ساي چي شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنىڭ 1 - توپتاعى قورىتىندىلاۋ جانە 2 – توپتاعى تاربيەگە ورنالاستىرۋ جاساۋ ماجىلىسىندە بىلاي دەپ دارىپتەدى
1 - توپتاعى نەگىزگى تاقىرىپتىق تاربيەنىڭ ءونىمدى ادىستەرى مەن تابىستى تاجىريبەلەرىن ويداعىداي قورىتىندىلاپ، 2 - توپتاعى نەگىزگى تاقىرىپتىق تاربيەنى عىلمي جوسپارلاپ، دەن قويا ويداعىداي ۇيىمداستىرۋ كەرەك
2023.09.06 18:04 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 5 - كۇنى، بەيجيڭ. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنىڭ 1 - توپتاعى تاربيەسىن قورىتىندىلاۋ جانە 2 - توپتاعى تاربيەگە ورنالاستىرۋ جاساۋ ءماجىلىسى 9 - ايدىڭ 5 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋگە باسشىلىق ەتۋ گرۋپپاسىنىڭ باستىعى ساي چي ماجىلىسكە قاتىناستى ءارى ءسوز سويلەدى. ول مىنالاردى دارىپتەدى: پارتيا ورتالىق كوميتەتىنىڭ پارمەندى باسشىلىعىندا، 1 - توپتاعى نەگىزگى تاقىرىپتىق تاربيە ۇيرەنۋ ارقىلى رۋحتى سومداۋ، ۇيرەنۋ ارقىلى اقىل - پاراساتتى ارتتىرۋ، ۇيرەنۋ ارقىلى ستيلدى دۇرىستاۋ، ۇيرەنۋ ارقىلى ىستەۋدى جەبەۋ جاعىندا كورنەكتى ونىمدىلىككە قول جەتكىزدى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، ءتۇسىنىپ، دايەكتىلەندىرىپ، تياناقتاندىرىپ، 2 - توپتاعى نەگىزگى تاقىرىپتىق تاربيەنىڭ جەتەكشى پىكىرىن دايەكتىلەندىرىپ، تياناقتاندىرىپ، 2 - توپتاعى نەگىزگى تاقىرىپتىق تاربيەنى وسكەلەڭ جاۋاپتى بولۋ رۋحىمەن عىلمي جوسپارلاپ، دەن قويا ويداعىداي ۇيىمداستىرۋ كەرەك.
ساي چي مىنالاردى اتاپ كورسەتتى: جەر - جەر، تاراۋلار، ورىندار 1 - توپتاعى نەگىزگى تاقىرىپتىق تاربيەدە ”يدەيانى ۇيرەنۋ، پارتيالىلىقتى كۇشەيتۋ، امالياتقا باسا ءمان بەرۋ، جاڭا ۇلەس قوسۋ“ جالپى تالابىن مىقتاپ يگەرىپ، نەگىزگى تاقىرىپتى، نەگىزگى ارقاۋدى كورنەكتىلەندىرىپ، ءتۇيىندى شارالاردى ءبىر تۇلعادا ىلگەرىلەتتى، پارتيالى كادرلاردىڭ ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداۋ سانالىلىعىندا تىڭ جوعارىلاۋ بولدى، شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى، رۋحتى سومداۋدا جاڭا ونىمدىلىككە قول جەتكىزىلىپ، ساپالى دامۋدى ىلگەرىلەتۋدە تىڭ ىلگەرىلەۋشىلىككە قول جەتكىزىلىپ، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى تىڭنان كۇشەيىپ، ساياسي ەكولوگيادا جاڭا بەينە جارىققا شىقتى.
ساي چي مىنالاردى دارىپتەدى: 1 - توپتاعى نەگىزگى تاقىرىپتىق تاربيەنىڭ ءونىمدى ادىستەرى مەن تابىستى تاجىريبەلەرى 2 - توپتاعى نەگىزگى تاقىرىپتىق تاربيەنى ورىستەتۋدە ماڭىزدى جەتەكشىلىك رولعا يە، جەر - جەر، تاراۋلار، ورىندار ءىس جۇزىندىك جاعدايمەن ۇشتاستىرا وتىرىپ ويداعىداي تاباندى بولۋى، ويداعىداي پايدالانۋى كەرەك. پارتيا ورتالىق كوميتەتىنىڭ ورنالاستىرۋلارىن جاپپاي دايەكتىلەندىرىپ، تياناقتاندىرىپ، 2 - توپتاعى نەگىزگى تاقىرىپتىق تاربيەنى دەن قويا ۇيىمداستىرىپ ورىستەتۋ كەرەك. نىسانا - تالاپتاردى ءدال يگەرۋگە، تۇرگە ءبولىپ جەتەكشىلىك ەتۋدى كۇشەيتۋگە، ءىس جۇزىندىك ماسەلەلەردى شەشۋگە، ۇشتاستىرۋدى، ىقپالداستىقتى ويداعىداي يگەرۋگە، فورماشىلدىقتان، تورەشىلدىكتەن ساقتانۋعا باسا ءمان بەرۋ كەرەك. ءار دارەجەلى پارتكومدار (پارتيا باسشىلىق گرۋپپالارى) 2 - توپتاعى نەگىزگى تاقىرىپتىق تاربيەنى ورىستەتۋدى ماڭىزدى ساياسي مىندەت رەتىندە مىقتاپ يگەرىپ، جاۋاپكەرلىكتى ساتى - ساتى بويىنشا قاتايتىپ، قۋزاۋ - جەتەكشىلىك ەتۋدى كۇشەيتىپ، ءبىر تۇتاس جوسپارلاپ تەڭ ءمان بەرۋدە تاباندى بولىپ، جاقسى باستاپ، جاقسى اياقتاتىپ، جاقسى ىستەپ، جاقسى ناتيجەگە جەتىپ، ناقتى ونىمدىلىككە قول جەتكىزۋگە شىنايى كەپىلدىك ەتۋى كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق نەگىزگى تاقىرىپتىق تاربيەگە باسشىلىق ەتۋ گرۋپپاسى باستىعىنىڭ ۇنەمىلىك ىستەرگە جاۋاپتى ورىنباسارى لي گانجيە ءماجىلىستى باسقاردى. ج ك پ ورتالىق كوميتەتى شۋجيچۋىنىڭ شۋجيى، ورتالىق نەگىزگى تاقىرىپتىق تاربيەگە باسشىلىق ەتۋ گرۋپپاسى باستىعىنىڭ ورىنباسارى ليۋ جينگو، مەملەكەتتىك ساياسي كەڭەس ءتوراعاسىنىڭ ورىنباسارى، ورتالىق نەگىزگى تاقىرىپتىق تاربيەگە باسشىلىق ەتۋ گرۋپپاسى باستىعىنىڭ ورىنباسارى جياڭ شينجى ماجىلىسكە قاتىناستى.
ورتالىقتىڭ نەگىزگى تاقىرىپتىق تاربيەگە باسشىلىق ەتۋ گرۋپپاسىنىڭ مۇشەلەرى جانە كەڭسەسىندەگى جاۋاپتى جولداستار؛ ولكەلىك، اۆتونوميالى رايون، قالالاردىڭ جانە شينجياڭ ءوندىرىس - قۇرىلىس بيڭتۋانىنىڭ پارتكوم ۇيىمداستىرۋ بولىمىندەگى نەگىزگى جاۋاپتى جولداستار، سونداي - اق پارتكومنىڭ نەگىزگى تاقىرىپتىق تاربيەگە باسشىلىق ەتۋ گرۋپپاسى كەڭسەسىندەگى جاۋاپتى جولداستار، تەتە ولكە دارەجەلى قالالاردىڭ پارتكوم ۇيىمداستىرۋ بولىمىندەگى نەگىزگى جاۋاپتى جولداستار؛ ورتالىق پەن مەملەكەت ورگاندارىنىڭ تاراۋلارىنداعى، حالىقتىق ۇيىمدارداعى، ورتالىق باسقاراتىن فينانس قۇرىلىمدارىنداعى، ءىشىنارا كاسىپورىندارداعى، جوعارى مەكتەپتەردەگى، ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى جاۋاپتى جولداستار؛ 1 - توپتاعى نەگىزگى تاقىرىپتىق تاربيە بويىنشا ورتالىق جەتەكشىلىك ەتۋ گرۋپپاسىنىڭ ءارقايسى گرۋپپاسىنىڭ باستىقتارى، گرۋپپا باستىعىنىڭ ورىنباسارلارى، 2 - توپتاعى نەگىزگى تاقىرىپتىق تاربيە بويىنشا ورتالىقتىڭ ارالاپ جەتەكشىلىك ەتۋ گرۋپپاسىنىڭ باستىقتارى، باستىعىنىڭ ورىنباسارلارى قاتارلىلار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
