2 - توپتاعى نەگىزگى تاقىرىپتىق تاربيەنى ىشكەرىلەي، تىڭعىلىقتى ورىستەتەيىك
جۇڭيىن
2023.09.13 15:14 كەلۋ قاينارى : حالىق تورابى
”1 - توپتاعى نەگىزگى تاقىرىپتىق تاربيە اياقتالدى، ۇزدىكسىز رەتتەۋ - تۇزەتۋ جانە ەرەجە - ءتۇزىم ورناتۋ قىزمەتىن ويداعىداي يگەرىپ، نەگىزگى تاقىرىپتىق تاربيەدە قاراستىرىلعان جاقسى تاجىريبەلەردى، جاقسى ادىستەردى باياندى مەحانيزمگە اينالدىرۋ كەرەك“. باس شۋجي شي جينپيڭ جۋىقتا حيلۇڭجياڭدا قىزمەت تەكسەرگەندە، نەگىزگى تاقىرىپتىق تاربيەنى ورىستەتۋ جونىندە ايقىن تالاپ قويىپ، ”2 - توپتاعى نەگىزگى تاقىرىپتىق تاربيە باستالدى، جەر - جەر عىلمي جوسپارلاۋدا، ءبىر تۇتاس ورنالاستىرۋدا، تۇرگە ءبولىپ جەتەكشىلىك ەتۋدە تاباندى بولىپ، ناقتى ونىمدىلىككە قول جەتكىزۋگە شىنايى كەپىلدىك ەتۋى كەرەك“ دەپ دارىپتەدى.
پارتيا ورتالىق كوميتەتىنىڭ ورنالاستىرۋىنا ساي، 2 - توپتاعى شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى ولكەدەن تومەنگى ءار دارەجەلى ورگانداردا جانە وعان توتە قاراستى ورىنداردا جانە باسقا دا نەگىزگى ساتى پارتيا ۇيىمدارىندا ورىستەتىلەدى، بيىل 9 - ايدان باستاپ، كەلەر جىلى 1 - ايدا نەگىزىنەن اياقتايدى. 2 - توپتاعى نەگىزگى تاقىرىپتىق تاربيەگە ساياتىن ورىندار مەن ادامداردىڭ كولەمى كەڭ، ءتۇرى كوپ، سانى مول، مىندەتى اۋىر، باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، ءتۇسىنىپ، دايەكتىلەندىرىپ، تياناقتاندىرىپ، ”يدەيانى ۇيرەنۋ، پارتيالىلىقتى كۇشەيتۋ، امالياتقا باسا ءمان بەرۋ، جاڭا ۇلەس قوسۋ“ جالپى تالابىن مىقتاپ ارقاۋ ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ سىندى نەگىزگى تاقىرىپتى، نەگىزگى ارقاۋدى جانە ءتۇبىرلى مىندەتتى مىقتاپ يگەرىپ، 1 - توپتاعى نەگىزگى تاقىرىپتىق تاربيەنىڭ تابىستى تاجىريبەلەرىنەن تولىق ۇلگى الىپ، پايدالانىپ، ۇيرەنۋدى، وي جۇگىرتۋدى، قولدانۋدى ساباقتاستىرۋدا، تانىمدى، سەنىمدى، ارەكەتتى بىرلىككە كەلتىرۋدە تاباندى بولىپ، 1 - توپتاعى نەگىزگى تاقىرىپتىق تاربيەمەن ۇشتاستىرۋدا، بايلانىستىرۋدا تاباندى بولىپ، ءتۇيىندى شارالاردى ورگانيكالى توعىستىرۋدا، ءبىر تۇلعادا ىلگەرىلەتۋدە تاباندى بولىپ، ”ۇيرەنۋ ارقىلى رۋحتى سومداۋ، ۇيرەنۋ ارقىلى پاراساتتى ارتتىرۋ، ۇيرەنۋ ارقىلى ستيلدى دۇرىستاۋ، ۇيرەنۋ ارقىلى ىستەۋدى جەبەۋ“ ماڭىزدى تالابىن جاپپاي تياناقتاندىرىپ، زەيىن - زەردەنى شوعىرلاندىرىپ، رۋحتى سومداۋ، قاسيەتتى شىڭداپ، ادالدىقتى كۇشەيتۋ، ناقتى ءىس ىستەپ، جاۋاپكەرلىك ارقالاپ، دامۋدى جەبەۋ، باستى ماقساتتى امالياتتا ايگىلەپ، حالىققا باقىت جاراتۋ، پاك، كوپشىل بولىپ، جاڭا سالت ورناتۋ نىساناسىن جۇزەگە اسىرۋعا شىنايى كەپىلدىك ەتۋ كەرەك.
2 - توپتاعى نەگىزگى تاقىرىپتىق تاربيەنى ىشكەرىلەي، تىڭعىلىقتى ورىستەتۋدە دۇرىس ساياسي بەتالىستى يگەرىپ، دارەجەگە، تۇرگە ءبولىپ جەتەكشىلىك ەتۋدى كۇشەيتىپ، ماسەلەنى باعدار ەتۋدى كورنەكتىلەندىرىپ، نەگىزگى ساتىنىڭ نەگىزىن كۇشەيتىپ، تاربيەنى اشىق جۇرگىزۋگە ءمان بەرىپ، ستيلدى قاتايتۋدا تاباندى بولۋ كەرەك. اۋدان، باسقارما دارەجەلىدەن جوعارى باسشىلىق القالارى مەن باسشى كادرلاردىڭ نەگىزگى تاقىرىپتىق تاربيەسىن كورنەكتى تۇردە مىقتى يگەرىپ، نازاريا ۇيرەنۋدى باستان - اياق ساباقتاستىرىپ، پارتيانىڭ جاسامپاز نازارياسىمەن وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتۋ؛ تەكسەرۋ - زەرتتەۋدى تىڭعىلىقتى ورىستەتىپ، ”تەرەڭ، ناقتى، ەگجەي - تەگجەيلى، ءدال، ءونىمدى“ بولۋدى كوكەيددە بەرىك ساقتاپ، تەكسەرۋ - زەرتتەۋ جەتىستىكتەرىن قىزمەتتى جاقسارتۋدىڭ، دامۋدى ىلگەرىلەتۋدىڭ ناقتى شاراسىنا شىن مانىندە اينالدىرۋ؛ ساپالى دامۋدى بار كۇشپەن ىلگەرىلەتىپ، نەگىزگى تاقىرىپتىق تاربيەنىڭ جەتىستىكتەرىن ساپالى دامۋدىڭ ونىمدىلىگىندە ايگىلەۋ، وزەكتى قىزمەتتى جەبەۋدە ايگىلەۋ؛ قاداعالاۋدىڭ، رەتتەۋ - تۇزەتۋدىڭ ناقتى ونىمدىلىگىن كۇشەيتىپ، ىشكەرىلەي قاداعالاپ، بورشالاپ، يدەيالىق قاينارىن تەرەڭ قازىپ، رەتتەۋ - تۇزەتۋدى تياناقتاندىرۋدى تەرەڭدەتۋ؛ ەرەجە - ءتۇزىم ورناتۋدى ويداعىداي ىستەپ، ”تاباندا تۇزەتۋ“ مەن ”باياندى ورناتۋدى“ ۇشتاستىرىپ، اتقارۋعا بولاتىن، ناقتى ىستەلەتىن، ۇزاق ۋاقىت كادەگە جارايتىن ءتۇزىم مەحانيزمىن ورناتۋ، اقاۋسىزداندىرۋ كەرەك. ناقتى دا جارامدى، قولايلى، اتقارۋعا يكەمدى شارالار ارقىلى نەگىزگى ساتى پارتيا ۇيىمىنىڭ نەگىزگى تاقىرىپتىق تاربيەسىن شىنايى يگەرىپ، نازاريا ۇيرەنۋدى ورىستەتىپ، پارتيا مۇشەلەرىن، كادرلاردى قىزمەت ورنىمەن، قىزمەت تالابىمەن تىعىز بايلانىستىرىپ، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنۋگە، تۇسىنۋگە جەتەكتەۋ؛ ءىس تىندىرىپ، ناتيجە شىعارۋدى ىلگەرىلەتىپ، پارتيا مۇشەلەرىن، كادرلاردى دامۋدى ىلگەرىلەتۋ، نەگىزگى ساتىنى جونگە سالۋ، بۇقاراعا قىزمەت وتەۋ بارىسىندا ىرىقتىلىقپەن ىسكەرلىك كورسەتۋگە، جاۋاپكەرلىك ارقالاپ، ءىس تىندىرۋعا جەتەكتەۋ؛ مۇقيات قاداعالاپ، رەتتەپ - تۇزەتۋ، نەگىزگى ساتى پارتيا ۇيىمدارى جوعارى دارەجەلى ۇيىمنىڭ ۇيعارىمىن اتقارۋ، ۇيىمدىق تۇرمىستى قاتايتۋ، پارتيا مۇشەلەرىن تاربيەلەۋدى، باسقارۋدى، باقىلاۋدى كۇشەيتۋ، بۇقارامەن بايلانىس ورناتۋ، بۇقاراعا قىزمەت وتەۋ، ءوز قۇرىلىسىن ويداعىداي يگەرۋ سياقتى جاقتاردى توڭىرەكتەي وتىرىپ قاداعالاپ، تالداۋ جاساپ، ماسەلەلەردى، ولقىلىقتاردى ءداپ باسىپ تاۋىپ، تۇرلەر بويىنشا رەتتەپ - تۇزەتۋدى تياناقتاندىرۋ كەرەك.
2 - توپتاعى نەگىزگى تاقىرىپتىق تاربيەنى ىشكەرىلەي، تىڭعىلىقتى ورىستەتۋ پارمەندى ۇيىمدىق باسشىلىقتان ايرىلا المايدى. ءار دارەجەلى پارتكومدار (پارتيا باسشىلىق گرۋپپالارى) نەگىزگى تاقىرىپتىق تاربيەنى يگەرۋدىڭ ساياسي جاۋاپكەرلىگىن ارقالاۋ، كاسىپ سالاسىن باسقارۋشى تاراۋلار كاسىپ سالاسىنىڭ جەتەكشىلىك رولىن ويداعىداي ساۋلەلەندىرۋ، باسشىلىق جەتەكشىلىكتى كۇشەيتۋ، پارمەندى، ءتارتىپتى ىلگەرىلەتۋ، 2 - توپتاعى نەگىزگى تاقىرىپتىق تاربيەنىڭ ساپاسىن كوتەرۋگە، ناقتى ونىمدىلىككە قول جەتكىزۋگە شىنايى كەپىلدىك ەتۋ كەرەك. نىسانا مەن تالاپتى ءدال تابۋعا باسا ءمان بەرىپ، ”يدەيانى ۇيرەنۋدى“ ماڭداي الدى مىندەت رەتىندە باستان - اياق ساباقتاستىرۋ؛ تۇرلەرگە ءبولىپ جەتەكشىلىك ەتۋدى كۇشەيتۋگە باسا ءمان بەرىپ، تۇرلىشە جىكتەگىلەرگە، تۇرلىشە سالالارعا، تۇرلىشە وبيەكتىلەرگە باعىتتاي وتىرىپ، ءار جاقتىڭ نەگىزگى تاقىرىپتىق تاربيەنى ورىستەتۋىنىڭ كۇش سالۋ ءتۇيىنى مەن كۇش شىعارۋ ءتۇيىنىن ءداپ باسىپ تاۋىپ، باعىتتامالىلىقتى، ناقتى ونىمدىلىكتى كۇشەيتۋ؛ ءىس جۇزىندىك ماسەلەلەردى شەشۋگە ءمان بەرىپ، تيپتىك مىسالداردى يگەرۋگە شەبەر بولىپ، ”ءبىر ماسەلەنى بورشالاۋ“ ارقىلى ”ءبىر ماسەلەنى شەشۋدى“ ىلگەرىلەتۋ؛ ءبىر تۇتاس جوسپارلاۋدى، ۇشتاستىرۋدى ويداعىداي يگەرۋگە ءمان بەرىپ، نەگىزگى تاقىرىپتىق تاربيەنى ءبىرىنشى توپتان ەكىنشى توپقا ويىستىرۋدا، ءسوز جوق، جوعارى مەن تومەن بىرلەسىپ قيمىلداۋدا تاباندى بولىپ، الدى مەن ارتىن ءبولىپ تاستاۋدان، مازمۇندىق جاقتا ءبىر - بىرىنەن قول ۇزۋدەن ساقتانۋ؛ فورماشىلدىقتان، تورەشىلدىكتەن ساقتانۋعا ءمان بەرىپ، بارلىعىندا ءىس جۇزىندىكتى شىعار ءتۇيىن ەتۋدە تاباندى بولىپ، ناقتى ونىمدىلىككە كوبىرەك كۇش سالۋ كەرەك.
بۇل رەتكى نەگىزگى تاقىرىپتىق تاربيە − جالپى جاعدايعا ساياتىن ءىرى ءىس. جەر - جەر، تاراۋلار، ورىندار وزەكتى ارقاۋ ەتۋدە، كەلەلى جاعدايعا قىزمەت وتەۋدە تاباندى بولىپ، نەگىزگى تاقىرىپتىق تاربيەنى ورىستەتۋدى پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋمەن، تياناقتاندىرۋمەن ۇشتاستىرىپ، ءوز ءوڭىرىنىڭ، ءوز تاراۋىنىڭ، ءوز ورنىنىڭ وزەكتى قىزمەتىن ىلگەرىلەتۋمەن ۇشتاستىرىپ، ەكى جاعىن دا يگەرۋدى، ەكى جاعىن دا جەبەۋدى ورىنداپ، پارتيا مۇشەلەرىنىڭ، كادرلاردىڭ تاسقىنداعان ۇيرەنۋ، قىزمەت ىنتاسىن قامال الىپ، قيىنشىلىقتى جەڭۋدىڭ، ءىس تىندىرىپ، ناتيجە شىعارۋدىڭ قۋاتتى قوزعاۋشى كۇشىنە اينالدىرۋدى ىلگەرىلەتۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
