سيفرلى ءداۋىردىڭ تامىرىن يگەرىپ، باقىتتى كوركەم بولاشاقتى بىرگە اشايىق
− ءتوراعا شي جينپيڭنىڭ 2023 - جىلعى جۇڭگو حالىقارالىق زەردەلى كاسىپ سالاسى كورمەسىنە جولداعان قۇتتىقتاۋ حاتى سيفرلى ەكونوميكانىڭ دامۋىنا ايقىن بەتالىس كورسەتتى
2023.09.06 18:03 كەلۋ قاينارى : حالىق تورابى
9 - ايدىڭ 4 - كۇنى ءتوراعا شي جينپيڭ 2023 - جىلعى جۇڭگو حالىقارالىق زەردەلى كاسىپ سالاسى كورمەسىنە قۇتتىقتاۋ حاتىن جولداپ، ءماجىلىس زالىنىڭ ءىشى - سىرتىندا قىزۋ اڭىس قوزعادى. كوپشىلىك مىنانى ءبىلدىردى: ءتوراعا شي جينپيڭنىڭ قۇتتىقتاۋ حاتى قازىرگى زەردەلى كاسىپ سالاسى مەن سيفرلى ەكونوميكانى دامىتۋدىڭ ماڭىزدى ءمانىن پايىمداپ، كاسىپ سالاسىنىڭ دامۋىنا جول كورسەتىپ، جۇڭگونىڭ ءار ەلمەن سيفرلى سالاداعى اۋىس - كۇيىستى، سەلبەستىكتى تەرەڭدەتۋىن جەبەپ، ينتەرنەت كەڭىستىگىنىڭ تاعدىرلاس ورتاق تۇلعاسىن جەدەل قۇرىپ، باقىتتى، كوركەم بولاشاقتى بىرگە جاراتۋعا دەم بەرەدى.
تاياۋ جىلداردان بەرى جۇڭگونىڭ زەردەلى كاسىبى، سيفرلى ەكونوميكاسى قارىشتاپ دامىدى. وسى كەزەكتى كورمەدە 5G، زات ينتەرنەتى، ءىرى ساندى مالىمەت، زەردەلى ينتەرنەت ارقىلى تۇتاسقان جاڭا ەنەرگيالى اۆتوكولىك سياقتىلار كورمەگە قاتىناسۋشىلاردىڭ نازارىن ايرىقشا اۋدارعان جاڭالىق اشۋ جەتىستىكتەرى سانالىپ، جۇڭگونىڭ زەردەلى كاسىپ سالاسىنىڭ تاسقىنداعان دامۋ قوزعاۋشى كۇشىن ايگىلەدى.
وسى رەت 2D/3D لەنياسى لازەر نۇرلى نوبايلى فوتو اپپاراتى سياقتى زەردەلى جابدىقتاردى كورمەگە قاتىناستىرعان چۇڭچيڭ جۇڭكى ياۋلۋچۋان ينفورماتسيا عىلىم - تەحنيكا شەكتى سەرىكتەستىگىنىڭ قۇرۋشىسى جىڭ داۋچين مىنالاردى ءبىلدىردى: ءتوراعا شي جينپيڭ قۇتتىقتاۋ حاتىندا ينتەرنەت، ءىرىس ساندى مالىمەت، بۇلتتىق ەسەپتەۋ، جاساندى زەردە، بلوكچەين سياقتى جاڭا تەحنيكالاردا تەرەڭ وزگەرىستەر بولعانىن تىلگە الدى، ول مۇنى تەرەڭ سەزىنگەن، تەحنيكادا جاڭالىق اشۋ ابزالدىعىنا سۇيەنىپ، قاتتى عىلىم - تەحنيكا ارقىلى جاساۋ كاسىبىنىڭ تيبىن وزگەرتىپ، دارەجەسىن جوعارىلاتىپ، وزىق تەحنيكالاردى ۇزدىكسىز توعىستىرعاندا عانا، بولاشاقتاعى دامۋعا كۇش قوسۋعا بولادى.
”ءتوراعا شي جينپيڭنىڭ قۇتتىقتاۋ حاتى قازىرگى ينتەرنەت، ءىرى ساندى مالىمەت، جاساندى زەردە سياقتى سالالاردىڭ وبيەكتيۆ دامۋ جاعدايىن اشىپ كورسەتتى، بۇل ءبىزدىڭ ۇلكەن بەتالىستى يگەرىپ، العاشقى قادامدى جاقسى باسۋىمىزعا اناعۇرلىم قۋات بەردى“. جۇڭگو جاساندى زەردە عىلمي قوعامى باس حاتشىسىنىڭ ورىنباسارى يۇي يوۋچىڭ مىنانى ءبىلدىردى: تاياۋ جىلداردان بەرى ءبىرقىدىرۋ جاڭا ساياساتتىڭ كۇش سالا جەبەۋىندە جۇڭگونىڭ جاساندى زەردە تەحنيكاسى جەدەل دامىپ، ساندى مالىمەت جانە ەسەپتەۋ قۋاتى بايلىعى كۇن سايىن مولايىپ، قولدانىلۋ جاعدايى ۇزدىكسىز كەڭەيدى.
جۇڭگو ينفورماتسيا - حابارلاسۋ زەرتتەۋ مەكەمەسى ساياسات جانە ەكونوميكا زەرتتەۋ ورنىنىڭ باستىعى شين يۇڭفي بىلاي دەپ قارادى: قازىرگى دۇنيە ءجۇزى ەكونوميكاسىنىڭ قالپىنا كەلۋىنە بەت الۋى سيفرلى تەحنيكاعا سۇيەنەدى، جالپى فاكتورلىق ءوندىرىس ونىمدىلىگىن جوعارىلاتۋدى ىلگەرىلەتۋ ءداستۇرلى شارۋاشىلىقتىڭ تيبىن وزگەرتىپ، ەكونوميكا ارتۋىنىڭ جاڭا قوزعاۋشى كۇشىن قالىپتاستىرۋدا كەلەلى ماڭىز الادى. ”ءتوراعا شي جينپيڭ سيفرلى تەحنيكا مەن ناقتى ەكونوميكانىڭ تەرەڭدەي توعىسۋىن ۇزدىكسىز جەبەۋدى، قازىرگى كەزەڭدە كاسىپ سالاسىنىڭ ءار سالاسىنىڭ سەنىمىن سەرپىلتۋدى ءارى كاسىپ سالاسىنىڭ دامۋىنا ايقىن بەتالىس كورسەتۋدى دارىپتەدى“.
جۇڭگو ەلەكتروندىق ينفورماتسيا كاسىبىن دامىتۋ زەرتتەۋ ورنىنىڭ باس ينجەنەرى چين حايلين مىنانى ءبىلدىردى: ءتوراعا شي جينپيڭ سيفرلى كاسىپ سالالاندىرۋ مەن كاسىپ سالاسىن سايكەستى ىلگەرىلەتۋدى دارىپتەپ، بىزدەن الدىڭعى لەكتىك تەحنيكانىڭ وزگەرۋ زاڭدىلىعىنا تۇجىرىم جاساپ، الدىن الا ورنالاستىرۋدى جەدەلدەتۋمەن بىرگە، دەربەس جاڭالىق اشۋ قابىلەتىن كۇش سالا جوعارىلاتىپ، كاسىپ سالاسىن، زەردەلىلەندىرۋدى، جاسىلداندىرۋدى ىلگەرىلەتۋدى تالاپ ەتتى.
جۇڭيە سايدي توبى شەكتى سەرىكتەستىگىنىڭ باس جوراسى شياۋ شۋەۋىن بىلاي دەپ قارادى: جاساۋ كاسىبى − ناقتى ەكونوميكانىڭ نەگىزگى تۇلعاسى، ناقتى ەكونوميكانىڭ ساپالى دامۋىنىڭ ءتۇيىنى جاساۋ كاسىبىندە، قيىن ءتۇيىنى دە جاساۋ كاسىبىندە. ”ءتوراعا شي جينپيڭ قۇتتىقتاۋ حاتىندا سيفرلى تەحنيكا مەن ناقتى ەكونوميكانىڭ تەرەڭدەي توعىسۋىن ۇزدىكسىز جەبەۋ كەرەكتىگىن اناعۇرلىم ايقىندادى، بۇل ءداستۇرلى جاساۋ كاسىبىنىڭ جاڭا دامۋ ساتىسىندا تيبىن وزگەرتىپ، دارەجەسىن جوعارىلاتۋىنا ايقىن بەتالىس كورسەتتى ءارى سيفرلى ەكونوميكانىڭ دامۋىنا ايقىن بەتالىس كورسەتتى“.
”ءتوراعا شي جينپيڭنىڭ قۇتتىقتاۋ حاتى ءبىزدىڭ زەردەلى ينتەرنەت جەلىسى ارقىلى تۇتاسقان اۆتوكولىكتەردىڭ جانە قاتىستى كاسىپ سالالارىنىڭ ساپالى دامۋىن ىلگەرىلەتۋ سەنىمىمىزدى بەكەمدەي ءتۇستى“. بەيدوۋ شيڭتۇڭ جىليان عىلىم - تەحنيكا شەكتى جاۋاپكەرلىك سەرىكتەستىگىنىڭ باس جوراسى شۇي لينحاۋ بىلاي دەدى: ءبىز زەرتتەۋ - اشۋ تەبىنىن ارتتىرىپ، ءوندىرىس قۋاتىن كەڭەيتۋ ارقىلى اناعۇرلىم كوپ ونىمدەردىڭ ”شالقار تەڭىزدەن ءوتۋىن“ ىلگەرىلەتىپ، حالىقارالىق سەلبەستىكتى كۇشەيتىپ، چۇڭچيڭنىڭ دۇنيە جۇزىلىك دەڭگەيدەگى زەردەلى ينتەرنەت بىرلەستىگىنىڭ جاڭا ەنەرگيالى اۆتوموبيل كاسىبى شوعىرىن قۇرۋىنا ۇلەس قوسامىز.
ءتوراعا شي جينپيڭ قۇتتىقتاۋ حاتىندا ”ينتەرنەت كەڭىستىگىنىڭ تاعدىرلاس ورتاق تۇلعاسىن جەدەل قۇرىپ، اناعۇرلىم باقىتتى، كوركەم بولاشاقتى قول ۇستاسا جاراتۋدى“دارىپتەدى، ماجىلىسكە قاتىناسۋعا كەلگەن ءار ەل قايراتكەرلەرى مۇنى جاپپاي قۇپتادى. ارگەنتينا عىلىم - تەحنيكادا جاڭالىق اشۋ مينيسترلىگىنىڭ مينيسترى دانيار فيرمۋس مىنانى ءبىلدىردى: لاتىن امەريكاسى مەن كارايب وڭىرىندەگى ەلدەر جۇڭگومەن سەلبەستىك ورايىنان تولىق پايدالانىپ، وزىندىك دامۋدى جەبەۋدى ءۇمىت ەتەدى. قازىر ارگەنتينا مەملەكەتتىڭ عىلىم - تەحنيكالىق دامۋىن جەبەيتىن ءبىرقىدىرۋ ستراتەگيانى بەلگىلەۋدە، جۇڭگو سياقتى ەلدەرمەن عىلىم - تەحنيكا سەلبەستىگىن ورىستەتۋ ارقىلى عىلىم - تەحنيكانى دامىتۋدى ءوز ەلىمىزدىڭ اۋىل شارۋاشىلىعى، ەمدەۋ، وقۋ - اعارتۋ، ءوندىرىس - جاساۋ سياقتى سالالارىنا قولدانۋدى ءۇمىت ەتەمىز.
(شينحۋا اگەنتتىگى، 9 - ايدىڭ 5 - كۇنى، بەيجيڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
