وقۋ - اعارتۋ مينيسترلىگى «مەكتەپ سىرتىنداعى كۋرستەرگە اكىمشىلىك جازا بەرۋ ۋاقىتتىق ءادىسىن» جاريالادى
2023.09.13 15:22 كەلۋ قاينارى : حالىق تورابى
شينحۋا اگەنتتىگىنىڭ 9 – ايدىڭ 12 – كۇنى بەيجيڭنەن بەرگەن حابارى. ءتىلشىنىڭ 9 – ايدىڭ 12 – كۇنى وقۋ – اعارتۋ مينيسترلىگىنەن ۇعىسۋىنشا، وقۋ – اعارتۋ مينيسترلىگى تاياۋدا «مەكتەپ سىرتىنداعى كۋرستەرگە اكىمشىلىك جازا بەرۋ ءادىسىن» جاريالاعان، بۇل ءادىس 2023 – جىلى 10 – ايدىڭ 15 – كۇنىنەن باستاپ اتقارىلادى.
وقۋ – اعارتۋ مينيسترلىگىنىڭ مەكتەپ سىرتىنداعى وقۋ – اعارتۋ كۋرستەرىن باقىلاۋ – باسقارۋ مەكەمەسىنىڭ جاۋاپتىسى بىلاي دەدى: ”ەكىنى ازايتۋ“ رەفورماسى اتقارىلعان ەكى جىلدان بەرى، مەكتەپ سىرتىنداعى كۋرستەردى جونگە سالۋدا كەزەڭدىك تابىسقا قول جەتتى، الايدا ءوز بەتىمەن مەكتەپ سىرتىنداعى كۋرس قۇرىلىمدارىن قۇرۋ، كومەسكى، ءتۇرى وزگەرگەن مەكتەپ سىرتىنداعى كۋرستەردى جۇرگىزۋ سياقتى ماسەلەلەر ءالى دە تۇرلىشە دارەجەدە ورىن تەۋىپ وتىر، ءىشىنارا قۇرىلىمداردا ”اقشانى جيناپ الىپ قاشىپ كەتۋ“ ماسەلەسى ءالى دە وقتا - تەكتە تۋىلىپ وتىر، حالىق بۇقاراسىنىڭ زاڭدى ۇقىق – مۇددەسى ءالسىن - ءالى زيانعا ۇشىراپ وتىر، بۇل مەكتەپ سىرتىنداعى كۋرستەردىڭ زاڭ - ءتۇزىمىن اقاۋسىزداندىرىپ، زاڭ اتقارۋ جاۋاپكەرشىلىگى، زاڭ اتقارۋ ۇقىق شەگى، زاڭ اتقارۋ نەگىزى سياقتىلاردى ايقىنداپ، مەكتەپتەن سىرت تاربيەلەۋ، زاڭ اتقارۋدىڭ جۇيەلىلەنۋ، زاڭمەن جونگە سالىنۋ دەڭگەيىن جوعارىلاتۋدى، زاڭعا قايشىلىق جاساعاندارعا بوداۋ بەرگىزىپ، ەرەجەگە ۇيلەسكەندەردى قورعاپ، ”ەكىنى ازايتۋ“ رەفورماسىن قامتاماسىز ەتۋدە ۇزدىكسىز ناقتى ونىمدىلىككە قول جەتكىزۋدى وتە قاجەت ەتىپ وتىر.
«مەكتەپ سىرتىنداعى كۋرستەرگە اكىمشىلىك جازا بەرۋ ۋاقىتتىق ءادىسى» جالپى 6 تاراۋ 44 تارماق، وندا مەكتەپ سىرتىنداعى كۋرستەردىڭ اكىمشىلىك جازاسىن اتقاراتىن ورگان، قاراستىلىق جانە قولدانىلاتىن وبيەكتىسى، زاڭعا قايشى ارەكەت پەن زاڭدىق جاۋاپكەرشىلىك، جازالاۋ ءتارتىبى جانە اتقارۋ، زاڭ اتقارۋدى باقىلاۋ سياقتىلار جونىندە بەلگىلەمە شىعارىلعان.
ادىستە مىنالار ايقىن بەلگىلەندى: تابيعي تۇلعا، زاڭدىق تۇلعا نەمەسە باسقا دا ۇيىمدار قوعامنان 3 جاستان جوعارى وقۋ جاسىنا تولماعان بالالاردى، ورتا، باستاۋىش مەكتەپ وقۋشىلارىن قابىلداپ، زاڭعا قايشىلىق جاساپ مەكتەپ سىرتىندا كۋرس اشىپ، اكىمشىلىك جازا بەرۋگە تۋرا كەلسە، اتالعان ءادىس قولدانىلادى.
ادىستە مەكتەپ سىرتىندا كۋرس اشۋ اكىمشىلىك جازاسىن اۋدان دارەجەلىدەن جوعارى حالىق ۇكىمەتتەرىنىڭ مەكتەپ سىرتىندا كۋرس اشۋدى باسقارۋشى تاراۋلارى زاڭ بويىنشا اكىمشىلىك جازا بەرۋ ۇقىق شەگى بويىنشا اتقارىپ، جەلىدە جانە جەلىدەن تىس مەكتەپ سىرتىنداعى كۋرستاردىڭ قاراستىلىعى جونىندە جەكە - جەكە بەلگىلەمە شىعارادى دەپ بەلگىلەندى.
ادىستە بىلاي دەپ بەلگىلەنگەن: تابيعي تۇلعا، زاڭدىق تۇلعا نەمەسە باسقا دا ۇيىمدار تەكسەرىپ بەكىتۋدەن وتكىزبەي تۇرىپ مەكتەپ سىرتىندا كۋرس اشسا، سونىمەن بىرگە جەلىدەن تىس كۋرس اشۋ ارناۋلى تاربيەلەۋ ورنى بولسا نەمەسە جەلىدە كۋرس اشۋ ارناۋلى تورابى بولسا نەمەسە قولدانبالى جۇيەسى بولسا، وسى كاسىپپەن شۇعىلدانۋشى ادام سانى 2 دەن جوعارى بولسا، سايكەستى ۇيىمدىق قۇرىلىمى مەن جۇمىس ءبولىسى بولسا بولعانى ءوز بەتىمەن مەكتەپ سىرتىندا كۋرس اشۋعا جاتادى.
ادىستە ءپان تۇرىندەگى كومەسكى، ءتۇرى وزگەرگەن كۋرستى ءوز بەتىمەن اشۋ جاعدايى ايقىندالىپ، ”جەلىگە كوشۋ“، ”استىرتىن جۇرگىزۋ“، ”ٴتۇسىن وزگەرتۋ“ سياقتى 3 ءتۇرلى كومەسكى، ءتۇرى وزگەرگەن ارەكەتتەر، سونداي – اق ەڭ تومەنگى شەكتەن تۇسىرمەۋ تارماقتارىندا ەسكەرتۋ بەرۋدەن 100 مىڭ يۋاننان تومەن اقشالاي ايىپ سالۋ زاڭدىق جاۋاپكەرشىلىگى بەلگىلەندى.
ادىستە تاعى مىنالار ورتاعا قويىلدى: ورتا، باستاۋىش مەكتەپتەردە قىزمەت ىستەپ جاتقان وقىتۋشىلاردىڭ ءوز بەتىمەن ٴپان تۇرىندەگى اقىلى كۋرس اشۋ ارەكەتىن زاڭ بويىنشا اۋىر جازالاۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
