ەلىمىز دۇنيە جۇزىندەگى ەڭ ءىرى كەمە يەسى ەلىنە اينالدى (جاڭا ساندى مالىمەت، جاڭا ءتۇيىن)
كەمە كەرۋەنىنىڭ جالپى كولەمى 249 ميلليون 200 مىڭ تونناعا جەتتى
2023.09.19 16:24 كەلۋ قاينارى : حالىق تورابى
«حالىق گازەتى»، 9 - ايدىڭ 18 - كۇنى، بەيجيڭ (ءتىلشى حان شين). ءتىلشىنىڭ بەيۋايتان حالىقارالىق تەڭىز تاسىمالى تالقى مىنبەرىنىڭ اقپار جاريالاۋ ماجىلىسىنەن ۇعىسۋىنا قاراعاندا، قازىر ەلىمىز 100 دەن استام مەملەكەت جانە رايونمەن تەڭىز جولى قاتىناسىن ورناتىپ، قىزمەت وتەۋ تورابىن ۇزدىكسىز كەمەلدەندىرىپ، تەڭىز تاسىمالىنىڭ جالعانۋى دۇنيە ءجۇزى بويىنشا الدىڭعى قاتاردا تۇرعان. ەلىمىزدىڭ كەمە يەلەرى كەمە كەرۋەنىنىڭ كولەمى 249 ميلليون 200 مىڭ تونناعا جەتىپ، جالپى تونناجى بويىنشا دۇنيە جۇزىندەگى ەڭ ءىرى كەمە يەسى ەلىنە اينالعان.
جالپىلىق قاتىناس - تاسىمال جۇيەسىنىڭ ماڭىزدى قۇرامداس بولىگى رەتىندە، تەڭىز تاسىمالى كاسىبى ەكونوميكالىق، قوعامدىق دامۋعا جانە مەملەكەتتىڭ كەلەلى ستراتەگياسىنا قىزمەت وتەۋدىڭ، جۇڭگو ۇلگىسىندەگى وسىزامانداندىرۋدى جۇزەگە اسىرۋعا دەم بەرۋدىڭ ماڭىزدى تىرەگى سانالادى. قازىر بۇكىل ەل بويىنشا سۋ جولى زات تاسىمال مولشەرى، زات اينالىمى مولشەرى جالپىلىق قاتىناس - تاسىمال جۇيەسىندە جەكە - جەكە %16.9 جانە %53.5 كە جەتتى. تەڭىز تاسىمالى ەلىمىزدىڭ شامامەن %95 سىرتقى ساۋدا تاسىمال مولشەرىن ۇستىنە الىپ، استىق، ەنەرگيا بايلىعى سياقتى ءتۇيىندى زاتتىق بۇيىمدار تاسىمالى مەن حالىقارا، ەل ىشىندەگى زات اينالىمى قامداۋ تىزبەگىنىڭ حاۋىپسىز، ورنىقتى، ىركىلىسسىز بولۋىن قامتاماسىزداندىرۋدا ماڭىزدى رول اتقاردى.
پورتتىڭ جۇك تاسىمال مولشەرىنە قاراعاندا، ەلىمىز پورتتارىنىڭ جۇك قابىلداۋ - جونەلتۋ مولشەرى مەن جۇك قورابىنىڭ قابىلداۋ - جونەلتۋ مولشەرى ءۇرتىس كوپ جىل دۇنيە ءجۇزى بويىنشا ءبىرىنشى ورىندا تۇرعان، دۇنيە ءجۇزى بويىنشا جۇك قورابىنىڭ قابىلداۋ - شىعارۋ مولشەرى الدىڭعى 10 ورىنداعى پورتتاردىڭ ىشىندە ەلىمىز جەكە - جەكە 8 - جانە 7 - ورىندى ۇستاعان. 2022 – جىلى بۇكىل ەل بويىنشا پورتتاردىڭ زات قابىلداۋ – جونەلتۋ مولشەرى 15 ميلليارد 685 ميلليون تونناعا، تيەۋىش قوراپ قابىلداۋ مولشەرى 296 ميلليون ولشەمدى قوراپقا جەتكەن.
ىشكى وزەندەردىڭ جۇك تاسىمال مولشەرىنە كوز جىبەرسەك، ەلىمىزدىڭ ىشكى وزەندەرىنىڭ جۇك تاسىمال مولشەرى ءۇرتىس كوپ جىل دۇنيە ءجۇزى بويىنشا ءبىرىنشى ورىندا تۇردى، ىشكى وزەندەردىڭ قاتىناۋ ارالىعى دۇنيە ءجۇزى بويىنشا ءبىرىنشى ورىندا تۇردى، چاڭجياڭ وزەنى نەگىزگى جەلىسى ءۇرتىس كوپ جىل بويى دۇنيە جۇزىندەگى ىشكى وزەن تاسىمالىنىڭ ەڭ قاربالاس، تاسىمال مولشەرى ەڭ كوپ دۋماندى سۋ جولىنا اينالدى. 2022 – جىلى ەلىمىزدىڭ ىشكى وزەن تاسىمالىندا ورىنداعان جۇك مولشەرى 4 ميلليارد 402 ميلليون توننا، زات اينالىمى مولشەرى ءبىر تريلليون 900 ميلليارد توننا - كيلومەتر بولىپ، وڭىرلىك ەكونوميكانىڭ دامۋىنا تىرەك بولۋ، قىزمەت وتەۋ، قامتاماسىزداندىرۋ قۋاتى كورنەكتى ارتتى.
زەردەلىلەنگەن دامۋعا كوز جىبەرسەك، ەلىمىز 16 اۆتوماتتاندىرىلعان تيەۋىش قوراپ كەمەجايىن سالدى، قازىر 10 نەشەسى سالىنىپ جاتىر، سالىنىپ بولعانىنىڭ جانە سالىنىپ جاتقانىنىڭ كولەمى دۇنيە ءجۇزى بويىنشا الدىڭعى ورىندى يەلەيدى. قازىر بۇكىل ەل بويىنشا ەلەكتروندىق سۋ جولى كارتاسىن جاريالاۋ ارالىعى 5 مىڭ 700 كيلومەتردەن استى، چاڭجياڭ سۋ جۇيەسىنىڭ ەلەكتروندىق سۋ جولى كارتا تارماعىن ۇلاستىرۋ ۇزدىكسىز ىلگەرىلەتىلىپ، سۋ جولىن باقىلاۋ - ولشەۋ، ساتىلى كەمە توسپاسىن بىرلەسىپ ورنالاستىرۋ، قىزمەت وتەۋ رايونىنىڭ فۋنكتسياسىن جوعارىلاتۋ سياقتىلار جەدەل دامىدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
