شي جينپيڭ شاڭحاي سەلبەستىك ۇيىمىنا مۇشە ەلدەر ءادىليا مينيسترلەرىنىڭ 10 - رەتكى ماجىلىسىنە قۇتتىقتاۋ حاتىن جولدادى
2023.09.06 18:00 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 5 - كۇنى، بەيجيڭ. 9 - ايدىڭ 5 - كۇنى مەملەكەت ءتوراعاسى شي جينپيڭ شاڭحاي سەلبەستىك ۇيىمىنا مۇشە ەلدەر ءادىليا مينيسترلەرىنىڭ 10 - رەتكى ماجىلىسىنە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: 2013 - جىلى شاڭحاي سەلبەستىك ۇيىمىنا مۇشە ەلدەردىڭ ءادىليا مينيسترلەرى ءماجىلىسى مەحانيزمى ىسكە قوسىلعاننان بەرى ءارقايسى مۇشە ەل ”شاڭحاي رۋحىن“ ۇستانىپ جانە ساۋلەلەندىرىپ، ءوزارا قولداۋ كورسەتىپ، شىن پەيىلمەن سەلبەسىپ، ءار ەلدىڭ زاڭمەن جونگە سالۋ قۇرىلىسىن ۇزدىكسىز جەبەپ، ۇكىمەتتەر اراسىنداعى ءادىليا سالاسىنداعى اۋىس - كۇيىستى، ءوزارا ۇلگى الۋدى كۇشەيتىپ، زاڭدىق قىزمەت وتەۋ سالاسىنداعى ناقتى سەلبەستىكتى ۇزدىكسىز ورىستەتىپ، بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيە مەن حالىقارالىق زاڭدى نەگىز ەتكەن حالىقارالىق ءتارتىپتى باتىل قورعاپ، ماڭىزدى رول اتقاردى.
شي جينپيڭ مىنالاردى دارىپتەدى: جۇڭگو زاڭمەن جونگە سالۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا تيىمدىلىك جاساۋ سىندى قامتاماسىزداندىرۋ رولىنا ايرىقشا ءمان بەرەدى، دۇنيە جۇزىلىك جونگە سالۋ جۇيەسى رەفورماسى مەن قۇرىلىسىنا بەلسەنە ات سالىسادى. جۇڭگو شاڭحاي سەلبەستىك ۇيىمىنا مۇشە باسقا ەلدەرمەن بىرگە جاڭا داۋىردەگى ءار ەلدىڭ زاڭ جانە ءادىليا اكىمشىلىك سالاسىنداعى اۋىس - كۇيىسىن، سەلبەستىگىن ۇزدىكسىز تەرەڭدەتىپ، زاڭمەن جونگە سالۋ ءتاسىلى ارقىلى ءار ەل ەكونوميكاسىنىڭ ساپالى دامۋىن جەبەپ، ءوڭىردىڭ بەيبىتشىلىگىن، ورنىقتىلىعىن قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە پەيىل.
شاڭحاي سەلبەستىك ۇيىمىنا مۇشە ەلدەردىڭ 10 - رەتكى ءادىليا مينيسترلەرى ءماجىلىسىن ءادىليا مينيسترلىگى باسقارىپ اشتى، 9 - ايدىڭ 5 - كۇنى شاڭحايدا اشىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved