ەكى مينيسترلىك پەن كوميتەت ۇلتتىق وڭىرلەردەگى اۋىل - قىستاقتاردىڭ گۇلدەنۋىنە دەم بەرۋدى ىلگەرىلەتۋ ءماجىلىسىن اشتى
2023.09.13 15:16 كەلۋ قاينارى : حالىق تورابى
ءتىلشىنىڭ مەملەكەتتىك ۇلت ىستەرى كوميتەتىنىڭ، اۋىل شارۋاشىلىعى جانە اۋىل - قىستاق مينيسترلىگىنىڭ 9 - ايدىڭ 11 - كۇنىنەن 12 - كۇنىنە دەيىن گانسۋ ولكەسى گاننان زاڭزۋ اۆتونوميالى وبلىسىندا اشقان ۇلتتىق وڭىرلەردەگى وبلىستاردىڭ، اۋدانداردىڭ كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ مەن اۋىل - قىستاقتى گۇلدەندىرۋدى ءونىمدى ۇشتاستىرۋدى جۇمىس باسىندا ىلگەرىلەتۋ ماجىلىسىنەن ۇعىسۋىنشا، بيىل جىل باسىنان بەرى قاتىستى جەرگىلىكتى ورىندار مەن تاراۋلار ۇلتتىق وڭىرلەر مەن كەدەيلىكتەن ارىلعان بۇقارانى ءونىمدى ۇشتاساتىن ءتۇيىندى ءوڭىر، ءتۇيىندى توپ ەتىپ، ساياسات، بايلىق، قىزمەت سياقتى جاقتاردا بەيىمدەلۋدى كۇشەيتىپ، ۇلتتىق وڭىرلەردىڭ كەدەيلىكتەن ارىلعان جان سانى كىرىسىنىڭ جالپى تۇلعالىق جاقتان ءبىرشاما تەز ارتۋىن جۇزەگە اسىردى.
ماجىلىستە ۇلتتىق وڭىرلەردىڭ كەدەيلىكتەن ارىلتۋدان قامال الۋ تابىستارىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى جەبەۋ جونىندە ورنالاستىرۋ جاسالىپ، قاتىستى جەرگىلىكتى ورىندار مەن تاراۋلاردان نازاريالىق ماسەلەلەردى زەرتتەۋدى كۇشەيتىپ، ۇلتتار ىنتىماعى، العاباسارلىعىنداعى وزات ورىن قۇرۋ قىزمەتىنىڭ تيپىن وزگەرتىپ، دارەجەسىن جوعارىلاتۋدى ىلگەرىلەتىپ، پارىقتى وڭىرلىك قولداۋ ساياساتىن ساپالىلاندىرىپ، قۋزاۋ ـ تەكسەرۋ جانە تەكسەرۋ ـ باعالاۋدىڭ ”قولباسشىلىق تاياعىنان“ ويداعىداي پايدالانىپ، جۇڭحۋا ۇلتى ورتاق تۇلعا تانىمىن بەرىك ورناتۋدى ۇلتتىق وڭىرلەردىڭ ءتۇرلى قىزمەتتەرىنە ساباقتاستىرۋدى ىلگەرىلەتۋدى تالاپ ەتتى.
بۇدان سىرت، ماجىلىسكە گانسۋ، سىچۋان، يۇننان سياقتى جەرلەردەن كەلگەن ۋاكىلدەر جەرگىلىكتى ورىننىڭ اۋىل ـ قىستاقتى گۇلدەندىرۋدى جەدەل ىلگەرىلەتۋ تاجىريبەلەرىن، ونىمدىلىگىن جانە جاڭالىق اشۋ شارالارىن تانىستىردى. جەر ـ جەردىڭ ۋاكىلدەرى ءوز وڭىرىندەگى اۋىل ـ قىستاقتى دامىتۋ، اۋىل ـ قىستاق قۇرىلىسى، اۋىل ـ قىستاقتى جونگە سالۋ سياقتى قىزمەتتەرمەن ۇشتاستىرىپ، مادەنيەت، وقۋ ـ اعارتۋ، كاسىپ سالاسى سياقتى تۇرلىشە جاقتاردان پىكىر اۋىستىردى. ءماجىلىس كەزىندە ۋاكىلدەر قىستاق، كاسىپورىن، ءماجىلىس - كورمە ورتالىعى سياقتى تەكسەرۋ تۇيىندەرىنە بارىپ، ۇلتتىق وڭىرلەردىڭ كاسىپ سالاسىنىڭ دامۋ جاعدايىن ىشكەرىلەي ۇعىستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
