سپاگلياليتسپەن كەزدەستى
2023.09.06 17:58 كەلۋ قاينارى : حالىق تورابى
9 - ايدىڭ 5 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا قىزىل كرەست حالىقارالىق كوميتەتىنىڭ ءتوراعاسى سپاگلياليتسپەن كەزدەستى. سۋرەتتى شينحۋا اگەنتتىگىنىڭ ءتىلشىسى جاي جيانلان تۇسىرگەن
شينحۋا اگەنتتىگى، 9 - ايدىڭ 5 - كۇنى، بەيجيڭ. 9 - ايدىڭ 5 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا قىزىل كرەست حالىقارالىق كوميتەتىنىڭ ءتوراعاسى سپاگلياليتسپەن كەزدەستى.
شي جينپيڭ قىزىل كرەست حالىقارالىق كوميتەتىنىڭ 160 جىلدان بەرى حالىقارالىق ادامگەرشىلىك جاعىندا ورىستەتكەن اسا ناتيجەلى قىزمەتىن جوعارى باعالاپ، قىزىل كرەست حالىقارالىق كوميتەتىنىڭ دۇنيە ءجۇزىنىڭ بەيبىتشىلىگى مەن العا باسۋىنا قوسقان ماڭىزدى ۇلەسىن القادى.
شي جينپيڭ بىلاي دەپ اتاپ كورسەتتى: بۇگىنگى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، ادامزات قوعامى كوپتەگەن سىن - سايىسقا ءدوپ كەلۋدە، كەيبىرەۋى تانىس سياقتى، كەيبىرەۋى جاڭا سىن - سايىس. وسىنداي جاعدايدا جۇڭگو ءوز باسىنىڭ عانا قامىن ويلامادى، قايتا دۇنيە جۇزىندەگى ەلدەرمەن سەلبەستىكتى كۇشەيتىپ، شەشۋ جولىن بىرگە قاراستىرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتتى. مەنىڭ ”ءبىر بەلدەۋ، ءبىر جولدى“ بىرگە قۇرۋ باستاماسىن، دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن العا قويۋداعى ماقساتىم − دۇنيە جۇزىندەگى ءار ەلمەن بىرگە ەكونوميكانىڭ دامۋىن جۇزەگە اسىرىپ، حالىق تۇرمىسىن جاقسارتىپ، ءوزارا پايدا جەتكىزىپ، تەڭ يگىلىككە كەنەلىپ، دۇنيە جۇزىلىك جونگە سالۋ مەن ادامگەرشىلىك ماسەلەلەرىن جونگە سالۋدى كۇشەيتۋگە جۇڭگو ۇستانىمىن، جۇڭگو جوباسىن ازىرلەۋ.
شي جينپيڭ بىلاي دەپ دارىپتەدى: ادامگەرشىلىك − تۇرلىشە وركەنيەتتەردى ۇيىستىراتىن ەڭ ۇلكەن ورتاق تانىم. جۇڭحۋانىڭ ءداستۇرلى مادەنيەتىندە قامتىلعان ”قايىرىمدى جاندار باسقالاردى سۇيە بىلەدى“، ”وزىڭە تىلەمەگەندى وزگەگە دە تىلەمە“ دەگەن سياقتى يدەيالار حالىقارالىق قىزىل كرەست قوزعالىسىنىڭ تۇپكى ماقساتىمەن توعىسىپ جاتىر. جۇڭگو حالىقتى بارىنەن جوعارى قويۋ ۇستانىمىن ۇستانىپ، ادامزات تاريحىنداعى كولەمى ەڭ ۇلكەن كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، جاڭا تيپتى ايدارشا ۆيرۋس وكپە قابىنۋ ىندەتى الدىندا ءوز ەل حالقىنىڭ باس اماندىعى مەن دەنساۋلىعىن قورعاپ قانا قويماي، ونىڭ ۇستىنە تاريحتاعى كولەمى ەڭ ۇلكەن دۇنيە جۇزىلىك كومەك بەرۋ قيمىلىن ورىستەتتى. اماليات جۇڭگونىڭ حالىقارالىق ىستەردىڭ بەلسەندى قولداۋشىسى، قاتىناسۋشىسى جانە ۇلەس قوسۋشىسى ەكەنىن دالەلدەدى. جۇڭگو جاق قىزىل كرەست حالىقارالىق كوميتەتىمەن ءتىپتى دە تىعىز سەلبەسىپ، ادامزاتتىڭ بەيبىتشىلىگى جانە العا باسۋ ىستەرىن ىلگەرىلەتۋ ءۇشىن ماڭىزدى ۇلەس قوسۋدى قالايدى.
سپاگلياليتس مىنالاردى ءبىلدىردى: جۇڭگونىڭ 49 ـ كەزەكتى نانديڭگەر سيلىعىنا يە بولعان ادام سانى ەڭ كوپ مەملەكەت بولعانىن قۇتتىقتايمىن، مۇنىڭ ءوزى قىزىل كرەست حالىقارالىق كوميتەتى مەن حالىقارالىق قوعامنىڭ جۇڭگونىڭ ادامگەرشىلىك ىستەرىنىڭ دامۋ جەتىستىكتەرىن بارىنشا مويىندايتىنىن بىلدىرەدى. جۇڭگو حالىقارالىق ادامگەرشىلىك زاڭىنا باستان - اياق قۇرمەت ەتىپ جانە اتقارىپ كەلەدى. ”ءبىر بەلدەۋ، ءبىر جولدى“ بىرگە قۇرۋ دۇنيە ءجۇزىنىڭ دامۋىن جەبەپ، دۇنيە ءجۇزىنىڭ ادامگەرشىلىك ىستەرىنە دەم بەرۋدە. قىزىل كرەست حالىقارالىق كوميتەتى جۇڭگونىڭ حالىقارالىق ادامگەرشىلىك ىستەرى ءۇشىن بەلسەندى رول اتقارعانىن جانە ماڭىزدى ۇلەس قوسقانىن بارىنشا القايدى، جۇڭگو جاقپەن سەلبەستىكتى ونان ارى تەرەڭدەتىپ، دۇنيە ءجۇزىنىڭ بەيبىت دامۋىنا، سونداي - اق حالىقارالىق ادامگەرشىلىك ىستەرىنە تىڭ ۇلەس قوسۋدى ءۇمىت ەتەدى.
ۋاڭ ي كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
