جۇڭگو مۇگەدەكتەر بىرلەستىگىنىڭ مەملەكەتتىك 8 - قۇرىلتايى بەيجيڭدە اشىلدى
شي جينپيڭ، لي چياڭ، جاۋ لىجي، ۋاڭ حۋنيڭ، ساي چي ماجىلىسكە قاتىناسىپ قۇتتىقتادى، ديڭ شۋەشياڭ پارتيا ورتالىق كوميتەتى، مەملەكەتتىك كەڭەس اتىنان ءسوز سويلەدى
2023.09.19 16:20 كەلۋ قاينارى : حالىق تورابى
 |
9 - ايدىڭ 18 - كۇنى جۇڭگو مۇگەدەكتەر بىرلەستىگىنىڭ مەملەكەتتىك 8 - قۇرىلتايى بەيجيڭدەگى حالىق سارايىندا اشىلدى. سۋرەتتە: ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءتوراعالار مىنبەسىندە ماجىلىسكە قاتىناسقان ۋاكىلدەرگە قۇرمەت بىلدىرۋدە. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
«حالىق گازەتى»، 9 - ايدىڭ 18 - كۇنى، بەيجيڭ (ءتىلشى لي چاڭيۇي). جۇڭگو مۇگەدەكتەر بىرلەستىگىنىڭ مەملەكەتتىك 8 - قۇرىلتايى 9 - ايدىڭ 18 - كۇنى تۇستەن بۇرىن بەيجيڭدەگى حالىق سارايىندا اشىلدى. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي قاتارلى پارتيا مەن مەملەكەت باسشىلارى ماجىلىسكە قاتىناسىپ قۇتتىقتادى، ديڭ شۋەشياڭ پارتيا ورتالىق كوميتەتى، مەملەكەتتىك كەڭەس اتىنان ءسوز سويلەدى.
حالىق سارايىنىڭ ۇلكەن زالىندا شامدار سامالاداي جارقىراپ، دۋماندى بەينەگە شومدى. ءتوراعالار مىنبەسىنىڭ جوعارعى جاعىنا ”جۇڭگو مۇگەدەكتەر بىرلەستىگىنىڭ مەملەكەتتىك 8 - قۇرىلتايى“ دەگەن جازۋ جازىلعان قۇرىلتاي بەلگىسى ىلىنگەن، ساحنا شىمىلدىعىنىڭ قاق ورتاسىنداعى جۇڭگو مۇگەدەكتەر بىرلەستىگىنىڭ گەربى ەرەكشە كوز تارتادى، 10 قىزىل تۋ ەكى جاعىنا ءبولىپ تىزىلگەن. 2 - قاباتتاعى مىنبەنىڭ ماڭدايشاسىنا ”شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، قالىڭ مۇگەدەكتەردى جۇڭگو ۇلگىسىندەگى وسىزامانداندىرۋ ۇردىسىندە اناعۇرلىم باقىتتى، تاماشا تۇرمىس جاراتۋعا ىنتىماقتاستىرا باستايىق!“ دەگەن جازۋ جازىلعان ۇلكەن كەرمە تۋ ىلىنگەن. ەلىمىزدىڭ جەر - جەرىنەن كەلگەن 600 دەن استام ۋاكىل 85 ميلليون مۇگەدەكتىڭ ماڭىزدى تاپسىرماسىن ارقالاپ قۇرىلتايعا قاتىناستى.
تۇستەن بۇرىن ساعات 10دا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلىلار ءماجىلىس الاڭىنا كىرگەندە، بۇكىل زالدان قىزۋ قول شاپالاق ءۇنى كوتەرىلدى.
قۇرىلتاي ايبىندى جۇڭحۋا حالىق رەسپۋبليكاسىنىڭ مەملەكەت انىمەن باستالدى.
ديڭ شۋەشياڭ پارتيا ورتالىق كوميتەتى، مەملەكەتتىك كەڭەس اتىنان «جۇڭگو ۇلگىسىندەگى وسىزامانداندىرۋ ۇردىسىندە مۇگەدەكتەردىڭ اناعۇرلىم باقىتتى، تاماشا تۇرمىسىن بىرگە جاراتايىق» دەگەن تاقىرىپتا ءسوز سويلەپ، قۇرىلتايدىڭ اشىلعانىن قىزۋ قۇتتىقتادى، بۇكىل ەلدەگى قالىڭ مۇگەدەكتەرگە، مۇگەدەكتەردىڭ تۋىس - تۋعاندارىنا، دوس - جاراندارىنا، مۇگەدەكتەر قىزمەتكەرلەرىنە شىنايى سالەم جولدادى، مۇگەدەكتەر ىسىنە كوڭىل بولگەن، قولداۋ كورسەتكەن قوعامنىڭ ءار سالاسىنداعى قايراتكەرلەرگە شىن جۇرەكتەن العىس ايتتى.
ديڭ شۋەشياڭ ارناۋ سوزىندە مىنالاردى ءبىلدىردى: شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاڭا داۋىردەگى 10 جىلدا ەلىمىزدىڭ مۇگەدەكتەر ءىسى قارىشتاپ دامۋدىڭ جاڭا جاعدايىن اشىپ، ”جاپپاي دوڭگەلەك داۋلەتتى قوعام ورناتۋدا مۇگەدەكتەردىڭ بىردە - ءبىرىن قاعىس قالدىرۋعا بولمايدى“ دەگەن نىسانانى دەر كەزىندە جۇزەگە اسىردى. قالىڭ مۇگەدەكتەر ارماندى سەرىك ەتىپ، داۋىرمەن بىرگە العا باسىپ، قايسارلىقپەن كۇرەس جۇرگىزۋ ارقىلى تاماشا ارماندى رەالدىققا اينالدىرىپ، ءىس جۇزىندىك ارەكەتتەرى ارقىلى تالىقپاي تالپىناتىن ۇلى ۇلتتىق رۋح پەن ءداۋىر رۋحىن جاندى ءتۇسىندىردى.
ديڭ شۋەشياڭ مىنالاردى دارىپتەدى: پارتيانىڭ 20 - قۇرىلتايىندا مۇگەدەكتەردى قوعامدىق قامتاماسىزداندىرۋ ءتۇزىمى مەن قامقورلىق جاساۋ، قىزمەت وتەۋ جۇيەسىن كەمەلدەندىرۋ، مۇگەدەكتەر ىستەرىنىڭ جاپپاي دامۋىن جەبەۋ جونىندە ايقىن تالاپتار قويىلدى. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، باس شۋجي شي جينپيڭنىڭ مۇگەدەكتەر ىستەرىنىڭ دامۋى جونىندەگى ماڭىزدى پايىمداۋلارى مەن ماڭىزدى نۇسقاۋلارىنىڭ، بەكىتۋلەرىنىڭ رۋحىن جاپپاي دايەكتىلەندىرىپ، تياناقتاندىرىپ، بارابار بولۋ، توعىسۋ، بىرگە يگىلىكتەنۋ سىندى قۇن باعدارىن مىقتاپ يگەرىپ، مۇگەدەكتەر ىستەرىنىڭ وسىزاماندانۋىن ىلگەرىلەتۋدىڭ تاريحي بورىشىن مىقتاپ يگەرىپ، مۇگەدەكتەردىڭ بىرگە بايۋىن ىلگەرىلەتۋدىڭ نىسانا - مىندەتتەرىن مىقتاپ يگەرىپ، مۇگەدەكتەر ىستەرىنىڭ جاپپاي دامۋى جەبەۋ كەرەك. ءار دارەجەلى پارتكومدار مەن ۇكىمەتتەر مۇگەدەكتەر ءىسىنىڭ باسشىلىق ءتۇزىلىسىن ونان ارى كەمەلدەندىرىپ، ءار دارەجەلى ۇكىمەتتەردىڭ مۇگەدەكتەر قىزمەتى كوميتەتتەرى ءبىر تۇتاس جوسپارلاپ سايكەستىرۋدى كۇشەيتىپ، قاتىستى تاراۋلار مەن ورىندار تىعىز سايكەسىپ، ءار دارەجەلى مۇگەدەكتەر بىرلەستىگى مىندەتىن مۇقيات اتقارىپ، جاۋاپكەرلىگىن ادا ەتىپ، قالىڭ مۇگەدەكتەردىڭ ءوزىن قۇرمەتتەۋ، وزىنە سەنۋ، ءوزىن الۋەتتەندىرۋ، ءوز كۇشىنە سۇيەنۋ رۋحىن ۇزدىكسىز ساۋلەلەندىرىپ، جۇڭگو ۇلگىسىندەگى وسىزامانداندىرۋ بارىسىندا مۇگەدەكتەردىڭ اناعۇرلىم باقىتتى، تاماشا تۇرمىسىن بىرگە جاراتۋى كەرەك (ءسوزدىڭ تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).
جۇڭحۋا مەملەكەتتىك ايەلدەر بىرلەستىگى پارتيا باسشىلىق گرۋپپاسىنىڭ شۋجيى، شۋجيچۋىنىڭ ءبىرىنشى شۋجيى حۋاڭ شياۋۋەي جۇڭحۋا مەملەكەتتىك باس جۇمىسشى ۇيىمى، جۇڭگو كوممۋنيستىك جاستار وداعى ورتالىق كوميتەتى، جۇڭحۋا مەملەكەتتىك ايەلدەر بىرلەستىگى، جۇڭگو ادەبيەت - كوركەمونەرشىلەر بىرلەستىگى، جۇڭگو جازۋشىلار قوعامى، جۇڭگو عىلىم - تەحنيكا قوعامى، جۇڭحۋا مەملەكەتتىك وتانعا ورالعان مۇھاجىرلار بىرلەستىگى، جۇڭحۋا مەملەكەتتىك تايۋاندىق باۋىرلاستار دوستىق قوعامى اتىنان قۇرىلتايدا قۇتتىقتاۋ ءسوزىن سويلەدى. قۇتتىقتاۋ سوزىندە بىلاي دەپ اتاپ كورسەتىلدى: بۇقارالىق ۇيىمدار تاڭداۋلى ءداستۇردى ۇزدىكسىز ساۋلەلەندىرىپ، ءوز ارتىقشىلىقتارىن تولىق ساۋلەلەندىرىپ، وزدەرى بايلانىس جاسايتىن بۇقارانى اناعۇرلىم بەرىك سەنىممەن، اناعۇرلىم اسقاق جىگەرمەن پارتياعا ىلەسىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ داڭعىل جولىمەن ءجۇرىپ، جاڭا داۋىردەگى پارتيانىڭ بۇقارالىق ۇيىمدار قىزمەتىنىڭ جاڭا تاراۋىن بىرگە جازۋعا باستاۋى كەرەك.
جۇڭگو مۇگەدەكتەر بىرلەستىگىنىڭ ءتوراعاسى جاڭ حايدي جۇڭگو مۇگەدەكتەر بىرلەستىگىنىڭ 7 - كەزەكتى ءتوراعالار القاسى اتىنان قۇرىلتايعا «شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە مۇگەدەكتەر ىستەرىنىڭ جاپپاي دامۋىن ىلگەرىلەتۋ جولىندا قۇلشىنا كۇرەس جۇرگىزەيىك» دەگەن تاقىرىپتا قىزمەت بايانداماسىن جاسادى.
ج ك پ ورتالىق كوميتەتى ساياسي بيۋروسىنىڭ ءىشىنارا مۇشەلەرى، ورتالىق كوميتەت شۋجيچۋىنىڭ ءىشىنارا شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى قاتىستى باسشى جولداستار ماجىلىسكە قاتىناستى.
ورتالىق پەن مەملەكەت ورگاندارىنىڭ قاتىستى تاراۋلارىنداعى، حالىقتىق ۇيىمدارداعى، ارميانىڭ قاتىستى ورىندارىنداعى جانە بەيجيڭ قالاسىنداعى جاۋاپتى جولداستار، دەموكراتيالىق پارتيا - توپتاردىڭ ورتالىق كوميتەتتەرىنىڭ جانە مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى، جۇڭگو مۇگەدەكتەر بىرلەستىگىنىڭ مەملەكەتتىك 8 - قۇرىلتايىنىڭ ۋاكىلدەرى قاتارلىلار قۇرىلتايدىڭ اشىلۋ سالتىنا قاتىناستى.
كەلۋ قاينارى: حالىق تورابى
 |
9 - ايدىڭ 18 - كۇنى جۇڭگو مۇگەدەكتەر بىرلەستىگىنىڭ مەملەكەتتىك 8 - قۇرىلتايى بەيجيڭدەگى حالىق سارايىندا اشىلدى. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ قاتارلىلار ءتوراعالار مىنبەسىنەن ورىن الىپ، ءماجىلىستىڭ اشىلعانىن قۇتتىقتادى. سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
