ساي چي 2023 - جىلى مەملەكەتتىك عىلىم جالپىلاستىرۋ كۇنى نەگىزگى مايدان قيمىلىنا قاتىناستى
2023.09.19 16:21 كەلۋ قاينارى : حالىق تورابى
«حالىق گازەتى»، 9 - ايدىڭ 18 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي 9 - ايدىڭ 18 - كۇنى تۇستەن كەيىن بەيجيڭدەگى استانا بولات - تەمىر باقشاسىنا كەلىپ، مەملەكەتتىك عىلىم - تەحنيكانى جالپىلاستىرۋ كۇنىنىڭ نەگىزگى مايدان قيمىلىنا قاتىناستى. ساي چي مىنالاردى اتاپ كورسەتتى: باس شۋجي شي جينپيڭنىڭ عىلىم جالپىلاستىرۋ جانە عىلىم ساپاسى قۇرىلىسى جونىندەگى ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، عىلىم جالپىلاستىرۋ قىزمەتىن ۇزدىكسىز جاقسى ىستەپ، جالپى حالىقتىڭ عىلىم ساپاسىن جوعارىلاتىپ، عىلىم - تەحنيكادا جاڭالىق اشۋ سەنىمىن تاسقىنداتىپ، جوعارى دەڭگەيدەگى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدى ىسكە اسىرۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ ءۇشىن تىڭ دا اناعۇرلىم زور ۇلەس قوسۋ كەرەك.
ساي چي ىلگەرىندى - كەيىندى ”جول باستاپ، رول ۇستاپ، شۇعىلالى ناتيجە جاراتۋ“، ”وزىنە سەنىپ، مەملەكەتتى قۇدىرەتتەندىرۋ ارمانى“، ”عىلىم - تەحنيكا ارقىلى حالىق تۇرمىسىنا تيىمدىلىك جاساۋ“ كورمە رايوندارىن ەكسكۋرسيالاپ، عىلىم - تەحنيكا جالپىلاستىرۋ ىستەرىنىڭ دامۋ ونىمدىلىگىن ۇعىستى، اۋە كەڭىستىگىن بارلاۋ، عارىشقا ادام الىپ ۇشۋ، مۇناي - حيميا ونەركاسىبى، اۋىل - قىستاقتى گۇلدەندىرۋ سياقتى ارناۋلى تاقىرىپتىق كورمە تۇرلەرىن كوردى، عىلىم - تەحنيكا قىزمەتكەرلەرىمەن ىقىلاسپەن اڭگىمەلەستى. ول مىنالاردى اتاپ كورسەتتى: باس شۋجي شي جينپيڭ عىلىم - تەحنيكادا جاڭالىق اشۋ جانە عىلىم جالپىلاستىرۋ قىزمەتىنە ايرىقشاءمان بەرىپ، عىلىم جالپىلاستىرۋ جانە عىلىم ساپاسى قۇرىلىسى قىزمەتى جونىندە جەلىلەس ماڭىزدى نۇسقاۋ بەرىپ جانە پايىمداۋ جاساپ، عىلىم جالپىلاستىرۋ ىستەرىندە تاريحي تابىستارعا قول جەتكىزۋگە جەتەكشىلىك ەتۋدە. ءار دارەجەلى عىلىم - تەحنيكا قوعامدارى، قوعامنىڭ ءار سالاسى، قالىڭ عىلىم - تەحنيكا قىزمەتكەرلەرى نازاردى ”مەملەكەتتىڭ زور ىسىنە“ شوعىرلاندىرىپ، ىرىقتىلىقپەن جاۋاپكەرلىك ارقالاپ، ىسكەرلىك كورسەتىپ، عىلىم جالپىلاستىرۋدىڭ جاڭالىق اشا دامۋدى جۇزەگە اسىرۋداعى ماڭىزدى نەگىزدىك رولىن شىن مانىندە ويداعىداي ساۋلەلەندىرۋى كەرەك.
”عىلىم جالپىلاستىرۋ جانە تابىستى جىلدار“، ”عىلىم تاربيەسىن كۇشەيتۋ“ كورمە رايوندارىندا ساي چي جاساندى زەردە كاسىبى دامۋىنىڭ جاڭا اياق الىسىن ناقتى ۇعىسىپ، مەكتەپ، قوعامنىڭ عىلىم وقىتۋىن جاقسى ىستەتۋدەگى جاڭالىق جاراتۋ ىزدەنىسىن كوردى، ”ورتا مەكتەپ وقۋشىلارى دارىندىلارى جوسپارى“ جولعا قويىلعان 10 جىلدان بەرى مەملەكەتتىڭ نەگىزدىك زەرتتەۋ دارىندىلارىن تاربيەلەۋ قىزمەت امالياتى جانە بەيجيڭ - تيانجين - حىبەي جاستار مەن ورەندەردىڭ عىلىم - تەحنيكادا جاڭالىق جاراتۋ ناتيجەلەرى تۋراسىنداعى تانىستىرۋدى تىڭدادى، سول مايدانداعى وقۋ - اعارتۋ قىزمەتكەرلەرىمەن، جاستارمەن، ورەندەرمەن ىقىلاسپەن اڭگىمەلەسىپ، جاستار مەن ورەندەردى عىلىم ارمانىن كوكەيىندە ساقتاپ، جاڭالىق اشۋ مۇراتىن ورناتىپ، جوعارى دەڭگەيدەگى عىلىم – تەحنيكادا ءوز كۇشىنە سۇيەنىپ ءوزىن الۋەتتەندىرۋدى جۇزەگە اسىرۋعا ەرتەرەك ۇلەس قوسۋعا شابىتتاندىردى.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ۇگىت ءبولىمىنىڭ باستىعى لي شۋلەي قيمىلعا قاتىناستى.
مەملەكەتتىك عىلىم - تەحنيكا جالپىلاستىرۋ كۇنى قيمىلى − «جۇڭحۋا حالىق رەسپۋبليكاسىنىڭ عىلىم - تەحنيكا جالپىلاستىرۋ زاڭىن» دايەكتى تياناقتاندىرىپ، قالىڭ عىلىم - تەحنيكا قىزمەتكەرلەرى مەن قوعامداعى ءار جاقتى عىلىم - تەحنيكا جالپىلاستىرۋعا كەڭىنەن ات سالىسۋعا، عىلىمدى جالپىلاستىرۋعا ات سالىسۋعا جۇمىلدىراتىن، الەۋمەتكە تىكە باعىتتالاتىن، بۇقاراعا قىزمەت وتەيتىن ماڭىزدى عىلىم - تەحنيكا جالپىلاستىرۋ قيمىلى. 2004 - جىلدان باستاپ ءۇرتىس 20 كەزەك وتكىزىلىپ، جالپى 400 مىڭنان استام رەت ءتۇيىندى عىلىم جالپىلاستىرۋ قيمىلى وتكىزىلدى. 2023 - جىلعى مەملەكەتتىك عىلىم - تەحنيكا جالپىلاستىرۋ كۇنى قيمىلى ” جالپى حالىقتىڭ عىلىم ساپاسىن جوعارىلاتىپ، عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋگە دەم بەرۋدى“ نەگىزگى تاقىرىپ ەتىپ، بۇكىل ەلدىڭ جەر - جەرىندەگى الەۋمەتكە باي مازمۇندى، الۋان فورمالى جەلىلەس عىلىم - تەحنيكا جالپىلاستىرۋ قىزمەتىن وتەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
