لي چياڭ جاكارتاعا باردى
شىعىس ازيا سەلبەستىگى باسشىلارىنىڭ جەلىلەس ماجىلىسىنە قاتىناسادى ءارى يندونەزيادا رەسمي ساپاردا بولادى
2023.09.06 18:01 كەلۋ قاينارى : حالىق تورابى
شىعىس وڭتۇستىك ازيا ەلدەرى وداعىنىڭ كەزەكتى ءتوراعا ەلى يندونەزيانىڭ زۇڭتۇڭى جوكونىڭ ۇسىنىسى بويىنشا، مەملەكەتتىك كەڭەستىڭ زۇڭليى لي چياڭ 9 - ايدىڭ 5 - كۇنى تۇستەن بۇرىن كوتەرمەگە العان ۇشاقپەن بەيجيڭنەن اتتاندى، يندونەزيادا شىعىس ازيا سەلبەستىگى باسشىلارىنىڭ جەلىلەس ماجىلىسىنە قاتىناسادى ءارى يندونەزيادا رەسمي ساپاردا بولادى. سۋرەتتە: سول جەر ۋاقىتى 6 - ايدىڭ 5 - كۇنى تۇستەن كەيىن لي چياڭ كوتەرمەگە العان ۇشاقپەن جاكارتاداعى سۋگانو - حادا اۋەجايىنا جەتتى. سۋرەتتى شينحۋا اگەنتتىگىنىڭ ءتىلشىسى جاڭ ليڭ تۇسىرگەن
«حالىق گازەتى»، 9 - ايدىڭ 5 – كۇنى، جاكارتا (تىلشىلەر چىن شاڭۋىن، لي پەيسۇڭ). شىعىس وڭتۇستىك ازيا ەلدەرى وداعىنىڭ كەزەكتى ءتوراعا ەلى يندونەزيانىڭ زۇڭتۇڭى جوكو مەن ءۇندىستان رەسپۋبليكاسى ۇكىمەتىنىڭ ۇسىنىسى بويىنشا، مەملەكەتتىك كەڭەستىڭ زۇڭليى لي چياڭ 9 - ايدىڭ 5 - كۇنى تۇستەن بۇرىن كوتەرمەگە العان ۇشاقپەن بەيجيڭنەن اتتاندى، يندونەزيادا شىعىس ازيا ەلدەرى سەلبەستىگى باسشىلارىنىڭ جەلىلەس ماجىلىسىنە قاتىناسادى ءارى يندونەزيادا رەسمي ساپاردا بولادى، ءۇندىستانعا بارىپ 20 ەل توبى باسشىلارىنىڭ 18 - رەتكى ماجىلىسىنە قاتىناسادى. مەملەكەتتىك كەڭەستىڭ مۇشەسى، قوسىمشا مەملەكەتتىك كەڭەستىڭ باس حاتشىسى ۋ جىڭلۇڭ قاتارلىلار دا سول ۇشاقپەن بەيجيڭنەن اتتاندى.
سول جەر ۋاقىتى 6 - ايدىڭ 5 - كۇنى تۇستەن كەيىن لي چياڭ وتىرعان ۇشاق جاكارتاداعى سۋگانو - حادا اۋەجايىنا جەتتى. قۇرمەت قاراۋىلى قىزىل كىلەمنىڭ ەكى جاعىندا ساپ تۇزەپ قۇرمەت ءبىلدىردى، ءداستۇرلى كيىم كيگەن جەرگىلىكتى بۇقارا يندونەزيانىڭ ۇلتتىق ءبيىن بيلەپ، جۇڭگولىق سيلى قوناقتاردى قۋانا قارسى الدى. يندونەزيانىڭ جۇڭگومەن سەلبەستىك جاساۋداعى جەتەكشىسى، ءبىر تۇتاس جوسپارلاۋ مينيسترى لۋحۋت جانە جۇڭگونىڭ يندونەزيادا تۇراتىن باس ەلشىسى لۋ كاڭ، شىعىس وڭتۇستىك ازيا وداعىنداعى باس ەلشىسى حوۋ يانچي قاتارلىلار اۋەجايعا بارىپ قارسى الدى.
لي چياڭ مىنالاردى ءبىلدىردى: وسى رەت شىعىس ازيا سەلبەستىگى باسشىلارىنىڭ جەلىلەس ماجىلىسىنە قاتىناسۋ ءارى يندونەزيادا رەسمي ساپاردا بولۋ − مەنىڭ جۇڭگو مەملەكەتتىك كەڭەسىنىڭ زۇڭليى بولعاننان كەيىن ازيا ەلدەرىنە تۇڭعىش ساپارلاي شىعۋىم. جۇڭگو شىعىس وڭتۇستىك ازيا ەلدەرى وداعىنىڭ وڭىرلىك سەلبەستىكتەگى وزەكتى ورنىن باتىل قولدايدى، شىعىس وڭتۇستىك ازيا ەلدەرى وداعىنىڭ حالىقارالىق ىستەردە اناعۇرلىم زور رول اتقارۋىن باتىل قولدايدى، وڭىرلىك سەلبەستىكتىڭ كەلەلى كەڭەستىك تاقىرىپتارى جونىندە ءارقايسى جاقپەن ىشكەرىلەي پىكىر اۋىستىرىپ، ىنتىماقتى، سەلبەستىكتى كۇشەيتىپ، دامۋ ورايىنان بىرگە يگىلىكتەنىپ، سىن - سايىسقا تىزە قوسا توتەپ بەرىپ، شىعىس ازيانىڭ دۇنيە ءجۇزى دامۋىنىڭ ماڭىزدى قوزعالتقىشىنا اينالۋىن ىلگەرىلەتۋدى قالايدى.
لي چياڭ مىنالاردى اتاپ كورسەتتى: تاياۋ جىلداردان بەرى ءتوراعا شي جينپيڭ مەن زۇڭتۇڭ جوكونىڭ ستراتەگيالىق جەتەكشىلىگىندە، جۇڭگو مەن يندونەزيانىڭ قارىم - قاتىناسى جەدەل دامىپ، وركەندەپ كەلە جاتقان ەلدەردىڭ بىرلەسىپ ءوزىن الۋەتتەندىرۋىنىڭ، ىنتىماقتاسا سەلبەسۋىنىڭ، قول ۇستاسا دامۋىنىڭ ۇلگىسىن ورناتتى. جۇڭگو جاق يندونەزيامەن بىرگە ەكى ەل مەملەكەت باسشىلارىنىڭ ماڭىزدى ورتاق تانىمىن تياناقتاندىرىپ، جۇڭگو مەن يندونەزيانىڭ اناعۇرلىم تىعىز تاعدىرلاس ورتاق تۇلعاسىن قۇرىپ، جوعارى دەڭگەيلى، جان - جاقتى ستراتەگيالىق سەلبەستىك ارقىلى وسىزامانداندىرۋ قۇرىلىسىنىڭ توعىسۋىن، ءبىرىن - ءبىرى جەبەۋىن ىلگەرىلەتىپ، حالىقارالىق، وڭىرلىك سەلبەستىككە اناعۇرلىم كوپ ورنىقتىلىق جانە جاڭا قوزعاۋشى كۇش قوسۋدى قالايدى.
شىعىس ازيا سەلبەستىگى باسشىلارىنىڭ جەلىلەس ماجىلىستەرىنە قاتىناسۋ كەزىندە لي چياڭ 26 - رەتكى جۇڭگو - شىعىس وڭتۇستىك ازيا ەلدەرى وداعى (1+10) باسشىلارىنىڭ ماجىلىسىنە، 26 - رەتكى شىعىس وڭتۇستىك ازيا ەلدەرى وداعى مەن جۇڭگو - جاپونيا - كورەيا (3+10) باسشىلارىنىڭ ماجىلىسىنە جانە 18 - كەزەكتى شىعىس ازيا ەلدەرى باسشىلارىنىڭ ماجىلىسىنە قاتىناسادى.
يندونەزياداعى ساپارى كەزىندە لي چياڭ جوكو زۇڭتۇڭمەن كەڭەس وتكىزىپ، يندونەزيانىڭ 2023 – جىلعى باياندى تالقى مىنبەرى سياقتى قيمىلدارعا قاتىناسادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
