مەملەكەتتى قۇدىرەتتەندىرۋ قۇرىلىسىنا، ۇلتتىڭ گۇلدەنۋىنە بەلسەنە ۇلەس قوسامىز
− باس شۋجي شي جينپيڭنىڭ حونجيراپ كەدەنىندەگى بارشا كەدەن قىزمەتكەرلەرىنە جولداعان جاۋاپ حاتى كەدەن جۇيەسىندە كۇشتى اڭىس قوزعادى
«حالىق گازەتىنىڭ» ءتىلشىسى دۋ حايتاۋ
2023.09.13 15:04 كەلۋ قاينارى : حالىق تورابى
بيىل − كەدەن شەن ءتۇزىمى اتقارىلعانىنىڭ 20 جىلدىعى، باس شۋجي شي جينپيڭ 9 - ايدىڭ 11 - كۇنى حونجيراپ كەدەنىندەگى بارشا كەدەن قىزمەتكەرلەرىنە جاۋاپ حات جازىپ، كەدەن جۇيەسىندەگى كادرلاردىڭ، جۇمىسشى - قىزمەتكەرلەردىڭ قىزمەت جاۋاپكەرلىگىن، بورىشىن اناعۇرلىم ويداعىداي وتەۋىنە شىنايى ءۇمىت ارتىپ، كەدەن جۇيەسىندەگى بارشا جولداستارعا شىن ىقىلاسپەن سالەم جولدادى.
باس شۋجي شي جينپيڭنىڭ جاۋاپ حاتى كەدەن جۇيەسىندە كۇشتى اڭىس قوزعادى. كوپشىلىك جابال مىنانى ءبىلدىردى: باس شۋجي شي جينپيڭنىڭ شىنايى ءۇمىتىن اقتاپ، ”مەملەكەتتىڭ زور ءىسىن“ كوكەيدە ساقتاپ، ىسىلۋ ستيلىن قالىپتاستىرىپ، پارتيانى الاڭسىز ەتەتىن، حالىق رازى بولاتىن مەملەكەت قاقپاسىنىڭ قورعاۋشىلارى بولىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە بەلسەنە كۇش قوسامىز.
مەملەكەت قاقپاسىن قورعاپ، دامۋدى جەبەپ، كەدەن قىزمەتىن ويداعىداي ىستەۋدىڭ ماڭىزى زور
باس شۋجي شي جينپيڭ جاۋاپ حاتىندا بىلاي دەپ دارىپتەدى: ”سىزدەر ۇستىرتتەگى سۋىق، وتتەگى تاپشى بولۋ سياقتى قيىنشىلىقتاردى جەڭىپ، قارلى القاپتاعى مەملەكەت قاقپاسىنىڭ ءبىرىنشى شەبىنە تامىر تارتىپ، قىزمەت ورنىنا ادال بولىپ، ءۇن - ءتۇنسىز ۇلەس قوسىپ، ەرەكشە ناتيجە جاراتىپ، جاڭا داۋىردەگى كەدەن قىزمەتكەرلەرىنىڭ قايراتتانا العا ۇمتىلۋ رۋحاني بەت - بەينەسىن ايگىلەدىڭىزدەر“.
”باس شۋجي شي جينپيڭنىڭ جاۋاپ حاتى تەرەڭ سۇيىسپەنشىلىككە تولى، بۇل − قارلى وڭىردەگى قىزمەت ورنىندا تاپجىلماي ىستەپ جاتقان حونجيراپ كەدەنىنىڭ قىزمەتكەرلەرىنە دەگەن شىنايى قامقورلىق، نەشە ۇرپاق حونجيراپ كەدەن قىزمەتكەرلەرىنىڭ قىزمەتىنە ادال بولىپ، ءۇن - ءتۇنسىز ۇلەس قوسۋىن تولىق تۇراقتاندىرعاندىق جانە ەڭ ۇلكەن القاۋ“. حونجيراپ كەدەنىنىڭ باستىعى جاڭ شياۋبو بىلاي دەدى: ”باس شۋجي شەكارا وتكەلىن كوكەيىندە ساقتاپ وتىر، ءبىز باستان - اياق پارتياعا مۇلدەم ادال بولۋدى شەكارا كەدەن قىزمەتكەرلەرىنىڭ ەڭ شىنايى سۇيىسپەنشىلىگى، ەڭ كىرشىكسىز قاسيەتى جانە ەڭ قاراپايىم قۇن تالپىنىسى ەتىپ، باس شۋجيدىڭ قامقورلىعى مەن ءۇمىتىن قۋاتتى قوزعاۋشى كۇشكە اينالدىرىپ، پارتيانى الاڭسىز ەتەتىن، حالىق رازى بولاتىن مەملەكەت قاقپاسىنىڭ قورعاۋشىلارى بولامىز“.
باس شۋجي شي جينپيڭ بىلاي دەپ دارىپتەدى: ”كەدەن مەملەكەت قاقپاسىن قورعاۋ، دامۋدى جەبەۋ مىندەتى مەن بورىشىن ارقالاپ وتىر، كەدەن قىزمەتىن ويداعىداي ىستەۋدىڭ ماڭىزى زور“.
نانجيڭ كەدەنىنىڭ باستىعى شين جيانمين مىنانى ءبىلدىردى: ”ءبىز كۇرەسكەرلىك ەرىك - جىگەردى، ءىس تىندىرۋ كۇش - قۋاتىن ۇيىستىرىپ، باقىلاۋ - باسقارۋ، قىزمەت وتەۋ ونىمدىلىگىن اناعۇرلىم جوعارىلاتىپ، مەملەكەت قاقپاسىنىڭ حاۋىپسىزدىك قالتقىسىن باتىل بەكەمدەپ، ساپالى دامۋعا دەم بەرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە كەدەننىڭ كۇش - قۋاتىن قوسامىز“.
موحان وتكەلى وتانىمىزدىڭ باتىس وڭتۇستىك شەكاراسىنداعى يۇننان ولكەسى شيشۋاڭباننا دايزۋ اۆتونوميالى وبلىسىنىڭ مىڭلا اۋدانىنا ورنالاسقان، جۇڭگو - لاوس تەمىر جولى وسى ارادان لاوستىڭ ۆەنتيان قالاسىنا توتە بارادى. ”شەكارا وتكەلىنىڭ ءبىرىنشى شەبىندەگى كەدەن قىزمەتكەرى رەتىندە، ءبىز مۇلدەم ادال بولۋ جانە كاسىپتىك زاڭ اتقارۋ ارقىلى باتىس وڭتۇستىك مەملەكەت قاقپاسىنىڭ حاۋىپسىزدىگىن قۇلشىنا قورعاۋمەن بىرگە، جوعارى دەڭگەيدە سىرتقا ەسىك اشۋعا بار كۇشپەن قىزمەت وتەپ، شەكارا وتكەلىنىڭ يقۋاتىن پارمەندى كەڭەيتىپ، كەدەننەن وتكىزۋ ونىمدىلىگىن جوعارىلاتىپ، زات اينالىمىنىڭ تاسىمال قۋاتىن ىسكە قوسىپ، ’ءبىر بەلدەۋ، ءبىر جولدى‘ بىرگە قۇرۋدىڭ ساپالى دامۋىن ىلگەرىلەتۋگە اناعۇرلىم زور ۇلەس قوسامىز“ دەدى مىڭلا كەدەنىنىڭ قىزمەتكەرى لۇي فىڭ.
”باس شۋجي شي جينپيڭنىڭ كەدەن جۇيەسىندەگى كادرلاردىڭ، جۇمىسشى - قىزمەتكەرلەردىڭ قىزمەت جاۋاپكەرلىگىن، بورىشىن اناعۇرلىم ويداعىداي وتەۋى جونىندە قويعان شىنايى ءۇمىتى مەنى ايرىقشا شابىتتاندىردى، ايرىقشا جەلپىندىردى“. چىڭدۋ كەدەنىنە قاراستى چىڭدۋ شۋاڭليۋ اۋەجايى كەدەن مەكەمەسى جولاۋشىلاردى تەكسەرۋ 2 - ءبولىمى باستىعىنىڭ ورىنباسارى جاڭ چي مىنانى ءبىلدىردى: ”ءبىز باسقارۋ ۇستانىمىنا، ۇلگىسىنە جانە تاسىلىنە رەفورما جاساۋدى، جاڭالىق اشۋدى تەرەڭدەتىپ، عىلىم - تەحنيكالىق قۋاتتى كۇشەيتىپ، اۆياتسيا شەكارا وتكەلدەرىنىڭ دالمە - ءدال، جوعارى ءونىمدى باقىلاۋ - باسقارۋىن جەبەپ، مەملەكەت قاقپاسىنىڭ حاۋىپسىزدىگى ارقىلى ەسىك اشۋ حاۋىپسىزدىگىن قامتاماسىز ەتىپ، زەردەلى كەدەن قۇرىلىسى ارقىلى سىرتقا ەسىك اشۋدىڭ جاڭا قوزعاۋشى قۋاتىن قاۋلاتامىز“.
مەملەكەت قاقپاسىنىڭ حاۋىپسىزدىك قالتقىسىن بەكەمدەپ، ساپالى دامۋعا، جوعارى دەڭگەيدە ەسىك اشۋعا دەم بەرۋ كەرەك
باس شۋجي شي جينپيڭ جاۋاپ حاتىندا بىلاي دەدى: ” جولداستاردىڭ ’مەملەكەتتىڭ زور ءىسىن‘ كوكەيدە ساقتاپ، كەدەن قوسىنىنىڭ تاڭداۋلى ستيلىن ساۋلەلەندىرىپ، باقىلاۋ - باسقارۋ ونىمدىلىگى مەن قىزمەت وتەۋ ورەسىن جوعارىلاتىپ، مەملەكەت قاقپاسىنىڭ حاۋىپسىزدىك قالتقىسىن بەكەمدەپ، ساپالى دامۋعا، جوعارى ورەدە ەسىك اشۋعا دەم بەرۋىن ءۇمىت ەتەمىن“.
”باس شۋجي شي جينپيڭنىڭ جاۋاپ حاتى ادام جانىن جەلپىندىرەدى“. شىنجىن كەدەنىنە قاراستى حۋاڭگاڭ كەدەنى زات اينالىمىن باقىلاۋ - مەڭگەرۋ 1 – باسقارماسى جۇمىس الاڭىن باقىلاۋ - باسقارۋ 1 - ءبولىمىنىڭ باستىعى ساۋ يۇي بىلاي دەدى: ”مەنىڭ قىزمەت ورنىم گۋاڭدۇڭ - شياڭگاڭ – اۋمىن ۇلكەن شىعاناعى رايونىنىڭ كەدەننەن ءوتۋدى باقىلاۋ - باسقارۋ ءبىرىنشى شەبىندە، مەن كەدەن فۋنكتسياسىن تياناق ەتىپ، زات اينالىمى ءتارتىبىن ۇزدىكسىز ساپالىلاندىرىپ، باقىلاۋ - باسقارۋ قىزمەت وتەۋىن ويداعىداي ىستەپ، زەردەلى كەدەن قۇرىلىسىن بار كۇشپەن ىلگەرىلەتەمىن“.
بەيجيڭ كەدەنىنە قاراستى داشيڭ حالىقارالىق اۋەجايى كەدەن مەكەمەسى جولاۋشىلاردى تەكسەرۋ 1 - ءبولىمىنىڭ باستىعى ليۋ باڭباڭ مىنانى ءبىلدىردى: باس شۋجي شي جينپيڭنىڭ حونجيراپ كەدەنىندەگى بارشا كەدەن قىزمەتكەرلەرىنە جازعان جاۋاپ حاتىن تىڭداپ، كەدەن قىزمەتكەرلەرىنىڭ داڭقى مەن ماقتانىشى كوكەيىمە ۇيالادى، ”مەن ءوز قىزمەت ورنىمدى تياناق ەتىپ، استانانىڭ مەملەكەت قاقپاسىنان تاپجىلماي، قىزمەت وتەۋ ساپاسىن جوعارىلاتامىن“.
شاڭحاي ۋايگاۋچياۋ پورت رايونى كەدەنىنىڭ جالپىلىق كاسىپ 1 - ءبولىمىنىڭ قىزمەتكەرى لياڭ يۇيشىڭ بىلاي دەدى: ”نەگىزگى ساتى كەدەنىنىڭ جاس قىزمەتكەرى رەتىندە مەن باس شۋجيدىڭ تاپسىرماسىن قاي - قاشان دا ەستە بەرىك ساقتاپ، اۋەلگى ماقساتتى ادالدىقپەن ءتۇسىندىرىپ، كۇرەس ارقىلى بورىشتى امالياتتا ايگىلەپ، پۋدۇڭ جەتەكشى رايونى، لينگاڭ جاڭا اۋماعى قۇرىلىسى سياقتى كەلەلى مىندەتتەردى بار كۇشپەن تياناقتاندىرامىن“.
جۇڭگو مەن موڭعۇليا اراسىنداعى ەڭ ۇلكەن قۇرلىق جولى شەكارا وتكەلى سانالاتىن ىشكى موڭعۇل ىرليانحوت شەكارا وتكەلىندە ىرليان كەدەنى تەمىر جول باقىلاۋ - باسقارۋ 2 - ءبولىمىنىڭ قىزمەتكەرى سۇن حاۋران ۇشقىشسىز ۇشاق پەن زەردەلى جابدىقتاردان پايدالانىپ، جۇڭگو - ەۆروپا كەزەكشى پويەزىنىڭ تيەۋىش قوراپتارىن تەكسەرۋدە. سۇن حاۋران: ”باس شۋجي شي جينپيڭنىڭ جاۋاپ حاتىنىڭ ءار سوزىنەن زور شابىت الدىم. مەن كەدەن قوسىنىنىڭ تاماشا ستيلىن ساۋلەلەندىرىپ، جۇڭگو - ەۆروپا كەزەكشى پويەزدەرىن زەردەلى باقىلاۋ - باسقارۋ ونىمدىلىگىن ۇزدىكسىز جوعارىلاتىپ، جۇڭگو - ەۆروپا كەزەكشى پويەزدەرىنىڭ ورنىقتى، ىركىلىسسىز اينالىمىنا دەم بەرەمىن“ دەدى.
باس شۋجي شي جينپيڭ حونجيراپ كەدەنىندەگى بارشا كەدەن قىزمەتكەرلەرىنە جازعان جاۋاپ حاتىندا كەدەن جۇيەسىندەگى كادرلاردى، جۇمىسشى - قىزمەتكەرلەردى ”پارتيانى الاڭسىز ەتەتىن، حالىق رازى بولاتىن مەملەكەت قاقپاسىنىڭ قورعاۋشىلارى بولىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە بەلسەنە كۇش قوسۋعا“ شابىتتاندىردى.
چيڭداۋ كەدەنىنە قاراستى يانتاي كەدەنى باس شۋجي شي جينپيڭنىڭ جاۋاپ حاتىن ۇيرەنۋگە دەرەۋ ۇيىمداستىرۋ جاسادى. ”باس شۋجي شي جينپيڭنىڭ جاۋاپ حاتى ادامدى ەكپىندەي ىلگەرىلەۋگە جەبەيدى“. يانتاي كەدەنىنىڭ پورتتا تۇراتىن ءىس باسقارماسى سالىق جيناۋ - باسقارۋ ءبولىمىنىڭ باستىعى ۋاڭ جى - ۋەي مىنانى ءبىلدىردى: ”ءبىز قىزمەتتى تىڭعىلىقتى، دەن قويا ىستەپ، كەدەننەن ءوتۋ ۋاقىتىن قىسقارتۋ، ساۋدانى قولايلىلاندىرۋدى جەبەۋ سياقتى قىزمەتتەرگە كوبىرەك كۇش سالىپ، ناقتى شارالاردى كوبىرەك قولدانىپ، كاسىپورىننىڭ تابىس سەزىمىن ۇزدىكسىز جوعارىلاتامىز“.
”پارتيانى الاڭسىز ەتەتىن، حالىق رازى بولاتىن مەملەكەت قاقپاسىنىڭ قورعاۋشىلارى بولۋ − باس شۋجي شي جينپيڭنىڭ شىنايى ءۇمىتى، بۇل ءبىزدىڭ كەلەسى قادامداعى قىزمەتتەردى ويداعىداي ىستەۋىمىزگە ايقىن بەتالىس كورسەتتى“. چيڭداۋ كەدەنىنىڭ باستىعى شىن ياڭ مىنانى ءبىلدىردى: مەملەكەت قاقپاسىنىڭ حاۋىپسىزدىگىن قورعاۋ، زەردەلى كەدەن قۇرىلىسىن ىلگەرىلەتۋ، ساپالى دامۋعا قىزمەت وتەۋ، جوعارى دەڭگەيدە ەسىك اشۋ جاعىندا ىرىقتىلىقپەن جاۋاپكەرلىك ارقالاپ، ىسكەرلىك كورسەتىپ، رەفورمانى تەرەڭدەتىپ، قىزمەت وتەۋدى ساپالىلاندىرىپ، كاسىپورىنداردىڭ ونىمدىلىكتى ارتتىرۋىنا دەم بەرەمىز.
باتىس سولتۇستىكتەگى ىشكى قۇرلىققا ورنالاسقان لانجوۋ كەدەنىنە قاراستى پيڭلياڭ كەدەنىندە نەگىزگى ساتىنىڭ ءبىرىنشى شەبىندەگى كەدەن قىزمەتكەرى ليۋ شۋرۇڭ بىلاي دەدى: ”ءبىز، ءسوز جوق، باس شۋجيدىڭ ىقىلاستى تاپسىرماسىن ەستە بەرىك ساقتاپ، نەگىزگى ساتىنىڭ ءبىرىنشى شەبىنە تامىر تارتىپ، تاماشا ستيلدى اسقاقتاتىپ، باقىلاۋ - باسقارۋ ونىمدىلىگى مەن قىزمەت وتەۋ دەڭگەيىن ۇزدىكسىز جوعارىلاتىپ، جەرگىلىكتى ورىننىڭ كاسىپ سالاسىنىڭ دامۋىن، دارەجەسىن جوعارىلاتۋىن دەمەيمىز“.
گۋاڭجوۋ باييۇن اۋەجايى − بۇكىل ەلدەگى 3 ءىرى اۆياتسيا تورابىنىڭ ءبىرى، جىلدىق جولاۋشى قابىلداۋ - جونەلتۋ مولشەرى ءۇرتىس 3 جىل مەملەكەت بويىنشا ءبىرىنشى بولىپ، اۋە جەلىسى ەل ءىشى - سىرتىنداعى 230 نەشە اۋە قاتىناس تۇيىنىمەن تۇتاستى. گۋاڭجوۋ باييۇن اۋەجايى كەدەن مەكەمەسى جولاۋشىلاردى تەكسەرۋ 2 - باسقارماسى جولاۋشىلاردى تەكسەرۋ 1 - ءبولىمىنىڭ قىزمەتكەرى لاي شياۋيۇڭ مىنانى ءبىلدىردى: ”مەملەكەت قاقپاسىن جاقسى قورعاۋ سان مىڭداعان وتباسىنىڭ تىنىشتىعىنا سايادى، مەن باس شۋجي شي جينپيڭنىڭ تاپسىرماسىن باستان - اياق ەستە بەرىك ساقتاپ، قيىندىققا قارسى اتتانىپ، قاجىماي - تالماي كۇرەس جۇرگىزەمىن“.
كەدەن باس مەكەمەسىنىڭ قاتىستى جاۋاپتىسى مىنانى ءبىلدىردى: باس شۋجي شي جينپيڭنىڭ حونجيراپ كەدەنىندەگى بارشا كەدەن قىزمەتكەرلەرىنە جازعان جاۋاپ حاتى مەملەكەت قاقپاسىنىڭ قورعاۋشىلارىن بورىشتى باتىلدىقپەن ارقالاپ، تاعى دا تىڭ ۇلەس قوسۋعا شابىتتاندىردى. بۇكىل ەلدەگى كەدەندەر كەدەن قوسىنىنىڭ قىزمەت ورنىن تياناق ەتىپ، مىندەتىن اتقارىپ، جاۋاپكەرلىگىن ادا ەتىپ، ساپالى دامۋعا، جوعارى دەڭگەيدە ەسىك اشۋعا دەم بەرىپ، اناعۇرلىم زور جاۋاپكەرلىكپەن مەملەكەتتى قۇدىرەتتەندىرۋ قۇرىلىسىنا، ۇلتتىڭ گۇلدەنۋىنە بەلسەنە ۇلەس قوسادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
